خاطرتي الأولى والأخيرة !! - نادي الهلال السعودي - شبكة الزعيم

فرانشيسكا · #1 24/06/2007, 07:41 AM

السلام عليكم ورحمة الله وبركاته

الموضوع .. إن أنا ماأكتب خواطر .. أنا متذوقة للأدب فقط .هذي خاطرة ولا أبيات ولا وشي ماأدري
المهم أنا كاتبتها العام بعد ماطلعت نتيجة الثانوية العامة وطلعت من العشرة الأوائل
على المملكة >> عقبالكم ..

المهم لأني بيضت وجه أهلي ماقصروا معي مابقى شي طلبته ماعطوني إياه ..
عمي وعدني لو طلعت من العشرة الأوائل بيوديني إيطاليا . لكن أمي وأبوي مارضوا
فسويت إضراب وزعل ,, قالوا مافي إيطاليا أل مع رجلك

.. فطلعت هالخاطرة خخخخخخ

تفضلوا وأبي رايكم بصراحة

سمعت صراخ موتانا على صمت المقابر والمساء
لمست جراح مرضانا على عظم المصائب والبلاء
رأيت بقايانا ... زوايانا ... خطايانا .... تلطخ بالدماء
ماتوا ولكن .. أين القبر ؟؟ بل أين العزاء ؟؟؟؟؟؟؟؟؟؟
ياالهي !! كل ماحولي شقاء وشقاء وشقاء !!

حيث أقراص تغازل يأسي !
حيث بارود يفجر رأسي !!
حيث غصات تعكر كأسي !!
حيث فنجان ينبؤني بنحسي !!
هناك قبري !!! هناك يقبل العزاء!!!

حيث أجراس الكنائس تنتشر!!
حيث أحبار قساوس تنتحر!!!
حيث أسوار روما تنتظر!!!
حيث أشلاء قلبي تحتضر !!
هناك قبري !!! هناك يقبل العزاء!!!

حيث أقداح حزن على قلبي تراق !!
حيث أرواح تصلب وتعذب وتساق !!
حيث امال واحلام تعاق !!!
حيثما أحب وحيثما أشتاق !!!
هناك قبري !!! هناك يقبل العزاء!!!

حيث تغتال أحلامي وتستباح !!
حيث تنكس أحلامي وتزاح !!
هناك يبنون مدينة.. يدعونها (مدينة الصلاح)!!
حيث لانور وشمس وصباح !!
حيث جمال يغطيه وشاح !!
حيث حرام وحرام ومباح !!
حيث كبح للجماح!!
حيث تنزف الجراح!!
هناك قبري !!! هناك يقبل العزاء!!!

ثمل يترنح في الشارع !!
راقصة تطعم طفلا جائع !!
خمروثلج و كأس وبائع!!
جرس ومأذنة وجامع!!
مدن تغتصب بلا رادع !!
هناك قبري !! هناك يقبل العزاء!!

جريدة الصباح وقهوة عربية !!
جميلة .. رشيقة .. و وجنة وردية !!
أعياد ,, وقبلة ..وهدية !!
شريفة .. وضيعة .. غنية !!
وتستمر هكذا حياتنا الغبية !!
هناك قبري .. هناك يقبل العزاء !!

حيث لا احترام للقدسية !!
اغتيلت الصبية !!
بخطة خبيثة جلية !!
وجثة مرمية قرب أوراق خريف الثانوية !!
اغتيلت الصبية !!!
هناك قبري !! هناك يقبل العزاء!!

حيث لا أفهم نفسي !!
حيث يومي مثل أمسي !!
ذاك رمسي !!
حيث بؤسي .. حيث نحسي !!
هناك قبري !! هناك يقبل العزاء!!
ياإلهي كل ماحولي شقاء وشقاء وشقاء .

يهمني رايكم يازعماء .

فرانشيسكا .

هامور البورصه · #2 24/06/2007, 08:32 AM

كل هذا عشانك مارحتي ايطاليا

والله في البداايه حسيت انك شااعره بعدين اتجهتي لللصفصفت الكلام الخوااطر يعني :p

بس والله يانك محزنه بقووه بعدين وش حيث يوجد قبري هنااك قبرك بروما كم ميته انتي

من مره قبل كذا

شكلك ميته ثلاث مراات قبل كذا :p

بعدين تبين الصرااحه وش يروحك مع عمك رراحت رو.....:p اقعدي عند اهلك تروحين ديرت الكفر:p

عااد روما كلها كناايس <======= علباله جايها قبل كذا

الظااهر انك ماتبين تروحين الا عشان توتي

مقطع قلووبكم ذا توتي

حتى بالتوااقيع حااطينه بس ترى هو مهوب وسيم انا اوسم منه

واحلى منه عيوون

يعني اكبر منه عيوون

المهم طولت عليك تشكرااتي لك فرنشيسكا على هالخااطره والله يعطيك الف عاافيه

الكلاسيكي · #3 24/06/2007, 09:12 AM

أهــلا فيكـ اختي فرانشيسكا ..
نورتي المجلس العام بخاطرتك الرائعه جداً ..

والف مبروك النجاح .. عقبال مانبارك لك بالتخرج من الجامعه ..
وصدق ابوكـ .. سافري مع زوجكـ ..

اما من ناحية الخاطره .. اعتقد انك تمتلكين لقلم راقي رائع ..
فاعجبتني المفردات .. وادهشتني روعة الحروف ..
فسافرت معكـ لعالم التميز ..
حيث الروعه في نسج الحروف ..
حيث التميز في صنع الحروف ..
حيث التألق في وصف الحروف ..
حيث العطاء النابض .. كنبض الألوف ..

بحروفكـ .. لامستي السماء ..
بحروفكـ .. لن ترجعي مرة اخرى للوراء ..
وتبقين شامخه ..

إقتباس


	جريدة الصباح وقهوة عربية !! جميلة .. رشيقة .. و وجنة وردية !! أعياد ,, وقبلة ..وهدية !! شريفة .. وضيعة .. غنية !! وتستمر هكذا حياتنا الغبية !! هناك قبري .. هناك يقبل العزاء !!

سيموفنيه قصيره .. عزفتيها كان عنوانها التميز ..

تقبلي ارق التحايا ..
دمتي بخير

فرانشيسكا · #4 24/06/2007, 09:12 AM

إقتباس


	كل هذا عشانك مارحتي ايطاليا والله في البداايه حسيت انك شااعره بعدين اتجهتي لللصفصفت الكلام الخوااطر يعني :p بس والله يانك محزنه بقووه بعدين وش حيث يوجد قبري هنااك قبرك بروما كم ميته انتي من مره قبل كذا شكلك ميته ثلاث مراات قبل كذا :p بعدين تبين الصرااحه وش يروحك مع عمك رراحت رو.....:p اقعدي عند اهلك تروحين ديرت الكفر:p عااد روما كلها كناايس <======= علباله جايها قبل كذا الظااهر انك ماتبين تروحين الا عشان توتي مقطع قلووبكم ذا توتي حتى بالتوااقيع حااطينه بس ترى هو مهوب وسيم انا اوسم منه واحلى منه عيوون يعني اكبر منه عيوون المهم طولت عليك تشكرااتي لك فرنشيسكا على هالخااطره والله يعطيك الف عاافيه

هلا بهامور .. شفت عاد وش سوت فيني إيطاليا خلتني أكتب خخخخخ

أنا قايلة لك الشعر في جهة وأنا في جهة ثانية .. خذ وخل

. بس فضفضة
وبعدين من قال إن أنا أحب توتي عشان شكله . أصلا قمة الغباء إنك تحب
شخص عشان شكله .. أنا أحب روما أولا من أيام باتيستوتا الله على ذيك
الأيام

. وبعدين حبيت توتي من حبه لروما .. وطبعا لعبه .. فنان توتي .
أما شكلا طبعا مو حلو . بس هو اسمه لاعب مو عارض أزياء أهم شي
يلعب زين .
شكرا على مرورك ..

فرانشيسكا · #5 24/06/2007, 09:21 AM

إقتباس


	أهــلا فيكـ اختي فرانشيسكا ..

إقتباس


	نورتي المجلس العام بخاطرتك الرائعه جداً ..

منور بوجودكم .

إقتباس


	والف مبروك النجاح .. عقبال مانبارك لك بالتخرج من الجامعه ..

الله يبارك فيك . بس تراني بالجامعة هالكلام العام لما كنت بثالث ثانوي

إقتباس


	وصدق ابوكـ .. سافري مع زوجكـ

..
لا ليه كل شي على هالزوج مانبي نتعبه .. هدية وجاتني أردها ليه

إقتباس


	اما من ناحية الخاطره .. اعتقد انك تمتلكين لقلم راقي رائع ..

إقتباس


	فاعجبتني المفردات .. وادهشتني روعة الحروف ..

لا عاد ألحين أصدق عمري عاد .. عاد إذا صدقت عمري إنتوا اللي بتبتلشون فيني

مشكور على الكلام اللي يشجع .. بس هذي الخاطرة طفرة جينية

لن تتكرر في
تاريخ حياتي إلا إذا انصدمت بشي أعظم من إيطاليا

Hilali88 · #6 24/06/2007, 02:08 PM

الصراحة خاطرة رائعة وواضح إنها طالعة من القلب

وأسلوبك ما شاء الله رائع

تحياتي وففالك الميلون

هلاليه@ميلانيه · #7 24/06/2007, 03:19 PM

اللهـ اللهـ اللهـ يافرانشيسكا

كل هذا مسويتهـ فيكـ إيطاليا :p

تصدقين عاد إني أحبها مثلكـ عشان الميلان بس ماوصلت

إني أكتب خواطر وحركات مثل كذا

بس يمكن لو صاير لي نفس موقفكـ أتوقع بسوي زيكـ وأشد بعد

بس واللهـ من جد رائعهـ أدبيه من فرانشيسكا الروماويه

يعطيكــ, العافيهـ ,, وربي يوفقكـ ,,

وتروحين إيطاليا وأنا أروح معكـ :p

تحياتي

بوجاسم الهلالي · #8 24/06/2007, 03:24 PM

على طاري روما

ولد خالتي الصغير دخل علينا يقول انا عندي ارضين في روما

&هلالي منذ مبطي& · #9 24/06/2007, 04:00 PM

إقتباس

الرسالة الأصلية كتبت بواسطة بوجاسم الهلالي


	على طاري روما ولد خالتي الصغير دخل علينا يقول انا عندي ارضين في روما

ياثقل دمك

...SoMe OnE... · #10 24/06/2007, 04:14 PM

,,,
,,
,

فرانشيسكا

هي الخاطره الاولى .. وكل الاماني ان لا تكون الاخيره ..
ها انتي تملكين حرفا نقيا مثلما حضوركـِ هنا .. تجاوزتي خطَ البدايه بـ خطوه رائعه ,,
كلماتكـِ ترتدي وشاح الجمال .. فـ لا تُحبطي عزيمتها بـ مُسمى ( الاخير )
لديكـِ مفردات رائعه .. وتناسق جميل في مداخلِ الافكار ..
التصوير هنا فيه مُبالغه في نقل الصوره .. فـ لو كان هنالكـَ تصور خاص لـ كان افضل
لكن ذلكـَ لا يعيب الخاطره .. فـ ماالحرفـ الا ترجمة احساس داخلي ..
كلمة ( حيث ) كانت متواجده وبـ كثره مما ادى لـ نقل الصور العامه ..
رائعه كـ بدايه بـ حق رائعه دونما ادنى مجامله ,, فـ ليت كل البدايات تكون مثل هذه ,,
لكـِ تحيتي ولكـِ امنياتي بـ دوام التوفيق ,,

****

كوني بخير
...SoMe OnE...

فرانشيسكا · #11 24/06/2007, 07:22 PM

Hilali88

تسلم على هالرد الحلو .. أما فالي المليون مافي أمل خخخخخخ.

هلاليه@ميلانيه

أهلين بهلالية ميلانية .. سؤال ليه يسمونك يابانية ؟؟؟؟؟

شسوي من القهر طلعت معي

. آآآآآآآمين ان شاء الله نروح .

تسلمين على المرور يالغالية .

بوجاسم الهلالي

؟؟؟؟؟

&هلالي منذ مبطي&

حياك .. بس كان علقت ع الخاطرة .

...SoMe OnE...

بصراحة أحرجني ردك .. ألحين عاد أصدق عمري خخخخخخ ..
بس والله أنا أكتب عشان أفرغ اللي بقلبي يعني ماأنظر كثير لصياغة الخاطرة
وشروطها .. أنا بصراحة أعشق كتابات نزار وأحاول أكتب زيه بس مافي أمل

وزي ماقلت قبل أنا متذوقة فقط لاغير .. وهالخاطرة حالة شاذة ..لكن
مايمنع إن أكتب مرة ثانية ..

G o L d E s T · #12 24/06/2007, 09:42 PM

بس أتوقع ان فوز الازوري

بكأس العالم خفف من الصدمة شوي

خاطرة بصراحة روووعة وخصوصا المقطع الأول منها

قعدت اقراه حوالي خمس مرات تقريبا

بالاضافة الى هالمقطع

إقتباس


	ثمل يترنح في الشارع !! راقصة تطعم طفلا جائع !! خمروثلج و كأس وبائع!! جرس ومأذنة وجامع!! مدن تغتصب بلا رادع !! هناك قبري !! هناك يقبل العزاء

تمنياتي الا تكون الأخيرة

وترى الطايف زينه:p

عاشقة الزعيم15 · #13 24/06/2007, 10:16 PM

الخاطرة تجننننننننننننن ماشاء الله عليك
لك مستقبل باهر واتمنى نشوفك تكتبي خاطرة ثانية وثالثة ليش لا
مشكورة ياقمر
اختك : عاشقة الزعيم 15

20 ياسر الجابر 9 · #14 24/06/2007, 10:22 PM

يعطيك العافيه أختي فرانشيسكا

وألف مبروك النجاح

والله يرزقك يارب اللي يجيب لك إيطاليا لعندك ,,

تحياتي

فرانشيسكا · #15 25/06/2007, 12:09 AM

G o L d E s T

إقتباس


	بس أتوقع ان فوز الازوري بكأس العالم خفف من الصدمة شوي

هههههه .,. من جد .. عاد تخيل مافازوا كان أنواع التحطيم .. لا وبعد أبوي كان
يشجع فرنسا >> شف مراعاة المشاعر لاخلاني أروح إيطاليا ولايبي إيطاليا تفوز

إقتباس


	خاطرة بصراحة روووعة وخصوصا المقطع الأول منها قعدت اقراه حوالي خمس مرات تقريبا

والله أحرجتني خمس مرات حتة وحدة

.. شكرا ع الإطراء .

إقتباس


	وترى الطايف زينه:p

كثر منها هههههههه .

عاشقة الزعيم15

تسلمين ياعمري .. ان طلع معي شي زين ابشري نزلته بالمنتدى ..

20 ياسر الجابر 9

إقتباس


	يعطيك العافيه أختي فرانشيسكا

إقتباس


	وألف مبروك النجاح

الله يبارك فيك ..

إقتباس


	والله يرزقك يارب اللي يجيب لك إيطاليا لعندك ,,

آمين >> ياوجه استح

ويرزقك اللي تقولك ودني إيطاليا قل آمين ..

تسلم ع المرور أخوي .