السلام عليكم ...


كيفكم ؟ اخباركم ؟

طيبين ؟؟

زيين زييين دوووم ربي



والاهل ... طمنونا عليهم ...

بخير ؟؟

الحمدلله يارب ...



والطلاب المساكين اللي منقعين عند الكتب ...

كيف المذاكره ؟

زفت هااه ؟

ولا دوافير ما شاء الله <<<<< يابثر اخلص :p



------------------------------------------------


اووووكي ندخل بموضوعنا .... <<< ترا ماعندي سالفه من الحين اقولكم


باختصار ... كم قصه اجتمعت على بعضها وكونت سؤال وجيه .... هل انا منحووس ؟؟؟



نبدأ بسم الله ...


اخوكم طالب بثالث ثانوي علمي ( ادري ادري بتقولون وش اللي مقعدك هنا قم ذاكر ) ... وخلال اسبوع الاختبارات الاول اكتشفت هالصفه اللي توقعت انها تخلت عني من زمان رجعتلي ... الا وهي .... النحاسه

خلوني اقسم لكم الاحداث اللي صارتلي على شكل قصص متتاليه :p <<< طلبوني العربيه بس رفضت





---------------------------------------------- القصه الاولى ----------------------------------------------

اليوم : الجمعه
التاريخ : الاسبوع اللي فات ؟\؟\2007
الموضوع : خويي نكبني -_- ...

في يوم الجمعه الماضي قاعد اذاكر رياضيات مثلي مثل أي طالب يحترم نفسه .. وانا في نص المذاكره يدق الجوال ترررررن تررررن ( شرايكم بالنغمه بس ) .. بشينة نفس رديت ... هااااه ؟ .. طلعلي خويي يسأل اخبار المذاكره ؟؟ قلتله زفت ... قال افاا .. قلت عندك حل ؟ قال ناوي تواصل ؟؟ .. قلت ايه .. قال شوووف وانا اخوك عالساعه 5 الفجر خذلك ريد بل وتصحصح صح وصدقني بتجيب الثلاثين وانت مغمض ... قلت والله ؟ قال خذها مني مجربها ... قلت اوووكي على ايدك ...

عاد انا الشطور سمعت الكلام واخذلي حبتين ريد بل عالصبح ... دخلت الاختبار باختصار المعلومات طارت تبخرت انحاشت راااااحت ! وانا ووجهي يقالي مذاكر زين ومتحمس ... الموووهم .. جبت العيييد وألفت رياضيات جديده غير ان الاختبار صعب اصلا ... رحت عند اللي نكبني قلتله هااه كييييييف اختبارك ؟؟؟؟ قال والله المعلومات متبخره كله من هالريد بل<<< الاخ نكب نفسه ونكبني -_-

مايستفاد من القصه الاولى : لاتاخذ اكثر من حبتين ريد بل قبل الاختبار تراه مب زين :p



---------------------------------------------- القصه الثانيه ----------------------------------------------

اليوم :الاحد
التاريخ : بعد يوم الجمعه اللي فات بيومين :p
الموضوع : جبت العيد ...

بعد ماخرجت من الصدمه حقت اختبار الرياضيات رجعت البيت يوم السبت استعد لمذاكرة النحو والتفسير <<< اختبارات يوم الاحد
الموهم وانا اذاكر نحو من الزهق نمت بالغلط على الساعه 6 المغرب واقوم مرتاع الساعه 4 الفجر وبقالي النحو ماخلصته والتفسير مامسكته !
قعدت احاول اخلص انحو ماخلصته الا على وقت طلعتي للمدرسه ... وادخل الاختبار واجيب العيد مذاكرتي كانت زي خشتي كله بسبة النوم ! والتفسير قمت اذاكره بين اللجنتين واحفظ اللي اقدر عليه دخلت الاختبار وانا اضحك غاسل يدي من نفسي اقول مزفت مزفت .... وتجيني الورقه حقت التفسير وابدأ احل احل ... تصدقون حليت زين تقريبا بدعت ... طلعت بغلطتين او ثلاث حلوه مب شينه <<< قنوع :p

مايستفاد من القصه الثانيه : اللي عنده مرض اسمه النوم مثلي يتخرج من المتوسطه ويدورله وظيفه ابرك له



---------------------------------------------- القصه الثالثه ----------------------------------------------

اليوم : الاثنين
التاريخ : عام 2007 اعتقد :p بعد الجمعه اللي فات بثلاث ايام
الموضوع : .......

يوم الاثنين كان اختبار انجليزي ... زي عادتي قمت من صباح الله خير ... واتجهت الى المدرسه ... وانا فطريق الملك عبد العزيز يجيك ابو هنود يحك بسيارتي حكه خفيفه من اليمين وينحاش .... ! قلت والله مااخليك ياحلو والحق وراه ... والاخ يدعس وانا وراه شوي الا يقطع الاشاره ويدخل على حاره قلت والله مانيب فاضيله ذا وراي اختبار ! ...عاد حظرتي متأخر خلقه وادخل الاختبار 10 دقايق متأخر... انوووااااااع المحاظرات ... ! دخلوني الاختبار وقمت احل ... ياهو طويييل تعبير 80 كلمه وحاله عاد انا بطئ في الكتابه خلقه قمت اكتب اكتب اكتب اكتب .... وينتهي نص الوقت وانا اكتب اكتب شوي كذا يجي عندي المراقب يقولي باقي ربع ساعه بس قلتله ياحليلك توني بالسؤال الاول قال اخلص علينا ... الموهم واكتب اكتب شوي الا قال يلا مابقى الا انت والوقت انتهى قلتله اصبرررررر يرحم والديك بقالي سؤالين ... ! قال ممنوع ! ... قلتله وش اللي ممنوع اصبر بس .. واكمل كتابه كسرت خاطره شكلي وتركني اكمل الموهم يوم خلصت شوي واحب راسه وطلعت ...!

مايستفاد من القصه الثالثه : ابو هنود ممكن يخربلك مستقبلك كله



---------------------------------------------- القصه الرابعه ----------------------------------------------

اليوم : الاربعاء
التاريخ : امس
الموضوع : قمة النحاسه

اختبار احياء ... باختصار... جبت العيييد مع ان الاختبار سهل بس المنهج طويل بابين سحبت عليهم ...
المهم ... الساعه 9 يوم الاربعاء طلعت اصورلي اوراق فيزياء من عند واحد... يوم صورت وقضيت ورجعت البيت اناظر جوالي مافيه بطاريه والبيت مافيه شاحن ... يعني ماللي الا اتركه بشاحن السياره وارجعله بعد شويتين يكون شحن ... وارجع عالبيت دخلت النت وتبطحت عند الماسنجر ومنتدى الزعيم .. شوي والا اشوف نفسي اتثاوب واطقها نومه واسحب على جوالي اللي كان يشحن بالسياره ... قمت عالساعه 12 الظهر اليوم الخميس وجاي عى نياتي باطلع اجيبلي شي اكله من برا <<< فاااهي ... الا شوي اناظر القى قزاز السياره الامامي مكسر ...! تذكرت اني نسيت جوالي بالسياره في ذيك اللحظه ..تشلح الجوال والشاحن معاه! من الدلاخه قمت اسب بنفسي ... دقيت عالشرطه ومرمطوني تشك باحد ماتشك باحد مدري وشو وبالاخير صوروا السياره وقالولي الله يخلف عليك ومشيت ...!
وطول اليوم قاعد متحسف عالجوال وقزاز السياره اهئ اهئ ولاذاكرت شي ... شكلي بخربها بالفيزياء السبت... الله يستر

مايستفاد من القصه الرابعه : اترك جوالك بالسياره عااادي الناس طيبين مب صايرله شي




وماخفي اعظم هذا جزء صغير من النحاسه اللي لزقت فيني بالاسبوع اللي فات >< ....

عالعمووووم عطونا مواقف نحس مرت عليكم قريب خلوا معنويات المناحيس مثلي ترتفع شوي :p

يلا لااطول عليكم والله الله بالردود

يا رجال احمد ربك

اجل اللي يوصل لباب الكليه ويجي بيلبس الغتره وما يدري الا هي غترة اخوه الصغير اللي بالابتدائي خلاص الساعه 8الا ربع ويدق مشوار في زحمة الرياض ويوصل للبيت ويدور الغتره وواخر شي يلقاها طايحه في السياره

احمد ربك ان فيه انحس منك

بااك ولي رجعه

بعد شوي
ــــــــــــــــــــــــــــــــــــــــ

عليكم السلام ورحمة الله

حي الله المنحووس اوه قصدي FreakouT vbmenu_register("postmenu_5464564", true);

اما عنوااانك رهييييييب اجل ابتسمت لها تفلت بوجهك مالومها يااخي انت فمك كبير مره بعدين يااخي كنت توك قايم من النووم ولا فرشة اسنانك اكيد فهمت علي وش تبيها تسوي لك اكيد بتتفل بوجهك


اجل بتجيب الثلاثين يااشيخ كان شفت العاالم بدال مايتقهون قهوه يشربون ريد بول ع الصبحيه

وانت خفيف علطوول صدقته ولا رحت شربت لك حبتين بعد يااخي كانها بندولتين والله نايندرى وشنك ماكل قصدي شاارب

مااشي سوق الحبووب هالايام قصدي الريد بوول


يااخي مالومها تتفل بوجهك فيه احد ينوم من المغرب مايقوم الا الفجر وفي ثالث ثنوي وعليه اختبارين الا بالعكس يااصبر الارض انها متحملتك يا مهمل


والله كني اشووفكب كره بالاحياء تحفر جبن الله يعين اللي بيصححون ورقتك بس


على العموم يالمنحوووس ترااك انت الي جايب النحس لنفسك لانك مهمل صراااحه

حجز ..


__________________

باك .. ;)

احمد ربك انك منحوس غيرك الدلاخة ناشبة فيه ..

إقتباس السلام عليكم ...

وعليكم السلام ..

إقتباس كيفكم ؟ اخباركم ؟ طيبين ؟؟

والله تمااااام ..

______

إقتباس مايستفاد من القصه الاولى : لاتاخذ اكثر من حبتين ريد بل قبل الاختبار تراه مب زين :p

احد يشرب ريد بول على الصبح ..!!

مهنا احسن من الشاهي بعد صلاة الفجر .. بس نصيحة لا تكثر شاهي .. ترا بتنشب للمراقبين تبي دورة المياه ..



______

إقتباس مايستفاد من القصه الثانيه : اللي عنده مرض اسمه النوم مثلي يتخرج من المتوسطه ويدورله وظيفه ابرك له

يقولك النوم عز ..

وفي رواية اخرى النوم سلطان .. <<< سلطان و لا سالم .. <<< ضف وجهك انت وذباتك البايخة ..

الحين الي متخرج من الجامعة مالقى له وظيفة تبي الي متخرج من المتوسط يلقى له وظيفة ..!!



________

إقتباس مايستفاد من القصه الثالثه : ابو هنود ممكن يخربلك مستقبلك كله

و ابو هنود ممكن يدمر لك جهازك ..

رايح لم سوق الكمبيوتر بالعلياء باشتري لي سيديات برامج وحركتات المهم لقيت لي ابوهنود يبيع سيديات رخصية ..

المهم خذت منه كم سيدي ورحت البيت ودخلتها بجهازي .. المهم اشتغلن معي اول يوم تمام نمت وصحيت من بكرة لقيت الجهاز طافي وعيا يشتغل ..!!

رحت لمهم مرة ثانية وناوي اطب ببطن ابو هنود <<< قوي !!

بس مالقيته ..!!

وصدق من قال الرخيص مخيس ..

<< << صلح جهازه بــ 90 ريال !!


_____________

إقتباس مايستفاد من القصه الرابعه : اترك جوالك بالسياره عااادي الناس طيبين مب صايرله شي

شرهتك على الي ناسي كرتون جواله في السيارة وانكسر القزاز على شان كرتون ..!!!

هــ المسيكين لو انه قايل لي يبي جوالي كان عطيته اياه بس بدون ما يكسر قزاز السيارة ..



_______________

طيب الي مذاكر ادب وفقه وصام ام الادب وصام ابو الفقه .. المهم يوم جت الساعة 3 الفجر قبل لا اخذ لي قيلوله قبل الاختبار ..

اناظر الجدول الا علي تفسير .. اقسم بالله بغيت انهبل من القهر ..

يالله امداني اخلص التفسير بس مع تطمير كم درس ..


_____________


** ما يستفاد من الرد **

ان تحمد ربك وتشكره على انك منحوس .. اجل لو انك دلخ وش بتسوي ؟؟؟

وعليكم السلام ورحمة الله وبركاته

الله يعينكـ ..,,,

اصبر على النحاسه شوي
ما بقى إلا أسبوع

الله يصبركـ

و عليكم السلام ’’


الحمدلله رب العالمين ما قد مريت بنحس .. << ايه صح ..


خلاص كلها يومين و تفلها بالصيفية ..

بالتوفيق ..

يارجال وسع صدرك وفلها وربك يحلها كلنا يصير لنا نحس ..

ادع ربك يوفقكك بالباقي وتوكل على الله وإن شاء الله تجيب من العشر الأوائل >>> قابلني ..

ولا تخش النت نصيحة اجلس اذاكر ياطويل العمر وامسك لك هالكتب الين ماييسرها ربك ..

إقتباس الرسالة الأصلية كتبت بواسطة جرح يشكي يا رجال احمد ربك اجل اللي يوصل لباب الكليه ويجي بيلبس الغتره وما يدري الا هي غترة اخوه الصغير اللي بالابتدائي خلاص الساعه 8الا ربع ويدق مشوار في زحمة الرياض ويوصل للبيت ويدور الغتره وواخر شي يلقاها طايحه في السياره احمد ربك ان فيه انحس منك

خخخخخخخخ

لاحول ولا قوة الا بالله ... الله يعينك ويعين مناحيس العالم ... بس ورا مادخلت الاختبار بدون غتره وريحت عمرك

شكل كل العيله مرسمه ماشاء الله حتى اخوك الصغير .... ذكرتني مره رحت عرس وصارلي نفس الموقف لبست غترة اخوي الصغير طبعا ماقعدت ثانيتن بالعرس الا صرفت نفسي على طووول ...يعطيك العافيه على المرور

إقتباس الرسالة الأصلية كتبت بواسطة هامور البورصه بااك ولي رجعه بعد شوي

في انتظارك

إقتباس الرسالة الأصلية كتبت بواسطة الكــلاسيكي هلا فيك اخوي FreakouT .. الله يكون في عونكـ .. والنحس يصير معنا ولكن في اوقات متفاوته .. يعني يجي لك يوم تحس انك انحس واحد بالدنيا . . عموما لاتسمع كلام اخوياك ثانيه .. ترى يودونك للتهلكه .. الشي الثاني لما تذاكر .. ذاكر وانت قائم .. مو منسدح .. لانك ع السدحه بتنام .. الشي الثالث .. انا ماخبرت احد ترك جواله بالسياره ولا انسرق .. يعني ودي جوالي يجلس مقفل يوم كامل ولا ينسرق .. الشي الرابع عليك بالدعاء .. ولاتنسى توصي والديك يدعون لك .. ولا تيأس باقي لك تعوض .. انا جبت العيد بالرياضيات والحمد لله عضوت بالباقيات . . وبالتوفيق .. ان شاء الله تتخرج بنسبه حلوه .. دمت بخير ..

حياك يالكلاسيكي ...

اولا للاسف كلام اخوياي وداني بداهيه هالمره بس احيانا يفيدونك

الشي الثاني صدقت فيه بس للاسف كانت اول واخر مره بحياتي اتبطح وانا اذاكر والله ماعيدها ان شاء الله

الشي الثالث ادري اني دلخت هالمره وكنت على نياتي ... وسامع باخبار سرقة جوالات وشكثرها بس للاسف قلت اتركه ثانيتين س وهذا اللي صار ^^

الشي الرابع الدعاء صدقت والله ماللي الا الله في الاوقات هذي ...

الله يسمع منك يارب وان شاء الله اتخرج بنسبه زي نسبتك <<< حاس انك مبدع ماشاء الله

ومشكور عالمرور الحلو ...

إقتباس الرسالة الأصلية كتبت بواسطة MR.DL5 حجز .. __________________ باك .. ;) احمد ربك انك منحوس غيرك الدلاخة ناشبة فيه .. وعليكم السلام .. والله تمااااام .. ______ احد يشرب ريد بول على الصبح ..!! مهنا احسن من الشاهي بعد صلاة الفجر .. بس نصيحة لا تكثر شاهي .. ترا بتنشب للمراقبين تبي دورة المياه .. ______ يقولك النوم عز .. وفي رواية اخرى النوم سلطان .. <<< سلطان و لا سالم .. <<< ضف وجهك انت وذباتك البايخة .. الحين الي متخرج من الجامعة مالقى له وظيفة تبي الي متخرج من المتوسط يلقى له وظيفة ..!! ________ و ابو هنود ممكن يدمر لك جهازك .. رايح لم سوق الكمبيوتر بالعلياء باشتري لي سيديات برامج وحركتات المهم لقيت لي ابوهنود يبيع سيديات رخصية .. المهم خذت منه كم سيدي ورحت البيت ودخلتها بجهازي .. المهم اشتغلن معي اول يوم تمام نمت وصحيت من بكرة لقيت الجهاز طافي وعيا يشتغل ..!! رحت لمهم مرة ثانية وناوي اطب ببطن ابو هنود <<< قوي !! بس مالقيته ..!! وصدق من قال الرخيص مخيس .. << << صلح جهازه بــ 90 ريال !! _____________ شرهتك على الي ناسي كرتون جواله في السيارة وانكسر القزاز على شان كرتون ..!!! هــ المسيكين لو انه قايل لي يبي جوالي كان عطيته اياه بس بدون ما يكسر قزاز السيارة .. _______________ طيب الي مذاكر ادب وفقه وصام ام الادب وصام ابو الفقه .. المهم يوم جت الساعة 3 الفجر قبل لا اخذ لي قيلوله قبل الاختبار .. اناظر الجدول الا علي تفسير .. اقسم بالله بغيت انهبل من القهر .. يالله امداني اخلص التفسير بس مع تطمير كم درس .. _____________ ** ما يستفاد من الرد ** ان تحمد ربك وتشكره على انك منحوس .. اجل لو انك دلخ وش بتسوي ؟؟؟

كهكهكهكهكهكهكه

ايه والله الحمد لله نحس ولا دلخ :p بس تجيني حالات دلاخه بين الفينة والاخرى <<< اخخ بس وين يودي وجهه سيبويه ...
سجل عندك حالة نحس جديده ... كتبت لك رد وش طوله وضغطت على زر الى الخلف بالغلط


انت لو سمعت شلون قالي خذلك ريد بل عالصبح بطريقه خرافيه هالادمي عنده اسلوب اقناع رهيب وانا زي الحمار صدقته وانت بعد تقولي خذ شاهي بسمع كلامك بس هااااه اذا صارلي زي سالفة الريد بل وش اسوي فيك :p ؟


اجل النوم سلطان هاااه ؟؟ .... المشكله ان اهلي غلطوا غلطة عمرهم يوم سموني سلطان وانطبق علي المثل


ورايح عند ابو هنود تشتري سيديات .... والله اشتريها سيديات مستعمله من البقاله اللي بجنب بيتنا ولا اشتريها من العليا ... بس يلا الله يعوضك ... لاتقولي صلحته عند نفس المحل بعد ؟؟


ابو التخلف ياشيخ الحين جوال اقول بعذرهم .. بس عاد يكسرون القزاز على كرتووون !!! اخخ بس والله ياهو منحوس هالادمي مسيكين


حلوة سالفة التفسير ياخي لييه مايجمعون مواد الدين في ماده وحده بدال مانقعد نلخبط ... صارتلي اني اذاكر ماده وتطلع ماده ثانيه بس السنه اللي راحت ... وزين اك خلصته مع التطمير بعد

مايستفاد من الرد ... الحمدلله اني منحوس ودلخ <<< قنوووع وتسلم لي عالمرور الروعه :p

إقتباس الرسالة الأصلية كتبت بواسطة ن و س 7 7 0 وعليكم السلام ورحمة الله وبركاته الله يعينكـ ..,,, اصبر على النحاسه شوي ما بقى إلا أسبوع الله يصبركـ

يعين الجميع ... الله يعدي هالاسبوع على خير بس ... تشكرات عالمرور

إقتباس الرسالة الأصلية كتبت بواسطة AC hilal و عليكم السلام ’’ الحمدلله رب العالمين ما قد مريت بنحس .. << ايه صح .. خلاص كلها يومين و تفلها بالصيفية .. بالتوفيق ..

حياك اي سي ...

والله شكلك مريت بحالات نحس اخس مني :p ...

هو شف ... يعتمد اني بفلها ولا لا ... اذا كانت النسبه تحطم ( وهذا المتوقع ) بقعد متنكد طول الصيفيه ...
واذا طلعت حلوه <<< احلامك يابابا .... بافلها وخشتي قايله

الله يوفق الجميع وصنكيو عالمرور

إقتباس الرسالة الأصلية كتبت بواسطة SAM 6 وبس يارجال وسع صدرك وفلها وربك يحلها كلنا يصير لنا نحس .. ادع ربك يوفقكك بالباقي وتوكل على الله وإن شاء الله تجيب من العشر الأوائل >>> قابلني .. ولا تخش النت نصيحة اجلس اذاكر ياطويل العمر وامسك لك هالكتب الين ماييسرها ربك ..

للاسف ... اني موسع صدري وفالها

امين يارب ان شاء الله مب العشره الاوائل بس الا الاول عالمملكه <<< وش بقيت للمصاريه والسواريه

بالنسبه للنت كل مااخذلي بريك شويتين ... ادخلي عالنت واقعد احوس بمنتدى الزعيم والماسنجر وارجع اذاكر

الله يعدي هالاسبوع على خير بس...

مشكور على مرورك اخوي سام 6

الله يعينك

الحمد الله اني منب انت

والله من النحاسه
هههههههههههههههههههههههههه


بقولك موقفين صارت لي في الإختبارات الأول في الثانوي والثاني يوم السبت اللي راح بالكلية



الموقف اللي بالثانوي هو إني تحمست حماس كبير وذاكرت التوحيد

وماتشوف الا حفظ صفحه ورا صفحه

وفي الأخير يطلع علي فقه............



الموقف الثاني بالكليه السبت اللي راح كان علي إختبار قانون

وتعرف القانون يبي له حفظ ومشوره

المهم إني كنت قبل ليلة الإختبار مريض الأربعاء والخميس

زكام وكحة و و و و و و

وشكيت للوالدة أني مريض وابي علاج قالتلي خذ علاج الزكام اللي في الدولاب

وبعد ساعة أدخل المطبخ وألقى علاج موجود فوق البرادة قلت بس هذا هو

مكتوب عليه حبتين صباح ومساء ويتحمس أبوغانم على العلاج يبي يطيب بسرعه

وياخذ الحبه الأولى ويتبعها بالثانيه يومين ورا بعض

وطول هاليومين كنت أحس بخمول وكسل و و و و و...

طلع العلاج هذا يجيب النوم ولا مذاكره ولا شي

هلا وغلا

إقتباس لاتاخذ اكثر من حبتين ريد بل قبل الاختبار تراه مب زين

حبتين ولا علبتين ؟!

إقتباس : اللي عنده مرض اسمه النوم مثلي يتخرج من المتوسطه ويدورله وظيفه ابرك له

طيب الي عنده مرض النوم من الابتدائي ؟!<<يا بثركـ

إقتباس مايستفاد من القصه الثالثه : ابو هنود ممكن يخربلك مستقبلك كله

و أنت تحسب ابو هنوود سهل ؟!:p

إقتباس مايستفاد من القصه الرابعه : اترك جوالك بالسياره عااادي الناس طيبين مب صايرله شي

ههههههه قد مرة انكسر قزاز السيار وانسرقت محفظة لا وبعد فاضية ، هذا النحس ولا بلاش


يعطيك العافية ع هالموضوع الرائع يا بعدي ..!

سـ لآ ـمـ

والله إنك تحزن يا شيخ

بس وخر عني لاتعديني

لا أسولف وياك لا تزعل

أزحم عليك

انت ع الاقل دريت انك مذاكر غلط

انا خويي بالاختبار النهائي مذاكر نحو و يخش و يلقى الاسئلة تفسير و مسوي فاهم و يقولهم عطيتوني ورقه غلط و اخرتها اكل هوا ( المشكله بعد الاختبار يقول كنت بعطيكم الاسئلة اللي عطونياها بالغلط )