|
^^ سعسع .. اعطيه فرصه الى مباراة الأتليتيكو وبعدها نشوف وش في ضروسه مو ويش في راسه :D --- في تصريح الى ريكارد عن رأيه في المباراه .. ماترجمته عندي مذاكره :D .. لكن مكتوب .. انه اصابة بويول موخطيره .. واصابة ماركيز بكره بيفحصو .. أنا من رؤيتي الى بويول كيف قام بدون نقاله ووو .. حسيت انهم يبغوا يحافظو عليه .. بغض النظر عن ويش الظروف .. يعني ان شاء الله بويول سليم :( .. |
مبروك الفوز |
تكفوووون متى اعادة المباراة لاني ما شفته :( |
مبروك الفوز وكـ الـ ع ـاده الأصابات اخذت حقها من لاعبينا ... اخ يا القهر .. !! وابو الرون والله ماعاد ندري وش يبي صراحه .. !! بس يله مباراه الأتلتيكو يرد علينا كلنا إن شاء الله ... :) ... بعدين بـ المباراه .. روني ليه ما عطا بويول الكابتنيه .. !! وكان ماسكها هو وخشته وضروسه وبويول ولا كنه موجود .. !! .. الشوط الاول ابدع فالديز كثيراً وكان نجم الشوط الاول .. الشوط الثاني .. بويول .. وميسي وهنري وابيدال وفالديز .. ابداااع والباقين ماهم سيئين .. ! .. المعلق متأثر مرررررررره بـ الفلوس :d ... كل شي عنده ... دا يسوا كم دا .. طيب روني بكم .. طيب ميسي بكم .. طيب برشلونه بكم ... :d |
مبرووك الف مبروك الفوز والصـدارة .. المستوى اليوم كان جيد يعني أقل من المباريات الماضية من ناحية المجهود وانهاء الفرص اللي ريكارد مو راضي عن الأداء بسببها . . لكن الفوز كان مقنع وبما أنه جاء بعد أسبوع صعب ومتميز مر على الفريق وخارج أرضنا أيضا" يجعلنا نرضى بما قدمه الفريق اليوم . . فالديس 10-10 ( مبدع طوال المباراة وأنقذ أهداف محققة ):thumbup:. . أبيدال 7-10 جيد لكن أقل مما كان عليه في اللقاءات الماضية . . ماركيز : ما لعب وقت يخلينا نقيمه :cry:. . بويول 8-10 , متابعة رائعه في الهدف بس حظك يا كابيتانو وان شاء الله ما تكون الأصابة قوية . . :cry: تورام 8-10 , , راائع الامبراطور بهدوئه وتركيزه .. أوليغير 7-10 كان جيد جدا" . . اندريـــس 9-10 , مع أنه لعب كارتكاز الا انه أبدع كعادته وقطع كرات حاسمه . . تشــافي 7-10 اداء جيد من الملك وما ظهر كثير . . ديكو 7-10 كمجهود راائع جدا" لكن على غير العادة تمريرات خاطئة متكررة للأسف ,, ميسي 9-10 مبدع ليوو لكن ضيّع كم فرصة محققة , , هنري 7-10 . أداء جيد وتحركات وتمريرات جميلة . , رونـي , 7-10 كعودة بعد الأصابة وابتعاد لاسبوعين نقدر نقول أداء جيد لمسات وتمريرة مجنووونة لتيري لكن ما استغلها صح الغزال ومساهمة في الهدف الأول , , ننتظر منه الكثيـر . مبروووك وباذن الله الفوز في المباراة القادمة في الليغا أمام الضيـف الثقيل الأتليتيكو مدريد . . |
ريكارد : لست مقتنع تماما ً http://www.sport.es/vivo/recursos/fo...245425_CAS.jpg مدرب برشلونة فرانك ريكارد كان راضيا ً عن نتيجة لقاء فريقة أمام شتوتغارت 2-0 لكنه علق بأنه "كان يجب انهاء المباراة من البداية". "لقد بدأنا بشكل جيد وصنعنا العديد من الفرص ولكني لست مقتنع تماما ً لأني رأيت الكثير من المحاورات أمام مرمى شتوتغارت مما جعلهم يتكتلون في مناطقهم". "هذه المشكلة هي بسبب وجود لاعبين جيدين في الفريق ولكن في مثل هذه المنافسات يجب ان تكون اكثر عنفا ً وأيضا ان تقوم بمهمتك في الهجمة وترجع لموقعك في الملعب". وامتدح ريكارد الحارس فيكتور فالديس وتصديه لأكثر من كرة في الشوط الأول وامتدح العمل الذي قام به اندريس انييستا في وسط الملعب ووصف عودة رونالدينهو بالأخبار السعيدة وخاصة انه شارك في الهدف الأول. كما ان ريكارد ابدى استياءه من اصابة كارليس بويول(كدمة) ورافاييل ماركيز(احتمال وجود تمزق) وقال ان اصابة بويول ليست قوية اما ماركيز فغدا ً سيتم اجراء فحوصات له" sport.es |
ماركيـــز قد يكمل المسلسل المكسيكي .. http://www.elentorno.com/fotos/1191359889.jpg بعد أن أصاب نفسه في الدقيقه الـ 7 .. ماركيز فيه احتماليه انه يغيب لشهر .. لأنه انصاب بتمزق في عضلات الكاحل ( هو اصلا كان غايب بسبب آلام في الكاحل .. واعتقد اسباب الآلام من تدخل أوليفيرا في مباراة سرقسطه ) .. EL ENTORNO --- والله حاله .. العام الماضي .. غاب ماركيز مباريات كثيره بسبب الاصابات الا في كاحله .. والحين ترجع عليه بلاوي قديمه .. ماصدقنا يرجع الى مستواه .. الا وينصاب :( .. أشوه فيه تورام بس .. |
ريكــارد جازف في رافا خوفا" من دخول بيول كأساسي لأن الأخير عائد من الاصابة فأصيب الأثنين جمييع , , !! شي غريب عجييب يصير للاعبين ., , |
على كلام ريكارد .. انه الا في بويول مثل الكدمه او شي .. يعني المفروض المفروض .. آلام بسيطه مو خطيره .. فـ ماتمنى يغيب بويول مده طويله .. كفايه الرباط .. فـ ماتمنى يجيه شي زايد .. --- على العموم ميليتو المفروض يرجع المباراه القادمه .. ان شاء الله مايصيبنا شي زياده .. --- وبعدها نرتاح اسبوعين .. مع الأمل ان اللاعبين مايصيبهم شي مع منتخباتهم .. برشلونه والاصابات .. علاقة حب وغرام .. قفله: آخر المباراه لما ابيدال تدخل عليه لاعب بشكل قوي .. خفففففففت خلاص .. لأنه لو انصاب بتكون هزلت .. |
اصابة بويول أكد ريكارد أنها ما تخوف لكن رافا توقع أنه بيغيب لمدة شهر , المباراة القادمة أكيد بيكون ميليتو جاهز لها , , لكن الســؤال ؟ ؟ أن هالأصابات اللي أعتدنا عليها كل موسم هل هي سوء حظ وهذا ما أستبعده تماما" ولا هي سوء اعداد وتقصير في الجانب البدني والجهاز الطبي ؟ !! |
السلام عليكم تقييمي للبارسا اليوم الهجوم : 8 من 10 الوسط: 9من 10 الدفاع: 6 من 10 فيكتور فالديس: 10 من10 الربط بين الدفاع والوسط والهجوم: 7 من 10 اللعب على الأطراف: 8 من10 شكرا :) |
إقتباس:
للأسف .. احنا الطاقم الطبي .. والمدربين البدنيين عندنا made in taiwan .. شوفو وياي .. زامبروتا - توريه - والحين ماركيز .. وحتى اصابة ميليتو .. كلها اصابات عضليه .. ماادري ليش يعني .. ممكن فيه كور ينصابو فيها اللاعبين بسبب سوء تصرف منهم .. بس مولهالدرجه .. هالموسم صحيح اشوف الحاله اللياقيه والحضور الذهني للفريق أفضل بمراحل من الموسم السابق .. لكن فيه اصابات المفروض ماتصير الى لاعبين كبار وذو تجربه مثل لاعبي البارسا .. يعني زامبروتا .. كفايه انه من مدرسه ايطاليه .. ومعروف حضورها البدني في التدريبات .. يعني مستحيل تدرب تدريبات حق دلع .. والحين من جا برشلونه .. كم مره انصاب ؟ .. في كاس العالم للأنديه انصاب مره .. والاصابه الأخيره .. وأظن فيه اصابه اله بعد بس موذاكر متى .. لكن ماادري .. هل هو سوء حظ .. أم بالفعل تحضير بدني سئ .. أنا أؤمن انه فيه لاعبين عندهم نقاط ضعف .. مثلا لاعبين دايما ينصابو بالرباط .. وفيه لاعبين دائما تجيهم اصابات في الكاحل واربطة الكاحل .. وممكن فيه لاعبين قوتهم البدنيه أقل من غيرهم .. بس مومعقوله هالكم الهائل من اللاعبين نفس القصه ( تمزق في العضله ) .. حرام :( |
الف مبروك على الفوز اللي له مكاسب حلوه منها ان الفريق بدا يثبت نفسه على الفوز من كم مباراة وخاصة خارج ملعبه لكن مثل ما للمباراة هذي مكاسب لها ايضا خساير واللي هي لعنة الاصابات اللي مدري الى متى راح تستمر معانا يعني والله ياشباب مو منطق مايجي مباراة قويه ونلعب الا لاعب لاعبين اصابة يعني من الدفاع على الوسط والهجوم ولا مركز الا الاصابة مسيره عليه .. بصراحة شباب مانقدر نقول كل هذا صدفة وشي طبيعي يعني وش معنى البرسا من فرق العالم كله انا ما ادري بس انا بصراحة احس ان الاعداد قبل الموسم له دخل ودخل كبير وهذي مو اول مره تصير معنا هالموسم أتمنى ان احساسي يخيب وتكون فترة تعدي يارب.... روني الى متى :evil: |
عمومـــا احقاقا للحق .. اصابة بويول .. من سوء تصرفه .. ارتقاءه كان سئ والمفروض مايثبت على رجله بهالطريقه .. أنا ماأدري وين الرجل الا تألمه الحين .. لأنه في المباراه .. شفته ثبت على رجوله اليمين أظن .. وفي الصوره منزل الشراب مالت رجله اليسار .. :D .. واصابة الرباط كانت في رجله اليسار :( .. فـ كلي أمل مايجيه شئ .. والا بتحطم :(.. --- قفله :D .. الموسم الماضي .. لما تورام انصاب في مباراة أتليتيكو مدريد .. غاب شهر .. لما رجع للتشكيله الأساسيه .. قدم مستوى حلو بصراحه .. فـ خلونا نتفائل انه المصابين بيرجعو أحسن من أول :D |
| الوقت المعتمد في المنتدى بتوقيت جرينتش +3.
الوقت الان » 01:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd