قرار إلغاء اسئلة الوزارة قرار فاشل بكل المقاييس - نادي الهلال السعودي - شبكة الزعيم

امي ولدتني هلالي · #1 17/06/2007, 03:42 PM

السلام عليكم ورحمة الله وبركاته

كيف الحال يا شباب ويا بنـــات ( علشان ما يزعلون البنات) ؟؟؟؟

الكل يدري ان اسئلة الوزارة هـذي آخر سنة لها ...........
والكل مستانس ويتوقعون ان السنوات الجاية راح ترتاح الناس
وانا اقول:::
المشكلة ما راح تنحل أبدا تدرون ليش ؟؟؟
لا ان الغوا الاسئلة وصارت الاسئلة من المدارس نفسها راح ترتفع النسب بشكل خيالي وراح تشفون ال %99 و98% وال97% لربع الطلاب في المملكة ....
وحتى مع النظام التراكمي تتوقعون انه احسن للطلاب ؟؟
لا بالعكس هو اسوأ لهم بكثير لأن المدارس وانتم تدرون يدفون بجنون وبدل ما تجيب 85% بأسئلة الوزارة تصير تجيب 93% تقريبا .......
تراها مو في مصلحته الطلاب ابدا ابدا
تدون ليش؟؟؟؟؟؟

افرض ان النسب ارتفعت تراها يا ناس تراها نسبة وتناسب يعني الي يجيب مثلا %90 الحين ممكن انه يدخل حاسب والا هندسة وطبعا لو اعتبرنا ان الطب له اختبار خاص راح
شوفون السنة ا الجاية (اول سنة بدون أسئلة الوزارة ) راح تقفل الحاسب والهندسة عند %96 بالراحة ...............

ولو تفكرون فيها اسئلة الوزارة مو صعبة مرة بس المشكلة الطلاب ( طلاب ثالث ثانوي) ما يـذاكر الى قبل الاختبار بفترة ويجي وهو مرتبك وشلون تبونه
يحل زين ؟؟؟ وبصراحة الي يـذاكر زين مره ويدخل الاختبار وهو مهدي اعصابه ما يحس ان اسئلة الوزاره صعبه عليه ما اقول سهلة بس يمديه يحلها وهو مرتاح
المشكله الطلاب عندنا ما يـذاكرون ويجي بالاخير يقول الاسئلة صعبــــه مرة وانها ما تنحل وانها خارج المنهج
وانا مريت بالمرحلة ذاكرت من بداية السنه وتعبت بجد والله ثم والله اني قدرت احل اسئلة الرياضيات وجبت فيها درجة عالية والناس ذبحونا الاسئلة صعبه الاسئلة صعبه شفتوا وشلون ؟؟

ومو ظلم انك تقارن واحد من بداية السنة شاد حيلة وواحد ما عرف المـذاكرة الا قبل الاختبارات؟؟؟ بالله عليك لو ذاكرت من بداية السنه وشاد حيلك واخوياك ما ذاكروا الا قبل الاختبار بفترة بسيطة وبالأخير جاب الدكتور اسئلة الكل يحلها بالله ما راح تموت قهر؟؟؟

والمشكلة بعد نظرة الطلاب لأسئلة الوزارة وفكرتهم عنها قبل ما يدخلون للأختبار تخلي الطالب يخاف مما يسمهه من الناس وتلقاه يدخل الاختبار وكأنه داخل على حرب وان راح تجيه أسئلة ما تنحل ابد ويرتبك مرة اكيد يبي يتلخبط وما يقدر يحل ويطلع ويزعج العالم الأسئلة صعبة مرة !!!!!!!

الله يوفق الجميع ان شاء الله كل واحد يدخل التخصص الي يحبه .......
واعـذروني ان ما اعجبكم كلامي

وشـــــــــــــــــــكــــــــــــــرا

][ عيون الزعيم ][ · #2 17/06/2007, 03:52 PM

كلامك رائع 100%
<<<<<<<<< خلاص راحت علي
مشكور

حمد الاحبابي · #3 17/06/2007, 04:04 PM

النظام الاولي في المملكة حلو الثانوية العامة فصلين والطالب مرتاح
كنا حتي قبل سنة في الامارات تكون الثانوية العامة حرب
لن النظام يقول الاختبارات اخر السنة مافية فصلين
والطالب مطالب بحفظ وفهم الكتاب من شهر 9 الي سهر6
لكن السنة غيرو النظام بحيث يكون
الفصل الاول الامتحنات 25%+25% تقاويم ونفس الشي الفصل الثاني
يعني صارت مصخرة
وياحظ المدرس كان مطنش واليوم صار ملك

juve1897 · #4 17/06/2007, 04:17 PM

لا مهوب كذا

لأنه من السنة الجاية بيكون الثانوية العامة ما لها قيمة تقريبا

لأنه بيكون على شهادة الثانوي ( ثاني و ثالث ) 30 % من الدرجات فقط و شهادة القدرات 30% , و إختبار القدرات التي ستعد من الجامعة نفسها عليها 40% ..

و الحقيقه ما أدري إن كان سيطبق من هذا الصيف أو لا .. مع العلم أن النظام السابق كان 70% على إختبار الثانوية و 30% على إختبار القدرات و النظام الي قبله و الي لحقنا عليه ما كان فيه إختبار قدرات إلا في جامعة البترول

هامور البورصه · #5 17/06/2007, 05:52 PM

يالحبيب انت فااهم خطأ صح الوزاره مهيب كاتبه الاساائله لكن مهوب المدرس هو الي بيكتبها

قبل كم يووم كنا نسولف في الموضوع هذا نسيت من بيكتبها بس رااح اتاكد

واجيب لك من بيكتب الاساائله عشان كذا كلامك خطأ فغي خطأ

وتشكرااتي لك

ســ الهلال ــراب · #6 17/06/2007, 06:41 PM

قرارررر مرره مووووووو حلووو

هلكتنا الأختبارات الدوريه

قلب فارغ · #7 17/06/2007, 10:34 PM

الله يعين على الثانوي

حكر المنحكر · #8 18/06/2007, 10:47 PM

احسن شي

تغريد · #9 18/06/2007, 11:42 PM

وجه نظر
واتوقع صحيحه كمان

صحيح قالو احتمال تكون الاسئله بالتبادل بين المدارس
يعني يكتبونها مدرسين من خارج المدرسه
بس برضو مو اكيد

ونسب القبول في الجامعات اتوقع بتصير من 97 وفوق هذا اقل شي

بيستفيدون منها الخريجين من المدارس الي تدف وتساعد وتوزع درجات...الخ
وطلاب المدارس الثانيه اش ذنبهم؟؟
لما يجيب الواحد نسبه بتعبو بس اقل!

وزارة التربيه والتعليم >>>مايدرون اش يبغون اصلا

هلاليه من الرياض · #10 19/06/2007, 12:44 AM

إقتباس

الرسالة الأصلية كتبت بواسطة تغريد


	وزارة التربيه والتعليم >>>مايدرون اش يبغون اصلا

عزوز الموسى · #11 19/06/2007, 12:53 AM

كلامك صفر %

يا اخوي صعبة مرررررررررررررررررة اسئلة الوزارة

هلالي القرعاء · #12 19/06/2007, 01:21 AM

وعليكم السلام ورحمة الله وبركاته ..

بـ العكس أنا أشوف انه من الأفضل ان تكون الاسئله بعيد عن أيدي الوزاره ..

لأنهم للأسف ناس ماعندهم قلوب .. ليس الكل لكن كثير ..!

الطالب اللي هدد بـ الإنتحار .. ماجت من سهولة الأسئله .. بل من صعوبتها ..

وغيره طلاب حسب كلام الجرايد انتحروا في اكثر من سنه .. ماجت من فراغ .. جت من اسئلة الوزاره ..

هذولا ناس متوظفين ويستلمون الراتب .. وماهمهم الطلاب اللي يكرفون ويتعبون وبعدين مايحصلون اللي يطمحون له ..

زمان كانت الوظايف بـ سهوله تحصلها .. الحين اصحاب الشهادات مايلقون وظيفه تعطيهم حقوقهم ..

شي ثاني ..
الأسئلة اللي جتك يمكن تكون من حظك انها في السنه اللي انت فيها جت سهله ..
ومو شرط تكون نفس الاسئله من ناحية السهوله في كل عام ..

في اسئله تجي من خارج المنهج .. الناس ماتكذب !
وهم ملزومين بـ المنهج .. لكن الشكوى لله !

من ناحية الاسئله يخلون كل مدرسه تحط اسئله لـ المدسة الثانيه مو مشكله ..

وإذا على التصحيح يخلون مدرسين من مدارس ثانيه يصححون ..

الوزاره عندهم مليون طريقه عشان مايصير تلاعب بـ الدرجات ..

في مصحح وفي أكثر من مراجع يشوف التصحيح ..

إرتفاع النسب شي زين .. على الأقل ياخذون حقوقهم ..

إقتباس


	وبالأخير جاب الدكتور اسئلة الكل يحلها بالله ما راح تموت قهر

:p
ليش أموت قهر ! عشان الطلاب حصلوا على درجات عاليه ! هذا حقد ولا وش ؟؟؟

ياخي بـ العكس .. إذا جت أسئلة سهله أبنبسط عشان اظمن أعلى درجه ..

غير كذا ماأكره انه يكون الثاني والثالث حصلوا على درجات عاليه ..!

ومستحيل أصلاً تجي اسئلة ثالث ثانوي الاختبار النهائي في الترم الثاني سهله ..
لأنه آخر إختبار ..

عمومـًا ..

يبقى قرار إلغاء أسئلة الوزاره (المعقده) أفضل لـ الطلاب ..
عشان يصير اللي يحطون الاسئله اوادم بـ معنى الكلمه !

إقتباس


	والمشكلة بعد نظرة الطلاب لأسئلة الوزارة وفكرتهم عنها قبل ما يدخلون للأختبار تخلي الطالب يخاف مما يسمهه من الناس وتلقاه يدخل الاختبار وكأنه داخل على حرب وان راح تجيه أسئلة ما تنحل ابد ويرتبك مرة اكيد يبي يتلخبط وما يقدر يحل ويطلع ويزعج العالم الأسئلة صعبة مرة !!!

والله اللي يسمع ويقرأ عن طالب انتحر بعد اختبار الرياضيات ..
وعن طالب شنق نفسه بـ جسر ..
وطالب يهدد بـ الانتحار اذا مانجح ..
وغيره من البلاوي ..

شي طبيعي انه يخاف ويرتبك !

تبقى لكل واحد وجهة نـَـظرُه ..

يعطيك العافيه ..

امي ولدتني هلالي · #13 19/06/2007, 01:55 AM

اشكر كل من مر على الموضوع واشكر بشكل خاص كل من رد على الموضوع .......
ويبقى الموضوع وجهة نظر لا اقل ولا اكثر..............

هلالي القرعاء:::::

اولا : اشكرك على ردك
ثانيا : بالنسبه للكلام الي يطلع بالجرايد عن انتحار الطلاب ..
انت تتكلم عن نسبه قليله جدا وتكاد تصل الى الصفر ...........
انت تتكلم عن ملاين الطلاب الـذين يختبرون ونسمع بحالة او حالتين انتحار فقط وما ظهرت الا آخر السنوات وكل
الـذين ينتحرون يعانون من امراض نفسية والله اعلم ونحن لا نحكم على الشئ من الشواذ ............

ثالثا: قولك ان الأسئلة من خارج المنهج يمكن انك ما تدري ان الأسئلة يتم مراجعتها من قبل تربويين ومدرسين ومختصين والا كيف تفسر ان هناك طلاب يحصلون على الدرجه الكامله في الاختبار !
تتوقع انهم يـذاكرون منهج ثاني!!!

رابعا: ردك على قولي ان الواحد ينقهر ان جت الأسئلة سهلة وهو مـذاكر زين وفسرتها على انها حقد ......
اقولك مو الدعوى حقد ( الله يوفق الجميع ان شاء الله ) بس قهر انك تعبت وغيرك ما تعب وبالنهايه كلكم تتساوون ! يا اخي حتى في الدين ما يتساوى اللي يعمل ويتعب والي ما يعمل ......

اشكرك على ردك .........
وتبقى وجهة نظر.....................................

الأزرق العالي · #14 19/06/2007, 03:30 AM

:
:

بغض النظر عن أي ( نتيجة عكسية ) تم ذكرها .. فإنني أقول لأسئلة الوزارة : ( اذهبي من غير رجعه ) ..!!

لم يغير ( اختبار القدرات ) في الأمر شيئاً .. بل زاد الأمرُ تعقيداً عندما أصرت الوزارة على وضع ( المعجزات ) في الأسئلة ..

لماذا كل هذا التعقيد ..؟!!!

والأمر الذي يستفزنا أكثر .. هو تصريح بعض المسؤولين في الوزارة بأن الأسئلة كانت ( معقولة ) .. !!!

أيعقل أن كل الشكاوى التي نسمعها .. والأخطاء التي نكتشفها .. والأحزان التي نعايشها .. من باب الخيال .. !!

أي تفكيرٍ هذا ؟!!

:
:

شُـكـراً لكاتب الموضوع ..

:
:

@ ابو عبدالعزيز @ · #15 19/06/2007, 10:46 AM

كلامك رائع

وانا موفق معك