لكي يكون هلالنا الذي تمنيناه طويلاً..




أ-الشباب

((أحمد الصويلح,,مازن الفرج,,سلطان السعود,,أحمد الحربي,,بدر الخراشي,,محمد العنبر,,ماجد المرشدي,,أحمد الجري,,فهد الشمري,,علي جبلي,,عبد العزيز العبد السلام,,بدر الدوسري,,عبد اللطيف الغنام,,فهد المبارك,,مشعل الموري,,عبد الرحمن العصفور,,سعد الذياب))..

وين هذولي من القائمة الهلالية؟؟

أنا أبداًً ما أطالب إننا نستبعد أساسي على حساب لاعب من هذولي.. لكن


1/وين أحمد الصويلح؟؟أكيد الكل يعرف منهو الثعلب ما يحتاج أقولكم من هو..
2-وين بدر الخراشي؟؟اللي لقبناه بالصقر..
4-وين فهد المبارك؟؟كم مباراة لعبها هذا الموسم؟؟يكفي هدفه اللي على الاهلي
5-وين محمد العنبر؟؟والا أبعدوه علشان مستواه نزل بسبب قتل المواهب!!!!!!!
6-وين سلطان السعود؟؟كم لعب من دقيقة هذا الموسم؟؟بكم دقيقة قدر يجيب هدف على القادسية..محد قدر يجيب زيه هذا الموسم
7-وين مازن الفرج؟؟داري إنه مع الطائي!!! بس ليش ؟؟ وهو لاعب .. لاتعليق يكفي هدفه العالمي هذاك>>>>>>للأسف الهدف مب عندي الحين
8-وين عبد العزيز العبد السلام؟؟ كان في وقت الدوخي 6 أظهرة راحوا يوخرون الشاطرين ويجيبون واحد أقل مستوى !!!!
9-وين عبد الرحمن العصفور؟؟داري إنه مع الوحدة!!بس نفس الكلام اللي قبل
10-وين المرشدي؟؟ليش كذا أهمل؟؟ أنا ما أطالب بإبعاد المفرج بالعكس..بس افرضوا راح تفاريس لنادي كوريزيرو!!!!
11-وين أحمد الجري؟؟شفتوا هدفه على الحالة البحريني؟؟طيب افتحو الرابط هذا وشوفوا الهدف!!
الهلال يفوز على الحاله البحريني بأربعة أهداف نظيفة ( تقرير - صور - فيديو )

12-وين مشعل الموري؟؟أكيد الكل يعرفه مايحتاج تعليق
13-وين عبد اللطيف الغنام؟؟داري فيه لاعبين أفضل منه لكن إذا كان فيه فرصة إنه يلعب ليش ما نلعبه؟؟
14- فهد الشمري-احمد الحربي-علي جبلي-بدر الدوسري-سعد الذياب>>>>>>>>هذولي مايلعبونهم علشان يمكن يكون فيه الافضل منهم
صحيح الهلال يحتاج لمدافعين بس ليش نجيب مهاجمين ؟؟ والله يستر من التعاقدات القادمة اللي قاعدة تحصل الحين



ب-الشباب الكبار

((-سلطان البرقان-تركي الصويلح-ياسر الياس-احمد خليل-عبد العزيز الهليل-حسن العتيبي-عبد الله الجمعان))

1-وين ياسر الياس؟؟هو حالياً أفضل ظهير أيمن في الهلال
2-وين عبد الله الجمعان؟؟داري إنه كان مع الاهلي,,يمكن يكون مستواه ما هو بالمطلوب,,بس أحسن من إننا نجيب لاعب أجنبي
3-وين سلطان البرقان؟؟ليش صرنا مانشوفه؟؟هو والغنام أحياناً نحتاج لهم ولا نلعبهم !!!
4-وين عبد العزيز الهليل؟؟إذا راح تفاريس لكيريزيرو,,وش نسوي؟؟علشان كذا اتمنى اننا نلعبه مباريات ودية علشان يتعود على المباريات المصيرية
5-حسن العتيبي,,تركي الصويلح,,أحمد خليل,,>>>>>>>>هذولي مايلعبونهم علشان يمكن يكون فيه الافضل منهم وبعدين خلاص بيشيلون تركي الصويلح وأحمد خليل
يعني ينقصنا دفاع..




ج-الأجانب

كم مهاجم عندنا؟؟

10 مهاجمين من أروع مايكون..!!
ليش أجل نجيب أجنبي مب قد الهلال مثل اللي موجود حالياً..
سامي الجابر..ياسر القحطاني..أحمد الصويلح..فهد المبارك..سلطان السعود..مازن الفرج..عبد الله الجمعان..بدر الخراشي..محمد العنبر..مشعل الموري

سؤال محرج جداًً أو يقهر جداً

(((وين هذولي من قائمة الهجوم؟؟ليش نجيب مهاجمين أجانب فاشلين بملايين وإحنا عندنا 10 مهاجمين من أروع مايكون؟؟)))
أشوى بعد إننا نلعب ياسر القحطاني والا ان كان علوم الحين
الصويلح والخراشي والفرج,,....... كل هذولي لاعبين حسم..
الصويلح مهاري وهداف وسريع ويضرب براسه ووووووووو........
الفرج أحس إن عنده خبره اللي يشوفه يقول هذا محترف !!! هداف وذكي ويضرب براسه وووووووووو.......
الخ.......الخ





د-المدربين

أنا وجهة نظري إننا نخلي عبد اللطيف الحسيني مدرب ونجيب مساعد له..
تردون ليش؟؟
لأن الحسيني يعرف اللاعبين وبعدين مب مكلفنا كثير وبعدين بيكون أكثر إخلاص من الاجنبي..





هـ -الجماهير
أبو سلطان جدد علشان الجماهير..
جاب باكيتا علشان الجماهير..
شال هذا اللاعب وجاب هذا اللاعب علشان الجماهير..
حقق لكم كل مطالبكم..


وهو يطلب طلب واحد بس هو الحظور!!

وبعض الناس الله يهديهم..
يقدر يروح للملعب بس لقاه:
يفتح التلفزيون..
يقول وش ذا الحضور الله يفشلكم !!! وهو ناسي نفسه
والا يقول وش ذا المعلق البايخ !!!
الله اليوم المعلق فلللللله !!!
والا يفتح التلفزويون يشوف برنامج ما قبل المباراة اللي يجي قبل ساعة من المباراة او اكثر..
يشوف الملعب وما يلقى حضور....يقوله اخوه الصغير يللله خلنا نروح يقول لا لا ما يمدي!!!!!





و-جوال الهلال

عندي انتقادات كثيرة على الجوال الهلالي..
جوال الهلال بدل ان يتطور ويتقدم..بالعكس تأخر..
ليش الحين اذا ارسلوا التشكيلة مايرسلون الاحنياط؟؟
إذا جددوا عقد لاعب..مايقولون بكم جددوا له
وهاليومين صاروا ياخذون 40 هللة بدون ما يرسلون ولا رسالة..
مع إن فيه أخبار المفروض يرسلونها لكن مايرسلون ليش مدري؟؟
مثل التعاقدات اللي تصير الحين وش صار فيها ووووو ....... الخ
والاخبار مثل انهم يقولون عن ملعب النادي وش صار فيه متى بيقضى ووو........
مع اني مشترك في القناة الشاملة لكن كأني مشترك في القناة الموجزة!!!





ز-قناة الزعيم

قناة الزعيم في تطور مستمر..لكن فيه بعض الملاحظات عليها
مثل اذا جابوا المباريات المعيودة...تكون بشكل مب واضح !!!
وياليت يكثرون البرامج والمقابلات الاسبوعية
ويكون كل اسبوع فيديو عن نجم من نجوم الهلال سواء حاليا او سابقاً
ياليت اذا جا وقت الصلاة.. ينقلون الاذان على الاقل
وياليت يصورون في النادي ومقابلات وتصوير التدريب
اكثار من التقارير والريبورتاجات
ياليت نجيب مذيع يكون قد قناة الزعيم مب مثل الصحفي احمد العجلان..لانه براحة ماينفع..
تغيير اللوك حق الاستديو لأنه بصراحة مب قد الهلال..
ياليت يكون في وقت محدد يكون فيه تقل للاخبار الرياضية
وياليت في الصبح والليل اذا ار الشاشة كلها شات...يكون زي اول شات وفيدييو وصور وثيمات...يعني ما يكون بس شات





ح-اقتراحات

1-إصدار صحيفة يومية هلالية بمقدار ريالين
2-إصدار مجلة هلالية اسبوعية أو شهرية بمقدار مثلا 15 ريال
3-الاستفادة من الاعلانات،،مثلا بأن يتفق جوال الهلال مع أحد الشركات بإرسال
إعلانات يوميا لمشتركي جوال الهلال بمبلغ يأخذ من الشركة المتفق معها يستفيد منه النادي
4- نقل اللقطات التي يطلبها الجمهور بشرط أن يأخذ من الذي يطلب اللقطة مبلغ ما،،
مثلا أن يرسل رسالة تأخذ منه مثلا 5 ريال أو 10 ريال
5-إفتتاح قناة جديد للجوال بإرسال رسائل وسائط يومية بإرسال مثلا تدريب اليوم
6-إفتتاح محل تجاري يباع فيه أي شيء للهلال مثلا البدلات الهلالية والشالات
وأشرطة الفيديو اللي للهلال وأشرطة البلايستيشن اللي للهلال والطواقي
والجاكيتات وأكواب للهلال واي شي للهلال
7-هذي صعبة..بنيان ملعب لأحد الاندية الاوربية الكبيرة بشرط أن يكون الدخل المادي لدخول الجماهير النص بالنص
8- نحن الرقم الصعب لندعم النادي لكي نستطيع تنفيذ هذه المشاريع..
كيف ندعم النادي؟
البعض منا قال نحط صندوق تبرعات والبعض قال لا..
لكن أنا أقول ليش ما نحط صندوق تبرعات؟؟
يعني ما فيه غير هذي الطريقة
بالمختصر وضع صندوق تبرعات
واللي عنده طريقه ثانية تجعلنا ندعم النادي يقولها

إقتباس 9-فتح للهلال سوق..مثل الوحدة الاماراتي فكرة السوق من العضو -- العز الهلالي/

قـد يكون بعضها صعبا..
قـد يكون بعضها يحتاج إلى مبالغ طائلة..
لكن هذي المشاريع إذا سويناها ستدخل مبالغ طائلة بإذن الله
أي واحد عنده إقتراح مثمر للنادي يكتبه هنا
طبعا فيه اشياء صعبة لكن لو نسوي السهل ثما الصعب وهكذا ان شاء الله نكون اغنى نادي في العام
يعني لو نسوي مثلا رقم 3 وكسبنا منها نبدا برقم واحد وكسبنا نبدا بالثانية وهكذا حتى نكسب ثما نسوي الاصعب فالاصعب




ط -شبكة الزعيم
ياليت يكون فيه استفتاء اقصد يعني العضو اذا كان بيكتب موضوع..يكون يقدر يحط استفتاء
وأظن فيه قصور شوي:p
ياليت يكون في بشكل اسبوعي ((من هو افضل عضو-افضل مشرف-افضل موضوع))
الرابط هذا فيه :: ((شبكة الزعيم الموقع الرسمي لنادي الهلال السعودي حقائق + أرقام))
http://208.115.33.128/showthread.php?t=409511




تقبلوا تحياتي
أخوكم
الزعيييييييييييييييم

افكارك حلوه وبتفيد النادي
وياريت باقي الاعضاء يفكروا في اللي يفيد النادي
مو بس ينتقدوا الرئيس
ليش يسافر
وهم كدا دايما بس ينتقدوا
كانهم داخلين منتدى النقد

كلامك 100 %