][ رابطة عشاق برشلونة ][ ][ 2007 - 2008 ][ ][ MًَES QUE UN CLUB ][ - صفحة رقم 452 - نادي الهلال السعودي - شبكة الزعيم

ٍS7EVA · #6766 30/10/2007, 02:17 PM

مبرووك يابو سلطان << هلالي ع اصوول

وموفقين غدا ضد بلد الوليد ..

BARCELONISTA · #6767 30/10/2007, 03:11 PM

!!::!!للي ما تابع المباراة!!::!!

الدوري الإسباني ( برشلونة X ألميريا ) - تسجيل

بتوقيت مكة"17:00"يعني 5 العصر

BARCELONISTA · #6768 30/10/2007, 03:16 PM

إقتباس

الرسالة الأصلية كتبت بواسطة هلالي وأحب برشلونة 9


	السلام عليكم شباب انا في بالي فكرة وجلست انسق مع نفسيهالفكرة وهي: موضوع في العالمية بعنوان "قصة هدف" يكون مستمر كل اسبوعين طبعا بأسم الرابطة ومحتوى الموضوع يكون: 1- الهدف للكمبيوتر وللجوال،،، 2- شرح الهدف ،،،، 3- مناسبة الهدف وليش هو مهم!!! 4- تصميم للاعب ان قدرنا ونكتب علية أسم الرابطة ,,,,, شرايكم بالفكرة وياليت اللي يبي يسوي معي هالموضوع يقول

محد رد علي

S U L A I M A N · #6769 30/10/2007, 03:41 PM

^^

اهنييك

.. فكره جدا رائعه بصراحة < فاق مع الفكره

..

ايه كذا ياشباب .. نبي افكار حلوه زي هذي ..

.. .. .. ..

PUYOL Carles
عضو اللجنه الإعلامية

صحيح

.. عالبركة حسين .. واكيد انت قدها وقدود .. ورنا همتك عاد ..

‎βαƦ¢α 4 ξνξƦ · #6770 30/10/2007, 03:49 PM

سليمان وقسم بالله كلامك كله واضح ومضبوط

بالفعل روني ممكن يحتاج من ينهي الهجمه عشان يمسك صناعة اللعب .

هنري اشوفه احيانا ممكن يلحق على الكوره ان يقوي التسديد بس ,, لكنه ما يسوي !!

ويمكن التاقلم له دور ,,, يبيلنا نصبر مثل ما صبرنا على لارسون .

قفله مميزه #

شو هاظ يا زلمه

مبروك حس حس ,,, هاه تراي اول من يبارك

مبروك يا صديقي باللجنة ,, هذا فخر لرابطتنا ما شاء الله ,, بعد بوسلطان حسين ,,,

‎βαƦ¢α 4 ξνξƦ · #6771 30/10/2007, 03:52 PM

ميسي : برشلونة لا يعتمد علي

انكر ليونيل ميسي بأن لعب برشلونة المميز منذ بداية الموسم انه كان يعتمد عليه ,,, واذك بأف الفريق بجميع اللاعبين مميز ويستطيع لربح كل شي .

اخبر ليو صحيفة كلتونيا اليومية بأن البارسا دائما لا يعتمد على لاعب واحد واوضح بأن اللاعبين جميعهم مميزين .

" في جميع المباريات نتسطيع ان نعمل افضل مما نقدمه وققد نخطئ فلا احد معصوم " .

" اعتقد ان الفريق حاليا يلعب بشكل جيد واستطعنا التغلب على فترة الشك من نهاية العام الماضي الى بداية هذا الموسم " .

" بالرغم من الاصابت التي لاحقت الفريق والتي لم تجعل جميع اللاعبين يلعبون مع بعضهم حتى الان وبشكل مستمر ,, ولكن على كل حال الفريق يستطيع اكمال النقص " .

ميسي ( 20 عام ) الذي يعتبر افضل مهاجمي برشلونة ثباته يؤكد على اية حال بأن الفريق قادر على احراز الاهداف وافوز في كل المباريات .

وعن البطولات قال : " اتمنى احراز كل شي حتى الكوبا دي راي ( كأس الملك ) فالفريق لديه شباب رائعين ومجموعة كبيره ".

واختتم لقاء بشكره لجمهور الفريق قائلا : " علي ان لا انساهم فهم يأتون الملعب وبشكل كثيف حتى خارج الارض ,, علينا ان نشكرهم فقد احزانهم العام الماضي بعد فقداننا للبطولة " .

" احب ان ياتي الى المشجعين وخاصة الاطفال ويطلبون التوقيع معي ,, عندها اكون مسرور بذلك " .

GOAL

PUYOL Carles · #6772 30/10/2007, 03:59 PM

هلالي واحب برشلونه 9 .. فكرتك لطيفه .. لكن تحتاج لللاستمراريه .. يعني نخاف انها تكون توصل الى الجزء الـ 7 وتوقف هههه ..

على العموم .. احنا نشوف بتكون الفكره كيف شهريه والا كيف مدتها .. وعلى ضوئها نختار لينا هدف على آراء الرابطه ونجيب عنه معلومات كافيه . ونحطه في العالميه ..

---

يالسلمي .. تسلم والله .. الله يستر مافحط تفحيط بهالمنصب هههههههه ..

---

بصراحه كل الأخبار والانتقادات والتصاريح مووقتها ..

الموضوع متشعب واله اكثر من شي ..

أولا:

ان كان على راحه ورونالدينيو بدنيا موجاهز .. فـ هذا الشي بعيد عن المنطق .. اللاعب ارتاح اكثر من غيره .. وتدرب مثل غيره برضو .. ويدلعوه اكثر من غيره ..

ثانيا:

على رونالدينيو التفكير في الفريق .. كل لاعب محترف .. يلعب في نادي مثل البارسا وغيره من الأنديه الكبيره .. عليه أن يعلم نوعية طموح هالأنديه .. وبالتالي وجوب وجود احتياط قوي يفيد الفريق في مختلف البطولات ..

يعني لوكان الا يصير الى رونالدينيو .. بسبب انه فقد الاحساس بأهميته .. اذن هناك خطأ كبير بتفكيره .. المفروض قدوم هنري يخليه يستانس انه فيه من بيسانده في أوقات الشده والاصابات .. مويعتفس ..

ثالثا:

اذا كانت هناك رغبه عند روني في ترك النادي .. عليه فقط أن يصارح ريكارد ..
اذا كان وجوده في النادي فقط من أجل الجماهير المحبه له .. ولكن عقله في الانتقال للميلان .. النتيجه خساره من الجهتين .. احنا بنخسر اشيا واشيا .. وهو بيخسر سمعته ..

اليوفي لما باع زيدان .. ممكن كان غلطان .. لكن برأي ادارة اليوفي من أذكى الادارات الا شفتها .. وارتأت الى أن زيدان لن يقدم لليوفي أكثر مما قدمه .. وقبلت بخروجه بمبلغ وقدره ..

رابعا:

اللاعبين - الطاقم الفني - الاداريين - قدامى البارسا - جزء كبير من الجماهير .. كلهم قاعدين يدعمو في رونالدينيو ويعطوه الاطمئنان .. وش يبغا اكثر .. لايكون نسى من وين جاي

.. يعني لايكثر دلع

ترى مولايق

يعني لو كاكا عذرته شوي

بس روني صعب يتدلع

..

يعني المفروض الحاجز النفسى يتخطاه رونالدينيو .. لأنه مافي أحد ماأعطاه الشعود بالأمان من ناحية اهميته للنادي ..

===

نصبر ونشوف ..

الأفضل .. انه الصحافه والجماهير تفكر في مصلحة النادي .. النادي يمشي في نسق جيد .. المفروض يدعموه . ويحاولو يرفعو من معنويات الفريق ككل .. ويدعمو قرارات ريكارد ..

البعض يقول .. المفروض ريكارد مايطلع روني .. عشان روني لايتضايق ..

والبعض يقول .. اذا كان سئ من المفترض يطلعه ..

وبهالطريقه ريكارد عمره مابيرتاح من انتقادات صحافة كاتالونيا ..

لازم الكل يعطي انتقادات ايجابيه .. وبناءه .. موهدفها تخريب مايعمله المدرب ..

BARCELONISTA · #6773 30/10/2007, 04:12 PM

مبروك يالغالي والله تستاهل أكثر يا

حسين

عقبالي

PUYOL Carles · #6774 30/10/2007, 05:25 PM

أبيدال قد يستبعد من لقاء بلد الوليد ..

بالمختصر المفيد واللغه العاميه

.. انه ابيدال تلقى ضربه قويه في مباراة ألميريا ومع انه كمل اللقاء

.. الا انه يشعر بآلام .. الشي الا خلاه مايتدرب مع الفريق اليوم وأمس .. ولازم الجيم للتخلص من هالأوجاع ..

الاصابه موقويه لدرجة الابتعاد الخطير .. ولكن الاجراء بيكون احتياطي .. لكي لاتتفاقم الاصابه .. نظرا لأهمية اللاعب ..

طبعا اذا غاب ابيدال عن المباراه .. راح تكون أول مره يغيب ابيدال .. وان شاء الله البدلاء يسوو ثلاثة ارباع الا يسويه ابيدال .. مانبغاه كله .. ومابيكون فيه تأثير لغيابه ..

---

خارج النص:
طبعا ممكن يكون ريكارد حاول يشيل ابيدال في الشوط الثاني من مباراة ألميريا .. لكن ماادري اذا في احد يدري لو لأ .. فيه مره السبورت والموندو ديبورتيفو نشرت تقرير اسمه جندي ريكارد المجهول .. بالاشاره الى أن ابيدال يرفض الخروج في مثل هالحالات .. في مباراة الراسينق او اوساسونا نسيت .. كان بين الشوطين يتألم ابيدال وحاط الثلج .. وجا سأله ريكارد تبغا تطلع ... قال له لأ .. أنا مولاعب .. انا جندي وقاعد أحارب .. ودائما مااتعرض لهالنوع من الآلام لما كنت في ليون .. بس مستحيل أطلع .. ولازم اكمل مهمتي مدام اقدر اعطي كل مالدي ..

EL MUNDO DEPORTIVO

فرنساوي ميلاني · #6775 30/10/2007, 05:30 PM

شباب ممكن احد يجيبلي صور

الماراة

بشلونة× ألمير

تكفون لحد يتأخر

قـنـ مـدريـ10ـدي ـاص · #6776 30/10/2007, 05:33 PM

حسين ..

مبروك أخوي .. تستآهـل ..

يكفي تحليلك للمبآريآت سببآ لآختيآرك للجنـة ..

بآنتظآر كل مآتطرحـه .. لآني مُعجب بطرحك ..

PUYOL Carles · #6777 30/10/2007, 05:45 PM

تسلموليي الا باركوا .. يوسف وهلالي .. وقناص مدريدي تحيه خاصه

..

أحرجتوني .. ترى مااسوي شي زايد انا .. كل الا اسويه اقضي بعض وقت من وقت فراغي في الطقطقه على الكيبورد

..

---

فرنساوي ميلاني .. انت لوتتابع الرابطه عدل .. بتشوف انه فيه صور انحطت للمباراه ..

---

شباب ..

الشهر هذا خلص الحين .. واحنا ماسوينا شي لامواضيع ولا أي شي باسم الرابطه في العالميه .. الريس سليمانو .. يبغا الرابطه تكون أفضل .. وهو عنده ارتباطات تبع الشسمه هذا الاشراف .. فـ الواجب احنا نتساعد اياه برضو ..

على العموم الفتره القادمه .. نبغا نكتب كم جمله على كل مباراه يلعبها الفريق .. يعني آراء بسيطه .. افضل لاعب اسوأ لاعب .. رأيك في فكر المدرب .. اي شي شفته ملفت للنظر على أرضية الملعب .. ومولازم يكون الكلام واجد .. خير الكلام ماقل ودل ..

ومع الوقت راح نقدر نسوي شي أفضل .. ونخلي الرابطه تكون في قمة الترتيب ..

موضوع بويول .. راح ينزل في هالويكند ان شاء الله ..

واذا فيه يبغا يساهم فيه .. ياريت نشوف تصاميم .. هذا كل الا ناقصنه في الموضوع ..

وفكروا في مواضيع للشهور القادمه ..

فيه لاعبين كثار مروا على النادي وتركوا بصمتهم .. ومدربين .. ووو ..

فرنساوي ميلاني · #6778 30/10/2007, 05:53 PM

إقتباس

الرسالة الأصلية كتبت بواسطة فرنساوي ميلاني

شباب ممكن احد يجيبلي صور

الماراة

بشلونة× ألمير

تكفون لحد يتأخر

محد يرد علي

اكشخ واحد · #6779 30/10/2007, 06:25 PM

السلام عليكم ورحمة الله وبركاته

كيف الحال ياشباب

بويول كارلوس مبروك العضويه وتستاهل يابطل.

بس ماابي اوصيك ترا فيه شباب قبلك اخذو العضويه وسحبو على الرابطه

لا يكبر راسك علينا ياحسين ... طيب.

نجم البارسا · #6780 30/10/2007, 06:35 PM

ألف مبروووكـ يا & حسين & <<<<<<< والله شكل رابطتنا بتتحول مشرفين ومناصب

لا ترفعون خشومكم علينا وما تتكلمون الا مع بعضكم <<<<<<< عقبالي بس