#1  
قديم 23/06/2007, 05:49 AM
زعيــم فعــال
تاريخ التسجيل: 06/02/2005
مشاركات: 363
^^&هذهـ جماهير السعوديهـ&^^

بسمـ اللهـ الرحمنـ الرحيمـ

السلامـ عليكمـ ورحمة اللهـ وبركاتهـ

في البداية اشتغرب من وضع الزعيم في هذا الموسم وخاصة هذا الوقت

فهل ما يحدث من صفقات لجميع الاندية والزعيم يطالع

واستغرب من البعض كم مرة القى موضوع عن صفقه جديدة وكلها تفشل

الغريبة ما فيه ترتيب في مثل هالامور

الصفقات لو الهلال مشترك فيها كان اخذها بترتيب وبعقلانية ولا اقصد الاهانة لكن سمعت انهم كانو مكلمين القحطاني

قبل 3 شهور

واشوف البعض زعلان ليش راح القحطاني وووووغيره من هالامور

لكن الزعيم لا يقف على لاعب والا لاعبين

المشكله ان الصفقات ما يكون فيها سرعة وتتسرب بكل مكان وبسرعة

ويدخل احد الاشخاص الله يستر علينا وعليه يبغى يدخل النادي الثاني بمزايدات


لكن مع احترامي

لو كان في الزعيم اشخاص يريدون انهاء الصفقات بسرعة لانهوها باسرع ما يمكن

ضاع علينا لاعبين والسبه التأخير

تتطرح اسماء مفروض يطلب السرية الكل مفروض ما يعرف

هذي النقطة الاولى


النقطة الثانية

جمهووووووور الزعيم جمهوووووور كبير<<ما جبت شي جديد
وكثير وووو<<وما نوفيه حقه

لكن ما اشاهده في بعض الايام
<<ممكن ان يكون خاطئا ولكنها تظل وجهه نظر

علينا الالتزام في بعض الكلام وعدم الاستهزاء من فريق معين
مثلا نسمع تشاد الفقراوي وووو

ليش ما نرتقي بالفاظنا مع الاندية

ليش ما نكون يد وحده اذا راح فريق بالخارج

ممكن ما فيه احد يسمعني وواحد يقول صعبه

لكن غريبه على اندية الوطن

نادي يشارك في بطوله خارجيه وتشوف البعض ضد هالنادي

هالمشكله في الدول العربية عامه

انا ساكن بالمغرب

ففي الايام كان فيه مباراة للمنتخب المغربي واحد المنتخبات الافريقية ما اتذكرها في مركب مولاي عبدالله بالرباط
المهم كنت مع الشعب عاد الشعب تدخلها ارخص شي قلت هالمره خلنا نجرب مع التشجيع والحركات

لكن تتخيلون ان في وسط المباراة بدا السب جماهير العاصمه((الرباط))ضد جماهير كازا ((الدار البيضاء))

وجلسو يسبون وصراخ وحاله

وكلهم جايين عشان المنتخب لكن شوفو كيف تحول هالتشجيع لسب بينهم

<<<هالقصه قلتها لكم وطرف فيها المغرب لان فتره طويله من حياتي قضيتها هناك


طبعا جاء الهلال والاتحاد والاهلي والنصر في المغرب لكن كل واحد في مدينة معينة

مع اني هلالي لكن رحت مباراة النصر في اسفي وتبعد 400 او 550 كيلو من الرباط
ورحت لكازا ((الدار البيضاء)) وتبعد حدود 120 كيلو
ورحت بعد للمحمدية اللي تبعد 60 او 70 كيلو من الرباط
ومباراة الاهلي بالربط
كلها حضرتها واشجع الفريق السعودي

كذا تحس بوطنية وهي المطلوبه في جميع الجماهير

تخيلو لو تصير الجماهير كذا ولو تجيب اعلام فريقها وتشجع ممثل الوطن

كم مره اشوف بعض جماهير الانديه تروح مع جماهير الفريق الضيف

فصراحه احس الفريق الضيف يضحك يقول كسبنا جماهير على الفاضي بدون لا نجيبهم ولا نوديهم وجو يشجعونا

صراااااااااااحه غريبه الجماهير السعوديه



الى اين وصل تفكير المشجع السعودي

الى متى وصل تحفيز نادي سعودي ضد نادي سعودي

لو كان نادي غير سعودي فهذا تكاتف وتشجيع لممثل الوطن

جماهير السعوديه غريبه


ما ابغى اتفرع كثير لان السالفه هذي ما تخلص

لكن الله يعين


واتمنى عدم حذف الموضوووع

لان اذا تكلمنا صدق ينحذف ا


اشكر الكل على مروره


وقبل لا اطلع اتمنى من البعض عدم شتم هذا الرئيس لانه اخذ منا الاعب كذا وكذا وزايد ووو

فبعض الرؤساء ليس بكامل العقل وليس كل ما يفعله صواب

فهذا زمن الاحتراف لكن رؤساء بعض الانديه ينشرون الحقد والكراهيه بين جماهير ناديين


بالتوفيق للجميع
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:03 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube