بسم الله الرحمن الرحيم
والصلاة والسلام على اشرف الانبياء والمرسلين سيدنا محمد وعلى اله وصحبه اجمعين
اخواني الزعماء السلام عليكم ورحمة الله وبركاته
خذاني الفضول وحب (التطفل)الى زيارة منتدى نادي الوحده الاماراتي الشقيق والصراحه اندهشت انا من تناقض غريب يعشيونه هذا الجمهور مع انفسهم واللي اعجبني فيهم ترابطهم كابناء شعب واحد واللي حز في نفسي اكثر وجود اطفال من السعوديه يساندونهم على ابن وطنهم ......
اخواني الوحداويين انا عارف انكم معبيين المنتدى الحين ومافيه مكان في المنتدى الا وانتوا متواجدين فيه السؤال اللي جالس افكر انكم تقولون ماهمكم الهلال ولاتحسبون له حساب وانتوا عقدة الهلال طيب ليش قبل المباراة بثلاثه شهور جالسين تتكلمون وتحسبون للهلال الف حساب ليش كل همكم من الحين انه ياسر ماعاد زي اول وان الهلال مجروح بسبب هزيمة نهائي
اخوي الوحداوي حطها حلقه في اذنك واسمعها زين وخذ الموضوع ولصقه في منتداكم تلصيق ثقتنا بالله رب العالمين كبيره قبل كل شي ومن ثم في اعضاء شرفنا الذهبيين وفي رجالات الهلال اللي يظهرون وقت الشدايد ولعيبتنا رجال كلمتهم فعل مو زي غيرهم ويكون لعلمك اذا انك جالس تنتظر المباراة في ملعبكم تذكر انه بيجي اليوم وتدخلون استاد الملك فهد اللي راح يحفر قبركم في هذا الملعب للتذكير..... بطولات الهلال الاسيويه ست بطولات اي مايعادل بطولات جميع الانديه الاماراتيه الخارجيه العين لعب مع الهلال ثلاث مرات فاز في ثنتين وكلها واحد صفر وكلها بلنتيات 
فسرها زي ماتبغى الشارقه فاز في مرحله انتقاليه للهلال وهذا شي طبيعي يحدث في جميع اندية العالم
العين حقكم اللي فرحانين انه بيدعمكم فاز بالاسيويه مره وحده وقدام فريق الله بالخير تايواني ماادري تايلندي ومايندرى وش صار خلف الكواليس
حط في بالك اخوي الوحداوي تراك تقابل زعيم القرن الاسيوي
زعيم نص الارض اللي خذا البطولات الاسيويه من قدام اصعب الفرق جابيلو ناجويا بوهانج الاستقلال وتذكر انك لو يخطر في بالك عشر في الميه انك قادر على الهلال تراك غلطان الهلال يطيح لكن عمره مايطول اكثر من سنه طايح
رساله لكل مواطن سعودي
صراحه سوادة الوجه لما تشجع غير ولد الديره واستح على وجهك هذا يمثل بلدك ويرفع شان بلادك تروح عشان الدوري ولا الكاس توقف مع غيره كل هذا عشان خاطر العمده ماادري الشويش جا وشالكم وصار يحركم زي الغنم عزكم الله تذكر قبل كل شي ان قلبك سعودي ودمك سعودي وكل همنا ان حنا نرفع اسم السعوديه عالي
والله ثم والله ثم والله الهلال مو محتاج ناس ولا محتاج جماهير لانهم زي ماقالوا 75%من المملكه هلالين والباقي وزعهم على باقي جماهير المملكه
قلبي معاك ياهلال في اي مكان وفي اي زمان والله ينصرك ويرفع رايتك
ودمتم بود
الوضع العادي
