إقتباس الرسالة الأصلية كتبت بواسطة ـهلاليـ فيورنتينا يريد انيستا قيل ان هناك بالصحف الايطاليه ورد ان نادي فيورنينا يريد ضم الاعب انيستا ,, وقالت ايضا ان النادي حضر 17 مليون يورو من اجل ان يقتنع البرشا بتركه لانه يعرف ان من الصعب ان يترك البرشا الاعب ومدربه فرانك رايكارد لانه يعتمدد عليه

ماتوقع برشلونة يفرطون فيه.

صعبة بصراحة خروج انييستا

إقتباس الرسالة الأصلية كتبت بواسطة رحال الزعيم MaJeD أذكـرك مـشتـرك بـخدمة موبايلي حـقت النـت يـاليت تعـطـين خـبر عـن جـودته لأنـي صـراحة أفـكـر فيـهـا

هلا والله

موبايلي ماشي معي تمام التمام أول كنت استخدم الجوال وكان فيه تقطيع وخلافه لكن بعد ماشريت الكرت الحمد لله تمام لافيه لا تقطيع ولا شيء

بس واجهتني مشاكل فنية وللحين معي، المشكلة أنا اشتركت في باقة 1G في البداية قلت اجرب يوم جازت لي الغيتها واشتركت في باقة الـ 5G وبعدها بدت المشاكل معي، النظام حقهم يخصم الكيلوبايتات من باقتي ويحسب التكلفة الميجا بـ 4 ريال ويوصل الحد الإئتماني وينقطع ادق عليهم ويشغلونه وعلى هالحالة ويقولون جاري الحل وننتظر ونشوف، بس إن بغيت سرعة رهيبة بصراحة بس المشكلة هذي مدري هي عندي بس ولا عند كل المشتركين

طبعاً الكارت اللي عندي مو حقهم كرت ثاني شاريه بـ 650 أحسن من كرتهم لأن كرتهم مايقبل الا موبايلي بس لكن الكرت اللي عندي يقبل أي مشغل ويقبل لحد سرعة 7.2 ميجا في الثانية.

لكن الآن سمعت انهم وقفوا باقات الـ 1 والـ 5 ومافي الا المفتوح اللي بـ 350 في الشهر وشرط انك تشتري الكرت من عندهم مدري بس هل هالكلام صحيح ولا إشاعات.

بس بكل إختصار بالنسبة لي

أفضل من الدايل أب بوااااااااااااااجد ولا فيه مقارنه

بس يارب يحلون مشكلتي وارتاح

وللمزيد من المعلومات راجعني عالخاص

إقتباس الرسالة الأصلية كتبت بواسطة داق اشارة .. سـلام عليكم ،، اهلين بـ الكل بـ صراحة انا متابع قديم جدا ً للرابطة من ايام الأخ ( سنفور هلالي ) الى غاية اخوي وصديقي وحبيبي ( سليمان ) << ترا هو الي جابني هنا ويعطيكم العافية شغلكم ممتاز ولا غبار عليه ، اضافة لـ نقاشاتكم الي صراحة الواحد ما يمل منها ، يعني منكم نستفيد حبايبي ،، آخر شي ودي اقوله ، تراني منيب هلالي << طاح قلبه من الخوف ينتظر ردة الفعل ولكن عملكم وجهدكم يجبرني اني اتواجد هنا بينكم كـ كاتب رياضي في القسم العالمي و اخ لكم اذا تقبلوني بينكم وبـ النهاية اشكر الأخ سليمان على دعوته لي للمشاركة معكم وان شاء الله تلقون الي يرضيكم حبايبي ،، تحياتي : ابو سعسع

افا يا ذا العلم عندنا ضيوف لهم ساعة ولحد رحب بهم :@

يالله حيه يالله حيه ابو سعسع

شرفتنا ونورتنا

وحبايب سليمان حبايبنا

أتمنى إستمرارك معنا وتواصلك الدائم بالنقاشات وغيره

اخوان نجتمع ونتفق على تشجيع البلوجرانا

حياك الله

(اجل مو هلالي هاه مالت بس عادي بس لا تعلم احد :p)
 

والله يابو سعسع

أتفق معك

اللي مايبينا مانبيه

روما الله يصلحهم قالبينها حراج

ماصارت ذي

وميليتو غريب يعني برشلونة مازادوا في قيمة تشيفو بيقدرون يدفعون 20 مليون لـ ميليتو ماتوقع

عموماً مدير أعماله صرح بأنه لم تصلهم أي عروض من برشلونة

أتمنى يجيبون بيبو

مشكلته برازيلي والبرازيليين موب فالحين في الدفاع

لكن من كلام الشباب ومن اللقطات اللي شفتها له بصراحة اللاعب مبدع هداف وصغير

هاينزه مدري ليه ماقتنعت فيه :s

اندرادي بصراحة يازين ماركيز وتورام بس
 

إقتباس الرسالة الأصلية كتبت بواسطة Barca10 صباح الخير للجميع ... بصراحة حبيت أشارك في موضوع انتقال ميليتو فيما لو حصل .. انا بصراحة أقول انه من المدافعين اللي يمكنك الاعتماد عليهم لانه وبكل أمانة مدافع شرس وماينقصه هي الخبرة الأوروبية فقط ولكن أتوقع أنه سيكتسب ذلك لو انتقل الى برشلونة وأعتقد انه سيكون اضافة أكثر من رائعة في خط الدفاع .... لانه باستثناء بويول لايمكنك الاعتماد على البقية وهم .. 1- تورام... لكبر سنه مع انني من أكثر المعجبين بصلابته الدفاعية .. 2- ماركيز... لعدم ثبات مستواه في الموسم الماضي بل احمله خروج برشلونة من دوري الأبطال لأن طريقة اخراجه للكرة في الهدف الثاني لليفربول لايمكن ان يفعلها مدافع مبتدئ .. والشواهد كثيرة في العام الماضي .. 3- أوليقير (ماأسرحه مع ثنتين من البهم) فما بالك بقيادة خط الدفاع في فريق بأسم برشلونة لذا أتوقع ان ميليتو هو الأنسب في ظل الخيارات المطروحة من ادارة البارسا ... رأي شخصي...

اوليقير ياليت يهدونه لأي نادي كاتلوني ويفكونا منه

ماركيز إن شاء الله يرجع لمستواه الموسم الجاي، بدءاً من كوبا اميريكا اللي مبدع فيها القيصر ياليت يكون من هالمستوى وأفضل اليوم بيلعبون مع تشيلي شوفوا إبداعه

تورام خيار جيد إذا احتجناه رغم كبر سنه الا انه ماشاء الله يلعب بثقة كبييييييييرة جداً

طيب وليد نشوف من الأكثر مصداقية الويكيبيديا ولا الموندو .

أنا أشك في الموندو بصراحة لأني مترجم منها خبر قبل فترة تأكيد لعودة ماكسي لبرشلونة.