بسم الله الرحمن الرحيم ...

تحية طيبه لاعضاء الزعيم الكرام

اليوم واعدت عائلتي الصغيره بعد مااطلع من الدوام واتغدى واصحى من النوم اني امشيهم وليتني ماواعدتهم

اثنين لاتعطيهم وعد ( الحرمه ) الموودام ( المدام يعني ) والبزر ( طلال ) .. انتبه تواعد هالنوعيه من البشر

يعني اذا نويت تنفذ اي طلب لهم قل ان شالله ... او اشوف .. لاتقول طيب .. ترى يقلقون راحتك ولو يصير عندك الف ظرف مايعذرونك ..

مالكم بالطويله ... طلعت من دوامي مااشوف الارض ... تغديت .. مامداني اتمدد .. الا وجاني تلفون ظروري وطلعت .. على

الساعه تسعه بالليل .. كلموني الاهل .. وانا مشغووول .. واول ماقلت الو .. ماسمعت الا هالكمه ( وييييييييينك ؟؟:upset

: ) وعاد علشان الضغط علي يكون اقوى .. وانصاع للطلب .. وارتخى سمعت طلال يقول .. وينت بابا ؟؟ انا ذعلان

عليت ( وينك بابا انا زعلان عليك ) قلت اارررا اخو العياااال ! !! وجيت اركض ... قلت تجهزوا انا جاي .. ( خطط

حريم )

رحنا لاحد الاسواق وتمشينا .. ولعبت الولد .. وانا اشرب كوفي واناظر ولدي يلعب .. تذكرت موقف لطلال واحد قبل

اسبوعين .. والثاني وهو في بطن امه ...

قبل اسبوعين كنت في مستشفى ومعي طلال قدام وفاتح له نص القزازه القداميه .. شافني واحد من الربع ومن زمان

ماشفته .. وانا بالسياره ومااحب اني انزل قالي خلك .. وسلمت عليه مصافحه .. وقالي : هذا ماشالله ولدك ؟؟ قلت

ايه .. قالي ماشالله تبارك الله ... هذا طلال .. قلت ايه .. المهم الرجال مدخل راسه يبي يسلم على طلال وهو يقول تعال

حبيبي .. . وانا اقوله سلم على عمك . . طبعا القزازه مفتوح منها ثلاث ارباعها علشان مايقمز والرجال دخل

راسه يبي يسلم على ولدي .. الا وويفاجئه بظربه قويه على هامته ههههههههههه بصراحه رحمت الرجال وقلت لولدي

عيب ياولد ؟؟ قال الرجال وهو وده يصيح من الطقه .. خله خله ياحبيله صغير .. قلت معلش يابو .. سلم على عمك

بابا .. مره ثانيه .. ويدخل الرجال راسه من جديد والظربه الاولى للحين حاره هههههههه وويصكه بظربه ثانيه يوم طق القزاز بحنك الرجال .. وحسيت انه قال اي ( ووده يلعن )
قلت لولدي عيب ياولد ..... قالي ( ازين )؟؟ قلت ليه تطق عمو .. وكرر الكلمه ( ازين ) .. الرجال سمعه وهو يقول

ازين .. قال يلعن شكلك ياقصيمي .. تربية قصمااان الله ابوووك انت وابوك ... ( ومن قلبه ) هههههههه

وانا اضحك والرجال يلعن .. حاولت ارقع ماقدرت .. وخفت اقوله قرب هالمره على ظمانتي مايطقك .. قبل مايروح قال

طس انت وولدك .. قلت تعورك عاد الطقه .. قالي ايه والله هامت راسي توجعني .. ورقبتي طقت بالقزازه قلت له : (

ازين ) يوم قلت ازين .. تذكرت كلمة ولدي ... ( ازين ) وعرفت من وين جابها هههههخخخخخخخخخ

وفي النهايه تاكد ان الطفل ياخذ منك كل كلمه وكل تصرف تسويه .. يعني مايطلع كلامه من فراغ .. احرص من كلامك

امام طفلك او اخوك او اي صغير امامك .. وخلك قدوه .. لاتصير مثلي في هالموقف




اتمنى القصه اعجبتكم .. وحبيت تشاركوني في الابتسامه .. وسامحوني على الاطاله

بالنسبة للموقف الثاني لطلال وهو في بطن امه ... راح اقوله بعد مااحس ان فيه احد تفاعل معي .. لأني مستحي

الموقف الاخر ترى فيه اكشن . . يعني اللى يقرف لايدخل يشوفه .:p ... هذي ذكريات
مش اي كلاااااااام

اللى عنده مواقف حلوه يذكرها ويمتعنا
تحياتي للجميع

هذا ولدك المفروض تمصع اذنه مصعة محترمه وتصك عليه يومين وتكلبش يدينه ورجلينه

ههههههههههههههههههههههههه


لي موقف يوم كنت بكندا


كنت داخل مدرسه و معي ولد خالتي الصغير (بسادس ابتدائي كان)

المهم هو اسمه حمد و في واحد ما اعرفه اسمه محمد

و انا كنت العب كوره جاني المدرس و معه التلفون يقولي و ين محمد امه تبيه (حتى محمد ذا صغير ؟؟ و انا سمعته يقول حمد المهم انا

و قلت للمدرس عطني التلفون احسب انها خالتي لاني سامع المدرس يقول حمد قلت بسلم عليها و اخذت التلفون و سلمت عليها و يوم بديت اسولف و هي تقولي مين انت ؟؟؟؟ اخرتها طلعت ام واحد ما اعرفه اللي هو محمد عاد انا دورني

من بعدها ما قمت ارد الا على جوالي اللي هناك

هههههههههههه الله يرجك في قوطي ببسي في صورة ميسي

والله لو تصير مشرف للمنتدى احسن<-- يدق بالكلام ..::


المواقف كثيره بس مافي شي في بالي.. اذا تذكرت بجي اكتب.. وتقبل مروريٍ


سلم لي على طلوٍ...< طلال> لو كنت هندي ولافهمت ..

كثير احراجات جتني ومابي اذكر احرااااااااااااااااج فيها

بس اخر موقف حصل لي بالمدرسه بالاختبارات انا ووكيل المدرسه ..

واستحي لا اذكره

إقتباس الرسالة الأصلية كتبت بواسطة حكر المنحكر كثير احراجات جتني ومابي اذكر احرااااااااااااااااج فيها بس اخر موقف حصل لي بالمدرسه بالاختبارات انا ووكيل المدرسه .. واستحي لا اذكره

مدامك تستحي وشوله تكتب ....؟؟





اهم شي أنا واخوياي كنا في السوووق أمشي مش وما ادري ألا وحده مشاء الله ((سودانيه )) تعرفون السودانيه (دبيه- الله لايوريكم الشحوم ألي قدام)) أفهموها...

وتطرحني بالأرض وأنا وين أودي وجهي قدام الحريم والله ويظحكن البنات والظغطل في الأتش يعني أي بصير ثاني بامسك أي وحده تظحك وألعن جدفها أهم شي تصنالها لمين راعت اد الأصياب الفاضيه ونجيب حبل ونحطه بالأرض تبعن ماينشاف لانه كأنه محلوت بالأرض وفيه 2متغبين عنا يعني ماتشوف وراعين النحلات يشوفون يوم عطيتهم أشاره ويشدون الحبل وتشوفن شكلها تجي مجاوبه على الأرض ويوم شفنا السكرتي وقتله القصه كامله والله يهديه طيرني قسم الشرطه في حي ....... 3أيام سجن مع مخالفه مأدري ليش جت بس قلت أهم شي بردت حرتي



تقبل مروري

[ملـــك الهلال ]

الله يخلي لك طلو و يصلحه لكن انتبه ترى مو كل الناس زي خويك

آخر موقف اليوم بزواج احد الشباب

وحنا جالسين على العشاء دخل صديقي احمد_ وهو من اعز الاصدقاء وأمون عليه_ متأخر

وجلس على طاوله انا ضامن انه ما يعرفهم , شفته دخل متأخر ويالله ياللله و مرتبك طرت على بالي فكره;)

بعد ما خلصت العشاء وحمدت ربي مريت من عند صاحبي وقلت بصوت عالي شوي عشان يسمعون اللي عنده

(( ماهو مثل عشاء البارح )) اللي عنده ضحكوا وهو لك عليه يعني صعب استيعابه

وهالجمله للي ما فهمها تقال للي متعودين يحضرون الزواجات للعشاء فقط وهم مايعرفون احد

اتصل علي على طول اول ما طلع وقالي وش السالفه قال لي انك احرجتني ضحكوا اللي عندي وانا مثل الاطرش بالزفه

قلت الموضوع كذا وكذا , قفل السماعه بوجهي وانا اتكلم , يلعن ام الميانه اللي زي كذا

وقبل شوي ارسل رساله يلطف وانا والله ادري ان مافيه زي هالولد

اتمنى تعجبكم السالفه وهي من فضاوة العطله

مره من المراريت كنت خارجه مع أبوي
وحنا فالطريق وقف أبوي عند الصيدليه وقالي انزلي معاي
قلت لا بلاش
المهم يوم نزل ودخل الصيدليه
الا أتذكر اني أبغى شي الظاهر كريم ولا حاجه
و نزلت طياره بسرعه قبل لايطلع

ومن زود السرعه مانتبهت ان باب الصيدليه كان مسكر أحسبه مفتوح
لأنه قزاز مو واضح
الا قربااااااااااااااااااااااااع دردج
واطيح وانا ماسكه راسي
مافتح عيوني الا كل الناس في الشارع يطالعون >> فضيحه
وابوي والصيدلاني جو مطيرين يشوفون وش السالفه

وانا لا تدوروني من الفشله نسيت حتى أصلا ايش منزلني من السياره
الله لايعيده موقف ولا يحطكم في مكاني


وآسفه على الأطاله>>>>> داريه غثيتكم أنا اذا هرجت ما أوقف
مشكوووووووور أخوي ابو طلال على الموضوع
وننتظر الموقف الثاني على أحر من الجمر

الله يخليلك طلولي والله يوفقه

أنا مافي ببالي موقف لكن بأذكر موقف صار مع خالي وولده:
مرة خالي راح يودي ولده المستشفى وجا الدكتور بيعطي ولد خالي إبرة عاد الدكتور قام يلهيه لين جات الفرصة وعطاه الإبرة قام ولد خالي إلتفت للدكتور وقاله (تقص علي يا كلب)

ننتظر الموقف الثاني

هذا من اصعب المواقف ومستحيل انساها قبل 3سنين تقريبا

صحيت من االنوم بعد صلاة العصر وكنت طالع لمحلي جوالات المهم وانا طالع من ورى الحاره بالسياره يقمز لي 4 بزران الله يرجهم قاطعين الشارع المشكلة انه تفرقوا صارو 4 /2 أتحداكم اذا فهمتو

اثنين باليمين واثنين باليسار ماادري من وين اطلع اذا حذفت الطاره يمين صدمت ولدين واذا يسار صدمت ولدين+عامود كهرب المهم حاولت اتفادى الجميع والحمد لله صدمت واحد بس:p

من قوة الصدمة فيني جلست بالسيارة ممكن 3 دقائق ماستوعبت الحادث
بعدها فكرت قلت الله يستر لايكون الولد واطي عليها ومات ولما انزلت قام الولد زين الحصان من تحت الصدام الخلفي وفرك هو والي معاها انا شفتها صاحي وقام يناقز وهو يصايح قلت اجل الحمد لله جاءت سليمه

طلعت للمحل وانا متروووووووووووووووع لما أذن المغرب قفلت المحل ولما وصلت السياره حصلت الشرطه موقفين عند السياره ويشوفو جرات ايدين الولد من الرف الأيمن وصلتهم وقلت عسى ماشر : قالوا انت دهست طفلت وهربت
قلت : الله يرحم والديكم انا ماهربت شفت الولدا صاحي قلت خلاص مايحتاج اوصلها المستشفى ولا شي المهم قالوا تعال معانا للمركز لانك ارتكبت جريمه جنائية لانك هربت

المفاجأه العظمى في المركز
صار الولد من جماعتنا وماعرفته:p
المهم صلحنا بحكم القرابه والنسب ،، وصار الولد بالمستشفى في راسه رضوض وزرته وعتذرت من والده



واخيرا مثل المواقف هذي على الواحد ان يطمئن على المصدوم مهما كان وهذا كان درس لي


وبالتوفيق

يا حليل ولدك مشاء الله عليه تربية قصمان (يا حبنيلنا يالقصمان)


والله انه مصرقع

إقتباس الرسالة الأصلية كتبت بواسطة ابو طـــــلال بسم الله الرحمن الحريم ...

هذا بلحاله موقف محرج

إقتباس الرسالة الأصلية كتبت بواسطة شذى (ع) ابوطلال شكل الحريم ماخذين عقلك

و الله مالها سنع

بس الموضوع مره قوي >>> نذل يحب يسمع بس

الله يعطيك العافية