السلام عليكم

مبروك تقليص الفارق والقادم أحلى إن شاء الله

ـــ

ياجماعة الخير بابدى المشاكل علطول ههههههههههههه

مدري انا العميان ولا انتم

بالنسبة لميسي يا شباب ميسي متغير موب المشكلة في ريكارد صدقوني المشكلة في ميسي نفسه، ريكارد ماغير خانته وراجعوا المباراة مرة ثانية أكثر وقت ميسي كان في الجناح اليمين، لكن المشكلة في ميسي اللي مدري وش جاه يستلم الكورة ولا يفكها الا اذا انقطعت، في لقطة بويول بغى يطقه ههههههههههه

وبعدين أعيد و أكرر ميسي لو كان في يومه موب هو اللي يلزمه المدرب بخانه معينه بالعكس تغيير المراكز شيء حلو في الهجوم ومن خبرنا برشلونة وهو يعتمد على هالشيء يعني موب شيء جديد.

فيه لقطة حقدت على ميسي فيها هنري استلم كورة عالجناح اليمين ميسي يتمشى عند القوس تقريباً وجيوفاني عالجناح اليسار، المفروض انك يا بطل يا ملك يا ميسي انطلقت بسرعتك المعهودة للقائم الأول عشان تنتظر عكسة هنري موب تقعد تتمشى؟!! <== لا تعليق.

بإختصار بالنسبة لهالنقطة العلة في ميسي هو اللي متغير، موب ريكارد هذي طريقته من خبرناه وبرشلونه مبدع فيها.

بالنسبة لجيوفاني اللاعب توه صغير ويحتاج توجيه بصراحة وهو شكله موب تارك أنانيته الا اذا جاب الهدف الأول له مع برشلونة، لكن اللاعب عالأقل يكافح ويضغط عالخصم ويحاول، لكن ميسي الله يجزاه خير يتمشى مدري وشبلاه

أتمنى ريكارد ينتبه لهالشيء ويوجه ميسي ويقبص على اذنه على قولة واحد من الشباب في الرابطة

ريكارد له أخطاء ماقول لأ و أولها ادميلسون اللي من الموسم اللي راح وانا ماقتنعت به ودي انه هو اللي طلع وموتا هو اللي قعد، بصراحة ما أتمنى اشوفه مع برشلونة الموسم الجاي. اذا كنت يا ريكارد تقول يايا توريه مرهق ياخي طيب لعب اكزافي محور دفاعي ولا تلعب ادميلسون.

زي ماقلت ريكارد له أخطاء لكن صدقوني يعني ميب ذيك الأخطاء اللي تخلينا نحط كل اللوم عليه.

يعني لو رجعنا لهدف سرقسطة واضح خطأ من اللاعبين بويول وماركيز، بويول تارك خانته وماركيز  مع أني أشوف انه بريء وأنها ضربة جزاء غير صحيحة، لكن المفروض انك ما تعطي الحكم فرصة خصوصاً اذا كان الحكم مرتبك.

أتمنى المباراة الجاية يبدا رونالدينهو من البداية مع ايتو وميسي والوسط يايا واكزافي و انييستا والدفاع أتمنى عودة زامبروتا وبويول للقلب مع ميليتو وابيدال طبعاً.

الاستديو التحليلي بعد المباراة قال طارق ذياب فيه برشلونة سرق المباراة بمساعدة الحكم، وفعلاً هالشيء يدل على تحيز الاستديو التحليلي وقناة الجزيرة بشكل عام لبرشلونة هههههههههههههههههههه لا تعليق

ياطارق يا ذياب انت عارف وانا عارف أن كثير من المباريات حصلت فيها أخطاء و حصل فيها سرقات على قولتك وش معنى الحين تركت المباراة كلها وحطيت حيلك في الحكم؟!

وبعدين ليه تنسى ضربة الجزاء الخيالية اللي حسبها الحكم لسرقسطة؟! واللي أحسها أوضح من ضربة الجزاء حقتنا، لأن ماركيز مالمس المهاجم إطلاقاً لكن سرقسطة أي حكم يمكن يحسبها لأنها ماكانت واضحه حتى اللي يناظرونها من التلفزيون ماكانت واضحه لهم.

ـــ

أعذرونا على اللهجة لكن مالي نفس

ولا تحطون ردي في مابعد المباراة عشان ماتفشلوني

ودي نشوف تغطية شاملة لمباراتنا الجاية مع السيلتيك يا شباب وش رايكم؟