#1  
قديم 20/12/2001, 02:15 PM
زعيــم متواصــل
تاريخ التسجيل: 30/11/2001
مشاركات: 53
بلاتشي بسوق الشعله صباح الخميس

التاريخ الخميس 5 شوال 1422 هـ الساعه 10:30 صباحا
اصابني الارق ..... ركبت سيارتي وعلى ماي وي ( كوفي شوب بشارع العروبه بالرياض )
طلبت تركش كفي مديم شقر ....... وقعت اهيت بالشوراع .... اليوم خميس والناس قاعده
تخزن نوم مثلكم عارفين يوم السبت دوام ...... قلت اروح سوق الشعله لاني كنت قريب من هناك
وقفت سيارتي ودخلت مع الباب الايمن ووش اشوف !!!!!!!! مستر بلاتشي ومعاه الله اعلم
انهم اربعه او خمسه اشخاص والساعه كانت 10 ونص صباحا تقريبا لمحته وانا داخل وهو
طالع من الباب الثاني ....... صرخت وقلت مستر بلاتشي قد مورنق وقمت اعطيه من ها
الانقليزي وهو يقول سنكيو نو نو نو ...... تدرون نو على وشهو .....
عشان اني سئلته ولاحظوا انه كان يحاول يتوزى بين ربعه وانا الحقه والح عليه بالاسئله
قلت له هل وجودك في مدينه الرياض يتعلق بنادي الهلال ؟؟؟؟؟؟؟ قال سبع مرات يمكن
قالها عشر نو نو نو نو نو نو نو نو نو .... قلت اجل وش هذي الزياره الحلوه للرياض
وانا اعرف انك مرتبط بعقد في نادي بالامارات وانا اسئله وهو يتهرب لحقته الين برى السوق
وهو يسحب فيني ويقول نو نو نو سنكيو ....... ورفض يفصح عن سبب تواجده .
علمته اني مالي شغل بالصحافه او الاعلام انا فقط من عشاق الزعيم واني مجرد هلالي
معجب في طريقة تدريبه ومع هذا رفض يعطيني وجه وقام يرطن بالروماني ويسولف على
الي كانو معه والله اعلم ان لسان حاله كان يقول وش يبي ذا اللزقه !!!!!!!!!!!!!!!!!!!
عاد الصدق انا حسيت اني مغثه وبالذات يوم قامو يضحكون .
انهيت الحديث معه بكل لباقه مع انه ما عطاني وجه وشكره على هذي الحظات من وقته
وتمنيت له وللمنتخب الروماني التوفيق ( عشان نعكس ان المشجع الهلالي راقي جداً )
والحقيقه نسبه 95 % من الجمهور الهلالي راقي جداً جداً جداً .... وانا تري منهم ;) .

راح بلاتشي وانا رجعت السوق قمت ادور والف بالسوق ووالله ما ادري وش كان يمر من
جنبي لاني كنت افكر .......افكر واقول ذا المصيبه وش جابه الرياض .....
طلعت بثلاثة استنتاجات
اولا :
انه حضر الى الرياض لكي ينهي المشكله الماليه لاني سمعت ان فيه مشاكل ماليه سابقه
وقت اشرافه على الزعيم في الفتره الماضيه .
ثانيا :
انه حضر للرياض للتباحث حول امكانية اشرافه على الزعيم حيث انه والله اعلم ما كان
وده يجي للهلال عشان يمكن على امل ان الاتحاد الروماني يطلبه لتدريب المنتخب الاول ... لكن طار بها يوردنيسكو .
ثالثا :
ان استنتاجاتي الي فوق كلام فاضي وما عندي الا الدجه .... مع اني استبعدت الاستنتاج
الثالث ....... والسؤال الي يطرح نفسه وبشده ...... وش جاب السيد بلاتشي الرياض ؟؟؟؟؟؟؟؟

ـــــــــــــــ
رجاء خاص جدا من ادارة المنتدى ان تتئكد من صحة معلوماتي وتعلل تواجد السيد
بلاتشي في الرياض ........
احلاااااااااا دحيم سلمت على بلاتشي ..... بس يا شينه وهو دايم صافط حواجبه

تحياتي لكم جميعا
  #2  
قديم 20/12/2001, 03:18 PM
زعيــم مميــز
تاريخ التسجيل: 20/12/2000
المكان: (@ د @)
مشاركات: 1,802
ههههههه انت متأكد انه بلاتشي اللي شفته ؟؟؟

يادحيم قل قسم بالله انك شايف بلاتشي


على العموم بلاتشي يوم كان يدرب الهلال كان كل يومين اشوفه في اسواق الشعله في شارع المطار القديم في الملز يعني شكله مايعرف في الرياض الا سوق الشعله بس عاد هاليومين ماادري كانه موجود ولا لا
لدرجة اني بديت اشك انه فاتح محل في الشعله ومتستر عليه واحد سعودي !
  #3  
قديم 20/12/2001, 03:26 PM
زعيــم متألــق
تاريخ التسجيل: 05/07/2001
المكان: England
مشاركات: 1,098
بلاتشي اتي مع السد الذي سيقابل الشباب غدا
  #4  
قديم 20/12/2001, 04:34 PM
زعيــم متواصــل
تاريخ التسجيل: 23/12/2000
المكان: alrayadh
مشاركات: 169
مادم بلاتشي يتسوق با الشعله فعلا هو ذيب جاي من قطر ويبي يأخذ ملابس يكشخه بها عندهم (ها الروماني مانسا انه روماني يكشخ برخص)على العموم با التوفيق للشباب السعودي غدا:p
  #5  
قديم 20/12/2001, 05:22 PM
زعيــم نشيــط
تاريخ التسجيل: 13/11/2001
مشاركات: 990
يقولون جـاي يتعــيد في الرياض هههههههههه ...

الا صـدق جاي ولا تستهبل يادحيم ....

وممكن يدرب الرياض !!!
  #6  
قديم 20/12/2001, 05:42 PM
زعيــم نشيــط
تاريخ التسجيل: 17/03/2001
مشاركات: 951
أخ دحيم سوق الشعلة وينه؟؟؟


هـــــلال العــــرب
  #7  
قديم 20/12/2001, 05:49 PM
زعيــم مميــز
تاريخ التسجيل: 09/02/2001
المكان: الرياض <-> الجبيل الصناعيه
مشاركات: 1,797
لالا يعرف اليورومرشيه مره شفته هناك و نشبله و احد على نياته شكله يحب الزعيم مووووووووووووووووووت و كان في نقاش حاد معه و هل البلاتشي طرطع







و المشكله ان بلاتشي ما يرعف عربي و هاذاك ما يعرف روماني و لا انقليزي غير اوف سايد و فاول



و بعده بدقيقه د خلت ميجا ستار الى ذاك الشي الاسود الطويييييييييييييل الي جمبي و يوم اطلع فوق ( ملاحظه انا اطول واحد في عائلتي ما شاء الله علي )من شفت؟











ليتانا
  #8  
قديم 20/12/2001, 05:56 PM
الصورة الرمزية الخاصة بـ محمد ابولما
عضو إدارة الموقع الرسمي لنادي الهلال
تاريخ التسجيل: 12/01/2001
المكان: سبحان من يرزق الدود في بطن الحجر
مشاركات: 3,689
Thumbs up

يا حبيلك يا دحيم
بلاتشي بالرياض لتدريب فريق السد القطري بطل العرب مع بلاتشي وكل بطولات الموسم لأنه أختار مدرب يعرف كيف يستفيد من أمكانيات الفريق الذي يدربه المباراة مع فريق الشباب في اطار البطولة الأسيويه ،،،
أما السته الذين كانوا معه هذولا حرس خايفين على الرجال ليخطفه نادي الهلال
:p :p :p
  #9  
قديم 20/12/2001, 08:32 PM
زعيــم متواصــل
تاريخ التسجيل: 30/11/2001
مشاركات: 53
آآآآآآآآآآآآآآآآه يا القهر
تدرون وش قاهرني
ان استنتاجاتي ما عندك احد ..... مع اني كنت مستبعد الاستنتاج الثالث .
بس يستاهل السد بوجود مدرب مثل ها الداهيه بلاتشي .

وشكرا يا اخواني على التوضيح والله لا يحرمني من اخوتكم
واشكر كل من شارك بالرد على موضوعي .
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:14 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube