هاهم جنوا بعد المشقة والعنا اشهى الثمر ..
زرعوا فحان حصــادهم والسعد قطر منهمر
تاج النجاح على الرؤوسِ توسطت فيه الدُّرر
بشرى لكم ودعتموا وقت التكدر والسهر
سنبحر مع ربان سفينـة التخرج
لوكنت تقف أمام الكعبة المشرفة .. ماهو شعورك ....؟؟
شعور عظيم ان تقف اما الكعبه المشرفه اعجز عن وصفه لاني مهما كتبت فلن اوصل ولو لربع مايشعر به الشخص عندما يقف اما الكعبه
بما انكـ انهيت المرحله الثانوية وبانتظار النتائج وش طموحكـ تلتحق باي جامعـة او كلية واذا لم يحالفك الحظ في تحقيقه الى اين ستتجه.؟
جامعة الملك سعود والارجح انني ســـاتجــــه للعــــمل مع الـــوالـــــد اعمـــــال حـــرة
ثالث ثانوي مرحله انتقاليه تعتبر بحياتنا وش شعورك بهاللحظه الي تجاوزتها وانهيت تعبها ..؟؟
في البدايه تمنيت اللحظه اللي افتك منها ..وبعد اخر اختبااار ضاق صدري وانا اتهادى بالخروج من القاعه لانه اخر يوم لي فيها
كيف كان نظامك ايام الاختبارت...؟؟ من بعد الاختبار للبيت << اول واحد بثانوي يروح بيتهم بعد الاختبار!! 
انام حتى الظهر وبعد الظهر ابدا الدفره لين المغرب مع بعض الاستراحه مابين الشوطين قصدي بين حين واخر يجي العشاء وانا عيوني ضاربه مقصات فيني النوم وانام لين الفجر وبعد الفجر مراجعه بسيطه .. مافي شي يذكرك الحين بفتره الاختبارات .. شي كرهته او ربطتة بالاختبارات..؟ الا اذا خشيت الغرفه لقيت انواع الاوراق والمتب مرميه الى اليوم الشيء اللي كرهته بالاختبارات انك تغيب عن العالم مع اني كنت احاول اكون متواجد سواء بالمنتدى او مع اخوياي بما اني من خريجي العام اتذكر باختبار الوزاره تعقدت من مذاكرتي للكيمياء سبب لي ازمة نفسيه انت وش اكثر شي سبب لك توتر وقلق ورعب قبل الاختبار .........؟؟ انا جاتني ام الركب في اختبار الرياضيات بس الحمدلله عدت على خير كلمات شكر ... امتنان .. تحب تهديها عن طريقنا ؟ الشكر لله اولا على نعمه وفضله ولكل شخص وقف معي طوال هذه الفتره نصيحه تحب ان تواجهها لأخوانك المقبلين على هذه المرحلة ؟ ماعليكم ترا الثانويه اسهل من الابتدائي ابد ازحفوا وبتنــجحون << يبي يدشرهم تبون الجد اهم شيء تخش هالمرحلة وانت معزم انك تتعداها ويكون طموحك اكبر ومع الاصرار على التفوق لن تواجه صعوبة بإذن اللة خلال فترة الدراسة تمر على الطالب مواقف محرجة , محزنة , مفرحة .. نبغاك تذكر لنا ابرز موقف مازال عالق في مخيلتك؟ بصراحه الموقف اللي مانساه يوم جاني واحد من اخوياي وقالي وش رايك ننحاش قلت قدام المهم نطنا السور وانحشنا وقلنا بنروح نفطر اول في البوفيه .. اول ماخشينا البوفيه الا وذا واحد الاساتذه قدامنا 
في البوفيه يبي فطور وياخذنا للمدرسه وحنا الواحد شغال على الهزاز من كثر مايتنافض من الخوف وجابنا عند المدير اللي تمردس في بطونا شوي ووقفنا يوم كامل 
شخصيات اثروا في حياتك الدراسية .. من اهلك . اساتذتك .. اصدقاءك..قرايبك.. وش هالتاثير ، وكيف كانت نتيجته عليك؟
كان احد الاساتذه كل مايخش الفصل او يشوفني بالساحه يقول تعال قل قصيده لانه يحب الشعر وانا تاثرت فيه بصراحه مع اني كنت احب الشعر من اول بس هو خلاني احبه زياده لانه خلاني مشهور قدام الطلاب والمدرسين
باالاخير لو قلنا اهدي هذا النجاح لشخص لمين بيكون ... وليه اخترته ..؟؟
للوالد وللوالــده ولشخص احتفظ باسمه بس يجب ان اشير له
لانهم اكثر ناس وقفوا معي واكثر ناس سعاده بتخرجي
كلمـة اخيره ...؟؟
اشكرك اختي الهنوووف على المجهود الرائع وعلى الاستضافه واتمنى اني ماطولت عليك الاجابات لاني حاولت اختصر بقدر المستطاع
واتمنى من الجميع الدعاء لوالدة زميلنا العزيز ابو ريمان
بالشفاء العاجل وجميع مرضى المسلمين .
شاكرين لك العفو اختي الهنوووف 
السلامـ عليكمـ ,,
ياهلا بالهنوفـ .. ,,
مشكورة خيتو على الكلامـ والدعـوة لي .. !
وحضوركـ الدائمـ في إبداع مجلسنـا ..! 
فـدمتـٍ في تـألق ,, لوكنت تقف أمام الكعبة المشرفة .. ماهو شعورك ....؟؟ أي مسـلمـ بالعـالمـ يكون شعوره مختلفـ تمـاماً عندمـا يقف تجـاهـ الكعـبة المشرفة! يشـعر بالطمـأنينة أكثر مما قـبلـ .. يكفـي النظر للكعبـة أنكـ تذكر بكـ النبي صلى الله عليه وسلمـ والصحـابة رضي الله عنهمـ أجمعـين ..! الوقوف والنظر للكعـبة شعـور خاصـ لا يشعـر أحداً بغـيرهـ ..!! 
بما انكـ انهيت المرحله الثانوية وبانتظار النتائج وش طموحكـ تلتحق باي جامعـة او كلية واذا لم يحالفك الحظ في تحقيقه الى اين ستتجه.؟ الحمدللهـ أني خلصت الثانوية بكلـ أقتدار وأنتظـر النسبـة الحلوة !! وطمـوحي أن شاء اللهـ بعد مشاورة الأهـل والجميع .. فـ طموحـي يتجـهـ لـ كلية " الهـندسـة " .. وأعتـقـد أن لمـ يحـالفني الحظـ فـ هناكـ أقسـامـ أن شاء اللهـ تحدد الخـيار الأخـير ..! ثالث ثانوي مرحله انتقاليه تعتبر بحياتنا وش شعورك بهاللحظه الي تجاوزتها وانهيت تعبها ..؟؟ واللهـ شـعوري ما يوصـف .. من جــد .. أعتـبرهـا نقطـة أتذكـرها بحـياتي على مدى الأبد.. عشت فيها الحلو والمُـر تعبـ و إجهـاد.. ! أصدقائي وونـاستهمـ وو .! شعور لا يوصف لو قلتـ اللي بقـلبي ..! يكفـي فرحـتي بعد أنتهـينا من الأختـبارات أن جواليـ 24 ساعة مشغولـ ..!! كيف كان نظامك ايام الاختبارت...؟؟ الحمـدللهـ كان نظـامي الأعتمـاد على اللهـ .. ومن ثمـ على مراجعتي المستمرة ..! كان جدولي أن أكون جاهز قبل الأختبـارات تمـاماً .. والحمدللهـ وضعت جدولـ للأختبارات بشكل دقيق جداً ..! لأني أحاول ماأفوتـ ولا وقتـ ! من بداية الأختبـارات .. وهو أن بعد خروجي من الاختبار أحرص على أني أخذ من الراحـة وبعد ذلكـ أبدأ بالمذاكرة ويتخللهـا بعض الأحيان فترات الجلوس مع الأهل !! والحمدللهـ راضـي على اللي سويتهـ ..! مافي شي يذكرك الحين بفتره الاختبارات .. شي كرهته او ربطتة بالاختبارات..؟ مم .. مافي شيء يذكرنـ .. إلا أشياء بسـيطة ..! لحـظة أفكـر مافي شيء ! :p بما اني من خريجي العام اتذكر باختبار الوزاره تعقدت من مذاكرتي للكيمياء سبب لي ازمة نفسيه انت وش اكثر شي سبب لك توتر وقلق ورعب قبل الاختبار .........؟؟ واللهـ أنتي صـادقة يالهنـوف .. ! أخـتبار الكيميـاء سبب لي أزمـة مابعدهـاأزمـة ..! 
كان يومت الأحد عندنا أختبار جيولوجيـا .. وكنت ليلة الأختـبار مانمتـ ! وخفت أني بتأثر بالأأختبـار ( دافور ) .. وحاولت وعجزت أناامـ إلى أن أذن الفجر ! وأحاولـ انـام ماقدرت .. قلت وش البلشة هذي ..! وأروح للأختبـار مواصـلـ ( قهـر ) والحمدلله أختبرت أختبار حلو لأن الأختبار سهل ..! وعاد يوم الأثنين كان طبعاً عندنا الأختبـار كيمياء .. والكيمياء معروف بصعوبته بالتفاعلات وشيء من هذا ..! وحاولت أنـام .. والحمدلله نمت بعد ماجيت من أختبار الجيولوجيـا ..! نوووومة حلووووة ! وبعد ماقمت جلست أذاكر والدعوة صعبة تعرفين خيتو الهنوف صعوبة الفصل الثالثـ بالكيمياء خاصةً الكيمياء العضوية ! حاولت أخلصهـا بسرعة لكن عجزت..كثرة التفاعلات والصيغ تضيع الواحد !! والحمدلله بعد جـهد جهـيد خلصتهـا .. ! واروح أعض الوسـادة عض ! وأنـااام وأقومـ بعد الفجر و أراجع ..! ؛؛كان قـبل الاختـبارات بشكل عامـ جاني أحـباط قوووة ..! 
واللهـ حتى صديقى كان يقولـ أول مرة أشوفكـ كذا بحيـاتي محبط..!! كنت ودي أن الأختبـارات تخلص بسرعـة ونفتكـ منهـا ..! خاصة أختبار الرياضيات ..! أحبـاط قووووووووي جداً ..! لكن تغلبت عليهـ بفـضل اللهـ وثم الوالدة الله يخليها .. و الأخوانـ ! بعد ظهور النتيجه هل كنت تتوقع حصولك على هذا المجموع او كنت تتوقع حصولك على اكثر او اقل من ما حصلت عليه؟... واذا ماطلعت كيف تتوقعها ان شاء الله كويسه نسبه للاسئله الي واجهتكم ؟ هذا السؤال تجاوب عليه بعد النتيجه اذا كنت مابعد عرفتها ولو بالردود سؤال باجلهـ بعد النتيجة .. وان شاء اللهـ نسبتي فوق الـ 92 % ! كلمات شكر ... امتنان .. تحب تهديها عن طريقنا ؟ الصـراحـة وبكلـ واقـعية أشكر جميع الأعضـاء اللي هم بمـثابة. الأخوانـ .! على مايبذلونهـ هُنـا بالمجـلس من متابعة مايخص المرحلة هذي وغيرهـا ..! فـلهمـ كلـ الشكر على جهودهمـ ..! نصيحه تحب ان تواجهها لأخوانك المقبلين على هذه المرحلة ؟ أنصحهمـ بالأعتمـاد على اللهـ .. وعلى طاعة الوالدينـ .. ! ولن يـاتي التوفيق إلا باللهـ او بالأجتـهاد والمداومة على الدروس ..! وأهمـ شيء لا يتـاهون الشخـص بالمرحـلة هذي .. لأنهـا نقطـة تحدد مسيرة حياتكـ ! وأنـا لهمـ أن أرادو عن أي شيء بخصوص هذي المرحـلة ..! وبالتوفيقـ لهمـ ! خلال فترة الدراسة تمر على الطالب مواقف محرجة , محزنة , مفرحة .. نبغاك تذكر لنا ابرز موقف مازال عالق في مخيلتك؟ أكـيد بأي حيـاة شخص تكون له مواقفـ كثيرة سواء مفرحة أو محزنة أو غيرها ! وأتذكـر موقفـ يمكن لن يُنسى بـ حيـاتي عندمـا كنت صغـيراً في المراحل الأبتدائية أتـصـل بي أستـاذي القديـر آنذاكـ وهو من أعز الوكلاء في حياتي .. أتصـل بي بعد نجـاحي من أحدى المراحـل .. عبر التـلفون .. وصدفـة رد عليه أخوي الصغـير .. فبعد السلامـ.. طلب من أخوي الصغيونوني انه يبغى سليمـان يبغا بموضوع خاص ..! جاء اخوي وقالـ سليمان أحد كبير يبغاكـ << ياسلامـ على البراءة ..! وعـاد جيت أنا وكلمتهـ أحم أحم .. وكنت ماأعرف منهو .. ولحظة مكالمتي عرفت أن الوكيل وسلمت عليه وقلت هلا فيكـ ووو .. وقال لي بأهديكـ هديـة بمـناسبة نجـاحك بتفوق .. و قال أختـارالجـائزة من ثلاث :
" كمبيوتر مكتب "" فيديو ديجتال "" كمبيوتر ألعـاب " قلـت طيب ممكمن أفكـر .. قالـ خلاص .. وأنا أفكر مممممممممممم أخر شي أخترت كمبيوتر ألعـاب << يحب السوني هالبزر هذا والحمدللهـ جاب الهديـة على طووولـ اللهـ يذكرهـ بالخـير ..!! ^^ موقفـ لا زالـ عالق بحـياتي ..! شخصيات اثروا في حياتك الدراسية .. من اهلك . اساتذتك .. اصدقاءك ..قرايبك.. وش هالتاثير ، وكيف كانت نتيجته عليك؟
التأثير بحيأة الشـخص أما إيجـابي وأمـا سلبي ..! وانا الحمدللهـ أثروا بحيـاتي ناس أيجابيـين .. من أثروا بحياتي والدتي الله يحفظهـ بمتابعتي يكل شيء ..! وبعض المدرسينـ اللهـ يخليهمـ بتذكيري بالدراسة والأبتعاد عن الأصدقاء ..! أعود وأكرر .. والدتي هي من أثرتـ تـأثير أيجابي بدراسـتي ..!! باالاخير لو قلنا اهدي هذا النجاح لشخص لمين بيكون ... وليه اخترته ..؟؟
أهـديء هذا النـجاح أولاً " لأمـي الغـالية " و أخواني الغـالينـ ..
وبعض الأصدقـاء المحبوبين ولكلـ من سألـ عني ..!;)
كلمـة اخيره ...؟؟
أشكـر لكـِ أختي الهنوووووف على دعوتكـ هذي لي .. !
ولأسئلتكـ الجـدية واللتي تذكرنـا بهذي المرحـلة اللتي لا تنسى ..!
وراح أخبركـ بـنتيجـة النـسبة إن شاء اللهـ ..!
فمرة أخرى .. شكراً جزيـلاً ,,
دمـتـٍ ودمتمـ بـخير ,,
سليمـانـ
لوكنت تقف أمام الكعبة المشرفة .. ماهو شعورك ....؟؟
شعور عظيم سبحان الله .. منظرها وأنت تشاهدها ع الطبيعه .. مؤثر بدرجه كبيرهـ ..
بما انكـ انهيت المرحله الثانوية وبانتظار النتائج وش طموحكـ تلتحق باي جامعـة او كلية واذا لم يحالفك الحظ في تحقيقه الى اين ستتجه.؟
النيه ان شاء الله جامعه البترول والمعادن .. أو سابك .. واذا ما الله وفّق .. ان شاء الله كلية الملك خالد – الحرس -
ثالث ثانوي مرحله انتقاليه تعتبر بحياتنا وش شعورك بهاللحظه الي تجاوزتها وانهيت تعبها ..؟؟
سبحان الله .. ( راودني ) شعوور غريب بعد ما طلعت من اختبار الحديث .. 12 سنه مرت من حياتي في التعليم العام .. بـ صراحه شعوور ما أقدر أوصفه .. يمكن يكون فرح بتجاوز هـ المرحله أو يكوون حزن .. الاهم اني ولله الحمد عديت هـ المرحله وبتبقى محفورهـ في ذاكرتي .. خصوصاً الثانويه كيف كان نظامك ايام الاختبارت...؟؟ سهر بالليل مذاكرهـ الى الاختبار .. ارجع بعد الاختبار أنام الى المغرب تقريباً .. بعد الصلاة العشاء ابدأ المذاكره .. الى الفجر وهكذا طبعاً جدولي في الاختبارات أنقلب 180 درجه وأكثر من مرهـ ,, وياما أختبار راحت علي فيه نومه الى الساعه 12 بالليل وأنا ما فتحته أبد 
.. مافي شي يذكرك الحين بفتره الاختبارات .. شي كرهته او ربطتة بالاختبارات..؟ مدري انا يمكن احساسي يختلف عن الطلاب أو انهم مثلي .. أنا ما أكره ( أيام الاختبارات ) بالعكس أحبها .. بعدين الاختبارات ما صار لها فتره عشان انساها .. يعني كل شئ حالياً يذكرني بالاختبارات .. لدرجه اني اليوم حالم باختبار النحو اللي انقلب كيمياء وبقدرة قادر صار جيولوجيا في نفس الوقت < < هذا في حلمي اليوم صدق .. ما فيه شئ محدد ببالي الحين يربطني او يذكرني بالاختبارات بما اني من خريجي العام اتذكر باختبار الوزاره تعقدت من مذاكرتي للكيمياء سبب لي ازمة نفسيه
انت وش اكثر شي سبب لك توتر وقلق ورعب قبل الاختبار .........؟؟
حرام علييك .. الكيمياء أطلق مادهـ ذاكرتها في الاختبارات .. يمكن هي الوحيده اللي واثق منها ان شاء الله اني جايب فيها درجه كامله ..
الماده اللي عقدتني هي الاحياء .. وحتى رحت للإختبار بدون ما أذاكرها .. رحت كذا على عماها والله يسستر منها
بعد ظهور النتيجه هل كنت تتوقع حصولك على هذا المجموع او كنت تتوقع حصولك على اكثر او اقل من ما حصلت عليه؟... واذا ماطلعت كيف تتوقعها ان شاء الله كويسه نسبه للاسئله الي واجهتكم ؟ هذا السؤال تجاوب عليه بعد النتيجه اذا كنت مابعد عرفتها ولو بالردود الى الان ما طلعت .. والله يسستر ان شاء الله اسئله الوزاره والله أسهل من كلام الناس .. الا في الرياضيات .. يعني ان شاء الله اذا افتكيت من الرياضيات , الانقليزي , الاحياء .. ان شاء الله بتكوون نسبتي حلووهـ يصير خيير ان شاء الله 
كلمات شكر ... امتنان .. تحب تهديها عن طريقنا ؟
اشكر كل من سئل عني وعن اختباراتي بداخل المنتدى وخارجه .. بـ صراحه أعطوني دافع كبير للدراسه من المنتدى أعضاء كثر اللي في بالي الحين هم الكناري الازرق , هلالي القرعاء , نمر 15 , ماجد مقبل وليعذرني اللي نسيتهم تبقون في القلب والله ..
من خارجه زملاي في الدراسه اللي ما راح انسى جميلهم ما حييت ابراهيم وسعد وخالد ..
نصيحه تحب ان تواجهها لأخوانك المقبلين على هذه المرحلة ؟ الله يعينكم .. شدوا حيلكم ترا كلها سنه وتعدي .. ابدوا من أول يوم .. عشان ما تندمون في آخرهـ .. وترا السنه الاخيره سهله .. ولها طعم ( خاااص ) جداً .. والله يوفقكم ان شاء الله خلال فترة الدراسة تمر على الطالب مواقف محرجة , محزنة , مفرحة .. نبغاك تذكر لنا ابرز موقف مازال عالق في مخيلتك؟ اذا تسمحين لي الهنوووف .. أكنسل السؤال هذا شخصيات اثروا في حياتك الدراسية .. من اهلك . اساتذتك .. صديقاتك..قرايبك.. وش هالتاثير ، وكيف كانت نتيجته عليك؟
صديقآتي ؟؟ يا شين العجز فيكم يالبنات متعيجزه تحطين نموذجين للشباب والبنات :p طوول مشواري الدراسي في التعليم العام أدين بالفضل بعد الله سبحانه لـ والدي طبعاً ومن المدرسين الاسآتذه : أ/ عبدالجبار وأ/ هيثم نزار وأ/ خالد الشهري وأ / سعيد الشهري وأ/ جمال حافظ وأ/سلمان كريري وأ/ يحيى زرده وثلة من المدرسين الافاضل رفع الله قدرهم من أصدقائي كثيير والله وأهمهم أحمد وخالد وسعد وابراهيم وفيصل .. فضلهم كبير علي باالاخير لو قلنا اهدي هذا النجاح لشخص لمين بيكون ... وليه اخترته ..؟؟ لـ فهد ولد خالتي .. مهما قلت ومهما كتبت لن أوفيه حقه .. الله يرده سالم غانم . كلمـة اخيره ...؟؟ أشكرك ع الاستضآفه .. وان شآء الله أكون خفيف على قلوبكم < < ضيف في برنامج الظاهر .. والله يوفق الجمييع هذي هي الاجوبه يالهنوف وما يرد الكرام الا اللئام .
وانتي غاليه وما نرد لك طلب .
لوكنت تقف أمام الكعبة المشرفة .. ماهو شعورك ....؟؟ شعور متخالط بين خوف من الله ورهبه المكان وامنيه في نيل الغفران من الله تعالى .. بما انكـ انهيت المرحله الثانوية وبانتظار النتائج وش طموحكـ تلتحق باي جامعـة او كلية واذا لم يحالفك الحظ في تحقيقه الى اين ستتجه.؟ اتمنى ان ادخل كليه الإعلام الصحافه بالاخص رغم معارضه من الاهل بعض الشي وان لم ادخلها فلن ادخل غيره فسيتغير المسار
الى دراسه الدين الشرعي ومن ثم الدعوه الى الله بإقامه المحاظرات وغيرها لاننا بحاجه الى معرفت الدين ومن ثم تطبيقه .. ثالث ثانوي مرحله انتقاليه تعتبر بحياتنا وش شعورك بهاللحظه الي تجاوزتها وانهيت تعبها ..؟؟
كيف كان نظامك ايام الاختبارت...؟؟
اول شي احمد الله بأني اكملت المرحله الثانويه وشعوري الحنين الى المدرسه والشوق الى الذهاب الى الجامعه لتحقيق حلمي ;) ..
نظامي اذاكر من الساعه6 المغرب الى الفجر ثم اذهب الى المدرسه للاختبار واعود لأنام ثم هكذا :p ..
مافي شي يذكرك الحين بفتره الاختبارات .. شي كرهته او ربطتة بالاختبارات..؟ مافيه شي محدد ..
بما اني من خريجي العام اتذكر باختبار الوزاره تعقدت من مذاكرتي للكيمياء سبب لي ازمة نفسيه انت وش اكثر شي سبب لك توتر وقلق ورعب قبل الاختبار .........؟؟ النحو والانجليزي لاني اكره هالمادتين والمشكله اني خبصت اشوي فيها والله يستر ..
بعد ظهور النتيجه هل كنت تتوقع حصولك على هذا المجموع او كنت تتوقع حصولك على اكثر او اقل من ما حصلت عليه؟... واذا ماطلعت كيف تتوقعها ان شاء الله كويسه نسبه للاسئله الي واجهتكم ؟ هذا السؤال تجاوب عليه بعد النتيجه اذا كنت مابعد عرفتها ولو بالردود سمعت بأنها طلعت بس من الخوف ما راح اشوفها والنسبه موب خايفه منها:p لانه يعتمد على ايدائي للاختبارات وكل شي يجي من عند الله زين ..
هنوف رديت لاني ما راح ارد بعد معرفتي للنتيجه اتمنى تعذريني يكفي نسبه الترم الاول عرفتيها
..
كلمات شكر ... امتنان .. تحب تهديها عن طريقنا ؟
نصيحه تحب ان تواجهها لأخوانك المقبلين على هذه المرحلة ؟ شكر لامي وكل هلي اللي تعبوا معاي طوال فتره الاختبارات والله لا يحرمهم الاجر .. ولكل من سأل عني وعن اختباراتي والله يسعدكم بالدنيا والاخره .. ولك يالهنوووف على دعواتك لنا دائما انا ورعبوبه والاخرين والله يوفقك ويعطيك على قد نيتك .. اما نصيحتي فراح اقولهم اهتموا بالدراسه والمذاكره الجيده والله ما يضيع تعب احد ولا تستهنون بالاسئله وتقولون سهله لانها موب من الوزاره والله يوفقكم جميع ..
خلال فترة الدراسة تمر على الطالب مواقف محرجة , محزنة ,مفرحة .. نبغاك تذكر لنا ابرز موقف مازال عالق في مخيلتك؟
موقف ممكن اقرب شي كان في فتره الاختبارات هذي طلعنا من اختبار الانجليزي وبعض البنات يصيحون وكان من ظمنهم بنت اجلست تبكي بعدين راحت دوره المياه (اعزكم الله) واتكلم بالجوال وتضحك تفأجاة وقلت وش سالفتها لا يكون انهبلت فقالوا لي البنات اتكلم حبيبها خلصت المكالمه جيت لمها وقلت لها ان طلعت الجوال مره ثانيه راح اخبر الاداره وترى اذا ربي بيصخطكِ بيصخطنا معكِ وبعد كان ابو كمره وكلن خايف على نفسه اسكتت وراحت اليوم الثاني جاتني وانا ما اعرفها اتقولي تطلعين معاي قلت لها خير ان شاء الله اعرفك من وين انا وبعدين اخوي عند الباب ينتظرني وما اقدر اروح مع احد ما اعرفه ولا قلت حق اهلي قالت لي عادي بكره اطلعي معي :p وقوليلهم نطلع من الاختبار متاخرين قلت لها تبطين صاحيه انتي فصاحت بوجي وقالت مو كفايه زعلتي امس حبيبي مني وقالي مقفله الجوال بوجهي تغلين يعني قلت له لا والله هذي كله من بنت عندنا هددتني فقال اووو عندكم مطوعه بالمدرسه فقلت له والله تبي تشوفها فقال اصلاً ما اصدقك لين اشوفها واصدق وقاعده تقولي لازم يشوفك عشان ما يزعل مني وعشان يصدقني فقلت لها انا ما اخون هلي وانا متربيه واعرف الله زين فالاخير قالت لي قبل لا اروح والله لا اخليك تدفعين ثمن كلامك غالي انا خفت بس ما بينت لها قلت بس اعلى ما بخليك اركبيه صرت متوتره وقلقه حتى هلي يوم قلت لهم خافوا علي اكثره ومره اتاخرت في الجيه فلقيت امي تصيح بالبيت حسبالها صار لي شي ..
شخصيات اثروا في حياتك الدراسية .. من اهلك . اساتذتك ..صديقاتك..قرايبك.. وش هالتاثير ، وكيف كانت نتيجته عليك؟
امي اكيد كان لها تاثير كبير من كلماتها دعواتها اللي اسمعها في الصبح قبل لا اطلع ولمن ارد كان تاثيرها قوي ونتيجته النجاح بإذن الله
صديقاتي كلهم كنا نشجع بعضنا منو اكثر يجيب اعلى الدرجات كنا على قلب واحد ونتيجته ظهرت في تحسن المستوى الدراسي
من معلماتي استاذتي صالحه اللي كل يوم اتعلمنا شي جديد وخلتني اتقرب من الله اكثر واكثر من خلال نصايحها لنا ونتايجه اني صرت
اتقبل كل شي يصير لي زين او شين من الله ولا اعترض وتفكري بالناس ومحاوله مساعدتهم باي شي اقدر عليه وكثير اشيا ما اقدر احصيها
باالاخير لو قلنا اهدي هذا النجاح لشخص لمين بيكون ... وليه اخترته ..؟؟ بهديه لــ ابوي الله يرحمه ويغفر له والمسلمين لان كان بيني وبين ابوي تحدي هو كان يقولي ما راح تجبين نسبه وانا قلت له راح اجيب .. وامي اكيد ولاخواني كلهم ولكل من يتمنى لي النجاح ...
كلمـة اخيره ...؟؟ اشكرك يالهنوف جزيل الشكر على هالموضوع الخفيف والاسئله الجميله واعتذر عن الاجابات السريعه هذي لاني مشغوله هذي الايام فاعذريني ;) .. 
لوكنت تقف أمام الكعبة المشرفة .. ماهو شعورك ....؟؟ ابي ادعي ان الله يرزقني النسبه الحلوة اللي تقدر تعبي وسهري أيــام الإختبارات وان ربي يوفقني في حياتي الجـــايه .. بما انكـ انهيت المرحله الثانوية وبانتظار النتائج وش طموحكـ تلتحق باي جامعـة او كلية واذا لم يحالفك الحظ في تحقيقه الى اين ستتجه.؟ هذا شي راجع للنسبه على حسب النسبه اقدر ادخل المجال اللي ابيه .. واذا ماجبت النسبه اللي اطمح لها اكيد ماراح اجلس بالبيت ..يمكن ادخل جامعه بحسابي يعني هنا او بالبحرين .. وانا ودي ادخل علم نفس بس خوفوني يقولون انه يخلي الوحده معقده فاللي كاتبه لي ربي بدخله ان شالله يعني مو في بالي شي الحين ثالث ثانوي مرحله انتقاليه تعتبر بحياتنا وش شعورك بهاللحظه الي تجاوزتها وانهيت تعبها ..؟؟ اكيد بكون فرحانه بس الفرحه ماتكمل الا اذا حققت الشي اللي اطمح له ويرضيني لأن ثالث ثانوي مو كل مره بعيده هالمرحله هي اللي
تحدد طريقي لحياتي الجايه ..
كيف كان نظامك ايام الاختبارت...؟؟
نظامي اني اول ماارجع من المدرسه انام شوي اصحى الساعه 3 احيان اتغدى او اني ابدى ادرس على طول لما اخلص وبعدها انام واصحى الساعه
اربع الفجر احيان اكون ماخلصت واخلص الماده اللي علي واذا كنت مخلصه اراجع اللي درسته لما وقت الاختبار اللي هو الساعه 7 يبدى الاختبار
مافي شي يذكرك الحين بفتره الاختبارات .. شي كرهته او ربطتة بالاختبارات..؟
يمكن الطاوله اللي ادرس عليها بعد الاختبارات على طول طلعتها من الغرفه بلا رجعه ان شالله
كلمات شكر ... امتنان .. تحب تهديها عن طريقنا ؟ اشكرك يالغاليه على سؤالك الدائم لي بأيام الختبارات حتى احيان احسك امي .. واشكر كل من افتقد رعبوبة بالفتره اللي راحت ..
نصيحه تحب ان تواجهها لأخوانك المقبلين على هذه المرحلة ؟ اهم شي المذاكره اول بأول انا كثير انصحوني بس ماكنت ادرس اول بأول وتعبت بالإختبارات والله والتركيز اثناء المذاكره يعني ماتكون عينك بالكتاب وقلبك وعقلك بمكان ثاني ..ترى مايصلح هيك اهم شي التركيز وفالكم التوفيق ..
خلال فترة الدراسة تمر على الطالب مواقف محرجة , محزنة , مفرحة .. نبغاك تذكر لنا ابرز موقف مازال عالق في مخيلتك؟ موقف محزن بأول اسبوع بالإختبــارات جتني مثل الحاله النفسيه خوف يعني من الإختبارات بدت معي بليلة الختبار كانت معدتي تعورني يعني اثناء الاختبار كنت اتمنى لو اصرخ بقوة من شدة الالم بس راح الحمد لله بعد اسبوع من العناء والشقاء زال هال؟ألم كأن لم يكن .. موقف مفرح في اختبار النجليزي الأسئله كانت صعبه الله يهديهم الوزاره جت عندنا المدرسه معها الموجهه يعني مانقدر نسألها شي والمدرسه نفسها مو معطتنا وجه يعني طاف وراحت ولا ساعدتنا حتى الاسئله ماقرتها وبعدها جتنا مدرسه الانجليزي اللي تدرس اول وثاني قرت لنا الأسئله وعطتنا الاجوبه وراها على طول يعني كلنا ضامنين الـ30 ان شالله اما موقف محرج مامر علي او يمكن مر علي بس مااذكر والله ..
شخصيات اثروا في حياتك الدراسية .. من اهلك . اساتذتك .. صديقاتك..قرايبك.. وش هالتاثير ، وكيف كانت نتيجته عليك؟
التأثير كان من كل اللي حولي بلا تحديد امي ابوي صديقاتي قريباتي بس بالتخصيص من ابوي
بتشجيعه الدائم لي ولكل اخواني ..وهالشي اعطاني دافع اني بكل مره احقق النتيجه اللي احسن من النتيجه اللي قبلها ..
باالاخير لو قلنا اهدي هذا النجاح لشخص لمين بيكون ... وليه اخترته ..؟؟
لأبوي وامي ..
لأن هم اللي يفتخرون بنجاحي ..;)
كلمـة اخيره ...؟؟ شاكره لك هنو استضافتي بموضوعك اللي مشتاقين برشا برشا له ويحق للمجلس العام ان يفتخر بوجود عضوة نشيطه مثلك مبدعه في كل شي في حضورها ولما تكتب ... حتى في صمتها مبدعه .. وبالتوفيق للجميع ان شالله ..
شاكرة لك..
العفوو..
الله يطمن قلوبكم يارب وتحصلون على النسبة الزينة وتبشرونا طبعا كلهم خريجين الثانوية العامه ونهنئ ايضا خريجين الجامعه (كايدهم..الماسه الزرقاء ..هلالي الظهران ( اتوقع انه تخرج ) واحب انــووة... اسيرة الزعيم ..لميس الهلاليه ..مو خريجي هالسنـة 
..عقبالهم وعقبال الجميع ان كان لـ النجاح بصمــه .. فلن تكون الا بمــداد اقلامهم
وان كان لـالتخرج فرحــه .. فلن نجده الا في قواميسـ ـهم
تهاني وصلتنا عبر الفاكس عبر خط اليد 1_ لاعب المنتخب المنتخب السعودي ونادي الهلال :: محمد الشلهوب 
الله مير يسلمك ياشلهوبنا ويلومنا فيه وماقصرت >>>تحسبه يسمعها مشرفنـا الكريم ......(تيماوي )
معليش مشرفنا ترى سويت تسليط للضوء خطك رقعه ماشاء الله اول كنت اشوف ابوي وامي كذا خطهم توقعت لما كبر اصير مثلهم رقعه بس ماش ماعرف اسرع كذا بس وش هالحركه الي على تيماوي الله يبارك فيكـ 
مشرفنا الكريم ( سهـل )
بابا سهل عاد تهنئته غير خلاني اجلس اتامل بالصورة اقول هذا خط يده معقولة لهالدرجه فنان ترى متحمسه اشوف خطك لاني قريت لك رد عن كيفيه تطوير الخط وحسيت خطك حلو بس ماحصل نصيب الله يبارك فيكـ مشرفنا الكريم (البارق ) 
حركــات حلو التصميم تسلفني اياه يومين الله يبارك فيكـ
للي ماطلعت عندهم من موقع اخر
مطيع واستاذ الكلمـة ( مطيع الهميمي ) 
هلا باستاذنا واخ الجميع الله يبارك فيكـ سمو الحرف او رماد الحرف كما يحب ( some one) 
ماشاء الله خطك حلو عطني دورة لاخط الزين والعباره احلى جمـال الروح ...( الهــاوي )
ماشاء الله خطك حلو تعطيني دورة ثانيه وش يقرب لك مطيع وش قصتكم اخواني اخواتي الله يباركـ فيك الاديب .. الخنفشاري ..الاحساس المرهف كل الالقاب تودي الى (ماجد مقبل ) 
ماشاء الله الخط مرتب ومنظم متاكد انه خطك :p الله يباركـ فيك انيق الحـرف ..(الكلاسيكي ) 
ماشاء الله خطك يوسع الصدر متمايل ويتراقص والعبــاره تجنن الله يبارك فيك صاحب الشعبيه العظمى واخ الجميع..( المشاغب ..) 
ترى المشاغب مابقي مكان ماراح له شبر الرياض كلها علشان يوصل التهنئه ماقصرت والله شكل خطك حلو بس نبي بقلم عادي الخطاط يزين الفتى العاشق ..نمروك ..(نمــ 15 ــر.) ورقتك فله توسع الصدر بلونات وحركات منتب سهل فنان الله يعينك ويوفقك بالصيفي وشد حيلك كواليس خطك بنمر خطير اكتب الهنووف بهالحركه بانتظار الترجمه قايله لك لاتتهزا فيني ومواضيعي الطويلة شوف النتيجه وص صار ورقتك وش طولها مقطع قلوب العذارى كما اطلق على نفسـة ( هامور البورصه ) 
مقطع قلوب العذراى احبو اجل وكلوو الله يبارك فيك وش سقوطه فال الله ولافالك لاشكر على واجب حركه الزوايا بس لاتعيدها:p 
ياصغرنا ياحبي لنا ماشاء الله اثاريك عملاق :p ترى انا الاولى التلقـائية والعفوية ..(فرصة ضايعه.)
هذي البنت سافرت فقدناها علشان كذا خليناها الاولى من البنات >>احلفي نجوم وحركات وعبارات بس وراك حاطه فرصه ضايعه الزعيم وش موقعة الزعيم من الاعراب لك حضور حتى في غيابكـ. .. (سندريلا الهلال )زين لقيتي ورق من الدفتر ترى سويت لك ايطار الله يبارك فيك يازعيمه بس لاتقاطعين نبض المجلس العام ::اسيرة الزعيم
انيقه الله يبارك فيك ام الشباصات ..(..لميس الهلاليه اهم شي الثلاث واوات (مبروووك) على وزن الهنوووف خطتس حلووو بس وش هذي شباصات والا حلاو والا ورد فتاة الرياض الوفية ..(هلاليه من الرياض ). >>>> لاعمرك تحطين القاب 
حلوة حركه المرايه كنت بسويها بس ماطلعت التهنيه بس طلعت انا بكبري بالمرايه الله يبارك فيك صاحبه الرنج ..وش اقول وش اخلي وه بس .(رعبوبة الزعيم ..) 
وش هالخط الزين صديقتي طالعتن علي:p الله يوفقكم يارب ويصبر قلوبكم وكلنا معاكم قلبا وقالبا ويعيش الاخضر فراشه المنتدى والزين كله صاحبة المواضيع الطويلة :p ..( الهنــوووف ..) 
لاتعليق اصلا منش فت رسمتي وانا غاسلتن يدي
لاحد يقول ترز جهازها ترى كل الناس عندهم لاتتفلسفون
ترى يقولون اني اعرف القب لاتشرهون ولاتزعلون الشكر لكل من لبى طلبي وارسل تهنئته وهذا العشم فيكم والشكر ايضا لمن اعتــذر لبعض المشاغل الله يسهل عليكم والشكر ايضا لكل من مرت رسالتي مرور الكرام ويالله الباقين ورونا خطك عاد هذا اسهل من الصورة وعليش لو الود ودي ارسلت للجميع بس تعبت هنا اقول لكم جميعا واطلبكم تورونا تهنتكم والي ارسلت لهم وكانوو مشغولين يضيفونها هنـا ومثل ماقلت هناك جائزة لاشين خط 7
7
يتبع 
..
....
يالله والناجح يرفع ايدة 
الوضع المتطور
