الجريمه اللتى هزت الشارع السعودي في الرياض ( حصري ) - نادي الهلال السعودي - شبكة الزعيم

ابو طـــــلال · #1 23/06/2007, 02:34 AM

بسم الله الرحمن الرحيم ...

مساء الخير اخواني اعضاء منتدى الزعيم الكرام ....

في البدايه ارحب بالجميع .. وادعوا الله ان يحفظكم ويثبت علينا نعمه العقل والدين يارب

ماكنت اتمنى اني انقل مثل هالاخبار المأساويه بصراحه .. او يكون الخبر الحصري لمثل هذه الجريمه البشعه واللتى هزت مشاعر كل الشارع السعودي وخصوصا في مدينة الرياض ..تلك الجريمه المفجعه وقد اصبحت هي القضيه الاهم في كل مجلس .. وكل واحد يقول سبب من عنده .

.. وهذا هو السبب الحقيقي اللى جعلني انقل لكم هالاخبار الحقيقيه عن هذه الجريمه .. لأني وكما سمعت باان اشخاص يبروون الفعل الشنيع من الاب لاسباب نعلمها .. وخصوصا ان الضحايا هم من بناته !!

ومن مصادري الموثوقه .. ولموقع الزعيم فقط .. ااكد لكم باان السبب الاول والاخير في هذه الكارثه هي ( المخدرات )
فقد كان المتهم صاحب تاريخ مظلم .. مخدرات .. ومسكرات والعياذ بالله ... وقد كان على خلاف دائم مع ( طليقته ) ام البنات ... وجاء لبيتهم في غياب ابنائه الثلاث وهو تحت تاثير هذا السم .. ( عفانا الله واياكم )

العائله تعيش في وضع مأساوي للغايه .. ( الله يكون بعونهم ) المصيبه كبيره .. فتيات في عمر الزهور راح شبابهم كذا ..؟ رحمهم الله ورحم الله والدتهم .. فقد عانت الامرين من هذا الرجل قبل طلاقها منه .. لاحول ولا قوة الا بالله العلي العظيم ..... العائله معروفه وكريمه .. والبنات الله يرحمهن خلوقات بشهادة الجميع ... اتمنى مااحد يقول او ينقل كلام على احد الا وهو متاكد ..

حسبي الله ونعم الوكيل ... المخدرات كانت السبب في قتل اربعه انفس بريئه .. وكل متعاطي ماتكون نهايته بعيده عن هالنهايات المأساويه
الله يحفظكم يارب .. ويبعدكم عن كل مكروه
هنالك تفاصيل كامله لدي .. ولكن لحفظ خصوصية العائله لن اذكرها .. فقط اردت ذكر هذه المعلومات البسيطه جدا واللى انا متاكد جدا منها .. لسبب واحد .. وهو ان بعض الاشخاص سامحهم الله .. اعطوا الاب العذر في هذه الفعل وذالك بسبب اخلاق الفتيات .. الله يرحمهم جميعا ويرحم اموات المسلمين

تحياتي للجميع

SAM 6 وبس · #2 23/06/2007, 02:50 AM

اخوي ابو طلال والله ماسمعت عنها شيئ ..

عموماً اتمنى انك توضح شوي ...

لكن اللي فهمت ان واحد جاي تحت تأثير المخدر لبيتهم وقتل بناته بعد ما****...

ومشكور على الموضوع..

واحد زاحف · #3 23/06/2007, 03:09 AM

هلا ابو طلال ،،

فعلا ً كلامك صحيح ونفس اللي سمتعه برضوا من ناس قريبين للعائله ،،

للأسف ان هالشي يصير في مجتمعنا ،،

استغفر الله يارب ..

الله يشفينا من كل شر ويحمينا من كل مصيبه ويستر علينا بالخير ،،

ويعبد عننا الشر ،،

الله ارحمهم رحمه واسعه ،،،

تسلم اخوي على حرصك وهذا موب غريب منك ولامن اخلاقك ،،

جزاك الله خير ، ،

شـــذى · #4 23/06/2007, 03:15 AM

مشكور اخوي على التوضيح

إقتباس


	ومن مصادري الموثوقه .. ولموقع الزعيم فقط

ياذي المصادر الموثوقه شكلي بسوي زيهم هات مايثبت<<<<<<< هههههه

إقتباس


	اعطوا الاب العذر في هذه الفعل وذالك بسبب اخلاق الفتيات

يامساكين يالبنات اللي مايصير شي بهالدنيا الا قالوا البنات

الله يكون بعوننا صرنا شمعه يتعلق عليها اي شي

الله يرحمهم ويغفرلهم ويتوب عليهم

ويعوض شبابهم الجنه.

تقبل مروري.

مجنون الزعيم(9) · #5 23/06/2007, 05:26 AM

صاحب الجريمه رائد طيـآر ...

والام مطلقه ..
واعرف اسم العائله وكل شي عنهم

د.هلالية · #6 27/06/2007, 03:16 AM

لا إله إلا الله..
إن بعض الظن إثم..
..
اللي يشك بالبنات يتقي ربه..
..
والبنت اللي في المستشفى صديقتي, ووالله العظيم إني ما قد صادقت بنت بمثل أخلاقها العالية, اتقوا الله فيها وفي أخواتها وادعولها ولهم..
..
..

إقتباس

الرسالة الأصلية كتبت بواسطة مجنون الزعيم(9)


	واعرف اسم العائله وكل شي عنهم

وأنت فرحان أنك تعرفهم؟! وبعدين أنا ماقلت لك صح عليك وإلا لأ!!

ابو طـــــلال · #7 24/06/2007, 02:03 AM

إقتباس

الرسالة الأصلية كتبت بواسطة SAM 6 وبس


	اخوي ابو طلال والله ماسمعت عنها شيئ .. عموماً اتمنى انك توضح شوي ... لكن اللي فهمت ان واحد جاي تحت تأثير المخدر لبيتهم وقتل بناته بعد ما****... ومشكور على الموضوع..

هلابك اخوي .. هذي جريمه حصلت في مدينه الرياض يوم الثلاثاء اللى راح .. الكل يتكلم عنها وكتبت عنها الجرايد .. وفي المنتديات .. ( وعساك ماتدري بشر ) لكن فعلا كانت قصه حزينه الضحايا فتيات في عمر الزهور .. ومعهم والدتهم
الله يرحمهم جميعا

وشكرا لك اخوي
واحد زاحف

إقتباس


	للأسف ان هالشي يصير في مجتمعنا ،،

طول مافيه مخدرات بيكون افضع من هالسوالف ... وربي يستر

والله يحفظك وكل مسلم .. شكرا لك اخوي ولاتحرمنا من شوفتك

هلالي 88

إقتباس


	الله يرحم البنات وأمهم ويجعل مثواهم الجنة

اللهم امين .. ويصبر ذويهم ويجبر مصيبتهم يارب
شكرا لك اخوي حضورك ومرورك

شذى ع

إقتباس


	الله يرحمهم ويغفرلهم ويتوب عليهم ويعوض شبابهم الجنه

امين الله يغفرلهم ويرحمهم ... وشاكر لك تفاعلك وحضورك اختي
الرحال الازرق

إقتباس


	اللهم استرنا فوق الارض و تحت الارض و يوم العـرض

يارب وكل مسلم ... ويحفظك اخوي
شكرا لك ولمرورك

يلومني اني هلاليه

إقتباس


	حرام عليه حسبي الله ونعم الوكيل

الله يكون بعونه بعد مايفيق من هالمخدر !! مسكين
شكرا اختي

الاسطورة

إقتباس


	حتى الجرائم صار فيها حصريا

فيه حصري الهدف منه الاساءه .. وحصري القصد منه التوضيح وبنيه طيبه .. وان شاالله مااكون الاول
شكرا لك اخوي .. ولاتنسى دعوتك للبنات وامهم ... يمكنك نسيت

عاشقة الفن الثنياني

إقتباس


	حسبي الله ونعم الوكيل ماأقول إلا الله يكون بعون البنت الرابعة اللي في الإنعاش لو عاشت

ان شالله تعيش .. وربي مايضيع عبيده وهو ارحم والطف فيها من هالناس .. سبحانه
شكرا لك اختي

مجنون الزعيم(9)

إقتباس


	صاحب الجريمه رائد طيـآر ... والام مطلقه .. واعرف اسم العائله وكل شي عنهم

صحيح اخوي مجنون .. واتمنى نتفق اننا مانتكلم اكثر من هالمعلومات اللى عندنا .. الله يستر علينا وعليك وعلى كل مسلم
شكرا لك اخوي وربي يحفظك

el rey

إقتباس


	حسبي الله عليه والله يكون في عون البنت الراابعه والله حرااام وش ذنبهم طيب ،، ماقوول الا الله يستر على المسلمين ويحميهم ولايصير لهم زي اللي صار للعائله هذي انا لله وانا اليه راجعون ،،

الله يكون بعونها يارب ... وربي يستر على المسلمين ويحفظنا يارب
شكرا لك ولمرورك وحضورك

ماجد مقبل

إقتباس


	لا حول ولا قوة الا بالله ... حقيقة قضية مؤلمةة ومؤسفة ... ومهما كانت الاسباب فما حصل غير مبرر أبداً

...
فعلا ... واتمنى من اللى يسمع عن هالقصه .. يعرف وش نهايه هالمخدرات .. ويعطيك العافيه اخوي ماجد وشكرا لك ولمرورك

leo messi

إقتباس


	صراحه اللي صار شيء اليم والله الله يرحم اللي ماتت والله يشفي البنت اللي باقيه على قيد الحياة والله يعينها اذا صحت ووعرفت ان ابوها هو اللي قتل امها وخواتها الله يكفينا شر المخدرات اللهم امين

الله يرحمهم يارب .. وكل اموات المسلمين .. وربي يعافي البنت الباقيه ان شالله .. شكرا لك اخوي

zammamwek

إقتباس


	الله يرحمهن

امين يارب وتسلم اخوي على مرورك وحضورك ومشاركتك

ن و س 7 7 0

إقتباس


	الله يعين البنت الرابعه الله يحمينا من المخدرات

امين يارب .. جزاك الله خير .. تسلم اخوي ومشكور وماقصرت يالغالي

خالد×خالد

إقتباس


	حسبي الله ونعم الوكيل

نعم المولى ونعم الوكيل ... شكرا اخوي وربي يوفقك

(((أخلاق سامي)))

إقتباس


	والله ذي المخدرات!!

هذا شي بسيط من قصصها الله يكفينا واياك شرها يارب
شكرا على حضورك ومرورك اخوي

أسير القناص

إقتباس


	قالو عنها بالجريدة والاب يقولون انه عقيد بس ماني متأكد الله يعينهم

صحيح .. جابوها بالجريده .. وعندنا بالجرايد دايم كل جريمه من هالنوع قالوا.. مريض نفسي !! مدري متى يكونون اكثر مصداقيه ويقولون انها كانت بسبب المخدرات !! لمصلحه مين كتمان هالمواضيع واسبابها الحقيقيه!! خل الناس تشوف وش تسوي المخدرات بعقول مستخدمينها ..
شكرا لك اخوي ولمرورك

dal3_uae

إقتباس


	احنا سمعنا السالفه في الامارات بعد

السالفه انتشرت بسبب مأساتها .. وان شالله ماتسمعون عنا الا كل خير ولانسمع عنكم الا كل خير يارب
شكرا لك اختي ولمرورك

تغريد

إقتباس


	وحده منهم في ثالث ثنوي تخيلو قتلهم يوم الثلاثاء والاربعاء اخر يوم

حتى الخيال وهو الخيال غير مستوعب فعلا هالقصه !! صدقيني اختي من ابشع الجرائم اللى سمعتها بحياتي
ادعيلهم بالرحمه .. وهذا اللى نقدر نفيدهم فيه الحين بأذن الله .. لاتنسوهم من خالص دعائكم
الله يغفر لهم ويرحمهم يارب
شكرا لك اختي

&زعيم الجنوب&

إقتباس


	ياخي والله اننا بنعمه نسأل الله السلامه ,,, اللهم سلم سلم اللهم استرنا فوق الارض و تحت الارض و يوم العـرض

اللهم امين يارب
شكرا لك اخوي

هلالي مكة

إقتباس


	هلا ابو طلال ،، فعلا ً كلامك صحيح ونفس اللي سمتعه برضوا من ناس قريبين للعائله ،، للأسف ان هالشي يصير في مجتمعنا ،، استغفر الله يارب ..

زي ماقلت في التعليق السابق اخوي .. بيصير اشد وادهى طالما ان فيه مخدرات .. .. حسبي الله ونعم الوكيل في اللى باعها واشتراها وروجها
شكرا لك اخوي

هلاليه من الرياض

إقتباس


	حسبي الله ونعم الوكيل عليه ......

ونعم بالله ..... شكرا لك اختي

Hilali88 · #8 23/06/2007, 03:09 AM

حسبي الله على إللي يجيب هالسم عندنا

أرواح راحت والسبب المخدرات لاحول ولا قوة إلا بالله

الله يرحم البنات وأمهم ويجعل مثواهم الجنة

الرّحال الأزرق · #9 23/06/2007, 03:54 AM

ياخي والله اننا بنعمه

نسأل الله السلامه ,,, اللهم سلم سلم

اللهم استرنا فوق الارض و تحت الارض و يوم العـرض

يـ إني هلاليه ـلوموني · #10 23/06/2007, 04:02 AM

حرام عليه

حسبي الله ونعم الوكيل

thanx alot

الأسطورة 9 · #11 23/06/2007, 05:07 AM

حتى الجرائم صار فيها حصريا

عاشقة الفن الثنياني@ · #12 23/06/2007, 05:19 AM

حسبي الله ونعم الوكيل ماأقول إلا الله يكون بعون البنت الرابعة اللي في الإنعاش لو عاشت

el rey · #13 23/06/2007, 05:47 AM

حسبي الله عليه والله يكون في عون البنت الراابعه

والله حرااام وش ذنبهم طيب ،،

ماقوول الا الله يستر على المسلمين ويحميهم ولايصير لهم زي اللي صار للعائله هذي

انا لله وانا اليه راجعون ،،

الهلالي دائماً · #14 23/06/2007, 09:50 AM

لا حول ولا قوة الا بالله ...

حقيقة قضية مؤلمةة ومؤسفة ...

ومهما كانت الاسباب فما حصل غير مبرر أبداً ...

شكرا لك اخوي ابو طلال ,,,

leo messi · #15 23/06/2007, 09:56 AM

هلا والله ابوطلال

صراحه اللي صار شيء اليم والله

الله يرحم اللي ماتت والله يشفي البنت اللي باقيه على قيد الحياة

والله يعينها اذا صحت ووعرفت ان ابوها هو اللي قتل امها وخواتها

الله يكفينا شر المخدرات اللهم امين

عوااافي يابو طلال