][ الكابيتانو سيحملها .. اذن جئنا (( لندمر )) ][ !! - نادي الهلال السعودي - شبكة الزعيم

Jalardo · #1 22/06/2007, 12:13 PM

بقي من الزمن بضعة ايامــ .. او لنقل ساعاتــ !!
من ثمــ .. تأتي المدهشة دائما (( كوبا امريكا )) ... وكعادتها التحديات والتصريحات .. والمفاجآت !!
هنا لا اتوقع مفاجأة ... فالفريق الاول عالمياً من وجهه نظري المتواضعه جداً (( الارجنتين )) سيكون المرشح الأقوى بجانب السامبا البرازيلية ..
بطولة من المحال ان يطلق عليها سوى (( لا تستعجل بالحكم فالبطل مبهم !! )) ...

خلنا من (( الفصحى )) والفلسفة وخلينا نخش في السليم

!!

من حظي (( النحس

)) ان اكثر الفرق والمنتخبات اللي احبها في العالم فرق ومنتخبات بها اشباهـ مدربين ..
(( باسيلي )) يمكن يكون من المدربين القلائل جدا في الارجنتين اللي يلعب بدون صانع لعب (( لاعب عشرهـ )) ..
وزي ما نعرف وتعرفوا هالمركز الارجنتين فيه (( بطله

)) ..
بس صلحها (( ابو راس )) في الاخير وضم (( الدواهي )) ... طبعا الدواهي .. فيرون .. ريكيلمي .. ايمار ..
ولكل واحد وقته .. بالطبع بيكون رومانــ حبيب ألبي اساسي ..

بيطلع البعض ويقول .. ياخي البرازيل مشاركه وهي ناقصه اهم اللاعبين ..
وراح اقوله بصوت هادي جدا جدا (( ماحد قلكم

)) .. هذه بطولة قاريه ودلع العيال ما يمشي فيها ..
وزي ما البرازيل ناقصه طبعا التانغو ناقص كم اسم !!

(( صحيح مو مثل نقص البرازيل )) بس !! مو عذر ..

خليني الحين احط لكم تشكيلة المنتخب الارجنتيني ... بالأرقام .. احم احم .. لاحد ينفجع

!!

1- ABBONDANZIERI, Roberto (( حارس )) .. افضل حراس اسبانيا والحاصل على زامورا ... !!

2- AYALA, Roberto .. (( مدافع )) ..

3- DIAZ, Daniel .. (( مدافع )) ..

4- IBARRA, Hugo .. (( مدافع )) ..

5- GAGO, Fernando .. (( محور )) ..

6- HEINZE, Gabriel .. (( مدافع )) ..

7- PALACIO, Rodrigo .. (( مهاجم )) ...

8- ZANETTI, Javier ... (( مدافع )) .. قائد المنتخب في البطولة الجميلة !!

9- CRESPO, Hernan ... (( مهاجم )) .. هذا اكثر لاعب احبه ياخي ما ادري ليه ... عقربي المفضل !!

10- RIQUELME, Juan .. (( وسط )) .. وصل وصل !!

11- TEVEZ, Carlos ... (( مهاجم )) ..

12- CARRIZO, Juan ... (( حارس )) ...

13- GONZALEZ, Luis .. (( وسط )) ..

14- MASCHERANO, Javier .. (( وسط )) ..

15- MILITO, Gabriel .. (( مدافع )) ..

16- AIMAR, Pablo .. (( وسط )) ..

17- BURDISSO, Nicolas .. (( مدافع )) ..

18- MESSI, Lionel .. (( مهاجم )) .. !!

19- CAMBIASSO, Esteban .. (( وسط )) ..

20- VERON, Juan .. (( وسط )) .. مش معقولــ .. معلومه بسيطه (( اكرمكم الله )) احس هاللاعب يلبس الجزمة بالمقلوب ... باصاته غريبه جدا !!

21- MILITO, Diego .. (( مهاجم )) ..

22- ORION, Agustin .. (( حارس )) ..

أبرز الغيابات عن الفريق .. وتعالوا شوفوا الغيابات !!
خافيير سافيولا .. والتر سامويل .. بابلو سورين .. كولتشيني .. ماكسي رودريغيز .. كوفري .. والعديد ..

طبعاً انا راح اخوض اي تحدي مع اي احد ... الارجنتين بطلة كوبا امريكا ...
بالطبع الامور بيد الله ولكن هذه هي التوقعات .. وانشالله توقعاتي في محلها ..

كلنا ندري ان مجموعه التانغو تظم .. امريكا .. والبارغواي .. وكولومبيا ...

بطولة ستكون روعه روعه روعه ..
التانغو .. والارغواي (( لاجل عيون احلى ريكوبا )) .. بحول الله من سيخطف اللقب ..

ولمزيد من المعلومات اتمنى زيارة موضوع الاستاذ (( saudi-guy )) .. لانه بحق موضوع يستحق المتابعة ..
لكم الكلام .. ولي التحدي ..

gntlman · #2 22/06/2007, 12:48 PM

موضوع رائع

و تشكيله ممتازه

مدام ريكيلمي في قمة مستواه ان شاء الكوبا امريكا ( ارجنتينيه )

S U L A I M A N · #3 22/06/2007, 12:55 PM

هلا هلا أبو حميد .. هاه أشوفكم متزهبين لـ هالبطولة .. ومن هالحين مواضيع وهيط أجل

.. موضوعك كالعاده مميز .. بس بغيت ألفت نظرك لشغلانه صغننه إن صح التعبير :p

إقتباس


	وزي ما البرازيل ناقصه طبعا التانغو ناقص كم اسم !!

ياخي دايم هذي مبرراتكم سبحان الله

البطولة الي راحت مالعب مع البرازيل رونالدو وكافو وروبيرتو .. هذولا الي كانوا من اعمدة الفريق .. غير ايميرسون وغيره الي يعتبرون مهمين الى حد ما .. لكن وقتها كنتوا تقولون ايه حتى حنا ناقصين مادري من كنتوا تاقصين .. بس اخبرهم كديش

.. عاد مادري كريسبو كان موجود ولا لأ .. صراحة ناسي ..

الي أبي اوصل له .. ثلاث أرباع التشكيلة الي جايبها دونقا .. ولاحظ قلت التشكيلة كامله مهب التشكيلة الأساسيه .. ثلاث أرباعه لاعبين صغيرين .. ومابدوا مع المنتخب الا من بعد كاس العالم الي راحت .. بعضهم أول وره يطقها مع السامبا بعد !! تخي !! داخلن لي ببطولة زي كوبا تجيب لي لاعبين كذا !! صحيح انك ماتستحي

بالمقابل نشوف غياباتكم ما اتوقع انها بتشكل فرق خصوصا اذا عرفنا ان أغلب هالغيابات حتى مهب أساسيين مع فرقهم .. ومنهم مهب مهمين ..

من هالمنطلق .. انا ما أسبق للأمور الشينه الي ممكن تصير وأقول وقتها انا قلت لكم .. انا أقول الواقع .. لكن كلنا نعرف البرازيل ولاعبينه الصغارين ..

.. وكلها كم شهر فصلتنا حتى الآن عن آخر مباراة بين المنتخبين ;) لكن لكل مباراة ظروف .. وحنا خاشين بطولة كوبا .. يعني العالم تبي تتناحر هناك :p

على العموم .. بالتوفيق للسامبا اولا وأخيرا :p . وبالتوفيق للفرق الأخرى في تقديم مباريات جيده تحسب في تاريخها انها لعبت بالشكل المطلوب أمام السامبا < كيف الهيط

كل هذي شغلانه صغننه ترى

Z I D A N E · #4 22/06/2007, 12:56 PM

الله يعطيك العافيه

يا متألق

وإن شاء الله الكوبا للتانجو

وبدون منافس

أحسن خبر سمعته إستدعاء المتألق الكبير ريكي

والله وسط ناااااار

ريكي .. أيمار .. كامبياسو .. جاجو .. فيرون .. ماسكيرانو

إن شاء الله سيحملها الكابتيانو

مشكور جالاردو يا مبدع

. . سمو الهلال . . · #5 22/06/2007, 01:09 PM

.

بأن الله الكوبا بطعم التانجو الارجنتينية

منتخب اوفياء ولا عزاء للبرازيل

وكل ما تذكرت زنيتي في كاس العالم في احد يستغني عنه بكولتشيني

التشكيلة اكثر من رائع مع علامات ؟؟؟؟ على غياب ( هيقوان ) ...

شكرا جلاردو .....

.

```ADRIANO``` · #6 22/06/2007, 01:21 PM

لو هذي كانت تشكيلة الارجنتين في كاس العالم يمديها ماخذة الكاس بالراحة

بس وش نقول في الغبي اللي كان يدربها

لكن ان شاء الله تاخذ هالبطولة مدام زانيتي الكابتن

وان شاء توصل الاروغواي معها للنهائي عشان ريكوبا مثل ماقال الاخ جالاردو.

Milan_89 · #7 22/06/2007, 01:22 PM

الصراحة الأسمااء المحطوطة توحّش !! ..

ليتــه توحش وبس .. يااشيخ قسم بالله وش أقــول بس .. !

أرى انهم ما راح يتــأثـرون من الغيابات اللي حااصلة .. لأنهم صراحة كلهم كباار وقويين ..

والوسط كل واحد يقول للثااني أنا أحسن منــك .. !!

لكن من نااحية البرازيل .. أنا بس أبي كاكا ورونالدينهو ودييغو يلعبون .. وزد عليهم رونالدو .. ;)

بس هذولاا لو يصيرون موجودين .... منب مكمل ..

بالتوفيق للجميع .. مع ميولي البسيط للسامبــاا .. ويعطيك العافية جلاردو ..

زعيم انجلترا · #8 22/06/2007, 01:41 PM

يعطيك العافيه
ان شاء الله البطولة ارجنتينية

ريدزاوي · #9 22/06/2007, 01:42 PM

ياعيني على هالابداع... والله انك قايل اللي بخاطري ..

مشكلة الارجنتين عدم التوفيق دائما... ولو تلاحظ فمنتخبها اعتبره الاقوى بالعالم طوال 7 سنوات ..يعني من عام 2000 ومع هذا مافي اي شي تحقق لهم...
كلنا شفناهم بكاس العالم 2002 وكيف كان خروجهم ..وكيف كان الحظ هو عدوهم الاول... مباراتهم مع السويد اعتقد انها نموذج واضح وصريح لمن اراد مشاهدة كيف يُخرج الحظ الابطال...

بالنسبه لغيابات التانغو فهي مؤثره ولكن الموجودين يعتبرون من افضل اللاعبين على مستوى العالم كل بمركزه.. وان كان غياب سورين له تاثير كبير على الجهه اليسرى...

اتمنى يكون النهائي بين التانغو والسامبا.. حتى نرقصهم تانغو وسامبا واللي يبون

...
اما نهائي البطوله الماضيه فاعتقد انه درس رقم -2- للي يبي يشوف كيف يُخرج الحظ الأبطال

..

بيطلع البعض ويقول .. ياخي البرازيل مشاركه وهي ناقصه اهم اللاعبين ..

إقتباس


	وراح اقوله بصوت هادي جدا جدا (( ماحد قلكم ))

وليه تتعب نفسك وترد

..
ياخي اذا اتحادهم يبي كذا وش نسوي له..

إقتباس


	طبعاً انا راح اخوض اي تحدي مع اي احد ... الارجنتين بطلة كوبا امريكا ...

تحدى ياسيدي تحدى...دامه التانغو حصانك ...

إقتباس


	لكم الكلام .. ولي التحدي ..

بعد ماخربتها

S U L A I M A N · #10 22/06/2007, 02:09 PM

إقتباس

الرسالة الأصلية كتبت بواسطة ريدزاوي


	ولو تلاحظ فمنتخبها اعتبره الاقوى بالعالم طوال 7 سنوات ..يعني من عام 2000 ومع هذا مافي اي شي تحقق لهم...

تلعب على روحك يابو محمد

وينهم بكل البطولات الي شاركوا فيها .. ! معقوله كل البطولات الي شاركوا فيها يطلعون بالحظ .. ! كاسين كوبا ومثلها قارات ومثلها عالم .. كلها طلعوا بالحظ .. ؟

الأرجنتين صحيح قويه خلال الفتره هذي .. لكن صعبه تصير أقوى فريق بالعالم عاد

.. البرازيل من عام 2002 الى 2004 ماخلوا شي ما أخذوه .. مايستحقون يصيرون أفضل منتخب بهالفتره .. كاس العالم لكبارين وللصغارين وللشباب .. حتى كاس العالم لكورة الطائرة ماخذينه

غير القارات وكوبا و و و و ... الخ

تحيتي وحبي لك أبو محمد ;)

hilalemooot · #11 22/06/2007, 02:24 PM

السلام عليكم

الله عليك يا جالاردو .. راائع

طبعا بحكم ميولي لمنتخب المتعة الأوحد .. والفريق الاول عالميّا .. الأرجنتين <-- يغابش بـ سلمي

.. ان شاء الله البطولة للتانغو .

مشكلة الارجنتين دائماً تكمن في دلاخة مدرب

او عدم توفيق .. وهذا مسألة انا مقتنع فيها تماماًً وغير قابله للنقاش يا سليمان

.. خذ عندك مونديال ألمانيا الاخير .. اكثر فريق اطرب المتابعين .. هو التانغو .. ومع ذلك خرج في الدور الربع نهائي

انا معك ان المستويات ما تجيب بطولات .. بس انا واثق ان الارجنتين ستُنصف يوماًً ما ببطولة مقرونة بالمستوى بحول الله وقوته

بالنسبة للتشكيل اعتقد هي الافضل ما عدا غياب ماكسي الإجباري كون اللاعب راجع من إصابة بالرباط الصليبي .. لكني اعتقد مستواه في مونديال المانيا يشفع له في الإنضمام للمنتخب

نظرت لخط وسط التانغو .. بصراحة شي محير .. ما تدري من تلعب ولا تدري من تخلي احتياط .. لقيت ان افضل طريقة هي اللعب بـ 3/5/2

عموماً بإنتظار بطولة قوية وهذا الأهم بالنسبة لنا .. وفوز التانغو بالبطولة امر لا يقلّ اهميّة بالنسبة لي ولكل عاشق لمنتخب المتعة الأول بالعالم

عوافي جالاردو .. طلتك مميزة

بالمناسبة .. ايالا هو من سيحمل الكأس بإذن الله

فـ مان الله ,.,.,

juve1897 · #12 22/06/2007, 02:31 PM

الحقيقه أن تشكيلة المنتخب الأرجنتيني هي الأفضل و الأقوى و الحقيقة أكثر ما أدهشني عودة فيرون بعد الغياب الطويل جدا عن إرتداء قميص التانجو فلم أشاهدة من بعد كأس العالم 2002 إلا مع باسلي المدرب الحالي لتانجو فلم يقنع بعد جفاء من من بيلسا و من بعده بيكرمان و أيضا الظهير الرائع خافير زانتي و عودتة المهمة لتنانجو حيث وصح معاناه منتخب الإرجنتين في كأس العالم في هذه الخانه التي كانت نقطة ضعف سواء لما لعب بها بورديسيو أو قودتشيني

و إذا وفق المدرب بوضع التشكيلة الملائمة فلن يقف أحد في وجه راقصي التانجو أبدا حيث لا يوحد أي منتخب ينافسهم و منهم منتخب السامبا

ريدزاوي · #13 22/06/2007, 02:36 PM

إقتباس

الرسالة الأصلية كتبت بواسطة S U L A I M A N


	تلعب على روحك يابو محمد وينهم بكل البطولات الي شاركوا فيها .. ! معقوله كل البطولات الي شاركوا فيها يطلعون بالحظ .. ! كاسين كوبا ومثلها قارات ومثلها عالم .. كلها طلعوا بالحظ .. ؟ الأرجنتين صحيح قويه خلال الفتره هذي .. لكن صعبه تصير أقوى فريق بالعالم عاد .. البرازيل من عام 2002 الى 2004 ماخلوا شي ما أخذوه .. مايستحقون يصيرون أفضل منتخب بهالفتره .. كاس العالم لكبارين وللصغارين وللشباب .. حتى كاس العالم لكورة الطائرة ماخذينه غير القارات وكوبا و و و و ... الخ تحيتي وحبي لك أبو محمد ;)

لوتلاحظ اني قايل عدم التوفيق...
يعني مثلا كاس العالم الاخيره... بوجهة نظري سبب خروج المنتخب بعد المدرب التحفه هو ريكلمي... المنتخب كان معلق عليه كل الامال واكبرها... ومع هذا في كاس العالم ريكلمي خذل الكل.. ولو قلنا اللاعب مستواه طايح كان معقول,, ولكن هذا هو بدع مع فياريال قبل كاس العالم وبدع مع البوكا بعدها...
كلامي مو انتقاص من ريكلمي ولكن كل لاعب وتجيه ظروف وانخفاض في المستوى...
والعلم عند الله لو كان ريكلمي في مستواه المعروف كانت كاس العالم بتتجه لامريكا اللاتينيه ..

وبعدين تراني قايل اعتبره .. يعني من وجهة نظري.. يعني مو لازم تقتنع فيها

Blue Shirt · #14 22/06/2007, 02:40 PM

إقتباس


	8- ZANETTI, Javier ... (( مدافع )) .. قائد المنتخب في البطولة الجميلة !!

واااه يالكبيتانو

ايالا راح يكون كابتن التانجو في البطوله الجايه

إقتباس


	من حظي (( النحس )) ان اكثر الفرق والمنتخبات اللي احبها في العالم فرق ومنتخبات بها اشباهـ مدربين .. (( باسيلي )) يمكن يكون من المدربين القلائل جدا في الارجنتين اللي يلعب بدون صانع لعب (( لاعب عشرهـ )) ..

الكوتش الثاني اكيد ما تقصد مانش

إقتباس


	بيطلع البعض ويقول .. ياخي البرازيل مشاركه وهي ناقصه اهم اللاعبين .. وراح اقوله بصوت هادي جدا جدا (( ماحد قلكم ))

":":":"

التشكيله ناار بس يبيلها توظيف داخل المعشب

ومن موجهه نظري ان افضل الاساسيين :-

ابوندزيري

هاينزه - غابي - ايالا - زانيتي (

)

فيرون - ماتشيرانو - ريكي

تيفيز - العقرب - ميسي

TANGO

&هلالي منذ مبطي& · #15 22/06/2007, 03:20 PM

مشكور