العزوبي وين يروح !!!
 

بسم الله الرحمن الرحيم

وبعد .. كل عام وانتم بخير

اخواني :

الجميع يلاحظ مشاكل العزوبية في ممكلتنا الحبيبة .. وساتكلم عن الرياض لانها مدينتي وراح احكي لكم عن بعض مشاكل العزوبية والي صارت تتطور وبشكل كبير ... وكل مكان تروح له لابد ان يكون معك محرم .. قصدي للعوائل

السوق اصبح للعوائل ... فاذا بغيت تشتري شئ لابد انك تاخذ معك امك ولا اختك وان كانوا مشغولين ما لك الا الشغالة ( الشكوى لله ) والا ما لك امل تدخل السوق لانك اكيد جاي تضايق الحريم وان قصدك ( مغازل ) حتى لو كانك هذا اخر ما تفكر فيه فهو اول ما يخطر في بال الجميع .
اتصلت على احد الاصدقاء وقلت له اني افكر العودة النهائية الى الرياض وعدم اكمال دراستي في امريكا لاسباب شخصية فقال لي : وش يجيبك ... يكفي انك في امريكا تقدر تشتري جاكيت!!!!!!
قلت وش قصدك ؟؟ قال رحت للسوق باشتري جاكيت وتوني داخل السوق والا الشيخ يجيه ويقول ما يجوز يا اخي السوق مليان نساء ولا بد انك تغادر السوق .. قلت له طيب باشتري جاكيت ... قال احضر في وقت اخر !!!!! ولما جلس يناقشه عصب الشيخ وركبه للجمس واربع ساعات ولم يخرج من المركز الا بعد ما وقع التعهد !!!!!!!
ويقول انه جاي بدون شماغ وثوب لك عليه .. لكن كل هذا معد ينفع .. !!!!!!!!!!!!!!!!

[IMG]C:\My s\My Pictures\عزوبي2.jpg[/IMG]


العزوبي ممنوع من :
السوق لوجود النساء
الدوران لانه يعطل حركة المرور ( مع اني ضد الدوران الفاضي)
القهوه لانها مكان الصيع
الشقق والاستراحات ( الشباب ما يجتمعون الا على الخراب )
حتى الثمامة صاروا يقومنك لاسباب امنية

اخيرا ... وين يروح العزوبي ؟؟
الي عنده حل يعطينا ؟؟

وخذو حل ربيع ... يمكن انه صور بعض الواقع !!


[IMG]C:\My s\My Pictures\عزوبي.jpg[/IMG]


ولكم تحياتي
اخوكم / الجن الازرق

الحل.......
 

المشكله محلوله تمشي مع امك وانتبه تمشي مع اختك لان بعض المشايخ مايصدقون........ :(

الحل بسيط جدآ

تزوج وانتهت المشكلة:eek: :eek: :eek:

موضوع جدي لايحتمل المزح وربما بل بالفعل عدم وجود اماكن للعزوبين هي السبب في انحراف اكثر الشباب وخاصة هواة المقاهي والشيشة طرح جيد اخوي الجن الازرق ..

اخوي / الذئب السامي
واذا صارت امي مشغولة وما عندي خوات :confused: وشاكر لك ردك

اخوي الغالي / ابو سليمان
اذا بتسلفني ما عندي مانع:p
وشاكر لك ردك

اخوي العزيز/ سامي عبدالله
شاكر لك ردك .. وفعلا هي مشكلة

ملاحظة / ارجو ان لايكون محور الموضوع هو التسوق فقط .. فالمشكلة اكبر من ذلك .. وطرحي للموضوع هو لاخذ الاراء والحلول
ولكم تحياتي
اخوكم/ الجن الازرق

مالك القعده الا ببيتكم بس اخاف يجي وقت يقولون للعوائل فقط

شف اخوي الجن الأزرق عندي لك خبر يسرك ويسر الجميع هو بمشيئة الله سوف يكون هناك سوق متكامل من والى مختص للعزاب فقط وهذا السوق سوف يتم افتتاحه في عام 2222م في شمال شرق غرب جنوب الحائر اتمناء منكم حضور الأفتتاح.
00000000شف اخوي الجن الأزرق مافيه حل للعزوبيه الى حل واحد ولو طال الزمن وهو كما قال الأخ ابوسليمان الزواج فقط.

والله إنك صـادق يالجنـي..وين يروح.!!؟

كل شـيء مال للعزاب فيـه نصـيب حتى الثمامه اصـبر يبـون يسـورونها

ويحطون لوحه للعوايل فقـط..!!

احتفالات العيد بين مخرج 10 و 11 كاتبين قبل مدخل الاحتفال بلوحه

كبيره للعوايل فقط , وين يحتفل الشباب..!!! في بيـوتهم؟؟ .

كل شيء صار للعوايل حتى مكان يفتح النفس مافيه..!!

مالك الا مقهى والا كوفي شوب والا بيتكم يامال الصلاح.. !!!

بس أنا سمعت إن فيه مشروع خاص بالشباب خلال الايام هذي راح يكون مشروع

ترفيهي في الثمامه قبل مقهى الصامل وبعد دوار العويضه الثاني..!! .


وبالنسبه للاسواق الفكه منها والبعد عنها غناااة الله لايخلينا من

المحلات اللي في الشوارع خارج الاسواق .. .

تحياتي