محمد العنبر ينتقل الى فريق ...
السلام عليكم ..
أدري انه كل واحد شاف عنوان الموضوع فرح او على الأقل ابتسم
الكل وده ان العنبر يروح لنادي ثاني غير الهلال لأن الهلال أكبر من مستواه
وكل ما قعد في الهلال رح يلعب على حساب لاعب غيره أحسن وأجدر منه
يعني خلونا نرضى بالواقع .. العنبر ما عنده سرعة ولا مهارة ولا تسديد من بعيد
مدري كيف المدربين يقتنعوا بهذا اللاعب اللي كل أهدافه بالراس أو بالحظ !!
بعض الناس يقولون عطه فرصة يمكن يزين لعبه !
انا كان ودي اكتب الموضوع من زمااان من قبل كأس العالم
بس قلت خلني اصبر عليه وأشوف
وكل ما صبرت زيادة .. يزيد قهري من هذا اللاعب
والله ان الهلال قاعد يضيع نفسه بالمحافظة على لاعب مثل هذا
العنبر ممكن يبدع اذا راح لفريق على قده في الدرجة الأولى او الثانية
لكن مع الهلال وخصوصاً في المباريات المهمة ما ينفع
انا ما كتبت هذا الموضوع الا من القهر اللي فيني ومن الحب في الهلال والخوف عليه
آسف على الإطالة وأتمنى الرد بكل عقلانية !!