وش دعـوى ما سـوينـا شـئ .. اذا مـا فزعـت لود العـم افـزع لمـيـن ؟؟ .. انـا أســتـأذنكـم ..

السلام عليكم

صباح الخير لاحلى جمهووور كاتلوني ....

بصراحه .. مستوى اقدر اقووول جيد جدا للبرسا اما اشبيليه كان يرغب بالفوز بس تصدى له خط دفاع صلب اسفر عنه بطاااقات صفراء ... (( دليل الضغط عليهم )) بس الله ستر ..

فالديز ... ابدع بس فيه فترات يسرح ما يفوق الا والكوره عنده .. بس ما قصر اعطيه 9 من 10
خط الدفاااع ممتاز بالرغم من التغيرات اللي فيه ... عيبه .. العمق حقه لك عليه بعد ما راح بيول يمين .. 9 من 10
الوسط وما ادراك ما الوسط .. وينك يا ديكو . .. اللي لاحظته ولا كووره صح لهنري او ايتو .. يا د\ووب اذا طلعوا يجيبون الكوووره نعطيهم 7 من 10

الهجوووووووووووووم (( اثنين زي بعض في نفس المربع )) ما يصلحوووون .. لكن ريكارد عنده فلسفه بعض الاحيان ... بس اشوى سجل هنرري ... نعطيهم 9 من 10

بعض فترات المباره كانت بارده زي برد الرياض..
يوسف سيف الظاهر كان يبي ينااام ....ووقت المباراه غيرمناسب له على الاطلاق .. بااااارد مررره
هذا اللي اقدر اشارك فيه .. من متابعتي للمباراه
.....
تحياتي

مباراه حلوهـ نوعا

تعادل حلو بأرضهم
نجم المباراه بلا منازع ماركيز ابدع بالدفاع وابدع بنقله لكره الهدف وابدع بالمحور

المدرب الى متى بيظل على عناده ولعبه ببويول بالظهير اليمين ما عاد نشوف انطلاقات من الاطراف ابد

ايتو مو بجو المباراه ابد وكنت اتمنى يشرك بويان مكانه بوقت مبكر

بالتوفيق بالمباراه الجايه

كل ماقال سليمان هانت جد علمن جديد

ادميلسون يوم تفألنا بعودته ،، وتعويضه لغياب توريه اصيب
وبيغيب اسبوعين على الأقل

لترجمة الخبر

وش سالفت الفريق مع لعنه الاصابات

يشوفون لهم حل اما بالجهاز الطبي او بتدريبات الفريق اللياقيه وتقويه العضلات مو شي

كل مباراه لازم اصابه او اكثر

العيب مو باللاعبين العيب بالي يجهزهم بدنيا

..

..



نتيجة جيدة لأبعد الحدود على ملعب اشبيلية ،
كنت اتوقع اشبيلية ينهي المباراة وهو فايز على ملعبه ، لكن الحمدلله هنري كان في الفورمه في هجمة الهدف
بصراحة خفت ان هنري يضيعها لأنه في مباريات قبل ضيع هجمات قريبة من هـ الهجمة ..
ماعلينا ، هنري امس وحش بكل ما تعنيه كلمة الوحش من دلائل ومعاني سامية وانسانية وحتى خنفشارية ..
يا ناس انا ابي ايتو و رونا يتعلمون منه ، مهاجم يرجع مع كل هجمة للخصم
ويجيب الكورة من الدفاع ويرسلها للهجوم ، وفي لقطة حلوة له اظن الدقيقة 5 لما جاء من الجناح
وانبرررررش على فابيانو واخذها منه بكل سلاسة ..

ايتو خلاص تفكير الولد كله مع منتخبه ، واضح انه يفكر في غانا
او ان شعره مسبب له ضعف في التفكير .. ترا اقرب حلاق ويرجعلنا ايتو زي اول
من جد قهرني امس في التمركز ، هنري يتعب ويوصل الكورة ويحولها لـ جيوفا مناك وايتو توه
يفكر ياخذ مكان زي البشر عشان يمررون له الكورة ،
على العموم باقي مباراة وحدة يا ايتو ضد مورسيا ، تجمل فيها قبلما تروح غانا عشان نقول ( كان ايتو )

جيوفا امس شكله عصب و زعل من كلام الجرايد بعد مباراة مايوركا
لعب كم لعبة حلوة وسبب خطورة لكن وين يابو دوس ، ماش لياقة
على العموم كان افضل من السيد الغبي ابو فلافل انه يطلعه ويلعب بويان من الدقيقة 60
ولله اطالع في جيوفاني الآدمي خلاص مايقدر يسويلك شي في الملعب ..
ترا مهب بس جيوفا ، اللياقة عندنا صفر والله صفر ،
والي يخربها لا جاك ريكارد وقاعد يعاند ويلعب بطريقة وحدة طول المباراة
ولا يحاول حتى يلعب بـ تكتيك يريح اللاعبين ومنها نقدر نحافظ على شوي من اللياقة
على العموم مسألة اللياقة يبيلها قعده ، شكل مدرب اللياقة عندنا ماغير سوالف مع اللعيبة
ماشوف اي تحسن في لياقة لاعبي برشلونة بكل اسف
لا والمشكلة يبون يجيبون الدوري ابو نفس طويل وتعب ويبون ينافسون في الكاس والشامبيونز ، هين

زافي
سبحان الله صار لاعب سيئ وماعنده سالفة عشان هالمباريتين الي مستواه كان ماش فيها
اكيد بينزل مستواه ، مركزه من اهم المراكز في الفريق يوزع لعب ويهاجم ويدافع
وغير عن كذا والله اللياقة في تدريبات برشلونة آخر شي يفكرون فيه
لياقته طاحت صراحة ، ويوم بنشوف جوديانسون لا تلومون ريكارد
وبرضو لازم ابو فلافل يلعب ديكو ويريح زافي
الولد تعبااااااااان والبطارية تشكي صراحة ..
ومن حقه يرتاح شوي ، ياخي في لاعبين حتى تدريبات ما يحضر ( احد قال رونالدينيو )
جات على المسكين زافي ما يرتاح شوط او مباراة ؟؟

انييستا كان امس جيد ، لعب كم كورة وسوا كم ضغط على الفيس في اليسار
لكن يبقى مهب انييستا حق الجناح الأيسر الي يجندل ابو المدافعين جندلة
في مباراة 2/1 في كامب نو ضد اشبيلية ، الفيس اكل العشب من عمايل انييستا فيه
لكن امس بما ان هنري رايق شوي ولا هو بسرعة انييستا فما قدر يسبب هاك الضغط على الفيس
المهم المباراة الجاية في الكامب نو وش الي يصير ؟
يصير يلعب يا انييستا يا بويان في جهة الفيس
اما يجي ويلعب رونالدينيو ، عز الله الي اخذ راحته الفيس




ادميلسون مرة كويس امس ، وللأسف اصابته جات بوقت حنى بحاجته فيه وهو بحاجة انه يلعب
اصيب في تمزق في عضلة الفخذ وبيغيب اسبوعين كحد ادنى
امس كان كويس وقطع كم كورة ، قلت لكم ، ادميسلون يعجبني فيه حماسه وقتاله على الكورة
يعني يعجبك ينفع يكون متواجد في زي هالأيام
لكن لا ابوك يا ريكارد على ابو مدرب اللياقة

ماركيز - ميليتو
ماشاء الله تبارك الرحمن
انسجام تام وعجيب بين هالإثنين .. الله لايغير عليكم
كنا نقول بويول بيصير ثنائي خطير مع ميليتو
هالحين العكس ماركيز وميليتو ثنائي دفاعي ممتاز جدا ً ،
ماركيز مستواه في تطور ماشاء الله وعساه دوم يا ماركيز التسجيل والأسيست

بويول ، يعجبني فيه روحه وعناده وانطلاقاته اذا هجم
لكن اكره فيه الهمجية ، بويول همجي للأسف
في كورة للاعب الي جاب القول ، ولله كورة عادية مايحتاج انه ينبرش عليها
انبرش الحبيب وانسحب على وجهه ..
طيب ليه ؟! ياخي هو كان بيسحب بيسحب بس ماكان ودنا بالطريقة هذي

فالديز
لا تعليق ..

ابو فلافل ، شف يا خبل
والله ان ما تغير من وضعك ترا راس مالها نخلي نيسكنس يدرب بدالك
عاد شرهتك على الي يفكر يتعاقد معاك اذا خليناك مساعد مدرب لنيسكنس
يعني بتعفن طول عمرك مساعد مدرب لنيسكنس
انتبه تراني تراني علمتك من الحين ..

لابورتا
بالله هذي المباراة كم الي ما يحضرها للفريق ؟!
في حد لاعب عليه وقايله بنخليك رئيس هيئة الأمم المتحده
وشكله مصدق ..


( هالرد منشور في موقعين بيوزرات مختلفة لسعسع حفظه الله )

سوري يا جماعة
امس شفت المباراة برا البيت
وما رجعت الي قرب الفجر
وصليت وخمدت
لكن اذا تبون الموضوع ننزله عادي مافي اي مشكلة
بس انتم حللوا واكتبو عشان يكتمل الموضوع

1-1 نتيجه إيجابيه للبرشا . .

الموعد في الكاب نو