|
السلام عليكم هارد لك الهزيمه ياشباب .. راح اتكلم عن المباراة بعد الهدوء والروقان .. وكلامي يمكن مايعجب البعض ويمكن يعجب البعض .. لكن راح أقسم كلامي على عدة أقسام تحليليه للمباراة وانتقاديه لريكارد وغيرها .. بداية زي ماشفنا أمس .. الفريق مالعب كويس للأسف .. وبصراحة لو الريال كانوا كويسين على مستوانا امس كان الله يستر من جد .. لكن ماكل مايتمنى المرء يدركه .. تجري الرياح بما لاتشتهي السفن .. يعني أيضا لو ميسي كان موجود كان فيها علوم ثانيه ولو البارسا بيومه كان علوم فوق علوم .. لكن لو تفتح عمل الشيطان :) .. الفريق ما ادى أمس للأسف .. شفنا ضغط برشلوني خلال الشوط الاول كان مفروض ينتج عنه هدف أول لكن للأسف مانتج عنه أي شي .. استحواء على الكره من الاعبين لكن بدون فائده للأسف .. ايتو امس يلعب على الواقف !! روني حاط دوبه ودوب راموس مادري ليش كل مامسك الكوره الا يعدي فيه ويلقمه ومادري ايش كنه حالف يسوي شي !! طيب مهب معقوله كل المباراة تلعب قدام راموس ! صحيح لعب فيه ومادري ايش .. لكن وش استفدنا ! يلعب فيه ويسوي عرضيات .. لكن ماحوله احد للأسف .. مستوى روني أمس صراحة ياشباب ماننتقده عليه .. هذا روني الي تعودنا عليه بكل أمانه .. روني من فتره مهب قصيره مهب روني الي نعرفه .. صحيح كنا ننتظر منه الكثير .. ومازلنا .. لكن يوم ما جاب الي ننتظره منه مازعلنا .. لانه ياما وياما خذلنا للأسف .. أقولها وأنا أعشق هذا الاعب كـ لاعب طبعا .. لكن على قد ماتعطي على قد ماتاخذ ياروني .. العب كويس وراح نمدحك زي ماملينا وحنا نمدحك قبل العام .. إيتو طبعا توه راجع من إصابه ولاتتوقعون انه يرجع زي اول بين يوم وليله .. كثر خيره على الي سواه أمس يعني .. لاعب مصاب خمس شهور طبيعي انه ماراح يعطيك زي أول يعني .. أكيد راح يكون متراجع مستواه بعد هالاصابه والبعد الطويل عن الكوره .. اما بالنسبه لريكارد فـ أستغرب صراحة دخوله بهالتشكيله .. كان الاجدر فيه انه يلعب بالبديل الناجح والجاهز .. وش معنى انك تلعب بماركيز وميليتو قلوب وبويول ظهير وأنت كل الوقت تلعب ببويول وميليتو كـ قلوب ! والله العظيم مادمرنا ياشباب الا خطط ريكارد الغريبه !! .. يعني لو يثبت على تشكيله معينه ويلعب فيها والله ان ناكل الأخضر واليابس .. سويناها الموسم قبل الي راح واكلنا الأخضر واليابس بسبب ان التشكيله كانت ثابته .. خلاص جولي وايتو وروني ووراهم ديكو وزافي خلاص مايتحركون أبد .. والدفاع كان بويول وماركيز .. والمحور يا ايدمي يا فان بوميل .. الاعبين كانوا متفاهمين ومتجانسين وعارفين بعض .. صحيح ان الاصابات هي الي دمرتنا لكن وش دور المدرب هنا يعني !! دورك انك تعمل على تجانس الاعبين كي ينتج عنه روح .. ومن ثم نتائج ياحبيبي .. الإدارهـ غيرت لاعبين وجابت لاعبين وغيرت الجهاز الطبي وغيرت مساعد المدرب .. والخلل مازال موجود للأسف .. اعتقد لو تتم مسائلة ريكارد حول المستويات البئيسه الي صايره للفريق خلال الموسم الماضي وهذا الموسم .. أعتقد راح تكون خطوه مميزه للإداره نحو التصحيح .. وإذا كان لابد من التغيير .. فـ يفضل ذلك .. أنا هنا يعلم ربي ياشباب ما أتكلم علشان مباراة اليوم .. لكن طفح الكيل بكل صراحة .. إلى متى نحط بقلوبنا ونسكت .. إلى متى ريكارد يلعب بمشاعرنا .. ريكارد خلاص انتهى فكره التدريبي بكل صراحة ياشباب .. مافيه تشكيله قدر يثبت عليها .. مافيه أداء قدر يقنعنا فيه .. خالص التحيه للجميع .. معليش شباب بس الرد هذا بديت اكتبه من الساعه تقريبا 2 لين الحين ماخلصت منه :d موضوع العالميه أشغلنا |
وه بس يالسلمي .. كلام من واحد محترق .. مثل باقي اعضاء الرابطه الحلوين .. لكن .. السلبيات في الفريق كثيره .. والعاطفه ماخذه جزء كبير من القرارات .. الفريق خلال الأشهر الا راحت .. راوانا الوجه السلبي والوجه الايجابي .. بشكل عام يعني .. والفوارق كانت واضحه بين الوجهين .. ماعندي أحد معين اوجه له اسباب الوجه السلبي .. لأنه الكل يتحملها .. وبما انه في سلبيات .. الشخص الوحيد الا قادر يحلها .. هو ريكي .. هو القريب من اللاعبين .. وهو اكثر شخص يعرف امكانياتهم .. اكثر مني ومن اي واحد .. نفسي ريكي يفكر في شي واحد بس .. انه مايبغا يضر بمشاعر أحد يحب النادي .. وهو واحد منهم بالتأكيد .. واذا خلى ريكارد هذا هو هدفه بالوقت القادم .. معناتها مابيهمه صاحب الرقم 23 .. او 11 .. 10 .. او 6 .. او 5 .. المفروض الا يهتم به ريكي شي واحد .. 11 لاعب في الملعب لابسين فانيلة البارسا .. وبس .. كلهم في النهايه عناصر موجوده في الفريق .. دخل الصالح في الملعب .. وطلع الطالح برى .. ولايهمك ياريكي .. لأنه اذا شفنا نتايج .. ماحد بيلومك .. ريكي فكره واضح بالنسبه الى لاعبينه .. لكن ماراح يتنفذ بطريقه صحيحه .. الا لما تدخل العناصر السليمه .. املنا في سنة 2008 كبير .. ويارب تكون سنه حلوه على البارسا .. |
بداية هاردلكم شباب على الخساره واعذرونا على التاخر في الرد لاني خفت بصراحه اقول كلام اجيب العيد فيه من جد<<<< نايم في العيد لا تشرهون :d بالنسبه لاداء الفريق بشكل عام كان جيد وخصوصا في الشوط الاول اللي ظهر الفريق فيه انه قادر على التسجيل وسنحت لنا كذا فرصه كان من الممكن لو استغلت انها تغير مجرى المباراة لكن قدر الله وما شاء فعل نجي للشوط الثاني اللي كان فيه الفريق مطالب بالهجوم في ظل التأخر في النتيجه للاسف ظهر الفريق عاجز عن الوصول الى مرمى الريال وهنا اقصد في كلامي الوصول بهجمه منظمه لباب الريال مر الوقت وانتظرنا تدخل من المدرب لحل الاشكال الحاصل في الفريق لكن للاسف يعود رايكارد لعادته القديمه بمجاملة الاسوأ وابقاءه في المباراة و اللي هو روني اللي لعب شوط اول لا باس به لكنه اختفى في الشوط الثاني ولذلك لزم اخراجه واشراك بويان بديلا له وخصوصا انه في الثلث ساعه الاخير وضح ان راموس يعاني من اصابه وانه هذي هي الفرصه المناسبه للضغط على الريال من الجهه اللي تعد الاقوى للريال لكن رايكارد رفض الهديه وابقى روني وكانت النتيجه عجزالفريق عن التهديف اسف على الاطاله لكن هذا شوي من اللي في القلب :upset: خاص الله يعينك يا حسين البرشا والميلان في يوم واحد <<< اشوا انه ما جاك شي :d |
السلام عليكم هاردلك الهزيمة , وعقبال ما تاكلونها اكثر بالاياب :d << امزح مابي اشوف سليمان محرر ردي :p http://www.as.com/recorte/20071224da...s/Pepe_Eto.jpg <!-- / message -->كرويف اخيرا اعترف بأحقية الريال بالفوز :d وانه لعيبة الريال عرفوا اللي لازم يسوونه , و انه خسارة برشلونة وظهوره بهالمستوى كان بسبب عدم جديتهم بالمباراة ,, تحدث عن الهدف وقال انه كان " رائع في جميع نواحيه :) " وبالاخير قال ان الدوري لم يحسم بعد للريال على الرغم من فارق الـ 7 نقاط , وانه البرشا اذا ما اراد البطولة لازم يكسب النقاط بمباراة الاياب , اذا فشلوا فـ ما بيكون لهم امل AS قـد شفتوا كرويف يمدح بـ الرّيـال :d ؟! |
إقتباس:
حياك الله يالغالي مبارك s45s( إذا ما خان الكيبورد أسمك مبارك :d) أولاً \ مبروك لكم الفوز المستحق s45s البرشا دخل المباراة وهو واثقاً من نفسة انه بيفوز والريال دخلوا اللقاء على مبدأ ( ما فيه شي مستحيل بالكورة ) ، الدوري ما أنتهى مثل ما قال كرويف يعني تخسرون في مباراتين وحنا نفوز بمبارتين ناخذ الدوري ، الهدف حق باتيستا هدف جميل مثل ما قال كرويف ... شكراً لك وواصل مشاركاتك معنا لا تقطعنا ورده |
.. آخ بس فريق زي هذا حرام اضيع وقتي في الكتابة عنهم زي ما قال دانييال كامبوس ( مجموعة حمير ترتدي قمصان برشلونة ) نعم كامبوس اصبتهم في مقتل لو كانوا حميرا ً لـ فهموا وتعلموا بعد كل غلطة لكن يبدو ان لاعبيننا اكثر من مجرد حمير ! خذلونا من اولهم الى آخرهم اكثر ما حزنني هو منظر انييستا المسكين وهو يجري ويلف بالكرة محاصرا ً بـ بيبي و راموس و ديارا ولا يجد احد حوله كي يمرر له الكرة ، وارى وقتها المهرج ينظر اليه لم يفعل شي حارب انييستا وحيدا ً ، قاتل انييستا وحيدا ً ، ولكن اليد الواحده لا تصفق انييستا اخرج من البارسا ، فـ انت اكبر من ان تلعب مع مجموعة من الحمير الوحشية ! .. كرويف الا يعلم بأن لدينا نعقول نفكر بها ؟؟ ام انه يحسبنا مثل لاعبيه الحمير ليس لدينا عقول ؟؟ كلام مكرر و تبرير غير منطقي لـ ابن بلده و لـ رئيسه لابورتا ريكارد مفلس يا ناس والله مفلس قلناها من اول وحاربتونا و لما كنا نفوز على ليفانتي و على فالنسيا المتهالك صفقتوا له ما انكر اني صفقت له بعض المباريات لأنه كان رجل بمعنى الكلمة واقعد المهرج المفلس رقم 10 بجانبه على الدكة 90 دقيقة وهنا الفارق ، زافي ضحية مجاملة ريكارد للمهرج ، جوديانسون ضحية مجاملة ريكارد لـ ديكو ، انييستا ضحية مجاملة ريكارد للمهرج ايضا ً .. اما زافي فـ هو بوجود المهرج لا يستطيع ان يؤدي في مركزه الحقيقي ( صانع العاب ) ويكتفي بدوره كـ لاعب وسط ومع الضغط ينتهي دوره ! جوديانسون ، كم احبك يا رجل الثلج ، رددنا اسم ديكو كثيرا ً وعندما لعب كان اطلق من الي جابوا ديكو عشرين مرة لأنه يلعب عشان الفريق يلعب للشعار يلعب عشان يرد على كرويف وامثاله وعلى ريكارد وامثاله .. انييستا فـ ما يحتاج اتكلم ، اكثر لاعب مظلوم في البارسا مبدع في الجناح الأيسر وله تأثير يفوق تأثير المهرج بـ 100 مرة ومع هذا ريكارد يلعب المهرج ويحصر دور انييستا في الوسط !! سحقا ً ايها الهولندي المفلس !! .. لابورتا يبدو انه انغر كثيرا ً وراء كذبة المقولة التي تقول ( اكثر من مجرد نادي ) اهمل الفريق وسلمه لـ انجيل المدير الرياضي الجديد الذي لم نرى منه اي تطور او تقدم سفريات وتطنيش للفريق بـ شكل غبي وغريب !! الحين نقول نار روزيل ولا جنة انجيل !! وافهم يا فهيم .. متى يحين بس موعد الإنتخابات القادم ؟ .. الحلول ما راح اقول لـ تعديل الوضع مليون بالمية لكن نحاول نعدل الصورة الحالية اول شي جهاز فني وطبي جديدين ، الجهاز الفني مفلس جدا ً بـ قيادة ريكارد و الميت نيسكنس و الديكور ايزيبيو جهاز فني فقد السيطرة بـ شكل كامل على الفريق ، ريكارد لم يعد قادرا ً على ضبط اللاعبين كما في السابق الحل جهاز فني جديد من مدرب الى مدرب حراس .. اما الجهاز الطبي ، فـ الإصابات بـ الهبل وقل اللياقة خير دليل على ان انه جهاز طبي لا يصلح حتى للضمادات !! ميسي - هنري - ديكو - ماركيز - ادميسلون - بويول - ايتو عد واغلط في عدد الإصابات في اللاعبين التي تبعدتهم اقل شي شهر ونص عن الملاعب بربكم هل هذا جهاز طبي لفريق ؟؟ حتى سدوس جهازهم الطبي اطلق من كوجاك وطقته .. اهم نقطة ايضا ً نريد مدرب لياقة كـ الإيطالي الذي كان في المان يونايتيد وانتقل لـ مدريد مدرب لياقة صارم جدا ً ، اللاعبين تحت يديه يستطيعون يلعبون 120 دقيقة كاملة اما لاعبينا فـ جيد اذا اكملنا 60 دقيقة بـ لياقة متوسطة !! ولله هذه هي الحقيقة !! .. http://www.sport.es/info/galerias/ga...foto_15119.JPG في برشلونة يهللون لـ ميسي .. وفي الريال لـ روبينهو في الميلان يصفقون لـ كاكا .. وفي الارسنال يهتفون لـ فابري والله أن كل هؤلاء لا يتميزون عنك بشيء .. مهارة فاعلية واللعب الجماعي نزعاتك الدفاعية تضفي إليك طابع اللاعب المتكامل جرأة ميسي .. مهارة كريستيانو .. سرعة كاكا .. كلها اجتمعت فيك يا أندريس داعب الكرة بين قدميك وأطربني .. لست بحاجة أن تمرر الكرة للمتفرجين فـ وجودها بين قدميك أفضل الحلول من إعطاءها لـ المتفرجين والمهرجين !! .. http://www.ftd.de/asset/Image/2005/03/31/coach_jose.jpg متى تأتي لكي تقول للصغير انت صغير ؟؟ متى نراك على هذا المقعد مدرب صارم وذكي ومغرور كـ عادتك ؟ متى يصبح لابورتا رجلا ً ويتخذ قرار اقالة المفلس الهولندي و من ثم التوقيع معك ؟؟ مورينيو ،، كم انت داهية !! نريده يا لابورتا نريده بأي طريقة . |
،، أهلين ،، هاردلنا الهزيمهـ يكفون الشباب اللي قالوهـ والنفسيه زفت الى يومك :( سعسع صراحهـ ارغمتني اني ارد وانا صراحه كنت من الل يقولون لا ريكارد مدرب قوي بس عقب المباراة هاذي خلاص يبين لك انه انتهى تفكيره التدريبي ما اتوقع راح يغيرون الجهاز الفني كله الا عقب انتهاء الموسم ومالظاهر راح نكسب بطوله بهالحاله يعني الموسم الجاي يكون خير .. نفرض نقول نجيب بس مدرب بالانتقالات الشتويه راح ياخذ وقت على بل ما يتأقلم ما ادري وش اقول بس بغيت ارد واحط شوي من اللي موجود بقلبي طبعا مع ان بعض العيال كتبوهـ .. |
========= شباب تتوقعون لو جاى مورينهو بينفع معى الفريق ؟؟ أنا عني أتوقع ان بيفيد الفريق بدرجة كبيرة ، لأنه مدرب يلعب بجد يعني اللي يستاهل يلعب يدخله في التشكيلة واللي ما يعرف يلعب أو ماهو في الفورما يخلية ينطق على دكة الأحتياط ، مدرب مجنون بتشكيلتة يزج باوراق ما تتوقع انها تفيد الفريق بس في الأخير تندم على توقعك وتثق بأن مورينهو عارف شغله زين .... هاذا اللي عندي وياليت نشوف أرائكم |
يا ضب والله يا انت بيجيك بلوك لامع من الادارة |
إقتباس:
|
فهد .. المشاركات السيئه في حقنا ماحد يشوفها صار :( .. المشكله انا موفاهم ليش كل هالفرحه الا جت .. مااشوف عشاق الانتر سووا ربع الا سووه .. ولا عشاق المان سووا كذا مع الليفربوليين .. ولا ولا ولا .. مشكله اذا كان نادي مثل الريال .. بسبب بطولاته الكثيره .. صار كل من يشجعه .. === سعسع .. حج مبرور وسعي مشكور .. لكن ودي انك تختار كلمات افضل وتسيطر على غضبك .. يظل هالمكان مرآه لشخصك حبيبي .. وابغاك تطلع بصوره افضل من هذي .. ماعتقد انك تبغى لاعبين ونادي عمرهم مادروا عنك يطلعوك بصوره كذا .. وانت .. تغيب تغيب .. وترجع بشرشحه في الفريق كله :D .. وتقول انييستا اطلع .. ياهوووووووو .. تبغا تنزلنا للدرجه الثانيه هههههههه .. === عموما .. الفريق مر بظروف أسوأ وخرج منها بالماضي .. ومازال في وقت .. فقط .. لو تخطى الفريق سلبية العاطفه الجياشه :D .. |
معليش شباب بس ما انتبهت لرد الأخ المحترم .. بس كان مفروض ترسلون لي على الخاص ياشباب .. اتمنى منكم أي شي يصير يراسلني على الخاص .. وهالشي لجميع أعضاء المنتدى مهب بس للرابطة .. لأن متابعة المشاركات والمخالفات ممكن ماننتبه لها او كذا .. لكن الرسائل الخاصه تجينا بوقتها وتطلع نافذه تقول فيه رساله خاصه وبالغصب تقراها .. زي كلام الاخ .. ما كنت منتبه له بصراحة لأني كنت منشغل في أمور ثانيه .. لكن واضح اليوزر انتحاري للأسف .. راحوا الرجال |
اعين البارسا حول الارجنتيني ماسكيرانو ..! http://images.sportinglife.com/07/02...ano_202103.jpg في خضم مشكلة شراء عقد نجم خط الوسط الأرجنتيني " خافيير ماسكيرانو " لاعب فريق " ليفربول " , أبدى " رافائيل بينيتيز " مدرب الليفر عن ثقته بإنهاء مشكلة شراء عقد النجم الأرجنتيني , ولكنه أعلن في الوقت نفسه عن مخاوفه عن ذلك الغموض الذي يكتنف مستقبل " خافيير " !! فالنجم الأرجنتيني المعار من فريق " وست هام " منذ حوالي السنة و6 أشهر أضحى هدف معركة ضارية في الانتقالات الشتوية , حيث سيتيعن على فريق قلعة " الآنفيلد رود " دفع 17 مليون دولار لشراء عقد اللاعب من فريقه السابق , الأمر الذي أشعل فتيل المشاكل بين " بينيتيز " ومالكي الفريق الأميركيين " جورج جيليت " و " توم هيكس " !! وأبدى " رافا " عن مخاوفه من عدم إتخاذ أي إجراء بهذا الشأن , وتمنى أن يتم الانتهاء من هذه المشكلة بأسرع وقت لأن " ماسكيرانو " عنصرٌ فعال في الفريق ولا يمكن الاستغناء عنه !! هذا وتترقب أندية " برشلونة " و " يوفينتوس " و " مانشستر سيتي " القضية عن كثب سعياً في خطف ورقة أحد أفضل لاعبي الارتكاز في العالم حالياً !! :d |
هارد لكم شباب والله ماتوقت الهزيمة |
السلام عليكم ... كيف الحال شباب ... مع اني عارفه زين من بعد المباراه وانا ادخل ابي اكتب ولا اقدر كنت احسبهم ضمو رابطة البرسا لرابطتهم ... وصارت 2 في 1 =============== هارد لك شباب من وجهة نظري الخساره يتحملها ريكارد صحيح ان الاعبين ماادو بس انت عندك تغيرات ... يعني تقدر تغير الامور داخل الملعب والهدف في الشوط الاول ... هدف واحد عجز ريكارد يغير من الامور لتعديل النتيجه. ريكارد مفلس تكتيكاً .. كل اللي عليه يحط التشكيله قبل المباراه ... بس اثناء المباراه نادراً ماتنفع تغيراته ... يعني المدرب هذا مايعرف يقراء المباراه. واذا غير طلع لعب ودخل لعب مكانه بنفس التشكيله بنفس التكتيك ... والكل يشوف اذا دخل في البرسا هدف كيف يصير الوضع ... المدرب مايعطيك الثقه انه بيقلب المباراه. ========== ريكارد اول ماجاء للبرسا جاء بتكتيك واسلوب لعب كان مختلف بعض الشي على البرسا وعلى الفرق اللي تعرف البرسا ... مع ابدعات بعض اللعبين حقق بطولات. بس مدرب يستمر على نفس التكتيك والاسلوب حتى التغيرات ثلاث مواسم يعني ماتبون ينكفش وضع الفريق ويصير يعاني من الفرق الصغيره والكبيره. لان اي مدرب يقابل البرسا يصير الوضع مكشوف وسهل التحجير لريكارد واللعبين اللي قل عطائهم فيه غيرهم مازال يبدع وكل الفرق تتمناهم. ميسي ... انيستا ... يايا توريه ... مليتو ... بويان ... ابيدال هذولي اللعبين مستواهم ثابت .. مشالله عليهم .. والكل يشوف الشي هذا ويعتبرون مكسب لاي مدرب ... زد عليهم ديكو وهنري ورونالدينهو وايتو واكزافي وبويول ... والبقيه اللي مستواهم متذبذب والله العضيم عندنا فريق لو في مدرب صاحي ليصك فيهم البرازيل زي الحلاوه. ===== صدقوني العيب الاول والاخير في المدرب وفي الختام انا آسف على الاطاله. |
| الوقت المعتمد في المنتدى بتوقيت جرينتش +3.
الوقت الان » 12:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd