الاجازة ألم وامل
 

الحين فيه ناس إنتهت إختباراتهم وناس لا وأنا إن شاء الله الاحد بس الاجازة وش تعملون فيها يعني أنا معندي شي لكن تجي بالتيسير لكن أنتو وش تعملون

طال عمرك نعمل ( أكل - نوم - تلفزيون - نت - بلايستيشن )


بس هذا شغلنا وان تكرموا الاهل ظفونا كم يوم بالرياض ندوج بالسوق :)

اعطل الثلاثا انا يعني لاحقين خييييييييير

C yaa

والله يا طويل العمر احسها اشين عطله بتمر علي

لاني مارااح اسافر فيها :cry: وبااخذ ترم صيفي والاجازه

هالسنه قصيره كلها ثلاث شهور يعني مايمدينا عسانا نلحق ع الترم الصيفي

ويقلون ان الترم الصيفي يبداء من بدايت الاجازه لين نهايتها وهذا الي قهرني

ومنزل اكثر عدد من الساعات يعني الاجازه هذي بتصير باايخه دراسة وقلت حياء

والله يعيني

اسافر من غرفة النوم لدورة المياه وانتم بكرامه


اسافر بعدها افطر او اتغدى اهم شي ابلع شي

بعدين اخلي واحد يمرني وادور معه

وبعدين نت مثل البنات الى الفجر اصلي وانام

لو امعنا التظر في حياة البهائم وش حياتهم؟

أكل، نوم، قضاء حاجة _وانتم بكرامة _ بس ما عندهم نت

هذا استطراد بسيط







إجازتي هالسنة فيها تغيير نوعاً ما

بكمل التسجيل با لنادي .. بحاول احفظ عدد من سور القرآن .. سفرة في ربوع بلادي لمدة اسبوعين . . ترم صيفي

قراءة عدد من الكتب من الثقافات العامة حاطها في بالي مبدئياً. . . مع بعض الطلعات الليلة مع بعض الاصدقاء

جلسة في كفي أو شي من هالقبيل. . . .هذا اللي في البال حالياً وطبعاً كل شيء بإذن الله

ان شاء اذا خلصت بنوم اسبوع كامل وبعدين نساااااااااااافر

من ناحيتي أنا دراسة و تمارين بنادي الإتفاق و بس


و يمكن نطلع مع الشلة للكويت :)


و دمتم سالمين

انا بالعطله ذي بيصير فيه أكشن اختي تبي تجينا من أمريكا وبننلطع بالرياض عشان ابووي اخذ صيفي وبنهاية العطله بنروح مكه والحمد لله
وطبعا بيجونا عماتي وبندلج بالرياض ونفلهاا وننام ونقووم

الله يستر من هالاجاازه بنفقد ناس فيها ,,

ان شاء الله بروح لصلاله أو ماليزيا <-يمدحون رماح :d

أنا بأروح باريس :D <<== إيه هين :D


والله مدري وش بأسوي :(


على فكرة... موضوعك طويل مرة.. ما قدرت أقراه كله :D

انا طال عمرك فالأجازه ذي شكلها زينه وماهي زينه :confused:



الشايب ياولد روح للمحل :ranting:
على فكره عندنا محل زينه سيارات الي يبيني ازينله موتره يبشر يجيبها لي >>>>>> يسوي دعايه لمحلهم :D

اقوم الصباح الساعه 10 اروح المحل اجي 12 ونص :mad:

بعدين احط راسي :sleep: او العب بلاستيشن مع اخوي

للعصر بعدين اروح :scooter: المحل اجلس فيه لين يأذن العشاء واجي وبعدين تبدا الدجه مع الربع :gossip: مافيه

مكان فالمدينه الا ونروحله

وعلى ذا الحال

ويمكن اجي نادي الهلال s13s

والشهر الأخير من الأجازه يمكن على ســـــــــــــوريـــــــا :thumbup1:

والـــــــــفـــــــــــلــــه اهناك s60s

ومشكوووووووور على موضوعك الحلو

احترامي لك

ملك الأحساس