|
اول شي نبيه منك يابو سلطان تشوف حل لقناة الزعيم ؟؟ السلام عليكم ورحمة الله وبركاته اول شي مبروووووووك علينا كلنا رجوع الظاهره ابو سلطان وجه الخير والسعد ومحبوب الكل ثاني شي ياليت ندردش شوي عن قناتنا الحبيبه واللي تمثل نادينا وجماهيره اول كنا نناقش مسألة الشاشه الكامله وانحلت المشكله والحمد لله لكن اللي يقهر من جد ان اول قناه رياضيه خاصه بنادي في الشرق الاوسط بهذا المستوى وهذي ابرز عيوبها 1_ صوره غير واضحه نهائيا وكاننا نطالع مقطع فيديو في الجوال وليس تلفزيون ؟؟؟ ليش ؟؟ مادري شوفوا القنوات الاخرى وتلاحظون الفرق :confused: 2 _ صووووت وااااااااااااااااااطي جدا جدا وسيء وبعض الاحيان يشوش او يقطع بالمره :confused: 3- شعار القناه الجديد نهائيا لايتناسب بحجم نادي مثل الهلال شعار بايخ وقديم وممل وغير مفهوم :mad: 4- وين المقابلات اللي وعدونا فيها ونقل التدريبات حصريا وعلى الهواء والمقابلات والاغاني ؟؟؟ نسمع ولا نشوف :mad: اتمنى محد يزعل مني بس حرام هالقناه اللي تعتبر اول قناه تختص بنادي سعودي وتكون لها الاسبقيه بهالمستوى ياليت نشوف التحسن في الايام القادمه ولو اني ماظن لاني فقدت الامل من انهم يسمعون انتقاداتنا والله لولا حبي للزعيم ماانتقدت ولا تكلمت بس ودي نكون احسن الناس مثل ماحنا دوووووووم احسن الناس والف شكر لكم واسفه على الاطاله |
كلامك صحيح ومن الاخير القناه تبحث عن الماده قبل كل شي |
اولا حياك زعيمتهم فى منتدى الززززعماء وقناه الزعيم احسن لنا كهلاليين ان يتم ايقاف القناه والعاملين بها لا جديد مباريات مكرره لا تطور لا مقابلات ولا تواكب الاحداث فاشله بمعنى الكلمه وشكررررا |
قناة فاشله ومغبره قناة النصر اطلق منها |
إقتباس:
هذا طلب النادي القناة ضمن مشاريع الاستثمار .. إستثماريه |
اقول غريب الا الان مانحذف موضوعك |
إقتباس:
فلو القناة تأسست على ان تكون حره ووضعها مثل وضعها الحالي فـ بالفعل فاشله قناة النصر تعتبر حره وأسست على ان تكون عامه وليست إستثماريه |
بالعكس مايمنع انها تكون استثماريه ودخلها للهلال بالعكس يسعدنا هالشي وبنكون اكثر الداعمين له وبنرسل لها كل يوم بس المشكله العيوب اللي فيها مالها اول من تالي ياليييييييييييت يعدلونها ويهتمون فيها او ياليت يغيرون الاستف الكامل اللي فيها ويجيبون اجهزه متطوره وناس خبره اشكركم على الردود واتمنى يلاقي الموضوع التجاوب المطلوب |
طيب مااختلفنا قناة txt بس لازم يكون فيه تتطور احسن من كذا اخوي محمد الهلالي حتى المباريات المعاده مافيه حسن اختيار ياخي لاتعيدون مباريات جديده نبغى مباريات قديمه ايام الجيل الذهبي من كاس اسيا ومباريات البطولات العربيه وحتى على صعيد الاهداف خليتونا نمل منها تنعاد الف مره |
الصراحه ملينا من اعادة المباريات الواحد يزهق وهو يناظر القناه ويجب على ادارة النادي تنفيذ ما وعدنا به.. |
راؤول الجابر عايش بروح الهلال اشكركم على الرد ويارررررررب تتعدل القناه لاننا من جد ملينا من الشاشه اللي مو واضحه والتكرار شكله بعد سنه بنلبس نظارات بسبتها وبعد تذكرت شي مساكين المشاركين بالقناه لهم كم شهر يطالبون عرض مباراة الهلال وفالنسيا ولا حتى الكنترول راضين يردون عليهم خصوصا هالمباراه وتكريم ابو يعقوب المفروض اول ناس يعرضونه خصوصا اغلب الهلالين ماشافوا هالمباراه بس اااااه يالقهر |
نعم |
اقول والله انك صادق يايوسف الثنيان غريب مانحذف الموضوع لان قبل فتره تكلمنا عن القناة وانحذف الموضوع والسبب اننا تساءلنا عن الاسئله الغير مواكبه للحدث مثل سؤال القناة مارايك بإنتقال الاعب ياسر الياس؟؟؟؟؟؟؟ |
لا والادهى والامر ان سؤال اليوم هل تؤيد انتقال الاعب احمد الصويلح الى الاهلى واحضار الاعب طلال المشعل ؟؟؟؟؟؟؟؟؟؟ يامحمد انت عزيز لكن من يختار هذه الاسئله الغير صحيحه والغريبه جدا وشكرا |
إقتباس:
صدقني الوضع في الوقت الحالي ما يطمن والمواد على مابال تجهز يبيلها وقت طويل على الله إن شاء الله يتحسن الوضع والأمر يعود لرجال الأعمال الداعمين |
الهـ محمد ـلالي ياخي ماقلنا شيء احنا نبقاها تعدل الصوره قسما بالله اني شوف اغبار على الكاميرا نبي صوره واضحة وصوووووووت قوي نبي نقل مباشر لتمارين نبي برامج |
والله طفشنا من الاهداف والمباريات حنا مانبي مباريات الموسم هذ1 لا ولايجيبون الا النصر والوحده نبي مباريات نواف 2000 ويوسف والتيماوي وسامي لا واخر الليل القاناه كلها شات والله لو يسكرون القناه احسن مشكوور اخوي |
إقتباس:
كلها خرابيط مراهيقين بالشات وشاشه تسبب ارتجاج بالمخ و الطنزة مدةِ باليد نتطنز بالنصر و قناتنا اردا منهم عايدين مباراة مهزوم الهلال فيها حنا اللي فينا كافين وذولا جايبين مباراة النهائي. |
مشكور |
إقتباس:
أنا أعرف الصوره غير واضحه والصوت كأنه في تنكه هذا شي يرجع للبث البث يحتاج لزيادة قوه لأن البث الحالي خاص ومعتمد لرسائل sms أما للفيديو فـلا لأن الفيديو يحتاج بث قوي وهو مكلف والنادي مايبي إلا رسائل وثيمات البركه برجال الأعمال القادرين على الدعم للمعلوميه النادي لا يعترف بالقناة القناة هي للإستثمار وليست للمشاهدة والاستمتاع |
والمشكله العضمى انها اصبحت قناة غزل واضحوكه للجميع الى متى فلتوقف هذه القناه |
إقتباس:
|
صراحة القناه تفشل اما شوفوا لها حل او قفلوها لانها تسيئ لسمعة الهلال |
يعطيك العافيه اختي زعيمتهم على طرح الموضوع .. وانا مع كلام اخوي الهـ محمد ـلالي.. بالنسبه لنوعية البث واللي مخصصه بصفة ان القناة منشأة لتكون قناة TXT وليس مثل قناة النصر .. ولازم يكون هناك وقفه من الداعمين للهلال بخصوص هالقناة لأن وضعها لايليق بنادي بحجم الزعيم ولابد من التغيير .. مباريات معاده وممله واهداف غير واضحه وصوت رديء :::::::::::::::::: والثقه موجوده في اخوي المبدع الهـ محمد ـلالي لكن اليد الواحدة لاتصفق وانا اثق في انه فيه مجموعه من الشباب القادرين على اضافة الجديد على هالقناة لكن يبقى المشكله في الدعم .. ولازم القائمين يتحركون في سبيل هالشي بدل الجلوس وانتظار الدعم الى ان ياتي .. صدقوني لو يثار هالموضوع عند الغيورين من اعضاء شرف الهلال انه ليتغير . :::::::::::::::: بالنسبه لمن اشاد بقناة النصر .. فهي اتت بعد ان شاهدة عيوب قناة الهلال وحاولت ان تتدارك ذلك .. وحصل لها ما اراد . مشكلتنا اننا اول من قام بعمل قناة واكيد الأخطاء وارده .. لكن القادم اجمل انشالله . تحياتي |
قناة وجودها مثل عدمها |
اشكر كل من رد على موضوعي وعساكم على القوه وصدقوني ان شاء الله هالردود راح تثمر بالاخير بالنسبه لك اخوي محمد تقول القناه مايعترف فيها النادي زين بسال سؤال مو الدخل منها يرجع للنادي ؟؟ طيب ليه مايحاولون يطورون القناه ولو بجزء بسيط من هالدخل ؟ صدقوني الدخل اللي يجي عن طريق القناه موب سهل ويفيد النادي وان شاء الله اكثر واكثر بس نبي نشوف شي يفتح النفس زي الناس موب كذا ؟؟ مشكورين كلكم تسلمون والله |
| الوقت المعتمد في المنتدى بتوقيت جرينتش +3.
الوقت الان » 06:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd