انتهى كأس أمم افريقيا بنهاية غير جيدة للاعبي البرسا لأن الفائز بـ اللقب منتخب مصر ، ولكن النهاية الجميلة هي ان ايتو كان هداف البطولة بـ 5 أهداف ، وكان يايا تورية من ضمن التشكيلة الأساسية لـ أفضل 11 لاعب .
على فكرة كرويف غثنا بـصراحة يشوش على الفريق وينتقد هذا وذاك وفلان و علان ولا عنده الشجاعة انه يقود الفريق بحجة ان قلبه ضعيف ، هذا اوتمار هيتسفيلد العبقري النازي قاد البايرن وطلع مدريد من الشامبيون العام الماضي مع انه يجمع امراض الدنيا كلها في جسمه المسألة مسألة شجاعة يا كرويف ، ليه تنتقد وتشوش على الإدارة و ريكارد وانت عارف انك ماتقدر تقود الفريق ولاعندك الشجاعة الكافية عشان ترجع للتدريب من جديد بدال الإنتقاد الي ماله اي داعي ؟ ما ادافع عن ريكارد او احط الغلط كله على كرويف لكن بصراحة وضع الفريق ما يسمح من رئيس فخري انه ينتقد الرئيس و المدرب على الطالعة والنازلة وانتم تعرفون ومايحتاج اوضح كرويف وش يعني للهولنديين ، اي كلمة منه في مجال الرياضة تعني الكثير و ريكارد يتأثر بسرعة والمشكلة كرويف ما يقدم اي حل بالعكس شغال سب في الفريق
على الجانب الآخر ، كرويف يمدح كويمان مدرب فالنسيا وكل فتره يزوره ويقدم له الحلول مع ان ريكارد والبارسا اولى !!
كرويف ايضا ً ما يبي مورينيو !! يعني لا هو الي ساعد ريكارد ولا هو الي سكت ولا هو الي بيخلي مورينيو يوقع معانا !!
بصراحه اللاعب كل ماحاول يرجع لمستواه يحصل معه شي جديد
واخر الاشياء هو ريكارد ... رونالدينهو ماعاد يعرف وين يلعب ... مره على الطرف الايسر
ومره راس حربه ... واليوم يلعب وسط ؟؟
يعني ياريكارد لو روني في مستواه راح يخدمك واكثر ... بس اللاعب محطم نفسياً وبدنياً تقوم تجرب فيه
اليوم ريكارد كان عنده اكثر من حل ... حتى التدريبات اللي كانت على 4 4 2 ... ليه يغيرها في اخر لحظه ويحوس التشكيله ... لاعب يتدرب يومين على نهج معين تقوم تغير النهج وتدخله في مباره صبعه ؟؟
هذا يوضح انه فاشل تكتيكاً
------------------
وانا اشوف انه لو استمر ريكارد راح يدمر بويان و ميسي في طريقه ... لان بصراحه يلخبط في مواقعهم
اللاعب ماعاد يعرف يركز من كثر المراكز اللي لعب فيها ؟؟
------------------
عندي استفسار بسيط ... تشلسي للحين يبون جيوفاني ولا لا ... لان اللاعب هذا اقل من عادي وما اقول الا حرام هذا يبقى ومارك كروساس يروح
هلا والله اخوي اكشخ واحد ورده
بالنسبة لكلامك اسمح لي انا اخالفك بالنسبة لروني ومسألة رجوعه..
سالفة انه مايعرف يلعب كل مره بمركز اولاً ريكارد لولا الاصابات ماسوى كل هذا من غربلة للفريق وثانياً هالمركز مو غريب عليه كنا متعودين منه يتبادل المراكز مع ميسي وايتو يعني متعود لاندور له اعذار و ريكي ماجرب ولا شي هالمراكز كلها عارف وكان يلعب بها سابقا وبالعكس كان يأدي افضل كلنا شفنا انيستا مابقى مركز ماجربه ريكارد فيه ومع هذا قمة بالاداء وهنا يبان الفريق بين لاعب وده يطلع بشي ويأدي ويخدم الشعار اللي على صدره ولاعب يعد راتبه الأعلى على مستوى الفريق والعالم ورغم هذا مستوى عادي جداً ان لم يكن سيئ..
ومافيه شي اسمه متحطم نفسياً ليه متحطم راتبه ماشي على داير مليم ورغم مستوياته الهزيله الجماهير مع كل مباراة تحييه و تهتف له وش بقى اما متحطم بدنيأ اعتقد حتى الان ماينافس اكوزيرو وجوركيرا في الجلوس على الدكة هذا الموسم الا روني بكل اسف ومن وين يجيه التحطم ؟؟
ما ودي صراحة اني اكون قاسي على روني واعرف وش قدم للبرسا من جاء و والله اتمنى رجعته اليوم قبل بكرة بس لايكون على حساب فريقي وحب البرسا اكبر من حب روني النادي مو ضمان اجتماعي وهو مو جالس بطالي النادي يخسر عليه مبالغ نجيب بدالهم اكبر لعيبة العالم وانا مثل اي عاشق للبرسا اقول كل مباراة هذي مباراتك ياروني بس كل مره يخذلنا وما اعتقد الكلاسيكو اللي راح بعيد..
واستغرب منك عزيزي تحاملك الكبير على جيوفاني رغم سنه و رغم انه وده يسوي شي لكن يمكن تكون الخبره ماتسعفه بعكس روني اللي مالقيت لنفسي عذر يخليني اعذره بالعربي روني استنفذ كل الاعذار ومابقى شي بكل اسف..
يمكن النقطة الوحيدة اخوي اللي اتفق معاك فيها هي مسالة المدرب وفقره فنياً ما اقول فقير بمعنى الكلمة يمكن اقول استنفذ كل افكاره ومابقى عنده اللي يقدمه للبرسا ويمكن لو يجي مدرب ثاني للبرسا يتغير حال ورني والفريق بشكل عام اقول يمكن...
ياليت تسمح لي اخوي وانا اقدرك واحترمك ومثل ماقالو الاختلاف بالراي لايفسد للود قضيه ورده
تحدث ميسي امس وقال : " يجب ان لاينتهى املنا في الليقا مازال امامنا العديد من المباريات ، ويجب علينا الفوز فيها ، والريال من الممكن ان يخسر نقاط وهذا سيجعلنا اقرب لصدارة " .
قال يايا تورية زميل اللاعب دروجبا في المنتخب الإيفواري ان ديديه ليس لدية مانع في اللاعب في صفوف نادي كبير كـ البرسا . واضاف قائلاً " هو يريد ان يلعب للبرسا ، وايضاً هو يعلم بوجود هنري ، ميسي ، ايتو ، في الفريق وهذا ايضاً صعب جداً "