][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - نادي الهلال السعودي - شبكة الزعيم

PUYOL Carles · #10 08/01/2008, 04:49 PM

يعطيك العافيه جوهرة الرابطه

.. بوسلطان ..

سعسوعي

.. انا ماازعل ولا احب ازعل احد .. تطمن حبيبي .. انت على عيني وراسي

.. بس احيانا ممكن اعترض على حدة كلماتك

بسبب حبي للفريق

.. بس موقصدي مايعجبني الا تكتبه ..

.. بالعكس انت دايما تدق على الوتر الحساس

.. ومرحب بك في أي لحظه .. ولا أنا ولا غيري يقدر يمنعك عن الكتابه بأي شي في خاطرك

واكيد نبغاك تكتب عن المباراه بكره .. الرابطه نبغاها تشعلل بأي طريقه ..

---

امممممممم .. حول الكأس والتشامبيونز والليقا ..

والله .. مسألة انه نرمي المنشفه حول الصراع على لقب الدوري .. لا حرام .. تونا بسم الله ..

الحين راحت 18 جوله اظن

.. وباقي 20 قدام .. وأحب دائما أنظر للأمور بتفاؤل وايجابيه .. مسألة انه الريال ماراح يتعثر أبد فيها .. صعبه جدا .. و7 نقاط فارق مومستحيل الوصول اله .. أكيد الريال يمر بـفتره جميله .. لكن ممكن فريقنا يحقق صحوه جنونيه .. ويفوز بكل الجولات القادمه ( افلقني ) .. لحظتها .. حتى لوماحقق اللقب .. باكون مرتاح من الصوره اللي ظهر بها الفريق .. والريال تنتظره مباريات قويه .. وعندنا اياهم مباراة اياب .. والسنوات الأخيره .. الفريقين صاروا يقدمو صوره أفضل في ارض الخصم .. وممكن نفوز في السنتياقو بيرناباو ..

التشامبيونز .. مهما وثقت في فريقي .. وفي قوته .. وحتى لوكان يمر بفتره طيبه .. الا أن هالبطوله .. برشلونه مايعتبر متخصص فيها .. ودائما مايعاكسه الحظ فيها .. وخصوصا انها مرحلة مباراة ذهاب واياب .. وصعب جدا انه نوثق في هالبطوله ..

الكأس .. ممكن هالبطوله .. تعتبر تصبيرة حال .. لو ماحققنا شي هالموسم .. وهاالشي وارد للأسف في الكوره ..

---

تاريخ ريكارد معانا .. يقول .. انه في اول موسم كان متخلف عن المتصدر في ذلك الوقت بـ 15 نقطه أظن .. وبعدها تقدمنا عليهم في نهاية الليقا بفارق نقطتين .. مع وضع الاعتبار للفارق في جيلي الريال ..

وتاريخ ريكارد يقول .. انه من بعد هذاك الموسم .. تعود انه يسيطر على الصداره من البدايه للنهايه .. الموسم الماضي فقط .. كان يترك الصداره للحظات .. ويرجع ياخدها .. وفي آخر الدوري خسر اللقب ..

شوستر يختلف عن كابيلو .. وأأمل أن تخونه خبرته في المراحل القادمه .. خصوصا من حيث توزيع الجهد على لاعبيه وسط ضغط المشاركه على أكثر من بطوله .. شوستر بنظري يجيد اللعب في مباريات الذهاب والاياب بشكل أفضل لعبه في مباريات الدوري .. لأنه هالنوع من المباريات تحتاج انك تخلص المباراه فقط بغض النظر عن طريقة اللعب ( من نظره واقعيه يعني ) .. وريكارد اشوفه نوعا ما متوازن .. يجيد اللعب في الدوري .. ويجيد اللعب في مباريات الذهاب والاياب ( اتكلم عن المواسم الماضيه مع حذف الموسم الماضي

) ..

الأمل موجود .. بس بشرط نشوف شغل ايجابي .. وعندي احساس انه الفريق بدأ يحس على دمه .. بس لونتخلص من الاصابات لفتره بسيطه .. نفسي الفريق يستقر على تشكيله وحده ..

---

بالنسبه لحارس المرمى .. الوضع يجبرنا على شراء حارس .. لكن الاشاعات كثيره .. والاداراه ماراح تدفع مبلغ جيد على حارس احتياطي في المقام الأول .. يعني هم بيشترو حارس وهم حاطين في بالهم انه يساعد فالديز وماينافسه ..

---

وووو .. ماادري

..

على طاري مباراة اشبيليه .. قريت في خبر .. انه كانوتيه وسايدو كيتا .. راح يلعبو مباراة الكأس .. واحنا نعرف وش قوة اشبيليه بوجود هاللاعبين .. ولكن الله يستر ..

اشبيليه اتوقع انه شال من باله الصراع على لقب الليقا .. لكن بالطبع يريد مركز مؤهل لبطوله أوروبيه .. وبالتالي اتوقع انه راح يهتم ببطولة الكأس اكثر من فريقنا .. وأيضا اشبيليه اتوقع عندهم زاد بشري فعال في طريقة لعبه أكثر من فريقنا ..

وووو ..

زي ماقلت من قبل .. الفريق مر بحالات كثيره تأثر على نفسيته .. الاصابات .. الضغط الاعلامي الرهيب على نجومه والمدرب .. الموسم الماضي اللي صعب نسيانه .. وخسراة الكلاسيكو أضرت بالفريق من الناحيه النفسيه ..

لكن .. فريقنا أثبت انه كبير .. وقادر على تحمل الكثير من الضغط .. وتغلبنا على فريق معقد مثل مايوركا وفي أرضه وخصوصا انه أرضية الملعب ماكانت تسهل تحرك الكره والبارسا يجيد أكثر في الملاعب المحترمه ..

الحين .. لو أقصى فريق كـ اشبيليه من الكأس .. اعتقد راح تزيد ثقة الفريق بنفسه .. وخصوصا ريكارد راح يحس انه اله دور ايجابي أكبر ..

ونسأل الله الرفق بعقولنا ونفسياتنا

..