بسم الله الرحمن الرحيم
أرق وأجمل التحايا لكل من يقرأ موضوعي الأن >> كاتب رساله
في البداية كلكم تعرفون اللطش إللي يصير في المنتديات يعني مثلاً واحد اعجبه موضوع راح طيره واكتبه في منتدى ثاني . حتى في الجرايد تصير السرقات وتعرفون كاتب الجار (لا تصافح قبضة) جعل القبضة تمشي ميتين على وجهه
للمعلومية أنا ما كتبت الموضوع إلا بسبب موقف صار معي وبذكره باختصار :
كان يامكان في قديم الزمان >> هذا إللي باختصار
في الحقيقة أنا كتبت موضوع بعد مباراة الإتحاد والأهلي إللي في الدور الثاني وصار فيها أحداث سيئة
وبالصدفة قبل أسبوع كنت أدور إحدى الأهازيج الأهلاوية في القوقل ولقيت نفس موضوعي مطيره واحد وكاتبه في أحد المنتديات وموب كاتب منقول
وواصلت البحث والتحري >>> تكفى يا كونان
ولقيت واحد ثاني مطير نفس الموضوع وموب كاتب منقول
يعني ما في حفظ للحقوق الأدبية >>> اشعنده المتنبي
بس أنا ماعصبت ولا شي أولاً لأنهم هلاليين وثانياً لأن السالفة ماتسوى كلها موضوع وانزرف مع إن الشيطان يقولي روح سجل بمنتدياتهم وافضحهم لكني تعوذت منه وقلت الله يسامحهم
وبصراحة أنا في هالوقت حسيت إني صالح الحمادي وقمت أضحك على السالفة
والغريب إن موضوعي إللي انسرق ماخذله فترة بسيطة في منتدى الرياضة السعودية إلا انحذف
يعني هذا وهو محذوف واسرقوه اثنين يعني لو ما انحذف كم واحد بيسرقه >>> مصدق نفسه
سؤال / هل حصل معك ولقيت أحد مواضيعك مسروق وإذا لقيت لك موضوع مسروق وش تسوي هل تسجل بالمنتدى وتفضح إللي سرقه ولا تسامحه ؟
سلام
بس تمام واحد كاتب منقول 
الوضع العادي
