المسلسلات الخليجيه .. الى اين !! - نادي الهلال السعودي - شبكة الزعيم

الكناري الأزرق · #1 13/06/2007, 12:51 AM

بسم الله الرحمن الرحيم ..

السلام عليكم و رحمة الله و بركاته ..

هلا شباب .. و هلا شابات ( الله يشفين قولوا امين .. اجل شابات .. شابات مين يا ابوي .. الشابات ما عادن ينشافن منذ مبطي عشان المذاكره ) <=== ليتهم يسلفوني دفارهـ شوي .. علي اختبار بكرهـ و كالعاده ما ذاكرت

, شكلي ابقوم الفجر اذاكر ..

المهم حبايبي .. ابعطيكم الزبده لان عندي اختبار زي ما قلت لكم و الحين انا انود و ما فتحت الكتاب
[ لغير الناطقين بالقصمنجيه .. انود = اشعر بالنعاس ] ..

يحبيل اللغه القصمنجيه .. مره جيت ابشيل القاموس القصمنجي .. فهتفت قائلا / يا محمد و حمادهـ و حسين و برعي تعالوا ساعدوني <=== من كثر الكلمات صار لـ رفع الاثقال موب قاموس .. يفكرون يغيرون اسمه من قاموس جيبي لـ قاموس حوضي <=== يعني ياله ياله حوض الهايلوكس يشيله <=== يا صبر الارض عليك

<=== لعنبوا ابليسك الزبده ساحت و انت ما عطيتنا الزبده على قولك <=== لعنبوا ابليسك داخل مخرج انا ! يا كثر الاسهم بموضوعك <=== ليتها تكثر بالمحفظة مو بموضوعي خساره الله يعلم بها .. ادعوا لنا ..

ياله عشانكم دوكم الزبده /

احد ملاحظ معي المسلسلات الخليجيه .. و بالذات الكويتية ؟
صارت رايحه وطي .. يعني اغلبهم لابسين من غير هدوم على قولة عادل امام

يعني ما استغرب بكرهـ افتح التلفزيون القى ممثله طالعت(ن) سرته ! <=== من زين السره عاد كآنه ( غرفة تفتيش )

و غير هذا ..
شفت حلقه من مسلسل على قناه الامارات ..

لقيت المسلسل كله ماله داعي ..
و كله بنات ..

و فكرهـ المسلسل عرض ازياء لا اقل و لا اكثر !
البنت الاولى رايحتن) صديقته و لابست(ن) فستان جديد ..

و لا رايحتن السوبر ماركت و تلبس ماركه و تقول لخويتها عنها ..
ما بقآ غير تفصل فستان للحمام و انتم بكرامة

خلاصه الكلام ..
المسلسلات صارت تنقسم لقسمين /

يا تكون عرض ازياء و دراعات

<== سمعها بمسلسل كويتي

و لا تكون بنات لابسات من غير هدوم و كيلو مكياج عالخشه عشان الشيبان يكيفون

[ هامور البورصه .. المشاغب .. تكفون لا تكبون العشاء

] ..

و ملاحظة اخيره و بعدها ابروح انام ..
الخليجيات يقالهن يبي يقلدن اللبنانيات ..

و كل وحده مسويه عمليه تجميل ..
و يا شين السرج عالبقر !

كلهن نافخات براطمهن ..
لا شفت الوحده تقول بسم الله .. لا تكون نحلة قرصت براطمتس

[ على طاري البراطم .. عندي خوي عليه براطم موب صاحيه .. كنت القبه بـ برطم بعير .. و الحين صايرن القبه برطم زينب العسكري

] ..

هذا غير طبعا الصياح .. و كثرة الموسيقى بالمسلسل ..
تحس انك تشوف حفله موسيقيه موب مسلسل !

نهايتن ,

انا طالع يالوعين ..
و ابي اشوف ارائكم بهالمهزله ..

التسناري