|
يابنت..ماله داعي تتغطين او تلبسين عبايه... السلام عليكم ورحمة الله وبركاته... بصراحه اختي الزعيمه طرحت موضوووع بعنوان"غريبه في السعوديه" فعلى ضوء ذا الموضوووع استلهمني قكره موضوووعي... موضووووع مهم ويمكن اغلب اللي يسافروووون يشوفوووونه... ألا وهو ...موضوووع العبايات... الموضوووع وما فيه انا لما نكووون في السعوووديه تحصل اغلب الحريم متحشمات ومتغطيات ...بس لما يسافرووو خارج المملكه...تطلع البلاوي كنهم يقولووون يابنت ماله داعي تلبسين عبايه احنا بره الديره..كن لسان حالهم يقووول مين بيشوووفنا.. ...الله يستر علينا وعلى الجميع... طيب وش السالفه ياهوووو... وش الطاري..... وش الفرق بين هنا وهناك... انا واجهت ناس يتغطووون كنهم في السعوووديه وما يغيرووون من طبيعته ومن حشمتهم... وبصراحه في كثيرمن الناس لما يسافرووو تتغير عاداتهم وتقالديهم.. تشوووف البنات ما يتغطوووون في الخارج لا وبعضهم الله يصلحهم مايلبسوووون عبي ويسوووولك فيها ان حنا اتيكيت...واذا مريت من جنبهم او واجهتم في مطعم او مكان ما وعرفووو انك سعووودي يتصددوووون ويتغطوووون ...طيب ليه من اول مسوووين فيها... ولا الثانييين مالهم عيوووون وحنا لنا ...ما اقووول الا الله يصلح حالنا وحال الجميع والله يستر على خواتنا وعلى اهالينا... بصراحه أبي رايكم وبكل شفافيه..وهل انتم ممن تنطبق عليهم ذي السالفه... وسامحوووني لطرحي المتواضع ...والعذر والسمووووحه.... |
اذا برا ماحد شافهم .. يشوفهم رب العالمين ! يعني بالسعودية يتغطون عشان الناس!! مشكور يالغالي .. |
والله هذا يرجع على حسب طبيعة لبس البنت للعباة هل هو عاده او عباده اذا هو عاده راح تفصخه بس اذا عباده ما راح تفرط فيه |
هلا اخويه عبدالرحمن 15 >>>>ما ادري 20 خخخخخخخخخ المهم اخويه صدقت في اللي قلته بما اني بنت انا برد عليك بما نحن انسويه احنا الحمدلله اذا كنا في البلاد او بره البلاد الحمدلله نفس شي اخوانا والله ليذبحونه .... تعرف هالشي وله لا يعني مثل ما انتي هني .... اتكونين اهناك نفس الشي والله يستر على بنات المسلمين ويهدين تقبل مروري |
هــلا فيكـ اخوي ابو عبدالرحمن .. للأسف هذا الامر صاير وبشكل كبير .. وهو بان اكثر الفتيات وللاسف الشديد تجدها هنا متحشمه .. بس تنزل في احدى مطارات الدول الغربيه تنزع العبايه .. وكان هناك رب .. وهنا رب آخر !! اتمنى الهدايه للجميع .. شكرا لك .. |
اذا كان لبسهم للعباءة هنا يحمل الكثير من التهاون ولك في اشكال وموديلات العبايات في اسواقنا خير دليل فكيف تريد منهن هؤلاء اللاتي لم يتقيدن بشروط العباءة الشرعية أن يفعلن ذلك في بلاد يتهاون اغلب اهلها في لبسها الله يستر على بناتنا وبنات المسلمين الف شكر لك اخوي أبو عبدالرحمن 15 |
طيب .. بس مو ملاحظين ان اللبس السعودي مرات يسبب مشاكل للعائله اللى هناك ؟؟!! خصوصا في الدول العربيه زي مصر وسوريا ... بس يشوفون الحرمه لابسة عباة .. ينشبون فيك وفيها !! اما بماليزيا ( اسياء الحقيقيه ) انا اشهد <<<< .. ماتلقى الاحراج اللى تلقاه السعوديه بلبسها في البلدان العربيه المذكوره تحياتي ولي رجعه على هالموضوع |
أكتشفت أن بعض بنات السعوديه فيهم غباء مثل غباء البلوي <-وش دخل البلوي بالسالفه اذا ركبت مع السواق ماتتغطى ليش؟ تجيك وتقول لانه هندي او اندونوسي :d .. طيب لعنبوك هذولا مو مسلمين !! واذا شافت السعودي كأنها شايفه فلم مرعب ,, وتتغطى على طول هالشي مايثبت أنهم أغبياء؟ ولاتشره على اللي يطلعون برى السعوديه ولايتغطون ,, لانه فيه شي أعظم حاصل بالسعوديه .. وسسسلام عليكم |
هي تتغطى هنا اسم غطا يعني طرحه خفيفة بس عشان الناس ومجتمعها يعني مب خوف من ربها فإذا طلعت خارج حدود هالمجتمع تركت الغطا والحجاب لأنها اتخذت الحجاب عادة وليست عبادة... الله يهدينا أجمعين |
إقتباس:
|
في ناس يتغطون في الشارع في (السعوديه)واذا دخلوا مطعم اواي شي اخر اكشفوا |
جزاكم الله خير اخواني واخواتي على مروووركم العطر وما قصرتووو والله يعطيكم العافيه... عاد وش نقووول وش نحكي كلامكم اكثره صحيح او فيه من الصحه.. مانقووول الا الله يصلح حالنا واحوالنا والله يستر على اخواتنا واهالينا وعلى بنات المسلمين... |
من يفعل ما قلت اي عند السفر تثبت انها تلبس العباءه للناس واعتبرتها عاده وليست عباده اي روتين سعودي فقط واللي سافر يشوف مجرد ان الطياره تقلع تروح العبايات لكن اقول من تفعل هالفعل والله انها حرمت نفسها الاجر الكبير فلو ان كل فتاة علمت ان لبسها للعباءه عباده واحتسبت الاجر فلها من يوم تلبسها الى ان تنزعها الاجر العظيم والمثوبه من رب العالمين الله يغفر لهن ويهديهن |
للاسف داخل وخارج السعوديه الغطى مفقود وجزاك الله خير |
عندنا وعندكم خير في الامارات الحبيبة بعض البنات يكشفون الوجة قدام العمال خاصة الدريولية الهنود ويوم تشوف واحد لبس ثوب بتقول شايفة شيطان تغشي ((تتستر)) وتحط عمره متسترة طيب الهندي مو ريال وبصراحة شفت بعض السعودين يجون دبي ويفكون العجوز وعيالة كل على هواة البنت في مول والشايب مريح والولد متقنص بس الله يستر على شباب وبنات الاسلام والمسلمين |
| الوقت المعتمد في المنتدى بتوقيت جرينتش +3.
الوقت الان » 10:07 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd