السلام عليكم ورحمة الله وبركاته

اخيراً تهورت ونزلت موضوع اخر موضوع كتبته بالمنتدى كان قبل اربع شهور وعشر اياام وكنت شايل فكرة

اني انزل موضوع بس جاني سلطان وكم عضو قالو لي يااخي انت ليه ماتنزل موااضيع قلت هاه :p ماعرف

قالو بس جيد ترد قلت خلاص بنزل قالي سلطان انا نزلت موقف وكلي هلالي نزل موقف ليه انت ماتنزل موقف لك قلت انا بكوون احسن منكم وبنزل موقفين

الموضوع فيه موقفين لي موقف ضيعت ومسكت خط ........... تقريباً اربع ساعات مضيع

والموقف الثااني تهااوشنا حرمه وتمرمطنا مرمطه والفقره الثالثه في الموضوع هي فضائح الاخ العزيز

المشااغب يعني من الحين لحد يقولي الموضوع طوويل وياليت الي اتصالهم دايل اب يقطعون الاتصال

المهم مانطول عليكم بنقولكم اول موقف والله يعينكم ويصبركم على سمااجتي

في يوم من الايام وتوني نااجح وبادي اسووق بالريااض وانتو عارفين اللي توه بادي يتعلم السوااقه يبي يروح أي مشواار المهم قمة العشاء قلت اجل خلني امر ولد خالي مشعل ونروح نتمشاء في شواارع الشفاء الحبيبه والظاهر اني ماصلية ع طوول قمة وغسلت وجهي وخذيت المفااتيح وشغلت وكان بيتهم في نفس الحاره وقفت وعطيته بوري وركب معي وقاام يصملني يا طارق ياخي خلنا نروح للعلياء نتمشاء يا طاارق انت وش ورااك المهم اني كنت متردد وخايف من طريق الملك فهد المهم انه احرجني وقلت مبدهااش مشينا مشينا ورحنا وتمشيناء وتعشينا ويوم جت السااعه 11 ونص قلتي يالله رجع قال طارق ابيك ترجعني بالنسيم قلت وش الي النسيم ريحنا يابو الشباب قال لا والله ان توديني النسيم قلت شعندك بالنسيم قال عندي شغل ç== كذووب ماعنده الا الضعوي والكلاب اللي تعوي قلت تدل قال افا عليك امسك خط الي عليه لوحة الدمام واول ماجتنا لوحه مكتوب عليها الدمام مسكناا خطها ومشينا اقوله تدل قال افا عليك والله هذا هو الخط والمشكله ان الطريق مضلم وفاااااضي وطقة السااعه 12 ومازلنا نمشي والمشكله ان على يسارنا صبه وعلى يمينا جبل المهم انا بديت اعرق وارتبكت والتفت عليه قلت تدل قال تبي الصرااحه يا طاارق والله اول مره اجي مع هالخط في الوقت هذا بغيت اصيح من الخووف والتفت عليه وقعدنا نطااق بالسيااره وبقسته وهو سااكت ماقال شي لانه يدري انه غلطاان ومشينا وللحين ماندري وينا فيه ودقة الساعه 12 ونص ومازلنا ماشين المشكله ان فيه لوحات نمر عليها بس من الربكه مانقراها وكان الموقف مره يخووف وكنت شوي وصيح وهو يضحك ضحك وخلاني اتنرفز هو من الخوف جته حاله هستيريه قام يضحك من غير عقله لاني كنت ازبد والعن وجهي احمر من الخوف لاني اذا خفت ينقلب وجهي احمر وعيوني تصغر وتحول لوحش <<< بدا يكذب المهم وكان شكلي يضحك واتفقنا ان حنا نشووف اللوحه الي بتجي بوجيهنا المهم وشوي جتنا لووحه ع اليمين مكتوب فيها هجرة حلبان الطائف مكة جده انا اخر شي قرية جده مدري كم كيلو قلت جده يابن الكلب موديني جده هو قاااااام يضحك وهذا خلاني اتنرفز زيااده وارتبكت وترااني مابلت ابد ابد واشوا لقينا فتحه ع اليمين وقدرنا نسوي اتير ونرجع مع خطنا ومشينا ودقة السااعه 1 وللحين قاعدين نمشي وبعد فتره لقينا الجسر المعلق اللي بالغرب واستانسة لاني لقيت شي اعرفه وبيرجعني للبيت ودخلت مع المخرج اللي يوديني للسويدي المهم هو فيه ثنين مخرج مدينه صناعيه وهذا اللي يرجعين للبيت طريق البيت ومخرج والله ناسيه المهم انا جيت برووح مع مخرج المدينه الصنااعيه وبحركه وسخه مشعل نط على الدركسوون ولفه يساار قلت ليه يابن الكلب قال عشان ترجعني للنسيم في الوقت هذا حسيت بطني عورني وجاني غثياان وفي الوقت هذا كرهة مشعل كره لله في الله وقمة اصيح بس شسوي خلاص مسكنا الخط والحين بنرجع مره ثاانيه للعليا وحلفت اني مارجعه للنسيم اول شي لانه مايدل وثاني شي لان الوقت تااخر مره وصارت الساعه 2 تقريباً ورجعنا ومسكنا طريق الملك فهد ومسكنا اول شي الخدمه ولقينا نقطة تفتيش وانا عاد كنت بحاله يرثا لها عاملها ومرتبك وقاعد اصيح تقول كاني مخطووف وشافني العسكري وقال وش مقوومك للحين قلت والله اني مضيع واشوا اني لقيت طريق الملك فهد والحين ادل قال رح الله يستر عليك ولا كان معي رخصه ولا حتى بطاقه بس الحمدالله مشانا ويوم وصلنا البيت لقيت اخواني موقفين عند الباب يحتروني ومعهم خيزرانه قسم بالله معهم خيزرانه واللي معه عقال ناويني نيه بس نزلت وانا اصيح وقعت العن مشعل وعرفو ان حنا كنا مضيعين ودخلت وانا اصيح وامي كانت تحتريني بالسور واشوا واستني وقعت اسبووع احمد ربي انه ماصار لنا شي وخلااااااااص عااد شتبون بعد تبوني اقولك دخلت وقعت اسولف ع امي كيف ضيعت وكيف نمت

الموقف الثااني عااد هو الي صدق فضيحه

هذا ياطويلين العمر الموقف الثااني ترددت اني اكتبه لانه موقف محرج بس في نفس الوقت

ذكرياات حلووه اقولها لعيالي معني بملحها وببهرها وبسوي نفسي فندام فيها عاد ماطول عليكم

الموقف بيني وبين حرمه تابعووه لا يقووتكم خويكم تشووت والسبب حرمه سحليه

ياطويلين في الرمضان الي رااح كان فيه مبارااة مهم وكنت مار واحد من العيال وطالعين للمقهى

ومستعجلين ومرينا من قدام محطه ومدري وش الله اقرد هالهندي وطلع قدامنا بغينا نصدمه بس خويكم

سواق اشواء انه ماسواء شي الله يخلي الفراامل المهم انهم صارو قدامنا مادري ليه مديت يدي ومدري شقلت

في لحضتها وخوياي قليل الادب مدري ليه فتح الدريش وقام يهاوش الهندي المهم ان الحرمه طلعت رااسها مع

الدريشة وقاامت تهااوش وحسيت اني انا الغلطان مهوب سواقها وتقول لنا وقفو انا احاول اصدق حرمه تقول لي

وقف وش تبي مني !! المهم ماعطيتها بال ومشيت ويجوون جمبنا وتفتح الدريشة وتقول وقفو ان كانكم رجاجيل

وطنشناها وخويي يفحط في محله يقولي وقف وانا اقول صاحي انت تبنيا نتهاوش مع مره استح ع وجهك والله

اني مابي الشر وحاولت ابعد عنها ودخلت بحااره وياليتني مادخلت الا هذا السواق يكبس لي فلم رعب قسم بالله

وانا اضحك لاني مافيه امل اوقف لهم المهم مرينا من عند بيت مطوع يقراء ع المصااخين وياليتني مامريت كان

الشاارع مليان سياراات ووقفنا غصب يوالله الورطه شسوات قفل قفل وشوي الا اسمع صيااح بالشاارع والتفت

الا الاخت شوي وتفصخ عبايتها وتتزااعق وكانت تردد الجمله يعني عشانه هندي تنافخون عليه وانا سااكت

وطلعو العالم وكانت معهم كميرات وصورو الموقف المهم جاء المطوع وقال شفيتس طايشه قالت انهم مهاوشين

الهندي قال خير يطير تسوين كذا عشانهم مهاوشين الهندي في اللحظه هذي عصبت وحسيت اني .............

ونزلت وكنت ناوي امغطها بالعقال لين تعض القااع بس مامداني انزل الا مطاوعه ماسكيني ومدخليني السياره

هي ماشافتني اني نزلت والحمدالله انها ماشافتني قسم بالله جنيه مهيب ادميه وهي كل تركيزها على خويي لانه

هو الي فتح الدريشة وهو كان معصب وويبي ينزل بس المطااوعه مسكرين الباب وانتو عارفين المطااوعه

يتغدون ع مندي ويتعشوون ع مندي ماشاءالله عيره الله يزيدهم ويثبتهم ويعطينا من ماعطااهم ولا قدر ينزل

المهم طولتها تزااعق والعالم تضحك علينا واشكالنا غلط بالسيارة انا مدري ليه فتحت الدريشة وقلت بتروحين

ولا نزلت وموسرتك بهالعقال انا بس قلت كذا اختفت الحرمه من وجهي والتفت على خويي قلت يمديك عشان

تدري اني هيبيه قال التفت وراك يوم التفت الا هذي هي بسم الله الرحمن الرحيم وتطق الدريشه تقول انزل

انا قلت لالا خلاص اسف معاد اتعودها واخيراً فتحو لنا الطريق وتقول مبشر بالجنة هم كانو سادينه عشان

يتفرجون ع الاحداث وانا الي ماكلينها عاد انا ماصدقت وحطيت رجلي وللحين العيال ماسكينها علينا ذلوونا

ان شاءا لله ماكون طولت عليكم هذي بعض مواقفي الي تورطت فيها معني دايم تصير لي مواقف بسبب

دلاختي




وفي اخر الموضوع فيه فضاائح متلتله عن خوينا الكذااب المشاغب صرراحه انا مابغيت افضحه بس

هو قال انا ماقدر استمر بالكذبه لازم نقولهم قلت اجل خلها علي انا غااوي فضاائح قال اجل سو كلش

انت وكتب كلش تذكروون موضوع المشاغب عن الخااطره الي كتبها بنمر 15 السالفه بقولها لكم

من طق طق لسلام عليكم تذكرون موضوع المشاغب عن نواف وصالح الي غير اسمه مره نواف هذا قابله نمر 15

وعرفو بعض نوااف جاب كل شي عن سلطان وفله السبحه قدان نمر 15 قام نمر وهدد سلطان قال ياما تكتب فيني

خاطره ولا قسم بالله فضايحك كلها بالمنتدى لان سلطان مدمن ومايبي ينفضح عشان كذا سلطان استخدم غبااه

وحاول يكتب خااطره ولا عرف وذن الفجر وهو قااعد يحااول وكان نمر معطيه مهله لبعد صلاة الفجر وسلطان تورط

فسواء بحث ولقاله خااطره جااهزه وحلووه قال ليه ماخذها واغير بعض الكلمات الي فيها وهذا الي صاار غير بعض الكلمات

ونزلها ونمر مبسسسوط وكشرته عشره متر كاتبين فيه خااطره من قده وهو مايدري انها مزرووفه وهذا الموضوع يانب ضمير سلطان وقال لازم اعترف للاعضاء عن كل شي

الفضيحه الثاانيه بعد المهاازل الي صاارت بموضوع ابو طلال قلت لسلطان اوريك ان ماجبت لك فضيحه ثاانيه

قال شنهي وانا كنت امزح معه قلت يوزرك الثااني قال ايه ابيك تعلمهم بعد ان عندي يوزر ثااني قلت ابشر ولا تاكل هم

قايلكم غااوي فضاائح عااد اليوزر هذا يقوله سلطان انا ماني قاايله

اتمنى ماكون طولت عليكم وتعيش وتااكل غيرها يا تشااااو قصدي يا نمر 15

<========= متردد يضغط نشر الموضوع

كلولوووووووووش كلولوووووووووووش


هامور منزل موضوع !

يالله عسى خير يالله

هامور تصدق اني كنت نايم الظهر واحلمت انك منزل موضوع وانا بوسط الحلم ما دريت الا الشايب اللي ينايني قلت من انت قال ابليس قلت وش تبي قال هع قم توض وصل بس وتعوذ مني لا اموسلك بالعقال .

هامور تصدق عاد ودي ارد عليك بمية صفحه بس ابو لما صجني على المسن يقول شوي شوي على الحروف اقتصد فيها

إقتباس اخيراً تهورت ونزلت موضوع اخر موضوع كتبته بالمنتدى كان قبل اربع شهور وعشر اياام وكنت شايل فكرة اني انزل موضوع بس جاني سلطان وكم عضو قالو لي يااخي انت ليه ماتنزل موااضيع قلت هاه :p ماعرف

صقيقي الحمد لله انك صقيقي <<<<<< صفقني اذا فهمتوا شي والله اظن اننا لو نوليك قضية فلسطين حررتها في يوم بس ما شاء الله عليك لسان

تصدق قبل لا تكون صقيقي كنت اتحاشاك كنت اقول ابعد عن الشر وغنيله

والله اني ارحم هاللي يحطون روسهم براسك مجنن اهم ما يعرفون هاموروه وغشامته

إقتباس الموضوع فيه موقفين لي موقف ضيعت ومسكت خط ........... تقريباً اربع ساعات مضيع

جوال جوال يا شيخ

إقتباس المشااغب يعني من الحين لحد يقولي الموضوع طوويل وياليت الي اتصالهم دايل اب يقطعون الاتصال المهم مانطول عليكم بنقولكم اول موقف والله يعينكم ويصبركم على سمااجتي

ياليت تعدل عليه بعد

ياليت اللي اتصالهم دي سي ال يقطعون اتصالهم بعد

إقتباس في يوم من الايام وتوني نااجح وبادي اسووق بالريااض

هامور اسمح لي وش دخل النجاح بالسالفه
هههههههههههههههههههههههههههههههههههه

ولا بتعلمان بس انك دافووووووور

إقتباس كذووب ماعنده الا الضعوي والكلاب اللي تعوي

هههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
بطني بطني هههههههههههههههههههههههههههههههههههه

حسبي على بليسك
ههههههههههههههههههههههههههههههههههههه

إقتباس ان على يسارنا صبه وعلى يمينا جبل المهم

القديه صح <<<<<<<< ذكي

إقتباس ينقلب وجهي احمر وعيوني تصغر وتحول لوحش

ما اتوقع من شاف خشتك قال هذا قمة البرود ومهي لايقه عليك كلمة وحش كلمة وحش تصلح لسلطانووه اما انت الشاب المدلع الوسيم الانيق المحترم المستشار <<< حشى مو صفات طلعت اسامي خياطين

إقتباس لقينا الجسر المعلق اللي بالغرب واستانسة لاني لقيت شي اعرفه وبيرجعني للبيت ودخلت مع المخرج اللي يوديني للسويدي

وين اتصالك يا دب تمرني ولا تسير يا عيب الشوم :p

إقتباس المهم هو فيه ثنين مخرج مدينه صناعيه

الاخ عربي :p :p شكلك وقتها موقف لك باكستاني وهو اللي دلك وانت عاد مسكت على هالكلماتهههههههههههههههههههههههههه

إقتباس ولقينا نقطة تفتيش وانا عاد كنت بحاله يرثا لها عاملها ومرتبك وقاعد اصيح تقول كاني مخطووف وشافني العسكري وقال وش مقوومك للحين قلت والله اني مضيع واشوا اني لقيت طريق الملك فهد والحين ادل قال رح الله يستر عليك ولا كان معي رخصه ولا حتى بطاقه بس الحمدالله مشانا

ياليتني انا اللي ما سكك والله لخليك تنام في توقيف الناصريه الين تفوح ريحتك

إقتباس واستني وقعت اسبووع

وقعت = قعدت
ههههههههههههههههههههههههههههههههههههههه هذي مشكلة اللي يكتب موضوع في الظهريه طارق شمس الرياض ما ترحم :p

إقتباس هذا ياطويلين العمر الموقف الثااني ترددت اني اكتبه لانه موقف محرج بس في نفس الوقت ذكرياات حلووه

افا بس افا تخاف من حرمه <<<<<< بيتصفق بيتصفق ما فيها كلام

إقتباس يتغدون ع مندي ويتعشوون ع مندي ماشاءالله عيره الله يزيدهم ويثبتهم ويعطينا من ماعطااهم

هههههههههههههههههههههههههههههههههههههههههههههههههههههههههههه
كنافه كنافه

إقتباس وقلت بتروحين ولا نزلت وموسرتك بهالعقال انا بس قلت كذا اختفت الحرمه من وجهي والتفت على خويي قلت يمديك عشان تدري اني هيبيه قال التفت وراك يوم التفت الا هذي هي بسم الله الرحمن الرحيم وتطق الدريشه تقول انزل انا قلت لالا خلاص اسف معاد اتعودها واخيراً فتحو لنا الطريق وتقول مبشر بالجنة هم كانو سادينه عشان يتفرجون ع الاحداث وانا الي ماكلينها عاد انا ماصدقت وحطيت رجلي وللحين العيال ماسكينها علينا ذلوونا ان شاءا لله ماكون طولت عليكم هذي بعض مواقفي الي تورطت فيها معني دايم تصير لي مواقف بسبب دلاختي

ايييييييييييه ياللي لابس عقال اجل خافت منك ههههههههههههههههههههه احمد ربك لو انها ماسكتك كان موسلتك بالعقال الين تحب القاع


لا عاد جد وش كنت بتسوي اكيد منت ضارب حرمه خلها تزاعق الين يطيح اللي براسها .

/\/\/\/\/\/\/\/\/\/\/\/\/\/\/\/\/\/\/\/

خذ قصتي

قبل اسبوعين كنت طالع للسوق اتقضى وامشي وجوالي معاي في يدي ابي اكلم اهلي اذا قربت من المحل اللي هم فيه وارفع الجوال وادق الرقم وم دريت الا اللي ماسكه الجوال وتقعد تزاعق ياللي ما تخاف ربك ياللي ... ياللي ... عاد العالم تجمعوا قلت خير خير وش فيه قالت تصور بنات الناس وتقول وش فيه عاد انا بكل عفويه قلت وينهم بنات الناس اللي صورتهن قالت انا عاد انا فطست ضحك الحرمه يمكن عمرها 40 سنه وكانها خالتي قماشه (( اللي كانت تجي في رمضان ايام زمان )) وتجي الهيئه وخذ سين وجيم ويفتشون الجوال مالقوا شي وفكوني بعدها ما عاد لي وجهه ادخل السوق .

اخيراً سالفت متعب وسلطان : ـ

انا احذر متعب بان ما قام به سلطان سوف اقوم به ان لم يتدارك الامر ويتعوذ من ابليس

وحنا اخوان والواحد ما يعيبه الا ... ومالها داعي الفضايح

هامور شكلك نسيت بياع الزبيب على قولت متعب

ترا ماجد له دخل بالموضوع



والله يا ان ابو لما بيفرشني ما بقيت ولا حرف ولا رمز الا وحطيتها الله يعينه بكره يروح لسوق منفوحه ويجيب تريلتين

طارق ياليت تنزل كل يوم موضوع

لا والله جد موضوع خفيف حلو

الله يعينك على سلطان

مطري ، عاتي ، ههههههههههههههههههههههههه

تحياتي لك حبيب قلبي

حجز ... والله حركااااات يا هامور ومواضيع هههههههههههه

بررررب

-----------------------------------------------

باك

يخرب بيت إبليسك يالفضيحة

الموقف الأول: لا تعليق..!!

الموقف الثاني: بغيت أموت عليه من الضحك أجل مهاوشين حرمة الله يهديكم؟

آآآآآه يا زمن الرجاااااااال

مآآآآش يا طارق .. مآآآآش <<< قلب عليك


الموقف الثالث والفضايح:

أنت صاحي؟ ولا مريض؟

وأنت أي واحد يقول لك كلمتين تصدقه على طول؟

ترى كنت أمزح معك

بس هين .. بأطلع فضايحك كلها ولا ما أكون سلطان

بالنسبة لخاطرة نمر 15:

كان ضميري فعلاً يأنبني وكنت ناوي أعترف فيها في موضوع استضافة بالصيف

بس هامور خررب كل شي

لا تلوموني.. والله كنت في موقف لا أحسد عليه.. نمر 15 اكتشف عني وكل شي.. طبعاً ما هددني ولا شي

لأن ما عندي أسرار.. لكنه رفض يعلمني عن اللي علمه عني إلا إذا كتبت فيه خاطرة..!! فاحترت من وين أجيب

لهالتعبان خاطرة.. فما لقيت إلا أزرفها من أقرب موقع وأظن اسمه الديوان :p

كنت أخطط أحط الموضوع وأحذفه أول ما يعلمني نمر 15 .. خصوصاً أنها فترة الفجر وما فيه أحد متواجد غيرنا..!

لكن للأسف أن نمر حلفني ما أحذف الخاطرة بعد ما يعلمني..!! فحلفت له ..!!

أكيد أخطيت .. واعترفت لكذا عضو عن هالسرقة الأدبية واستشرتهم عن الحل.. فقررت أني أعترف في الاستضافة

القادمة..!! لكن هامور حرق كل الأوراق

أما بالنسبة لليوزر .. فهي إشاعة مغرضة .. وغير صحيحة

موضوع بايخ مع عدم احترامي لك.. أتمنى من سهل والبارق حذف الموضوع


وربي يا هامور أن أوريك يالنكبة

وناااااااااااااااسه

هامور بورصه منزل موضوع


ياليتك دايم تتهور علشان نشوف مواضيعك

إقتباس السلام عليكم ورحمة الله وبركاته

وعليكم السلام ورحمة الله وبركاته

إقتباس اخر موضوع كتبته بالمنتدى كان قبل اربع شهور وعشر اياام

ههههاي اجل توك طالع من العدة
عدة الارمله
هذي

إقتباس بس جاني سلطان وكم عضو قالو لي يااخي انت ليه ماتنزل موااضيع

اجل كم عضو
لا يكون انت كبار الشخصيات اقول لا يكثر بس انت موضوعك اللي مدري وش يبي
<<<امزح

عليك مواقف تفطس من الضحك يا هامور

إقتباس دايم تصير لي مواقف بسبب دلاختي

ماجبت شيء جديد

إقتباس وفله السبحه قدان نمر 15 قام نمر وهدد سلطان قال ياما تكتب فيني خاطره ولا قسم بالله فضايحك

اجل قدان
نمر انلعب عليه مسكين رفع خشمه من قده وبالاخير هههههههههههاي
هارد لك وان شاء الله ترقبوا بنزل بخاطره بمتعب عشان ما تلعبون عليه ذا المسيكين
بس زين علمتنا ان متعب راعي فضايح

إقتباس قلت يوزرك الثااني قال ايه ابيك تعلمهم بعد ان عندي يوزر ثااني قلت ابشر

انا شااااااااااااااااااكه بيوز ر وش يوزره الثاني
لا يكووووووووووووووووووووووووووووون
...................................................
<<<<<<<<<<<< مسويه عارفته
مشكووووووووووووووووووووووووووووووووور يا هامور عالموضع اللي ضحكني مع اني عندي امتحان بكره بس قلت لازم اقرا موضوع هامور
اللي من شله دف وادف
تقبل مروري المتواضع
<<<<<<<< وش تبين انتي ووجهك:p

حلــيّ بـــيّ ( محجووز بالفصحى )

بـــــاااك ههههههههه
مشكلة البزران اذا انعطوا سيارات
"الضعوي والكلاب اللي تعوي" الله يسامح اللي علمك اياها
وبعديد يالتسذوووب اللوحة اللي تطلع فيها ( حلبان ) ماتجيك إلا بعد 4 ساعات مشي (مشي بالسيارة) من طريق مكه فلا تقعد تأرنب علينا واجد وأنت مامشيت إلا ساعتين < تدور عليك شي باللي هو به
أنا بس ودي ادري مشعل شلون تحمل ريحتك :p
وبعدين ثاني مره اذا ضيعت الطريق تذكر أذنك عورتك وإلا لا وإذا عورتك اعرف انك في طلعت الـزّدية , بس شكلك انت رايح مع طريق ديراب ;) < مشكلة الفاهمييين :p
بس اللي عجبني سؤال العسكري خخخخخ مسكين شكل النووم واصل رجلينه

اقتباس:
" خلاص عاد شتبون "
ودي اعرف تروووقي (مشكلة الدلع) اهلك دروا انك مرطب ملابسك ومن نظّف السياره عقبك؟


الموقف الثاني: على حسب تحليلي الشخصي وبعد دراسة مطولة وتددقيق اتضح لنا ان الحرمه لها علاقة مسيار مع بو هنود وبعد التثبت من ذلك اكتشفنا ان هرمووون الذكوره مرتفع عندها شوي


بصراحة طاح من عيني سلتان ماتوقعت انه من مرتادي السوق السوداء

ودمتــم سالميــن ..

ههههههههههههاااااي

مواقفك مثل وجهك حبيب ألبي,,,

كان ودي أعلق بس عندي اختبار بكرة ,,,

موضوعك طوييييييل صراحةً ,,,

بس يستاهل ينقرا,,

أما فضايح المشاغب ما كان لها داعي تذكرها ,, "من ستر على مسلم",,

ومثل ما ذكرت فضايحه ,, أكيد راح يذكر فضايحك ,, ولا لا يا المشاغب؟ ;)

سي يا

إقتباس الرسالة الأصلية كتبت بواسطة سـمـو الـمـجـد ههههههههههههاااااي مواقفك مثل وجهك حبيب ألبي,,, كان ودي أعلق بس عندي اختبار بكرة ,,, موضوعك طوييييييل صراحةً ,,, بس يستاهل ينقرا,, أما فضايح المشاغب ما كان لها داعي تذكرها ,, "من ستر على مسلم",, ومثل ما ذكرت فضايحه ,, أكيد راح يذكر فضايحك ,, ولا لا يا المشاغب؟ ;) سي يا

دايما ردودك مدري وش تبي
تحتك فيهم والا ايش.
رح ذاكر بس

إقتباس الرسالة الأصلية كتبت بواسطة ][ عيون الزعيم ][ دايما ردودك مدري وش تبي تحتك فيهم والا ايش. رح ذاكر بس

أجل خلاص معاد بأرد على مواضوعك ومواضيعه

من زينكم الحين أنتم ومواضيعكم

كل ما صار لكم شي كتبتوه.. حتى لو أحد يتزحلق بقشرة موز بتكتبون موضوع

قالت تحتك قالت

آي آم جوكينق ( أنا أمزح لغير الناطقين بالانقلش ) ;)

والله وتهور هاموووووووور ونزل الموضوع ...بــــرب

بااااااااااك
...........
قسم بالله ياهمور اني كاتبلك رد وش طوله ومادريت الا وانا طالع من الصفحه
قسم بالله تحطييييييييييييييييييييييييييييييييييييييم

الموقف الاول :
بصراحه ان دل على شيء فإنما يدل على انك من جنبها
امزح امزح لاتصدق اصلا انت قايلي ان ودك تمرن السياره صح ..قل ايه

الموقف الثاني :

ياعيب الشوو ياهم هم عجوز تطردك مع الشوارع
لا وتقول هددتها بعد بالعقال << والله اني اشك في ذي ياهم هم

........................

سمو المجد

إقتباس كان ودي أعلق بس عندي اختبار بكرة ,,,

ايه ايه ازين لك ياخوك شف دروسك والمنتدى لاحق عليه افهمــــــــا وازبـــــــــــــــــــــــــــن

هاااامور :

قسم بالله هيضتني انزل الموضوع خلاااااص
شكلي بتهووووووور اليووووووووووووووم والا بكره

عواااااااااااااااافي ياهم هم

ليش تتهور حرام عليك

إقتباس الرسالة الأصلية كتبت بواسطة هامور البورصه السلام عليكم ورحمة الله وبركاته وعليكم السلام رخصه ولا حتى بطاقه بس الحمدالله مشانا ويوم وصلنا البيت لقيت اخواني موقفين عند الباب يحتروني ومعهم خيزرانه قسم بالله معهم خيزرانه واللي معه عقال ناويني نيه بس نزلت وانا اصيح وقعت العن مشعل وعرفو ان حنا كنا مضيعين ودخلت وانا اصيح وامي كانت تحتريني بالسور واشوا واستني وقعت اسبووع احمد ربي انه ماصار لنا شي وخلااااااااص عااد شتبون بعد تبوني اقولك دخلت وقعت اسولف ع امي كيف ضيعت وكيف نمت[/ الحين مو توك نــــــــــاجح وشلون ماعندك رخصه اما خوانك عجبوني كذا الاخوان ولا بلاش عساك اخذت كم ضربه بالعقال>>مستانسه الموقف الثااني عااد هو الي صدق فضيحه [/FONT] هذا ياطويلين العمر الموقف الثااني ترددت اني اكتبه لانه موقف محرج بس في نفس الوقت ذكرياات حلووه اقولها لعيالي معني بملحها وببهرها وبسوي نفسي فندام فيها عاد ماطول عليكم الموقف بيني وبين حرمه تابعووه لا يقووتكم خويكم تشووت والسبب حرمه سحليه ياطويلين في الرمضان الي رااح كان فيه مبارااة مهم وكنت مار واحد من العيال وطالعين للمقهى ومستعجلين ومرينا من قدام محطه ومدري وش الله اقرد هالهندي وطلع قدامنا بغينا نصدمه بس خويكم سواق اشواء انه ماسواء شي الله يخلي الفراامل المهم انهم صارو قدامنا مادري ليه مديت يدي ومدري شقلت في لحضتها وخوياي قليل الادب مدري ليه فتح الدريش وقام يهاوش الهندي المهم ان الحرمه طلعت رااسها مع [COLOR=royalblue][SIZE=4]الدريشة وقاامت تهااوش وحسيت اني انا الغلطان مهوب سواقها وتقول لنا وقفو انا احاول اصدق حرمه تقول لي ايه احد قالكم تهاوشون هنــــــــــدي ولا عشانه هندي ماله رب ان شاءا لله ماكون طولت عليكم هذي بعض مواقفي الي تورطت فيها معني دايم تصير لي مواقف بسبب دلاختي هذي ابصب بالعشر >>>بتتكفخ وبالخيزران وحاول يكتب خااطره ولا عرف وذن الفجر وهو قااعد يحااول وكان نمر معطيه مهله لبعد صلاة الفجر وسلطان تورط فسواء بحث ولقاله خااطره جااهزه وحلووه قال ليه ماخذها واغير بعض الكلمات الي فيها وهذا الي صاار غير بعض الكلمات عــــــــــــــادي تصير في احسن الشعـــــــــــــــــراء:p فهذا يدل ان المشاغب شـــــــــــــاعر كبيــــــــــــــر:p اتمنى ماكون طولت عليكم يعطيك العافيه على الموضوع الفضايحي <========= متردد يضغط نشر الموضوع

لا تبوق لاتخـــــــــــــــــاف