|
منتخب المملكة الأول كرة القدم / مباراة تجريبية غدا الجمعـة .. انقره 27 جمادى الاولى 1428هـ الموافق 13 يونيو 2007م واس يلعب منتخب المملكة الاول لكرة القدم مباراته التجريبية الاولى بعد غد الجمعة مع منتخب كوسوفا وذلك على ملعب اوستيم بانقره ضمن المعسكر الاعدادي لمنتخب المملكة المقام حاليا في العاصمة التركية / أنقره / في إطار الاستعداد للمشاركة في نهائيات كاس اسيا2007م . وستكون المباراة التجريبية الثانية مع فريق نكزغرب الكرواتي يوم السبت القادم على نفس الملعب وقبل ختام مرحلة الاعداد الحالية بتركيا0 وسيعمد مدرب المنتخب انجوس للعب بتشكيلتين مختلفتين في كل مباراة وذلك بغرض الوقوف على مستوى جميع اللاعبين وقبل ختام مرحلة الاعداد الحالية من برنامج اعداد المنتخب التي ستختتم يوم الاحد القادم استعدادا للمشاركة بالنهائيات الاسيوية المقرر ان تنطلق في السابع من شهر يوليو القادم ويلعب فيها المنتخب بالمجموعة الرابعة التي ستقام مبارياتها باندنويسيا وتضم منتخبات البحرين وكوريا الجنوبية واندنويسيا 0 الجدير ذكره ان منتخب كوسوفا يعد من المنتخبات التي ستنضم قريبا للقارة الاوروبية ويشرف على تدريبه المدرب اديموند ريكوفا ويضم عدد من اللاعبين الذين يمتازون بالمهارات والبنية الجسمية0 فيما يعتبر فريق نكزغرب من الاندية الشهيرة في كرواتيا ويشرف عليه فنيا المدرب الكرواتي / ميرسلاف بلازفتش واحتل المركز الثالث بالدوري المحلي ويستعد حاليا للمشاركة في بطولة كأس انتر توتو المقرر ان تنطلق بعد اسبوع والمؤهلة لبطولة كاس الاتحاد الاوربي لكرة القدم .. .................. |
مشكوووووووووور وبالتوفيق للمنتخبنا |
بالتوفيق للأخضر والمباراة منقوله على اي ار تي ولا لا مشكور يالغلا |
ما أقول الا الله يخلف علينا .. :s كوريا تعد منتخبها بهولندا .. وحنا نلعب مع كوسوفا .. ما أستغرب المعسكر الجاي للمنتخب نلعب ضد براعم الشيشان .. ! وكل هذا يندرج تحت [ الخطط العلمية المدروسة ] .. :) ! |
يعني مستحيل نلعب مع منتخب قوي يا نلعب ما غامبيا وكوسفو ومدري وشو آآآآآه يالقهر بس |
بالتوفيق لمنتخبنا |
بالتوفيق للصقور الخضر ان شاء كاس اسيا سعودي |
بالتوفيق للاخضر السعودي وعقبال الكأس انشاء الله ماظنك ناسيا يالبطل يااسيا |
كون ان المباراه فجأه وفى يوم وليله أعلنو عنها هذا دليل ان المعسكر مو مخطط له ماحد كان يدري ان فيه مباراه بكره للمنتخب غير اليوم والغريب ان مافيه راحه ثانى يوم الى هو السبت على طول مباراه وديه ثانيه ومع فريق من اوكرانيا الشباب الى يقولو نبي نلعب مع منتخبات قويه أقلهم خلينا اول نفوز على كوسوفا الى نحسبها سهله وعلى اقوى فرق اوكرانيا بعدين ذيك الساعه يصير خير تبونا نلعب مع هولندا ويصكونا بنتيجه محترمه ما راح نستفاد الا اللاعبين راح يجيهم أحباط اكثر الله يوفق الاخضر فى الاخير وياليت احد من الاخوان فى اداره الموقع يفيدونا هل المباراه منقوله ام لا تحياتى للجميع |
وووووووووين عسى ماشر قلت المنتخبات الله يستر |
إقتباس:
متى بعدين .. ؟ :confused: ولو كل المنتخبات قالت ما نبغى ننهزم عشان ما نتحطم .. ما كان أحد تطور .. ياخي كل منتخب لازم ينهزم عشان يتعلم .. ولو بتقولي لازم نتدرج حبيت أذكرك اننا لاعبين مع البرتغال قبل كاس العالم وانتهت 3 - 0 مع مستوى مشرف .. ما أدري حنا وش ناقصنا عشان نلعب مع فرنسا و اسبانيا وغيرها من المنتخبات القوية .. ما أدري وش زود كوريا و اليابان علينا .. مع اننا كنا متطورين عليهم بمراحل .. لكن الفرق بيننا وبينهم احنا كل مرة نقول [ ما نبي نلعب مع منتخبات قوية عشان ما نتحطم ] .. وهم يقولون [ نلعب أول مرة وننهزم والثانية نتعادل وبعدها نصير أسياد آسيا ] .. بالأخير .. أقول يا خوفي يتكرر سيناريو 2004 نلعب وديات مع اليمن [ مع احترامي ] وغيرها من المنتخبات اللي على قد حالها .. ونتصقع من أوزبكستان و العراق .. :) ! |
هلا اخوى قلم أزرق............انا معك فى كل الى قلته وكلامك صحيح صحيح المفروض نلعب مع منتخبات قويه ونتعلم منها بس الجانب النفسي بعد مهم انا معك المفروض نلعب مع منتخبات عالميه قويه لاكن بالتدريج على فكره من 2002 بعد هيزمتنا بالثمانيه نادر تلقى منتخب عالمى يوافق يلعب معانا حتى منتخب البرتغال الى لعبنا معه مدربهم البرازيلي قال بعد اللقاء اننا ما استفدنا من اللقاء المباراه كانت على ملعب واحد 33 لاعب فى المنتخب أغلبهم شباب ماعندهم ذيك الخبره يعني مانشطح بهم بمنتخب عالمى يهزمنا بالخمسات والثمانيات حبه حبه نبدأ بمنتخبات صغيره مع الوقت يتغير الوضع لفتتني كلمه قلتها ((كوريا واليابان كنا متطورين عليهم بمراحل )) صدقت لو رجعت 15 سنه ورا ما كان فيه شي اسمه منتخب يابان اصلا لاكن بالتخطيط السليم وتطور الاحتراف عندهم وصلو للى هم فيه الحين والكل يذكر مباراه البرازيل واليابان فى كأس اسيا بصراحه بدع يخوف المنتخب اليابانى اتمنى ما نقابله فى كاس اسيا القادمه تحياتى لك |
المباره منقوله على القناة الارضيه ؟؟ ولا لا |
إقتباس:
اقول اخوي اصبر على بلواك 4 سنوات وادع ربك ان الله يفرجها علينا يعني 4 سنوات جديده من التخبط الله يصبرنا بس ما تلاحظ من يوم جاء اصحاب السعاده بدال المرحوم بأذن الله فيصل وحنا مستوانا بالنازل ولا وتبينا نلعب مع فرنسا تبيها تدبل نتيجه 98 م . انا ما ذبحنا الا المجاملات وعلى حساب سمعة الكره السعوديه من يوم شفتهم يحسبونها بالملي توقيف نور وانا غاسل يدي .:cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: |
كوسووفا وزغرب ياخي بغبزه والله حاله الكوريين يلعبون قدام هولندا وحنا نلعب قدام ذولا وتبون ترجع امجادنا الاسيويه ياعمي بوجود الاتحاد السعودي هذا طموحك لايتعدى دور الاربعه بكاس الخليج والله يرحم فيصل بن فهد ويغمد بروحه الجنه وجميع اموات المسلمين يارب امين |
| الوقت المعتمد في المنتدى بتوقيت جرينتش +3.
الوقت الان » 07:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd