السلام عليكم وكل عام وانتم بخير,,
اعزائي اعضاء المنتدى مثل ماتعرفون ان الأحداث الرياضية اللي تشارك فيها الأندية السعودية صايرة كثيره, ومثل ماتعرفون بعد ان التلفزيون السعودي بغصبيه 1,2 مهوب مخلي علينا قاصر( الله يحرسنا من عيون الحساد) لدرجة ان الواحد مايدري وش يلحق وش يخلي ( الله يخلي برنامج العبري والسدر).
المهم ودي اقترح على ادارة الموقع كتابة بيان برغبة الجماهير الرياضية ومطالبها حول البرامج الرياضية في تلفزيوننا العزيز وايصالها إلى المسئولين في وزارة الإعلام والرئاسة العامة (لرعاية) الشباب لعل وعسى . واذا بتحبون تطوير الاقتراح مافيه مانع الهدف واحد.

وانا معك واويد رايك .,.

والله انك صادق يليت يحطون قناه خاصه مثل ما سوو في الامارات بس الكلام سهل بس من الي ينفذ والله يعطيك العافيه


اخوك : أبو مضاوي

حنا يوم العالم صاروا يعطون البياجر لليموزينات بالدول اللي برا كنا حنا نكشخ فيه بسبع او ثمان الاف ويوم الشغاله والسواق بدول الخليج صار معاهم جوالات باعوه ربعنا علينا بعشر الاف وشلون تبي قناة رياضية الحين, يبيلنا اذا تأكدنا ان دول العالم كلها سوت قنوات رياضيه بما فيها اليمن وبنجلادش ذيك الساعه ابشر اما الحين مالك لوا