السلام عليكم

والله بسبب حاجتنا الشديدة للثلاث نقاط الماضية باقول هارد لك، وبسبب إنعدام مستوى وروح الفريق باقول مبروك النقطة.

ياجماعة الخير الفريق من سيء لأسوأ للأسف والأسباب كثيرة، ومستحيل يتحمل هالشيء شخص واحد فقط.

المدرب أعتقد أنه لم يخطئ كثيراً في التشكيلة وحتى لو أخطأ في لاعب واحد أو لاعبين أعتقد اللي كانوا موجودين في الملعب بإمكانهم إنهاء المباراة، لكن أعتقد أن المدرب خطأه الأكبر هو الإبقاء و الإعتماد على [ تورام، ادميلسون، اوليجير ] في برشلونة بصراحة هاللاعبين ذولي مكانهم "ذكروني بالله من المركز الاخير عندنا؟" يالله باقول مكانهم الحزم.

والله حرام قسم بالله ميليتو وماركيز وبويول يلعبون مع ذا السلنتح قسم بالله قهر.

هالثلاثة ذولي يطردون مع الباب

تورام شايب ولعاد فيه حيل

ادميلسون بقره

اوليجير لا تعليق المفروض يغسل سيارات اللاعبين ذا

أنا أعذر ريكارد أنه بدأ بهم في التشكيل عشان الإصابات، لكن لا أعذره في بقائهم من ضمن الفريق كان بإمكانه الإستغناء عنهم والإستعانه بغيرهم حتى لو من الشباب

ياجماعة الخير من يتذكر داميا؟

والله العظيم ليته موجود كان ابرك من ذا البقرة اوليجير.

ـــــ

أما بالنسبة لخط الوسط والهجوم بصراحة تمنيت في ضل المشاكل الحاصلة من نقص و إصابات وخلافه أن يبدأ ريكارد بـ جوديانسن مع اكزافي مع ادميلسون في الوسط و انييستا وميسي وهنري في الهجوم.

ولكن حتى لو ريكارد أخطأ في تشكيلته يا جماعة الخير أعتقد أن لاعبين مثل [ هنري، ميسي، انييستا، اكزافي، جيوفاني ] كـ إمكانيات بإمكانهم جلب الفوز للفريق بصراحة بالراحة بعد.

لكن مع خطأ ريكارد في التشكيلة توافق مع هالشيء إنعدام الروح والمستوى لأعمدة الفريق بصراحة و أخص ميسي و هنري و إنييستا. بصراحة وبالخصوص ميسي و إنييستا هم اللاعبين اللي يعتمد عليهم الفريق هالسنة من خلال تحركاتهم في الملعب. ولكن مع اشبيلية ماشفنا الا ظلهم بس.

ياجماعة الخير مع إحترامي الشديد لكم ميسي موب هو اللاعب اللي تقيده بمركز معين ولو يلعب في مركز ثاني خلاص ينتهي؟

لا يا شباب ميسي هذا نجم سوبر ستار بصراحة هو أكبر من أنه يتقيد بمركز واحد يعني اللي هو الجناح الأيمن فقط. يا شباب ميسي بإمكانياته يقدر يلعب في أي مكان في خط الهجوم صدقوني، أيام زمان يا جماعة كنا نلعب بـ [ ايتو، روني، ميسي، لارسون ] وكانوا وقت المباراة يغيرون مراكزهم ويتبادلون المراكز مع بعض ومع ذلك مبدعين يعني وماشية أمورهم وش معنى الحين يعني صرنا لازم نقيد كل لاعب بمركز معين؟

مع اشبيلية نفس الحركة يعني ريكارد هذا هو من عرفناه  وهو يسوي تبادل مراكز وقت المباراة مع اشبيلية هو اللي حصل يعني ميسي مره تلقاه يسار مره يمين مره في النص وهو أهل لها الشيء بصراحة يعني لو انا مدرب بعد بقوله لا تقعد في مركز واحد كل شوي غير مركزك.

لأنه زي ماكنا شايفين بصراحة كان مراقب بشدة والصح انه يغير مركزه كل فتره.

يعني بصراحة أنا لاحظت أن مستوى ميسي متغير آخر مباراتين أو ثلاث وموب عذر له أنه لعب يمين ولا يسار ولا نص.

انت يا ميسي ملك والمفروض ما تتأثر بهالشيء

نفس الشيء ينقال عن رونالدينهو

رونالدينهو أيام عزه ياشيخ لو يلعب وين بيأدي صح

نفس الشيء هنري بعد

لكن مستواهم متذبذب

والفريق أنا أقولها ياشباب تبونه يفوز بالبطولة والدوري؟

يحتاج حظ + لاعب منقذ أو لاعبين في كل مباراة و هاللاعب اشوفه إن شاء الله انه ايتو اذا رجع

ـــــ

خلاصة الرد:

[ تورام، اوليجير، ادميلسون ] >>> حرام يبقون في برشلونة و اتمنى ماشوفهم ابد يلعبون مع الفريق بصراحة.

[ ميسي، هنري، رونالدينهو ] >>> أكبر من أننا نقيد كل لاعب فيهم بمركز معين بصراحة، إمكانيات هاللاعبين وقدراتهم تمكنهم من اللعب في أي مكان وبإمكانهم تبادل المراكز مع بعض والإبداع.

[ فالديس ] >>> بصراحة أنت نجمنا هالموسم "شكراً فالديس".
 

اللي يبي يشوف مباراة برشلونة و أشبيلية الماضية

ترى الحين على الجزيرة بلس تو

فهد متذكر انا التصميم بس ناسي من اللي كان مسويه؟ :s

بس قديييم مره يمكن من 4 مواسم

كان إبداع بصراحة رهيب التصميم

مباراتنا مع بلد الوليد

تتوقع بنقدر نفوز 3 ولا 4؟

آه يالقهر بس