#1  
قديم 20/06/2007, 05:16 AM
زعيــم جديــد
تاريخ التسجيل: 18/04/2007
المكان: الخبر
مشاركات: 49
السبب في قتل المواهب الكروية الادارة ام المدرب .. ؟ اتوقع الادارة

السلام عليكم ورحمة الله وبركاته
الصراحة عندنا مشكلة منتشرة خاصة في الهلال والمنتخب السعودي اللي هي قتل المواهب ، هل السبب في ذلك الأدارة أم المدرب .. ؟
علما بان الادارة هي اللي تطرد المدرب وكثيرا مانسمع ان الادارة تتدخل كثيرا في شؤؤن المدرب وحتى الجماهير تتدخل اذا مادخل الاعب الفلاني < طيب ايش الفايدة من المدرب والمشكلة ذي ياليتها تتقتصر على الهلال لا حتى المنتخب السعودي يعاني من ذا الشي كثيرا مايستقيل مدربين للمنتخب السعودي نتيجة تدخل الادارريين (وغيرهم) في أعمالهم وفي شي غريب نشوفه هنا في الدوري السعودي اعتقد هو سبب من الاسباب اللي أدت إلى قتل المواهب دايما عندنا نشوف في المنتخب السعودي خاصة وفي الاندية السعودي خمس مدربين في سنة بينما < في الدوري الاوربي مدرب لخمس سنوات ولعشر مثال الدوري الانجليزي مدرب مانشستر يونايتد < من يوم ماعرفت مانشستر وهم على نفس المدرب ( صار لهم على ماأعتقد أكثر من عشر سنوات مع مدربهم ) ونفس الشي أرسنال < والله من يوم عرفت أرسنال وهم على نفس المدرب ، مشكلتنا إذا جانا مدرب زين وحقق بطولات وطلب زيادة فلوس وهذا من ابسط حقوقه طردنا ورحنا ندور على مدرب وفي الاخير يطلع فاشل ونطرده وندفع شرط جزائي ونقعد ندور على مدربين ونطرد ونخسر اضعاف الفلوس اللي طلبها المدرب زيادة < وهنا الادارة تغلط غلطه كبيره اولها ان استمرار المدرب راح يخليه يعرف اللاعبين اكثر واكثر وراح يجيب اللعيبه اللي يحتاجهم من الدوري السعودي < خاصة اذا قعد فترة طويلة ، غير كذا مع الوقت راح يطلع الاحتياط اللي في الفريق شفنا الأهلي استمر معه نيبوتشا سنتين وطلع لهم احتياط قوي لدرجة ان انجوس اخذ تسع لاعبين من الاهلي < العادة نشوف ثلاث لعيبة اربعة خمسة بالكثير من الاهلي لكن ذي السنة تسع < السبب في ذلك مدرب ناجح اللي هو نيبوتشا اعد الفريق الرديف لكن للاسف الاهلي كرر نفس غلطتنا كسعوديين > اذا طلب منا مدرب ناجح او لاعب ناجح زيادة في الراتب على طول نطرده ونبتلش في مدربين فاشلين ولاعبين فاشلين امثال ردريقو الفان وتضييع البطولات والسبب كله في الادراة انها مادفعت فلوس زيادة للمدرب نجح مع الفريق او لاعب نجح مع الفرق .
المفروض اصلا يكون في نص في العقد مع الاعب او المدرب زيادة سنوية في الراتب في حال تحقيق البطولات او في حال تقديم مستوى جيد
كذا راح يصير اجانب الفريق كلهم ناجحين وراح يبنى فريق ممتاز نظرا لطول فترة التدريب وراح يجيب لاعبين محلين يحتاجهم الفريق وبالتالي راح يصبح لدينا فريق اساسي واحتياطي قوي < مو نجي قبل الاسيويه بكم شهر وندور لنا على احتياطي وصفقات سرية ومدربين
فرجاء من ادارة الهلال وادراة المنتخب واقولها لكم انت السبب في قتل المواهب وفي ضياع البطولات انتم السبب في ثمانية المانيا واربع اوكرانيا راجعوا انفسكم ، استفيدوا من اخطائكم ، اقتدوا بالدوري الاوربي خاصة الدوري الانجليزي اللي اصبح هو الاقوى ، شفوا كيف يحافظوا على لعيبتهم وعلى مدربينهم لسنوات طوال ، شفوا كيف اداراتهم ماتتدخل في شؤون المدرب ، المدرب عندهم هو اللي يختار اللعيبه ، مايشتري الاعب الا اللي يحتاجه مو يجيب لاعب مايحتاجه ويحطه في الاحتياط ، المدرب هو الاقرب للعيبه ، مايحتاج اتكلم اكثر بس والله اذا بنستمر على كذا ماراح نحقق كاس اسيا .
وبالنسبة للمدرب اكثر مدرب عارف باوضاع الفريق واللعيبه هو الحسيني خلنا نعطيه الفرصه زي ما اعطيناها لغيره من المدربين ولاننسى انه حقق كاس الملك السنة اللي راحت مع الشباب يوم صكونا ثلاثه واذا نجح مع الفريق ( ليه ندور على مدرب ثاني ) بالعكس المفروض نزيده في الراتب بدون مايطلب ويستمر سنة سنتين انشاء الله عشر سنوات (ترى مو لازم يكون المدرب (اجنبي) عشان يحقق بطولات ، ونفس الشي الاعب مو لازم يكون عالمي ومشهور اهم شي الاداء ) المهم يجيب بطولة ويبني فريق مو زي فريقنا الحين اللي اذا غاب التائب ماعرفنا من نحط بداله وبررنا الهزيمه ان التائب أصيب مافي فريق في العالم يعتمد على لاعب واحد الا فريق فاشل البرازيل اللي فيها رونالدينهو افضل لاعب في العالم ماتعتمد عليه ، بعد النهائي سمعنا ناس تقول خسرنا عشان الشلهوب مصاب ولا عشان ياسر أصيب ولا عشان سامي مالعب ، ماابغى اطول عليكم
أنتظر الردود والتفاعل
لان الصراحة تعبنا من تدخل الادارة وعدم تجديدها للمدربين وللاعبين عشان زيادة فلوس في الراتب
اضافة رد مع اقتباس
  #2  
قديم 20/06/2007, 05:33 AM
زعيــم جديــد
تاريخ التسجيل: 18/04/2007
المكان: الخبر
مشاركات: 49
أربع زوار للموضوع بدون أي تفاعل ... ؟
الموضووع خطير .
لعيبه في احتياط الهلال تستحق اللعب في المنتخب الاول ونقتلهم في الاحتياط ونعرضهم للبيع بسبب الادارة ، وبطولات تضييع بسببها ايضا .
انتظر التفاعل
ماراح اعدي ذا الموضوع على خير
اضافة رد مع اقتباس
  #3  
قديم 20/06/2007, 05:47 AM
زعيــم جديــد
تاريخ التسجيل: 18/04/2007
المكان: الخبر
مشاركات: 49
الاهلي كان عندهم مهاجم دكتوراة في التسحيب اسمه كيم الحين قاعدين يحاولوا يرجعوه طيب ليه فرطوا فيه من البداية ( ياأدراة نادي الأهلي )
الرابط
http://forum.kooora.com/f.aspx?t=4797492
اضافة رد مع اقتباس
  #4  
قديم 20/06/2007, 05:49 AM
زعيــم جديــد
تاريخ التسجيل: 18/04/2007
المكان: الخبر
مشاركات: 49
ياخوفي بكرة نقعد نتحسر على طارق ولا تفاريس عشان مبالغ ماليه بسيطة .
اضافة رد مع اقتباس
  #5  
قديم 20/06/2007, 06:22 AM
زعيــم جديــد
تاريخ التسجيل: 18/04/2007
المكان: الخبر
مشاركات: 49
أسماء جديدة تطرح على طاولة المفاوضات بخصوص المدرب القادم < ومازالت الادارة تتخبط وتضيع الفريق والبطولات .. أيش اللي مدرب جديد قبل نصف النهائي بشهر كيف بيعرف اللعيبه .. ؟ ، متى بيعرف البديل الناجح .. ؟ ، اذا بنجيب مدرب نجيبه من بداية الموسم مو في نهايته والله مافي وقت .. بنسوي زي المنتخب نلعب بمدرب في التصفيات ويوم يبدا كاس العالم نلعب بمدرب جديد ونطرده بعد اول مبارة !! ، ووووبعدين ليه ندور على مدرب وعندنا مدرب قاد الشباب لتحقيق الكاس بنتيجة ثلاثة صفر السنة اللي راحت .
السؤال ليه مانستمر على الحسيني .. ؟
الحسيني أيش فيه .. ؟
بطولات وجاب بطولة السنة اللي راحت .
قرب للاعبين هو أكثر مدرب قريب للاعبين الحين .
مدرب في ذا الوقت ماراح يمديه يتعرف على اللاعبين
ما أقول الا حسبي الله ونعم الوكيل على تخبطات الادارة في الهلال والمنتخب .

أنا بروح أنام الحين أتمنى أشوف ردود وتفاعل مع القضية ، نبي نوصل شي إلى أدارة الهلال وهي :
1- عدم التدخل في شؤؤن المدرب ( بمعنى هو اللي يجيب اللاعبين اللي يحتاجهم من الدوري السعودي ، وهو اللي يختار الاجانب ) .
2- الاستمرار على المدرب في حالة النجاح وزيادة راتبه كل سنه بدون مايطلب وكذالك اللاعب الناجح .
وأخيرا مرة ثانية > شوفوا كيف الاهلي متحسريين على كيم ويحاولوا يرجعوه بأضعفه سعره السابق > http://forum.kooora.com/f.aspx?t=4797492 وبكرة يمكن نشوفهم يحاولوا يرجعوا نيبوتشا ويتحسروا عليه .

اخر تعديل كان بواسطة » ro7_al-ro7 في يوم » 20/06/2007 عند الساعة » 07:19 PM
اضافة رد مع اقتباس
  #6  
قديم 20/06/2007, 07:26 AM
زعيــم مميــز
تاريخ التسجيل: 20/04/2007
المكان: رَيٍــُ آلخيرٍِ ــآضِ
مشاركات: 5,358
والله ما ادري وش اقول انت صدمتني بكلامك المقنع
اضافة رد مع اقتباس
  #7  
قديم 20/06/2007, 07:35 AM
زعيــم متواصــل
تاريخ التسجيل: 08/03/2007
مشاركات: 65
يابوي اذا بتقارن بين الأندية السعوديه والأندية الأوروبية لازم تقارن من جميع النواحي مو بس من جهه وحده

المشكله ماهي مشكلة إداره ومدرب المشكله في نظام الأنديه نفسها ...

نظام الأندية في أوروبا مختلف عن نظمها هنا ...

هناك في اوروبا النادي مثل الشركه يطلعون منه فلوس

مو مثل هنا لازم اعضاء الشرف يدعمون ولا النادي يروح فيها مثل نادي النصر
اضافة رد مع اقتباس
  #8  
قديم 20/06/2007, 09:19 AM
زعيــم فعــال
تاريخ التسجيل: 20/06/2004
مشاركات: 379
ياجماعة باختصار ان أكثر الي يقتل المواهب الي تجي للنادي هم (الإداريين الي مايهمهم الا

منظر اللاعب وشكله) وانا مسؤول عن هالكلام ...

لاني شهدت هاشيء بنفسي ... وسبق اني أحضرت لاعب للنادي مايختلف عليه اثنين بس للأسف اني

انصدمت وقتها وتفاجأت بان نادي مثل الهلال فيه زي كذا ...
اضافة رد مع اقتباس
  #9  
قديم 20/06/2007, 09:52 AM
عضو سابق في اللجنة الإعلامية
تاريخ التسجيل: 06/04/2007
مشاركات: 3,989
والله للأسف السبب الادارة
اضافة رد مع اقتباس
  #10  
قديم 20/06/2007, 07:21 PM
زعيــم جديــد
تاريخ التسجيل: 18/04/2007
المكان: الخبر
مشاركات: 49
والله أول كنت أتوقع أن الادراة هي السبب لكن الحين أنا متأكد وأكبر دليل المنتخب السعودي شفناه كيف كان في 94 وكيف صار الحين .. المهم أنا مشغوول الحين بكمل الرد بعدين ..... في أنتظار ردودكم .
اضافة رد مع اقتباس
  #11  
قديم 21/06/2007, 02:41 PM
زعيــم جديــد
تاريخ التسجيل: 18/04/2007
المكان: الخبر
مشاركات: 49
أخر ضحايا إدارة المنتخب واللي مسؤولين عنه ، عدم ضم محمد نور >> قريت ذا الموضوع في منتدى كورة واللي قال هذا الكلام صالح الحمادي بس ماذكر من الشخص المسؤول عن عدم ضم محمد نور لان انجوس أختار محمد نور بس في واحد رفض ... والحين مافي بديل لعبده عطيف أنجوس قاعد يلعب لي صالح بشير صانع العاب وبعدين لما نخسر نطرد المدرب ونقول السبب في المدرب .. حسبي الله عليكم
اضافة رد مع اقتباس
  #12  
قديم 21/06/2007, 06:13 PM
زعيــم جديــد
تاريخ التسجيل: 18/04/2007
المكان: الخبر
مشاركات: 49
أنتظر ردودكم .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:07 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube