من هنــا حدد رغبتك بعد الثانوية + دعوة الجميع للمناقشة
 

بـــــــسم الله الرحــمن الرحيـــــــم

البدايــــة : أبـــارك للناجحين والناجحات من الثانوية العامة مقدما لان النتائج مابعد طلعت وايضا ابارك لطلاب الجامعات

والكليــات بالنجاح

فــكرة المــوضوع : استفادة طلاب الثانوية العامة اللي بيتخرجون السنة هاذي ان شا ء الله من الطلاب الجامعيين
او طلاب الكليات بشكل عام في تحديد تخصصهم او رغباتهم للدراسة في المستقبل باذن الله


طريقة المشاركة : اولا ينبغي من كل شخص يدرس في الجامعة او في اي كلية اخرى ان يكتب لنا تخصصه وينقل لنا

تجربته في الدراسة من حيث الصعوبة والسهولة او من ناحية مستقبلها يعني هل يتوفر فرص عمل فيها أو لا وهكذا

ايضا ينبغى من طلاب التوجيهي ( الثانوية العامة ) اللي على وشك التخرج باذن الله ان يكتب لنا التخصص اللي يرغب فيه

وان كان هناك من الطلاب الجامعيين من نفس التخصص الذي يرغبه طالب الثانوي ان يفيد هذا الشخص في تحديد رغبته

وتقديم النصح والمشورة في هذا التخصص

سبب كتــابة هاذا الموضوع:[/SIZE] هو انه يوجد كثير من الناس لايعرف الى ماذا يتجه بعد التخرج من الثانوية ويكون هناك تردد

وحيرة في اختيار التخصص المناسب سواءا من حيث توفر فرص العمل بعد التخرج او من ناحية صعوبة او سهولة التخصص

وانا مريت بالتجربة هاذي وهذا مادفعني لكتابة الموضوع لاني تخرجت من الثانوية وماادري وش اسوي وماكنت محدد

رغبتي فأول ماتخرجت والله كنت محتار ومتردد وكنت ماابغى ادرس في الجامعة وفاتني التقديم فيها لاني ماكنت

ارغبها وقدمت على كلية الملك خالد العسكرية كذا بس عشان ارضي ذاتي اني سويت شي وماكنت احب شي اسمه

عسكرية بس دخلت كذا والحمد لله ماانقبلت لان ماعندي واسطة طبعا مع ان تقديري ممتاز , المهم جلست ترم كامل عاطل

لاشغل ولا مشغله جاني واحد من اخوياي وقال لي ليش ماتدخل الجامعة فيه تخصص حلو وجديد ووظايفه مضمونه

التخصص هو تربية خاصة في جامعة الملك سعود وفعلا قدمت والحمد لله انقبلت مع اني كنت ماابغى ادرس في الجامعة

لكن بعد مادخلت حبيت القسم هاذا والحمد لله الحين على وشك التخرج



[SIZE="5"]ابـــــدأ بنفســـي : طبعا مثل ماقلت لكم انا في جامعة الملك سعود كلية التربية التخصص تربية خاصة المسار اعاقة سمعية

مستقبلها ممتاز حاليا في تدريس الصم وضعاف السمع والوظائف باذن الله متوفرة اما بالنسة للدراسة فانا اعتبرها

متوسطه الى بسيطة مافيها صعوبة ابدا اما الدكاتره في الكلية فهم من افضل الدكاتره ومتساهلين ومتعاونين جدا

مع الطلاب والحمد لله مشت امورنا والله يوفق الجميع

النـــهــاية : اسف على الإطالة وانا والله ماكتبت الموضوع هاذا الا للفائدة ويشهد الله على ذلك واتمنى التوفيق للجميع


واتــمنى من الجميع المشاركة والتفاعل مع الموضوع واي احد يرغب في التخصص اللي انا فيه ويحتاج مساعدة او اي

استفسار انا جاهز باذن الله



والسلام عليكم ورحمة الله وبركاته .

أول شي في غلط املائي ماكتبت ألي في المتوسط والأبتدائي هههههههه

واله أنا السنه الجايه ثنوي وأنشاء الله نحدد وننجح ويوفقك ويوفك الجميع
بس التخصص حك الظاهر أنك بتحط طلبون للظغط في البط
ومشكور ع المضوع الجدي الرائع

تقبل مروري

ملك الهلال

(:D )
(:D )

مثل ما قلت ما معاك واسطة و قعدت بها

اولا و ثانيا و ثالثا

دوروا لكم واسطات لو بفلوس

وربي راح تمشون بالمكان اللى تبغونه

ولاتزعل اللي في المتوسط والابتدائي يحدد هو بيكمل دراسته ليلي ولا نهاري ولا بيسحب على الدراسة
:D :D

والله يوفقك ولازم تحدد رغبتك من الحين عشان ترتاح بعدين

بس مهما كان مو شرط الواسطة انا دخلت الجامعة بدون واسطه لكن تعرف العسكرية صعبة شوي واللي يبغى الشي

بيوصل له ولازم يكون عندك هدف عشان تحققه انا ممكن لو كنت راغب في العسكرية ومتحمس كان اقل شي دورت

يمين ولا يسار بس ماكنت متحمس مره


حدد رغبتك وتوكل على الله

موضوعك رائع جداً
وان شاء الله يفيد اخواننا خريجي الثانويه .

أنــا خريج الكليه التقنيه هذا الترم
تقنية حاسب ألى تخصص دعم فني


دراستي عن صيانــة الحاسب الآلــي
ممتعه جداً ,,
سهله للّي يبغى يتعلم واللّي يطبق كل اللّي تعلمه,

فكرة الموضوع حلوه جدا

خلنا نسلم أول عليكم ^______^

السلام عليكم ورحمة الله وبركاته


علومكم عساكم طيبين

الحقيقه انا قبل لا اقول شي واتكلم

اللي تخصصهم ادبي وشرعي ويبون يدخلون كليات عسكريه مافيه خخخخخخخخخ

بتقولون لي كيف ابقولكم

يوم الاربعاء أول ماخلصنا أختبار حديث انتظرت ولد عمتي يجيني عشان بنروح لم مدينة الملك العسكريه اللي بالدمام

المهم رحنا لهم وخشينا سلام .. عليكم السلام

بغينا نسجل ياطويل العمر نعبي بيانات قال لازم ورقة تعريف وصورة لبطاقة الاحوال

منا ومنا الين قال هذي التعليمات وشوفها

ومكتوب للعلمي فقــــــــــــــــط والعلمي التقني مدري وش

انا عندي مو مشكله لاني مابغى العسكريه ابد ابد وحالف لو اقعد عشرين سنه قدام ماخشيته خخخخخخخخخخخ

وايضا قال انه بداية من هالعام طبق هالنظام هذا

هذي سالفه وحبيت أعطيكم خبر لان يمكن الاغلبيه من الشرعي والادبي مايدرون عنها


ماعلينا




__________________________________________________


دامك في تخصص تربيه خاصه بغيت استفسر منك يالغالي

اذا يقبلون شرعي <<<<<<<<مدري ليه احسه منبوذ ذا القسم خخخخخخخخ

واذا يقبلون كم النسبه

وكم سنه دراسه وووووشكرا لك



وشكرا لك على موضوع الجميل وعجبتني الفكره جدا جدا جدا جدا <<<<<<طيب خلاص خخخخخخخخخخخ

اول شي السلام عليكم ..

بما اني خريج ثانوي هــ السنة والله الى الحيين حاط براسي جامعة الملك فهد للبترول في الشرقية ..

بس على حسب النسبة ..

اما يقبلوني في الشرقية ..

او ..


اصير جندي .. :D

موضوعك مميز الله يجزاك خير

أنا طالب في كلية الجبيل الصناعية تخصص هندسة تصنيع
بالنسبة لمستقبلها فهو ممتاز لأن المصانع في الجبيل رواتبهم عالية ولله الحمد

بالنسبة للصعوبة فهي سهلة عندي لأني أحب التخصص بس كان عندي مشكلة بالمواد العامة والحمد لله عديتها

السلام عليكم :)

أنا والله توني على التخرج باقي لي سنتين :D :D

وحاط في بالي حاسب ... عاد مدري وش حاسب ذا :D :D

هو صيانه ولا برمجه ولا مدري وشو المهم حاسب وبس :D :D

لآ جد والله ودي اسالكم ... وشي الأقسام المتعلقة بالحاسب ..

سواء بجامعة الملك سعود أو جامعة الإمام ..:confused:

ووش الاسهل والأزين .. والمستقبل الوظيفي الأفضل :D

ولآ أنا طاقتن براسي فُـــكرتـ(ن) ... ممتازتـ(ن) :D :D

أني أروح لجامعة الملك فهد بالشرقية ... ثمن ندحدر لارامكو :D :D

عاد اللي عنده خبره من الذين سبقونا سننا و علمًا لا يبخل علينا :D :D

مشكووووور أخوي هلالي للغاية ع الموضوووع الحلووو s13s

برايفت للدلخ :D :D ::

أدري أني ما أمون عليك بس ودي أقولك كلمتين :D

أول وحده أنك رهيب :D :D

وثاني شي ... اقول ... :D :D

الله يخلف على جيشنا إن كانك بتصير جندي :D :D

لا تزعل تكفىىى :D :D

هلا والله ..:d

تمون يالغالي خذ راحتك .. :d

انا رهيب .!!

الله مير يسلمك .. :d

والله انا خابر عمري ان دخلت الجيش باخلص صواريخهم عاد ما تسوى على جيشنا كل الي عندهم خمس صواريخ ونبيطة .. !! :d :d :d ..


ابد يالغالي لا زعلت ولا شي .. :d


بـــرب ..

الله يوفقك يارب واذا كان فيه احد ناوي يدخل القسم هاذا اتمنى انك تفيده وتحمسه يمكن تمسك معه غصب

وعليكم السلام ورحمة الله وبركاته


العسكريه يبي لها واحد راعي صبر وتعب وانا مثلك والله ماكنت افكر فيها لكن كذا لقافه


المهم بالنسبة لتخصص التربية الخاصة يقبلون أدبي اتوقع من 85 وفوق وانا سمعت انه الادبي صار من 90 وفوق والعلمي من 85 وفوق بس يقبلون اكيد وترا التخصص هاذا عليه اقبال مهب طبيعي لان وظايفه متوفره باذن الله

وانت اجزم بس وربي بيوفقك ان شاء الله وصدقني راح تحبه

مشكور على المرور واتمنى احد يفيدك من اللي يدرسون في التخصص هاذا او مروا بتجربة

والله يوفقك

الله يوفقك يارب وتجيب النسبة اللي تساعدك بس اهم شي انك حاط في راسك شي احسن مني متردد مسوي فيها جايب ممتاز وبختار على كيفي وانا من جنبها


ان شاء الله تتحقق امنيتك وتنقبل فيها مثل ما تحققت امنيتك وفزت بالتصويت :D :D

وفرصة اقول لك مبروووووك الفوز وتراني مصوت لك بس مدري ليش ماحطوا اسمي مع اللي مصوتين لك

رح طالبهم ترا لك صوت ماحسبوه وانشب لهم :D