22/06/2007, 11:53 PM
|
زعيــم فعــال | | تاريخ التسجيل: 07/02/2006
مشاركات: 279
| |
+||+ مسلسل تعثر المفاوضات الهلالية +||+ السلام عليكم ورحمة الله وبركاته أخواني الزعماء حياكم الله ومساء الخيرات إلى متى نشوف الحلقة الأخيرة والنهاية المؤلمة من المسلسل الممل !!!!!!! مسلسل تعثر المفاوضات الهلالية !!!!!!! وكل مفاوضة تفشل تطلع لنا الإدارة بعذر ثابت ان الخبر تسرب ودخل طرف ثاني بالمفاوضة ترى ملينا من هالعذر ليه ماتبون أنديه ثانية تفاوض اللاعبين اللي تفاوضونهم أو لايكون بقانون الاتحاد الدولي ان أي مفاوضة يكون الهلال فيها مايدخل معاه أي نادي ثاني !!! يا أخوان احنا بعصر الاحتراف وكل نادي يبحث عن مصلحته بالتعاقد مع اللاعبين اللي يحتاجهم الفريق يعني مثل ماإدارتنا الموقرة تبحث عن لاعبين فيه أندية ثانية كمان تبي تتعاقد مع لاعبين وهذا حق مشروع لهم محد يقدر يمنعهم لكن تطلعون لنا ياإدارة وتقولون الخبر تسرب ودخل نادي ثاني بالمفاوضة مو عذر ذا لاتضحكون علينا بس الإدارة اللي عندها فكر احترافي وتفكر صح راح تاخذ أي لاعب تحتاجه حتى لو دخل في المفاوضة عشرين نادي أبي أعطيكم مثال قريب لهالحاله رئيس نادي الاتحاد منصور البلوي أعلن انه راح يتعاقد مع عبدالرحمن القحطاني قبل أسبوعين تقريبا من التعاقد وين الأندية الثانية ليش مادخلت بالمفاوضات مع اللاعب مع ان خبر المفاوضات تسرب بس فيه ناس تدفع وفيه ناس مقفلة على الريال بعشرين قفل لو يطلع الريال من عندها جاتهم سكتة قلبية وإذا طلعوا على التلفزيون قالوا احنا ندعم واحنا نسوي بس ماحولك أحد في الكلام رجال محد يوقف قدامهم لكن في الفعل .......!!! اللي يدعمون نعرفهم وماقصروا الله يعطيهم العافية ويخليهم لزعيمهم وأولهم صاحب السمو الملكي الأمير فيصل بن سعود الله يخليه لنا هو الوحيد اللي يتحرك ويدعم النادي وماقصر بيض الله وجهه تحركوا يا أعضاء الشرف نبي الزعيم شكل ثاني هالموسم نبي بطولة آسيا ترجع لخزينة الزعيم بعد طول انتظار والله نبي هالبطولة ومشتاقين لها حييييييييييييل والبطولة ماراح تجي إلا بدعمكم ووقفتكم مع الزعيم نبي لاعبين محليين سواء بشراء عقودهم أو إعارة نبي لاعب أجنبي عالمي إذا دخل الملعب تعرف انه راح يحسم المباراة نبي مدرب عالمي صاحب إنجازات كبيرة وشخصيته قوية صدقوني بطولة آسيا ماهي مستحيلة وبالراحة نقدر نحققها بعد توفيق الله تشكيلة أتمنى أشوفها هذا الموسم وخصوصا بطول آسيا ||||||||||||||||||||||||||| الدعيع الطريدي - تفاريس - أسامة هوساوي - كامل الموسى الشلهوب - عزيز - الغامدي - التائب ياسر القحطاني - ريكيلمي ( ريبري ) << طبعا إعارة ;) |