|
إقتباس:
وسيفوز بالدوري باذن الله |
قابلني لو تعدل الوضع ما دامت الحرب شغاله على الساحر ومع احترامي لريكارد هو من اشعلها خصوصا بعد التصريحات رونالدينهو يريد الرحيل ولكن ما يبي يخسر الجمهور يبي يطفش الاداره علشان توافق على عرض الميلان وبعدين شوف الريال يعاقب روبينهو ويهدده بالبيع عشان سهرة البرازيل وبرشلونه ما قال اي شي للساحر وهم في السهره مع بعض تعامل الاداره والمدرب يحير |
بالنسبة اللي يقولون الدوري راح يا شباب تونا في اول الدوري يعني ممكن يهبط برشلونه وممكن يحقق الدوري لا زال الوقت مبكر وبعد المرحله الخامسه والعشرين كل شي يبدأ يبين |
السلام عليكم أول شي نقول هارد لك ياشباب التعادل وخيرها بغيرها ان شاء الله .. الفريق صراحة جدا ضائع .. لكن اذا عرف السبب بطل العجب بكل تأكيد .. الاصابات الكبيره في الفريق لها ثقل صراحة .. اعمده من اعمدة الفريق مفقوده شلون تبونها ماتسقط ! .. لو مايجي من هالغيبات الا ايتو وديكو وأبيدال .. شي يحز بالقلب صراحة كل هالغيابات .. هذا غير زامبورتا الي لعب شوط واحد ولا كانه موجود .. ولا تورام .. الدفاع سيلفيو وميليتو وبويول وماركيز !! من متى لعبوا هذولا مع بعض !! طبعا غير ان سيلفيو وماركيز من زمان مالعبوا مع الفريق .. الا ان مستوياتهم صراحة جدا مهزوزه مادري وش السبب ! .. خصوصا سيلفيو والي جاء الهدف الاول بسبب تراخيه العجيب في التغطيه الدفاعيه وكانه يقول مادامني ما أعرف أدافع مو مشكله ماراح يعاتبوني الجمهور !! طيب ياخي تحرك سو شي حاول .. مهب تناظر المهاجم يمر من عندك ولا كأن صار شي ! .. سيلفيو أمس صراحة عااااله على الفريق .. في كل مره يدخل يسوي شي سواء يحرك الجهه اليسرى أو ينشط الوسط أو أو .. لكن مباراة أمس صراحه ليته مالعب .. ولعب ريكارد بالثلاثه الباقين بس .. على الأقل نستفيد من خانه في الوسط قدام التكتل الغير معقول من الفريق الثاني .. بالنسبة لـ ريكارد ماراح أقول ان ماله دخل بالي صار والي يصير .. لكن عليه حق أيضا .. ياخي عندك اصابات شف لك لاعبين جاهزين ولعبهم في كل مباراة .. ترجع ليش لمبدأ المداوره الي أثبت فشله الذريع !!! .. كان ممكن تلعب بـ ثلاثه دفاع .. بويول وميليتو وماركيز .. واربعه وسط وثلاثه هجوم .. توريه محور .. وسط تراجع زافي .. ودوسانتوس واينيستا وسط .. وميسي وروني وهنري هجوم .. ويفضل يكون روني راس حربه وهنري جناح يسار .. روني لعب مع هنري مباريات جدا كثيره وماسوى شي يذكر صراحة مع الغزال الفرنسي .. نشوف وضعهم في حال بدلنا بينهم .. أضف الى ان وجود روني في خط المقدمه راح يسهل لـ ميسي الوصول لمنطقة الجزاء بشكل أفضل .. لان الدفاع بتكون عيونهم على روني .. بالتالي وسط تقدم ميسي مايدرون يمسكون مين ويخلون مين .. أضف الى تداخل هنري في الموضوع راح يشكل دربكه في منطقة جزاء الخصم مما يؤدي الى اهتزاز العمق الدفاعي .. مايؤدي الى هجمات تلو الأخرى للفريق الكتلوني .. وسط التكتل الدفاعي الشرس بالتاكيد .. سبق وقلت رأيي بالنسبه لوجود روني وهنري .. وآهـ يا أسود .. متى تجي :( .. |
إقتباس:
هذا رابط لجميع الاستفتائات في جريده السبورت يعني ما احتاج اني اخذ موضوع بسيط مثل التصويت من منتديات ثانيه http://www.sport.es/encuestas.asp?id...uesta=4024&s=0 :: :: |
السلام عليكم ورحمة الله وبركاتة هاردلك عالتعادل وان شاء الله البرشا قادر عالتعويض.. نبدا بهدف بلد الوليد اعتقد ان سيلفينيو يتحمل الهدف بنسبه 70% لأنه ترك خانته فاضيه والفريق كله انجرف للجهة اليسرى وصار مهاجمهم ماعنده احد وياله امدا بويول يلحق عليه:d والنسبه الباقيه اعتقد ان فالديز يتحملها!!! خط الدفاع اعتقد انه اول مرة يلعب مع بعض بويول في الظهير الايمن سليفينو اول مبااراة كأساسي!! ميليتو وتورام اعتقد اول مباراة لهم مع بعض !! خط الوسط افتقد ديكو كثيرا كثيرا وتوريه لم يكن بالمستوى:( خط الهجوم رونالدينيو وربي هذا مو عشره بالميه من مستواه الحقيقي:( ميسي ما قصر بس ماكان اللاعب المؤثر -- بويان ممتاز ولكن تنقصه الخبره في التعامل مع بعض الهجمات!! الحمدلله انها ماجت على خساره مباراة اخرى تثبت خطاء الاداره في الاستغناء عن موتا وسنفتد موتا كثيرا !! يجب على الاداره البحث عن محور وصانع لعب في الانتقالات القادمه!! |
][ برشلونة Vs بلد الوليد ][ مابعد المباراة ][ اتمنى من الشباب كتابة تحليلهم للمباراة لأضافته للموضوع ولكم خالص تحياتي وتقديري :d |
إقتباس:
ان شاء الله بتشوف تحليل يعجبك خاصه ان اعاده المباراه الحين يعني التحليل بيكون منطقي جدا :: :: |
والله ودي أتكلم عن المباراة بس الوضع النفسي سيئ جداً .. اللي أبي أقوله والله أمس الفريق ماكان فيه رجل يحس بوضع الفريق الا لاعب واحد غابي ميليتو .. اللي رفع ضغطي زيادة الحقير الاخضر بالريش مسوي نفسه حكم وكل كرة مافيها شي واحتكاك عادي ياخي تكره الفريق بكيفك بس وش ذنبي أنا متابع محب للفريق وتجيب لي معلق غبي يرفع الضغط بكلماته الغبية وكذا كورة يقول اتوقع انها تسلل لاالحكم لايرفع الراية ومسوي تمويه ان التحكيم معنا ياخي في وقاحة بس أكثر من وقاحة الاخضر بالرريش مافيه .. !! ديكو :cry:ديكو :cry: ديكو :cry:.. |
الله يعافيكم شباب على هـ المجهود ... :) مباراه اقل من متوسطه المستوى .. الشوط الأول كان فيه برشلونه مهزوز في خط الدفاع .. بوجود سلفينيو وماركيز لهم فتره مالعبو مع الفريق وهذا شي يؤثر خصوصاً على خط الدفاع ... الهدف الاول لبلد الوليد جاء من سؤ تغطيه من المدافعين ... وكانت اغلب كور الفريق (برشلونه) غير مركزه .. مور عشوائيه او مقطوعه من الخصم ... إلين ما تشابي عطا روني كوره قد تكون الوحيد الذي لعبت بشكل مثالى ... اتى منها هدف التعادل ... الشوط الثاني تحسن خط الدفاع بعض الشي بعد نزول زامبروتا وحتى ان زامبروتا لم يكن في المستوى المأمول منه .. اما الوسط واصل تخبطاته بإستثناء كورتين او ثلاث كانت لبويان كان للخبره دور في عدم استثماراها ... وكانت عديد الفرص لبلد الوليد ولكن تألق الحارس الرائع فالديز الذي كانت يقظته عن جميع اللاعبين هى الموجوده في الملعب حالت دون تسجيل بلد الوليد هدف الفوز ... :) ... عاب على انيستا كثره احتفاظه بـ الكره الزائد عن اللزوم .. روني الهدف الذي احرزه هو الحسنه الوحيد له في المباراه .. تشابي يواصل الضياع في وسط الملعب ولم يعد هو تشابي الذي كراته وتمريراته المتقنه هي كور لهدف محقق .. سوا الكره التي كانت لرونالدينهو .. !! يايا توريه .. اللاعب الأبرز في اللقاء بـ ع ـد الحارس المتألق في اللقاء فالديز .. خط الدفاع .. سلفينهو + ماركيز .. لم يلعبو مع الفريق من فتره وكان لهذا الأثر الأكبر على مستواهم ... !! بويول + ميليتو .. عملوا ما عليهم من واجبات .. بويان .. كان متسرع جداً .. لكن اللاعب صغير ويحتاج لوقت اكثر لتأقلم .. ميسي .. الأرهاق واضح عليه في المباراه .. دوس سانتوس .. لم يأخذ الوقت الكافي في اللقاء زامبروتا .. حسن خط الدفاع ولكن كانت من عنده كور كثيره غير مركزه .. ... اعتقد ان نتيجه التعادل عادله للفريقين بحكم مارأينا داخل الملعب ... :) ... الله يـ ع ـطيكم الـ ع ـافيه شباب .. :) واعذرونا على التأخير ... :) |
السلام عليكم هاردلكم التعادل وان شاء نعوض ونحط حيلنا كله في بيتيس ورينجرز قولوا ان شاء الله بدا الفريق المباراة بخطة الدفاع الجديده واللي ما عمرهم لعبوا مع بعض جميعا فالديز ما عليه سو اللي عليه بويول ظهير ايمن ومالعب زي ما لعب قدام الأسكتلنديين:cry: سلفينهو مسوي انا الخبره وهو ما عنده الا المراكض ويترك مهامه الدفاعيه واللي له وقت مالعب :upset: ماركيز لويركز شوي لو تلاحظ عليه واللي ايضا له وقت مالعب :sick: ميليتو أفضل لاعبين مباراة أمس s13s توريه ما كان بالفورمه تشافي لعب وصنع الهدف لـ رونالدينو ومستواه اوكي أنيستا ماش لاتتركيز ولاسرعه وربما هذا من الجهد اللي صاير :) رونالدينو ماش هذا ولا نص مستواه اللي نعرفه وخاصة ان البرازيليين ماتدري عنهم يلعبون سنتين ثلاث بعدين يا يدجون يا الله بالخير مستوى ماعليه بس أتمنى نصبر عليه :rolleyes: ميسي صراحة ميسي لاعب بس تأثيره لا ايجابي ولا سالب بوخان امس يوم طلعه ريكارد أخطا لاننا حنا بحاجه لاعب حربه متخصص طلعه ودخل جيوفاني جيوفاني ما كفاه الوقت اللي خش فيه لذا ما نقدر نتكلم عنه زامبرووتا ماعليه والله امس لعبة كأنه قلب :) قودينسون لاعب ذكي بس بس لو فيه ثقه بنفسه مثلا يلعب أساسي في بعض الأحيان تجده يبدع المباراه / بلد الوليد قدم مباراة جيده برشلونه كان مسيطر على الكره بـ نسبة تقريبا 60 % وهذا بحكم انها بـ ارض بلد الوليد بس قهر انها تنتهي تعادل شوتة زامبروتا في القائم وميسي ايضا أما اللي يقول رونالدينو يوم يطيح في منطقة الــ 18 لا هذه بتحليلي صراحه مافيها شي لأن الاعب يوم خش كان خاش عالكوره وطلع الكوره ركنيه وما كان اتجاهه على رجل رونالدينو . أمس ريكارد صراحة تكتيكه صفر أجل أحد يبغا يعدل النتيجة ويهاجم يفتح العمق!!!!!!!!؟ يطلع توريه ويدخل قودينسون ريكارد كان بحاجه انه يحط اي لاعب محل توريه ويكون دفاعي جدا عشان ما ينفتح العمق . أمس الهدف يتحمله سلفينهو ، بويول ، ماركيز ؛ بويول كان بحاجه بسرعه عشان يقطع الكووره سلفينهو يرحم امك غط عالاعب ماركيز ماش مدري وش فيه يمكن على قولة واحد من اخويانا ردة فعله كانت بطية ما دري منهو بالضبط الأصابات كانت من الأسباب اللي مخليه الفريق كذا ثاني شيء أتمنى ريكارد يثبت على خطة وحده حتى يكون في أنسجام ولا يتبع المداوره . ^_^ مـــــــــــــ حــــــــــــ مـــــــــــ د ^_^ |
السلام عليكم ( hard luck ) على المستوى الفاشل , والمظهر المخزي الذي بدأنا نتعوّد عليه في الفترة الأخيرة ولكن , أن تأتي المصائب مبكراً , خيرٌ من أن تأتي في وقتٍ لا مجال معه للتّصحيح كما حدث في الموسم الماضي وضع الفريق ليس بذلك السوء الذّي نتصّوره , شيء طبيعي أن لا تأتي نتائجك بالشّكل الإيجابي وأنت تفتقد لأفضل مهاجم في العالم بلا منازع ( إيتو ) , وطبيعي أن تخسر وأنت تلعب بلاعب يستفيد منه الخصوم أكثر من الفريق نفسه ( روني ) على كلٍ الكرة لازالت في ملعب رايكارد ولا زالت الأمور قابلة للتّصحيح , ونظرياً هناك مباراتين مع الغريم مدريد , من شأنها أن تحسم الدّوري لصالحنا إذا ما واصلنا بمثل ما يواصل به مدريد حالياً الأمر الذي يجب على رايكارد أن ينتبه له وهو ما ذكره الأخوان , وكنت أذكره في الموسم الماضي دائماً , وهو موضوع الكرات الثابتة ( الركنيات والكرات المرفوعة بمنطقة الجزاء ) , في الماضي لم يكن هناك سوى ماركيز أما الآن فهناك توريه وميليتو , ولكن أين التوجيه السليم في هذه الكرات من قبل المدرّب ؟؟ بالتوفيق |
.. :: غلاف الموندو ليوم الجمعة 2/11 :: .. :):) ترجمتها جدا معقدة ولا عرفتش لها :):) |
.. :: غلاف السبورت ليوم الجمعة 2/11 :: .. http://sport.mynewsonline.com/previe...102P011SPO.jpg ريكارد كان المسؤول |
.. :: تقييم اللاعبين :: .. http://www.2shared.com/download/2452...04131-a32e370e http://www.2shared.com/download/2452...04219-38091194 لي عودة |
| الوقت المعتمد في المنتدى بتوقيت جرينتش +3.
الوقت الان » 03:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd