قصه جديده {{ بسم الله الرحمن الرحيم }} نزيه المشاعر كما وعدكم بقصة حب اليكم القصه أذن المغرب لازم أصلي عند الملعب أهم شي ماتفوتني المباراة لأنها مهمه_ المهم حضرت المباراة وسجل علينا هدف وطلعنا مهزومين أكيد سبب هزيمتنا الحكم وإلا المدرب معروفه هذي اعذارنا! المهم طلعت وجاني اتصال : رديت : ألو ألو ألو قفل الخط قلت شكله واحد من الشباب متصل يتشمت وجلست أفكر وأفكر وفجأه جتني رساله مكتوب فيها : آسفه غلطانه معليش أزعجتك بصراحه بعدها انهبلت ومدري وش صارلي نسيت هم المباراة والحكم والمدرب رحت للبيت وجلست أفكر منو هذي ومن وين جابت رقمي لأن رقمي شوارع من شينه __جتني فكره أخذت جوال اختي من دون ماتدري وأتصلت على الرقم وتفاجأت طلعلي اسم (عذاري) يالله تخيلوا صديقة أختي__ والله مشكله شسوي المهم أرسلتلها رساله كتبت فيها: أنا اللي أتأسف اني رديت عليك من غير نفس لكن اعذريني لأني كنت متضايق شوي ونفسي أتعرف عليك اذا مافيه مانع ردت علي وقالت آسفه أرسلتلها رساله وقلت: حرام عليك ليتني مت ولا قلتي آسفه تخليني انفتن بصوتك وتحريميني منه حرام عليك أرسلتلي وقالت: لا عسى يومي قبل يومك __خلاص اوكي اتصل علي الساعه12 وأتصلت عليها بصراحه صوتها رووووعه وتكلمنا عن أحوال الدراسه والمستقبل والفن والأسهم=====> خاش غلط_ __لاتلوموني لأن السوالف تخلص وأحاول أسحب سوالف من أي مكان استمرينا على هالحال 4شهور لين كلمتها وقلت: عذاري ابي أشوفك عذاري : صعبه عبدالله ولاتحرجني أنا: لا تخافين اختي ايمان ماراح تعرف عذاري: ومن هذي ايمان أختك كم عمرها أنا: لاتلفين وتدورين أنا أعرف كل شي عذاري: كيف عرفت أنا: أخذت جوال اختي وشفت رقمك على العموم اذا رفضتي يمكن اختي تدري لكن أقولك لا تحرجين نفسك أخيرا وافقت وشفنا بعض وبصراحه أعجبتني وحبيتها وحبتني يالله على جمالها وجهها من شدة الجمال شبهته بالؤلؤ _ ويديها أشبه بلون الثلج من شدة البياض _ اممم على شفايفها الورديه _ والا العيون كبار_ سبحان خالقها روووعه وتمر أيام سئلتها إذا كان عندها ايميل و صار عندها أخذته وصرنا ندردش بالماسنجر ويوم من الأيام قالت لي : عبدالله بنت خالتي بسويلها دعوه بالماسنجر أنا في البدايه رفضت وحاولت فيني لين وافقت طبعا بنت خالتها ماتدري عن علاقتنا عبر الجوال وأنا حذرت عذاري قلت لها ما أبي بنت خالتك تدري بعد شهرين نزلت قصيده كتبتها بالفصحى وموجوده في بعض المنتديات وبعدها نويت أطلع للشرقيه وأتصلت على عذاري وماترد! أرسلت لها رساله وقلت حبيبتي عذاري أنا مسافر يومين وراجع وقلت تراني نزلت القصيده بالمنتدى جتني رساله منها تقول: رديت__ وهذا آخر رد لي معك مع تحيات رناد __ (اللي هي بنت خالتها) تفاجأت ودخلت النت عن طريق مقهى وقريت ردها بصراحه بكيت يوم قريت الرد __ لاحول ولاقوة إلابالله فشلتني رنادوه حسبي الله عليها بعدها رجعت للرياض وحضرت مباراة لفريقي وفزنا والحمد لله يوم باقي 5 دقايق وتنتهي المباراة جاني اتصال طلعت أكلم وش تتوقعون_______ (رنادوه) رناد: السلام عليكم أنا: وعليكم السلام رناد: أنا رناد أنا: ايه هلا باقي شي تدمرينه غير الي سويتيه رناد: كلم عذاري تبيك أنا: واذا كلمتها وش يفيد ابني وانتي تدمرين اللي أبنيه رناد: خلاص أنت كلمها تبيك وكلمت عذاري ورجعت العلاقه وبعدها صارت رنادوه كل يومين متصله وأنا أصرفها آخر شي قالت لي :ترى اذا ما أنهيت العلاقه أنا بنهيها طنشتها وصرت أكلم عذاري وبعدها أرسلت لي رساله عذاري قالت رناد علمت أمي والحين امي يمكن تاخذ الجوال مني من بعدها انقطعنا حوالي 10أيام وبعدها أتصلت عليها ورجعت العلاقه وعذاري قاطعت رناد وأنا أنتقمت لنفسي ونشرت رقم رناد الي تفتخر فيه انه مميز وبعد شهر ألغت الرقم المهم صرنا نحب بعض أكثر وبعدها جت ام عذاري قالت لبنتها جايبتلك عريس! _عذاري رفضت لكن امها أجبرتها وبعد الزواج صارت تتصل فيني ماتغير شي بالعكس صرنا ناخذ راحتنا بالمقابلات بعدها حملت عذاري وأنجبت بنت سمتها نوال لكن البنت مشوهه هذا الكلام قبل قرار الفحص قبل الزواج الله يعين عذاري بعدها تم انفصالهم وطلبت مني أتزوجها على الفور تزوجتها وعشنا سنه جميله لكن تعرفون الغيره وش تسوي__كل ماسمعت جوالها يرن أشك فيها رغم مراقبتي لجوالها لكن عجزت تذكرت مقولة واحد من الربع يقول: اذا كلمتك كلمت غيرك ماتحملت عذاري هالعيشه وطلبت الطلاق ___طلقتها على طول بلا تردد رجعنا على عهد أول صرنا نكلم بعض بالجوال تزوجت أنا لكن التفكير كله عندها ما أرتاح لين أسمع صوت عذاري انتهت أنتهت القصه تراها جزء كبير منها واقعي نزيه المشاعر الى اللقاء |
أول شي يازين الحب ويازين سوالف العشق بس مو لهالدرجه ...........!!!!!!!!!! طيب ممكن أقولك شي ..///// يمكن ايمان ( جسرت عليك:D ) أختك تكلم أخو عذاري وهذا الشي احتماليته كبيره هل بترضى لأختك هذا الشي ......؟؟ ثاني وشلون اعذرني على الأسئله بس أبي اعرف وشلون أول ماجتك الرساله تروح تأخذ جوال أختك وتتصل منه يمكن يطلع ولد يبهذلها ؟:upset: هل عذاري شافتك قبل كذا بالبيت ولا مأخذتن الرقم من الفضاوه ؟:laugh: كثير القصص اللي زي كذا بس اللي أعرف مثلا انها شافتك بالغلط بالبيت أو انت استلكعت تعرف انها موجوده مع أختك وقمت فتحت الباب على أختك كنك مو دارين ان خويتها موجوده ...//////s60s على العموم الله يهنيكم مع بعض ....//// ويازين الحب ........ ويازين انك تحب بنت وهي تحبك مو بالأرقام وجها لوجه .......!!!!!!!!! ( خربها وخرج خارج النص ):) وسلم لي على عذاري وقلها ممكن نتزوج ؟:) |
عفوا اخوي هذي مجرد خيالات وانا اخذت بعض من الواقع مشكور على مرورك |
1000000000000000000000000000000000 شكر لك أخوي صراحه مبدع بم تعنيه الكلمه من معنى الله يوفقك |
الله يسلمك اخوي الضرغام مشكور على مرورك |
يجل يا ولد البترول .. داخل جو:D .. لا و مصدق و عندك أسئلة بعد :D ما فيه زي الحب بعد الزواج في السعودية :yes: .. برا السعودية .. يمكن الوضع يختلف تماما .. مع أن كلامك يا نزيه المشاعر يسبب لي ( قرحة ) و يعفس نظام الدورة الدموية عندي و يسبب ( قولون عصبي) .. الا أني ما أقدر أقول الا شكرا بس لعد تعودها :D جب لنا قصص تعطي الأمل في الحياة مب تجيب الهم :D تحياتي..! s13s |
يا شباب كثروا من هذي المواضيع<<<<<واحد من قوة الانسجام:D يعطيك العافيه ومثل ما قلت كثر من ذا المواضيع:thumbup: احسن من مهايطة هامور البورصه والمشاغب وكلي هلالي<<<<<واحد يترزز:D |
Canada's gallant الله يعطيك العافيه واسف على القرحه اللي سببتها لك مشكور على مرورك زعيم قحطاني مشكور على ردك المتواضع وان شاء الله القادم أحلى |
يالربع كان فيه قصة مضحكة جدا بطلها واحد اسمه ( ماصول ) وسمى نفسه فين اظن وائل او وليد اوشي من ذك الي عنده القصة ينزلها في المنتدى وله الشكر بكره رح افتح المنتدى 18/6/28 |
يليت تكتب قصص صغيرة والله يانا مليت وانا قاعد اقرا ومشكور |
^^^^^ طيب .. مليت وانت تقرأ .. تقوم ترجع موضوع له ثلاثة شهور .. |
القصة جميلة أخي لكن فيها نقطة مميزة ما أدري هي مقصودة وإلا لا لأن الشباب ما تطرقوا لها الهي الشك في الزوجة لانك كنت تكلمها قبل الزواج وهذي مشكلة بعض الشباب يحب بنت ويكلمها قبل الزواج أو تعرف عليها من خلال الهاتف أو من خلال أي شكل كان وهذي تنهي الحياة الزوجية لانه يقول يمكن تكلم واح غيري مثل ما أنا كنت أكلمها اسف على الاطالة |
حب وعذااااااااااااااااااااااااااااااااب ههههههههههههههههههههه |
ههههههههههههههه |
الوقت المعتمد في المنتدى بتوقيت جرينتش +3.
الوقت الان » 11:14 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd