الدخول للي يحب الهلال فقط أ(قتراح) - نادي الهلال السعودي - شبكة الزعيم

sss3 · #1 30/06/2007, 02:48 AM

السلام عليكم ورحمة الله وبركاته

مساء الخير لكل هلالي ....

بصراااحه عندي أقتراح وياليت إدارة المنتدى تتفاعل معه وتتبناه بتنسيق مع إدارة النادي ويكون لهذا المنتدى بتفاعله الفائده الكبيره للنادي وللجمهور
الفكره بسيطه جداً ولفائده كبيره وخاصتاً مع وجود وسائل الأتصالات السريعه وسهله عن طريق الأنترنت أو الأتصالات الجوال ..وموبايلي
بما أن الهلال يبغى يجيب لاعب أجنبي ليه ما نتفاعل مع الأداره لأنه بالمنطق الاعبين الجيدين غاليه أسعارهم ومجرد مطالبه الأداره بجلب لاعب لاتكفي فلواجب علينا كجمهور التفاعل مع نادينا لأن النادي ليس ملك الأداره أو عضو شرف عشان نطالب فقط النادي بجلب لاعب ممتازالنادي ملك للجميع..
وأعتقد لو فتحت إدارة النادي الباب التبرع في فتح أحساب بأحد البنوك ممكن نتكاسل عشان نروح للبنك ..
لكن ليه مايكون هناك رقم أتصال ترسل عن طريقه رساله ويخصم من حسابك في البنك أو تحسب على فاتورتك الشهريه ويكون المبلغ بسيط وغير مؤثر مثال عشره ريال من كلك مشجع في الرساله الواحده ويكون لك حرية الأختيار لو حبيت ترسل أكثر من رساله وبكذا تدعم النادي بجلب لاعب ممتاز دون مايكون فيه تعب لك ودون إرهاق لميزانية النادي ولا يكون النادي تحت رحمة أحد من إي شخص أو عضو وتكون لك بصمه بتفاعلك مع ناديك
تصورو لو خمسين ألف رساله من عشرة ريال أو خمسة عشر ريال والله العظيم نجيب أفضل المهاجمين في كوبا أمريكا وحنا مرتاحين ..
لأن الهلال داخل على مرحله تاريخيه ومحنى بحاجه لأنصاف الاعبين الأجانب الرخيصين ولا تقدر تفرض رأيك ونت ماتشارك بفاعليه

المقترح أمامكم يأعضاء ومشرفين المنتدى ياليت نتفاعل مع هذا الفكره ونطورها عشان توصل لإدارة النادي بسررررررررعه

أبو نــــواف...

هـلالـي ورافع راسي · #2 30/06/2007, 03:03 AM

يعطيك العافيه . الموضوع نزل كم مره من اكثر من عضو (لكن من يسمع )

هــــــــلالــــــي مــــــــــوت

د.جووجل · #3 30/06/2007, 03:06 AM

حنا ما قلنا لا

ابد خلهم يفتحون و لا عليك بصير الرصيد على الاقل مليووون

MiSs Ro0oRo · #4 30/06/2007, 04:40 AM

انت

كذا

وليد القحطاني · #5 30/06/2007, 04:44 AM

موضوعك غريب تقول الدخول للي يحب الهلال ,, اجل بخشون اكثر من 50 ألف

بس موضوعك لاحياة لمن تنادي

$ الأسطورة SS $ · #6 30/06/2007, 04:47 AM

أنت ارسل لقناة الزعيم ...

واشترك بجوال الهلال ....

وبيوصل دعمك ....

فصولي 9 · #7 30/06/2007, 05:22 AM

شكرااااااااااااااااااااااااااااااا

هلالي@مانشستراوي · #8 30/06/2007, 05:28 AM

إقتباس

الرسالة الأصلية كتبت بواسطة هـلالـي ورافع راسي


	يعطيك العافيه . الموضوع نزل كم مره من اكثر من عضو (لكن من يسمع ) هــــــــلالــــــي مــــــــــوت

Hictar · #9 30/06/2007, 05:28 AM

ما احد راح يسمعك
لازم دعمك للنادي تشارك فيه شركه الاتصالات وغيرها

Galaxy-f · #10 30/06/2007, 01:13 PM

مشكور على الفكره بس مين يطبقها (اتمنى والله العالم كم بنشارك لعيونك يازعييييييييييييييييييييييييييييييييييييييييييييييييييم)

Islam4Ever · #11 30/06/2007, 01:20 PM

حنى موافقين ان ندعم النادي حتى لو حطو رقم حساب على اي بنك راح ندفع بس من يسمع

الســـ الهلالي ـــهم · #12 30/06/2007, 01:33 PM

إقتباس

الرسالة الأصلية كتبت بواسطة $ الأسطورة SS $


	أنت ارسل لقناة الزعيم ... واشترك بجوال الهلال .... وبيوصل دعمك ....

لا مايوصل الدعم

لو يوصل الدعم كان ما أشتكت الادارة من المادة

الدراهم كلها تروح لشركة الامتصاصات السعودية

ومالك منها الا شي بسيط يعني من الالف تاخذ 100

نبي ندعم النادي بشكل مباشر سلم واستلم وبس هذا اللي نبية