بسم الله الرحمن الرحيم


السلام عليكم ورحمة الله وبركاته


وبعد:


بمناسبة تخلصي من الاختبارات الغثيثة في هذا اليوم .. أهدي هذا الموضوع إلى جميع الطلاب الذين ما زالوا يختبرون

العنوان واضح .. وجميع ما يدور في الموضوع لا يعني أني مررت بهذه المواقف.. ولكني سمعتها من الكثير..!

وأعتقد أن السيناريو الذي سأكتبه هو حقيقة ً مايدور في كواليس المجلس العام .. والله يستر من الفضايح

نقطة أخرى هامة أريد توضيحها قبل البدء: عند وضعي للشخصيات تجنبت وضع أسماء العضوات.. ووضعت بدلاً عنها

أسماء وهمية..!! أما الأعضاء فاخترت أسماء من أمون عليهم أو من صدره وسيع وما يزعلشي..!!


---------------------------------------------------------------------------



** في منزل القيصر رهيب **

كلي هلالي: القيصر رهيب وينك ما نشوفك بالمنتدى؟ يا ولد والله لك وحشة...!!

القيصر رهيب: وش أسوي؟ ما عندي جديد أقدر أضيفه للمنتدى.. ما عندي أفكار..!

والنهاية.. : حتى لو ما عندك أفكار يا أخي شارك وتفاعل مع المواضيع وبتجيك الأفكار إن شاء الله..

القيصر رهيب: والله ما أدري وش فيني هالأيام كل ما حاولت أشارك ضاق صدري وما قدرت أرد على المواضيع..!

كلي هلالي: بسيطة.. أنت بس أكتب موضوع بس.. ومع الردود اللي بتجيك بترجع معنوياتك.. واسأل مجرب..!! ;)

---------------------------------------------------------------------------


** عبر الجوال **


حصة: هلا ريم .. ما شفتي اليوم رد المشاغب؟

ريم: بأي موضوع؟

حصة: بموضوع كيف تكونين جميلة..!!

ريم: إيييييه شفته .. يا هو ثقيل طينة من جد

حصة: أظنه حاقد على البنات.. ليه؟ مدري

ريم: لا هو بس علباله أنه بيلفت انتباهنا.. ويبينا نعطيه وجه.. معروفة حركات المراهقين..!!


( والله يا جماعة غلطانين.. لا تصدقونهم )


----------------------------------------------------------------------


في الماسنجر:


leo missi : شباب .. شباب .. شباب..الحقووووا علي !!

هامور: خير خير وش فيك؟

بريماكس: سلامات.. قرصتك عقرب؟

leo missi : شباب.. أضافتني اليوم بنت

هامور: بالله؟ وفرحان أنت ووجهك؟ بتتشقق؟ :p

بريماكس : حرام عليك.. وش تبي بالبنت أنت؟

leo missi : بلا حركات مطوعة يا بريماكس.. لو فتشنا ماسنجرك لقيناه كله بنات

هامور: ما عليك منه يا مسموسي :p عطني أول إيميلها خلني أشوف إذا هي عندي أو لا..!!

leo missi : أول إيميلها (duig) والباقي ما تغير :p

هامور: أففففف.. لا يكون تكملة الإيميل (f3r) .. والله أنها عندي من زمان.. والنصابة تقول أنها تحبني

leo missi : أجل بأحذفها لعيونك يا هموري.. وش أبي فيها اللي تضيف كل خلق الله..!!

هامور: لا خلها.. بأصكها أنا بلوك بعد ما أسألها عن اللي أضافتهم..!!


-----------------------------------------------------------------



** في الجامعة **

نورة: ما دريتي يا سعدى؟

سعدى: وش عندك؟ اخلصي علي..!!

نورة: جاتني رسالة خاصة أمس.. من واحد ما تتوقعينه..!!

سعدى: من مين؟ لا يكون سهل

نورة: فال الله ولا فالك.. رسايل سهل كلها إيقافات ولا إنذارات .. الرسالة جاتني من ماجد مقبل

سعدى: ياااااااي ياااااااي ياااااااي يا حظك يا نورة... وش قال لك فيها؟

نورة: يطلب مني أعدل ردي في موضوع العنا لأنه كان قاسي شوي ويجرح مشاعر العنا الرقيقة

سعدى: أفااا .. يعني ما يبي يتعرف؟

نورة: إلا يالغبية.. هو بس يبي يجس النبض.. وإذا شاف مني تجاوب ورديت عليه.. بيفهم أني أبي أتواصل معه فيرد علي
......... وهكذا تستمر بيننا الرسايل الخاصة لحد ما نوصل للماسنجر..!!

سعدى: والله عندك خبرة بحركات المراهقين يالخطيرة


-------------------------------------------------------------------------



** في الشات **


الكناري الأزرق: يالحبايب.. ما تلاحظون شي بالمنتدى؟

زعيموفيتش: وش نلاحظ يا كناري هولمز؟ :p

الكناري: ما تلاحظون أن مستر قوول متزاعل مع البارق؟

هلالي القرعاء: طس مناك بس.. وين اللي متزاعلين وهم أخويا؟

الكناري: والله ما عندك سالفة.. شف ردودهم في موضوع أبو طلال... وموضوع سام 6 وبس..!!

زعيموفيتش: عادي .. اختلاف في وجهات النظر بس..!!

هلالي القرعاء: تصدق أنك طلعت ذكي؟ والله فيك رجاء ما شاء الله..!!

الكناري: واضح أنهم متزاعلين.. حتى أنهم ما يردون على مواضيع بعضهم..!

زعيموفيتش: خلونا من المشرفين الحين.. مليت خششهم في قسم المشرفين .. ما تلاحظون أن هلالي الظهران
.................و ناجية مشبكين بعض؟

هلالي القرعاء: كيف عرفت؟

زعيموفيتش: شوف ناجية ترد أول واحدة على مواضيع هلالي الظهران وتهتم بردودها على مواضيعه.. ردودها على
................. مواضيعه تختلف عن ردودها العادية.. تحس أنها تحبه من قلب..! وهو بعد تلميحاته لها قوية..!!

الكناري: أنا كان قلبي حاس أن ناجية خوية هلالي الظهران ... واضحة أصلاً..!!

هلالي القرعاء: ما عليكم منهم.. إن شاء الله نحصل أطلق من ناجية..!! شباب بأقول لكم شي ما بتصدقونه..!!

الكناري: أنا بأصدق..

زعيموفيتش: أنا ما بأصدق :p

هلالي القرعاء: اليوم سألت واحدة معنا بالمنتدى توني متعرف عليها.. عن اللي أرسلوا لها بالخاص أو يبون يتعرفون..!

الكناري: الله يستر لا تكون من اللي أنا أرسلت لهم

هلالي القرعاء: لا... اللي أرسلوا لها ناس ما تتوقعون أنهم يرسلون لبنت..!! أهمهم القاضي

زعيموفيتش: والله أنك مريض أنت واللي يصدق هالنصابة... القاضي رجل فاضل وكبير عن حركات المراهقين.. تجي تقول
................. لنا أنه يبي يتعرف على بنت؟

الكناري: زعيموفيتش صادق.. ترى هالحركة منتشرة بالمنتديات.. الحين الولد يجي يفتخر قدام أخوياه أن العضوة
............. الفلانية تبي تتعرف عليه... أو البنت تفتخر قدام خوياتها أن العضو أو المشرف الفلاني يبي يشبكها..!!
............. وكل هالكلام كذب.. وتشويه سمعة لأعضاء محترمين..!! والمشكلة اللي يصدقون ويطيرون بالعجة..!!


--------------------------------------------------------------------


** في المدرسة المتوسطة **


نجوى: شفتي يا كريمة رد الكلاسيكي على ردي؟

كريمة: ايوه.. وش فيه؟

نجوى: ما لاحظتي أنه يحاول يحتك فيني؟

كريمة: وش دراك؟

نجوى: وشلون وش دراني؟ أنا ملاحظة أنه يرد على كل مواضيعي ويرد على ردودي.. مدري وش يبي بالضبط؟

كريمة: والله أنك مغرورة وما عندك سالفة.. الكلاسيكي يرد على كل الأعضاء.. فلا تاخذين بنفسك مقلب..!!

نجوى: المهم ما علينا.. بأسألك عن أبوراس... يقولون أنه متزوج حنان اللي معنا بالمنتدى؟

كريمة: حتى أنا مثلك سمعت.. يقولون أنها كانت مخطوبة منه وسجلت بالمنتدى ثم تزوجوا..!!

نجوى: والله معاد ندري من كثر الإشاعات بهالمنتدى..!!


-------------------------------------------------------------------------------


**في غرفة البلاي ستيشن **


حفيد مؤسس الهلال: يا عيال البنات الجدد كثروا بالمنتدى.. يكون بعلمكم سارة لي أنا حاجزها لا أشوف أحد يقرب صوبها

عابر القارات بالريوس: موب على كيفك تحجز.. سارة لي.. شف ردها علي كيف؟ واضح أنها معجبة فيني ;)

حفيد مؤسس الهلال: ترى ما لك داعي يا عابر.. لا تخلي بنت تفرق بيننا..!!

عابر القارات بالريوس: يا حبيبي أنت وشطارتك.. ما فيها حجز ولا هم يحزنون..!!

حفيد مؤسس الهلال: ما يكفيك هند والعنود وشمعة اللي تضحك عليهم أنك تحبهم؟ خل هذي لي تكفى..!!

بلد الوليد: خخخخخخ الله يرجكم يالخرفان... أولاً سارة ولد موب بنت خخخخخخ

حفيد وعابر: أفاااااااا وش دراك؟

بلد الوليد: لأنها أضافتني من زمان وأنا اللي توسطت له بالتفعيل... واستمرينا 4 شهور وقصة حب خطيرة.. وبالأخير
.............. ملت مني واعترف لي أنه ولد مهوب بنت وسمعني صوته.. بشعععععع !!!

عابر القارات بالريوس: الله يستر.. لا يكون هند والعنود وشمعه تماسيح وأنا مصدق نفسي مطيح البنات

حفيد مؤسس الهلال: أقول خلونا نكمل اللعب واتركوا عنا طاري البنات.. أنا خلاص اعتزلتهم :p


------------------------------------------------------------------


يكفي إلى هنا.. والله تعبت..!!

أعرف الموضوع مهوب مرتب ولا مضبط... بس والله الفكرة لها أكثر من أسبوع في راسي.. وتوني أكتب الموضوع

بدون تحضير ولا مراجعة.. من الراس للكراس على طول :p فالعذر منكم إن كان فيه أي أخطاء في الموضوع..!!

الأهم أن الفكرة وصلت وما يهم الطريقة..!! (بس وش رايكم بالتنسيق؟)


فيه سلوكيات خاطئة نتبعها في المنتدى وخارجه.. وتتسبب في تشويه سمعتنا إما بسبب طريقتنا في الردود.. وإما

بسبب أعضاء لا يخافون الله..!!

------------------------------------------------

ملاحظة كبر رأس هامور:

كل الشخصيات اللي طرحت في هذه المواقف غير حقيقية ... وإنما استخدمتها لتخدم السيناريو..!!

لاحظت أن بعض الشباب فهم غلط واعتقد أن المواقف حصلت للأعضاء أنفسهم.. وهذا غير صحيح..!!

تراك يا هامور أشرف من الشرف فديتك


سي يو ..!!

الكناري الأزرق

إقتباس باتس .. اجل عطلت يالوصخ .. وش حيتك تعطل انا ابعطل الاربعاء بعد الجاي ..

ايه عطلت يا حبي لصلعتك يا قلبي

شد حيلك نبيك تطلع الأول يالذيب

بس لما تدخل الاختبار حط الشماغ على شكل عمامة على راسك عشان ما تنسم الصلعة وتطير المعلومات

وبالتوفيق يا بعد قلبي..!!

إقتباس بالنسبة للحوار .. فعلا هالشي حاصل .. المشكله كاتب موضوع قاعد يتفلسف و هو امس قاعد يقولي فيه عضو بالمنتدى ما خلا بنت ما شبكها و ان كنت تبي الصدز .. ما ابي اظلمك يمكن هو هامور او انت !

ـخخخخخخخخخخخخخخخخخخخـ

أنا ما بريت نفسي وطلعت روحي منها .. بالعكس أنا مثلي مثلكم يالدشير

بس الحمد لله مهوب أنا اللي ذكرت العضو والتشبيك.. ما أحب هالحركات بالذات إلا مع الثقات اللي ما ينقلون الحكي

حياك الله يالكناري في موضوعك الثاني شرفتنا وآنستنا..!!

بس ابعد عن اللهجة القصمنجية ترى مهيب لك يالبدوي :p

------------------------------------------------------


جرح يشكي

هلا وغلا حبيبي حمودي :p

سلامات ؟ صاير شي بعقلك؟

قسم بالله ما مداني يوم نزلت الموضوع وأطلع ثم أرجع الغرفة إلا ورسايلكم علقت بالجهاز :p

سلامات.. افهموها .. ما قصدتكم أبد .. الشخصيات وهمية .. والدليل أني حاط الشيفة ماجد مقبل " مطيح البنات"

يعني الكلام كله خرطي ..!!

هدي هدي .. تقدر تعدي ..!!

راجع لك مع ردك الثاني يالفضيحة

----------------------------------------------------------

SoMe OnE

يا هلا ويا مسهلا بالطش والرش والبيض المفطش

تو ما نور الموضوع

إقتباس المشاغب

هلا .. وش تبي أنت؟ <<<

إقتباس يسعد صباحكـ يارب ,, اولا الف مبروكـ على بداية الاجازه الصيفيه

الله يسعدك يا رب... ويبارك في خشتك ..!!

إقتباس وماشاءالله الموضوع جدا خيالي .. هذا يدل انكـ تذاكر زين عاد تدري مثل المواضيع هذي طبيعي انها تطلع بعد جلسات المذاكره الطويله بس ماشاءالله خيال واسع .. وحوار تمنيت انه ماينتهي ابدا ..

جعلك والله سالم من الشر يا بعدي.. من ناحية المذاكرة لا تخاف ذاكرنا وبغينا نجيب العيد.. بس ربك ستر وجبنا درجات

حليوة :p

تصدق في اختبار مادة العربي .. خلصت الأسئلة وبقي سؤال وحليته وسرحت في نص الحل بدون شعور لأن معي وقت

طويل.. المهم وقفت ولقيت نفسي أكتب : (سهلول) ( مسامي) يوم بغيت أكمل كلمة مساميسو رجعت لي الذاكرة

وتداركت الوضع الحمد لله

إقتباس بـ الفعل المشكله هذي كثير مانعاني منها ... وللاسف ان هناكـ سلوكيات من بعض الاعضاء تنشأ من افعال طبيعيه لـ الاخريين .. بـ معنى ان ( احدهم ) كتب ردا لـ ( احداهن ) وبالتالي هنالكـَ من يصطاد في الماء العكر والمساس بـ خصوصيات الاخرين .. نحن هنا لا يجمعنا سوى المحبة في الله .. والترابط هي سمة هذا المجلس ,,

صدقت يالغالي.. ولن أزيد حرفاً مما قلت..!!

فقلمي مدري وشو يقف جمالاً من خجل قلمك المبدع << رتبها ترى عجزت أقول مثل ما تقولون دايماً

إقتباس اولى قطرات مزن انتهاء الامتحانات هي اطلالتكـ عزيزي ,, وانا شخصيا على احر من الجمر في انتظار البقيه مع الدعوات القلبيه بـ دوام التوفيق لـ الجميع ,,

ومتى إطلالتك يا رماد الحرف؟

الظاهر أنك تخطط لشاعر المليون هالمرة وتجمع قصايدة وخواطر وحركات من ورانا

الزبدة: متى نشوف لك موضوع قريب إن شاء الله؟

إقتباس كـ عادتكـ رائع بـ كل ماتحمله الكلمه .. بـ وشاح الاناقة المُبسطه امتطى حرفكـَ الصفحات وعانق بنا شموخ النقاء فـ لكـَ مني التحية الصادقه ,,

ــخخخخخخخخخخخخخخخخخخــ

بدينا بالكلام اللي ما نفهمه ... ما كنا حلوين قبل شوي؟؟ :p

بس والله أخجلتني كلماتك يالغلا..! لا عدمتك ..!!

إقتباس على فكره عجبني التشكيل في عنوان الموضوع

أححححححلى

حركات أجل هاه؟

إن شاء الله كل مواضيعي بأشكلها وأدلعها وحقوق الطبع محفوظة

إقتباس كن بخير

ما عليك .. لا تخاف علي.. سبع منتبه على روحي زين..

"قل لن يصيبنا إلا ما كتب الله لنا"

كن تمام

-----------------------------------------------------------

إقتباس الرسالة الأصلية كتبت بواسطة حـفـيـد مؤسس الهلال هههههههههههههههه والله مبدع مبدع مبدع الموضووووع خيالي جدا جدا جدا...... لاتحرمناااا من مواضيعك الرائعه ودمتم سالمين ............

يا سلاااااااااااااام يا حلااااااة الردود القصيرة لما أجي أرد عليها

هلا بحفيد المؤسس ... شرفت ونورت يا غلاهم

بشر بس عساك نجحت يالذيب؟

تسلم على زووووئك وكلامك الحلو ..!!

تقبل تحياتي .. وخل ردودك كذا دايم قصيرة يا حبي لك بس

---------------------------------------------------


ماجد مقبل

هلا وغلا بعديل الروح ماجدونا العوفي

إقتباس هلا وغلا مشاغبوه

هلا بك ماجدووووه

إقتباس واه منك ياسلتااااان .. سرقت سكر عينيا

والله لا سرقت سكر عينيكا ولا حتى شفتهم .. شايفني حرامي مثل اللي خبري خبرك يا عووفي؟

إقتباس تصدق ياسلطان الموضوع هذا كان يدور في خاطري ;) بس انت سبقتني في كتابته خخخخخخخخخخخخخخخخ >>> يبي يتصفق

يا أخي وش تبي أنت وفرصة ضايعة؟

يعني ما جاتكم الأفكار حقتي إلا يوم كتبت الموضوع؟

أنت منزل موضوع مواقفك المهببة يالمهايطي يا أبو حديقة :p

وفرصة ضايعة لها شهرين وهي تقول أنا مصكوكة بـ عين ما أقدر حتى أرد ..!!

أجل ما تقدرين تردين وتبين تكتبين موضوع؟ أها بس

إقتباس لا من جد احلى ما في موضوعك التنسيق هههههههه والله ياهو هادي وكلاسيكي وماجد مقبل ومريح للأعصاب ..;) اما المضمون فحدث ولا حرج ..

أمووووت في الناس اللي تفهم يا نااااس

بس المضمون ما فهمت قصدك لا تكون تنتقد وأنا أحسبك تمدح

إقتباس ضربت بأصابع ذهبية على وتر حساس لتخرج لنا بسيمفونية رائعة تتحدث عن واقع بيروقراطي ;) >>> أقول ورا ما تمسك الجادة ..

يا أخي انت لا جيت تتفلسف تحس أنك حايس أم الطبخة :p

وش زينك وأنت تجيب كلام حلو أفهمه أنا :p

إقتباس بس ياخي ما لك داعي فضحتني وكفشت حركاتي خخخخخخخخخ

خخخخخخخخخخخخخخخخخخخخخخ

احمد ربك يا شيخ حطيتك بموقف حلو .. من قدك يا معذبهم

رح تفقد ماسنجرك شف وش صار عليه؟ ;)

أقول: تبيعني ماسنجرك؟ ولاّ تسلفني اياه يومين بس؟

<< الحين بتجيك فرصة داعسة 200 ومطفية النور وتقول : لا تتفاخرون حتى لو هو مزح

إقتباس حقيقة المشاغب قلم دافئ في المجلس العام .. خخخخخخخخخخخ ياحبي لك ياشيخ والله يعطيك العافية على الموضوع الرائع .. دمت بحفظ الله ورعايته ,,,

أما دافئ أنت وخشتك؟ مهوب لايق أبد

عموماً : كالعادة مبدع في مرورك.. في تعليقاتك.. في قفشاتك..!!

لا عدمتك يا بعدهم كلهم..!!

تقبل تحياتي من الأعماق..!!


----------------------------------------------------------

إقتباس الرسالة الأصلية كتبت بواسطة الماسه الزرقاء الف مبرووووك على الإجااازة يالمشاغب لنا عوودة بحول الله وقوته , وإن لم نعد أدعوا لنا بالرحمة والمغفرة ,

الله يبارك بعمرك أختي ( الماسة الزرقاء )

الله يرحمك ويغفر لك يا رب العالمين.. والله يا جماعة كانت بنت محترمة وطيبة و (صريحة)

بنفقدها والله

--------------------------------------------------------


يؤ يؤ يؤ

جاء دور الهنوف؟

لا أجل .. نكمل الرد بعدين بوقت ثاني :p

أنا الحين تعبت من الردود قسم بالله.. وودي أرد على الهنونوو برد وافي مو حيا الله

معليش هنونوو ... ناوي أقطّع فيك أنتي وفرصروصة ;)


تحياتي..!!

حجز
/\/\/\/\/\/\/\/\/\/\/\/\/\/

انا جرح يشكي اشجب واستنكر ما قيل في حق اخوي هامور البورصه واطالب بتدخل هيئة الامم المتحده وان تقيم محكمه دوليه لها كامل الصلاحيات للنظر في القضيه.


واطالب ايضاً هيئة الصليب الاحمر الدولي وهيئة الهلال الاحمر السعودي ان تكون متأهبه وان تكون على اتم الاستعداد والجاهزيه.

كما اطالب دول الحلف الاطلسي ان ترفع حالة الاستنفار من اللون البرتقالي إلى اللون الاحمر .

وقد امرت السيد محمد البرادعي بالتفاوض عني وله كامل الصلاحيات.

اخيراً

ادعوا جميع الاعضاء الابتعاد عن الاخ صاحب الموضوع لان ورد الى مسامعنا ان الحلف الاطلسي سيقوم بهجمه استباقيه.

واذكر اخواني الاعضاء بموضوعي (( المقالب )) واذكرهم ايضاً بقلبته الشنيعه علي .

لذا احذر من التقرب منه ومن لا يمتثل لقرارنا هذا فليذهب ويقبل راس امه لانه بيكون في الباي باي

هذا والله الهادي الى سواء السبيل

جرح يشكي

مدير عام المملكه العربيه السعوديه

حرر في 12/6/2007
الساعه 2.14 مساءً

,,,
,,
,







المشاغب





يسعد صباحكـ يارب ,,
اولا الف مبروكـ على بداية الاجازه الصيفيه
وماشاءالله الموضوع جدا خيالي .. هذا يدل انكـ تذاكر زين
عاد تدري مثل المواضيع هذي طبيعي انها تطلع بعد جلسات المذاكره الطويله
بس ماشاءالله خيال واسع .. وحوار تمنيت انه ماينتهي ابدا ..
بـ الفعل المشكله هذي كثير مانعاني منها ... وللاسف ان هناكـ سلوكيات من بعض الاعضاء تنشأ من افعال طبيعيه لـ الاخريين .. بـ معنى ان ( احدهم ) كتب ردا لـ ( احداهن ) وبالتالي هنالكـَ من يصطاد في الماء العكر والمساس بـ خصوصيات الاخرين .. نحن هنا لا يجمعنا سوى المحبة في الله .. والترابط هي سمة هذا المجلس ,,
اولى قطرات مزن انتهاء الامتحانات هي اطلالتكـ عزيزي ,, وانا شخصيا على احر من الجمر في انتظار البقيه مع الدعوات القلبيه بـ دوام التوفيق لـ الجميع ,,
كـ عادتكـ رائع بـ كل ماتحمله الكلمه .. بـ وشاح الاناقة المُبسطه امتطى حرفكـَ الصفحات وعانق بنا شموخ النقاء فـ لكـَ مني التحية الصادقه ,,



على فكره عجبني التشكيل في عنوان الموضوع







****



كن بخير
..SoMe OnE...

هههههههههههههههه والله مبدع مبدع مبدع

الموضووووع خيالي جدا جدا جدا......

لاتحرمناااا من مواضيعك الرائعه

ودمتم سالمين ............

سليطينووه شسالفتك معي انت

ترى والله اتوطى ببطنك <=== يقاله معصب

اساسا ايميل لونيل ميسي مهوب عندي

وبعدين متى سولفنا عن المنتدى ولا عن البنات كل سوالفنا انت خابرها

ولا وتقوول انت وخشتك ان المواقف هذي واقعيه يعني انا حق بنات !!

موضوعك باايخ وتنسيقك ابيخ <========= معصب
وبعدين تعال يعني الحين انت وخشتك ماتمون الا علي انا يومنك تحطني بهالموقف ..!!

العذر من الجميع.. سأمر على الردود بشكل سريع..!!


الهنوووف

إقتباس عضو ::: اقول شفت الهنوف بموضوع المشاغب عضو اخر :: وشو فيها عضوو االاول ::: شكلها ولد تقول المشاغب يدرس معاها :p

تصدقين؟ والله قد سمعت أنك ولد <<< طلع الفضايح

إقتباس للاسف النماذج الي ذكرتهــــا غالبيتهااا اذا مو كلهاا واقعــة ومثل ماذكرت مو شرط انا تعرضت لها بس سمعت عنهاا

في كل المنتديات.. ومنتدانا مثله مثل غيره

بس إن شاء الله عندنا قليل

إقتباس هالموقف قد يكون تفكير البنت صحيح والشاب هذا مقصده ويمكن انها اساءت الظن بالرجال وهو ماجاب خبرها

غالباً تكون الرسائل عن حسن نية.. لكن الخطأ يأتي من الطرف الثاني بسوء ظنه..!!

إقتباس للاسف تصير والقصد تشوية سمعــة الاعضاء والعضوات المتميزين الله يكفينا شرهم

للأسف .. مشكلة كبيرة تشويه سمعة الأعضاء

المشكلة أن المسكين يكون غافل وما يدري وش ينقال عنه من ورا ظهره..!!

إقتباس وابوراس وحنان ماسمعتاا توني

أجل قديمة مغبرة أنتي


تسلمين أختي الهنوونووو على مرورك الجميل كالعادة..

تقبلي تحياتي..!!

------------------------------------

هامور البورصه


طارق اركد ولا تطير بالعجة

تقبل تحياتي..!!

-----------------------------------

إقتباس الرسالة الأصلية كتبت بواسطة كيان المملكة مبــــــــــــــــــــــــــــــــــدع مبــــــــــــــــــــــــــــــــــدع مبــــــــــــــــــــــــــــــــــدع كعادتك يا مشاغب الله لا يحرمنا من مواضيعك

الابداع مرورك يالغلا..!!

لا انحرمنا من هالطلة..!!

تقبلي تحياتي..!!

---------------------------------

بريماكس

يا هلا ويا غلا برموكس

لا هنت على المرور... تقبل تحياتي..!!

---------------------------------

إقتباس الرسالة الأصلية كتبت بواسطة عفره تسلم اناملك الذهبيه المرصعه بالالماس وعن جد موضوع رائع وماقصرت

تسلم يا بعدهم على مرورك الحلو..!!

----------------------------------


فرصه ضايعه

إقتباس [CENTER][SIZE="4"][COLOR="RoyalBlue"]المشاغب سبقتني بطرحه :p توارد الأفكار هذي ولا وش

أها بس .. لا يكثر

إقتباس بس الين يرجع راسي طبيعي <<< صاكها راسها من المرض

سلامتك ألف سلامة ما تشوفين شر... جعل اللي فيك في ملك الانترنت

إقتباس وأشوف المواضيع ادهرت بالمجلس كله عشاني مرضت يعني خايفين مني ولا وشو << شايفه عمرها:p

من حقهم يخافون منك أنتي ووجهك :p

بغيتي تاكلين دلع ونمر15 المساكين
=====

أما منذر وسوسن.. عليك أسامي مدري وش تبي

شايفتنا سوارية ولا إيه؟ :p

إقتباس عوافي يابطل

الله يعافيك يا بطلة :p

مشكورة لمرورك وردك الأروع ..!!

تحياتي إلكـ..!!

----------------------------------


والنهاية

وتاليتها معك ؟

هونها وتهون يا رجال..!!

تقبل تشكراتي..!!

------------------------------

إقتباس الرسالة الأصلية كتبت بواسطة فتاة الهلال }}}}}}}}}}}}}}}}}}لي عــــــــــــــــــــــــــود >>>بروح اتعذى >>الحين يجيني الهامور يقولي انتي كلا اكل

يا دكتورة وش هالحركات ؟

بانتظار عودتك

----------------------------


dal3_uae

متشكر أوي أوي يالعيناوية على مرورك الجميل..!!

يعطيك ألف عافية.!.!

-----------------------------

زعـيـمـوفـيـتـش

إقتباس مشكور هلبا برشا جدا عـ الموضوع

العفو هلبا برشا

لا عدمت حضورك يالغالي..!!

تيك ماي تحياتي.!.!

---------------------------

leader-imf

هلا وغلا مراسل المجلس العام... ما ودك تغير يوزرك؟ :p

أشكرك يالغلا.. على مرورك الذي أسعدني.. لا عدمنا هالحضور المميز..!!

تقبل صادق ودي..!!

-----------------------------


هلالية حرة

هلا وغلا بالرساوية

مشكورة لمرورك وتواصلك الجميل..

لاعدمت إطلالتك المرحة هذه..!!

تقبلي تحياتي..!!

------------------------------

فتاة الهلال

يا هلا بك أختي فتاة الهلال مرة أخرى..!!

أسعدتني عودتك .. شكراً جزيلاً..!!

تقبلي تحياتي..!!

------------------------------

هلالي القرعاء

هلالي القرعاء صاحب الإطلالة البهية.. شرفني مرورك وحضورك يالغلا..!!

ردك كالعادة مميز.. لا عدمتك..!!

تقبل تحياتي..!!

--------------------------------

ن و س 7 7 0


حياك الله أخوي.. والله لا فضحنا أحد .. ولا قصدنا أحد..

تكلمنا بشكل عام.. لا تورطنا أنت ووجهك

عموماً: شكراً لك على المرور .. لا هنت..!!

تقبل تحياتي..!!

--------------------------------

المولّع

حياك الله أخوي المولع.. وينك؟ من طول الغيبات جاب الغنايم..!!

شكرًا لحضورك يالغلا..

تقبل تحياتي..!!

--------------------------------


leo messi


يا هلا وغلا بأبوميسي :p

يا بعدي.. مرورك دايم يسعدني..!!

تقبل صادق حبي يالغلا..!!

----------------------------------

البارق

هلا وغلا بالأستاذ البارق..

كيف الاختبارات معك يالغالي؟

عاد ما أوصيك خلك متساهل مع المساكين وخلهم يغشون


الله يوفقك أخوي برقوق ويديم المحبة بينك وبين مستر قوول

تحياتي لك..!!

-------------------------------

هلاليه من الرياض

وش فيها أسامي البنات اللي اخترتها؟ والله أسامي حلوة ومميزة

أجل وش تقولين عن الأسامي اللي جابتها فرصة ضايعة منذر وحسان وحسنين

هلالية من الرياض من القلب أشكرك على ردودك وتواصلك..!!

تقبلي تحياتي..!!

---------------------------------

إقتباس الرسالة الأصلية كتبت بواسطة EMII مـــوضوع روعـــــه والله يعطيـكـ العافيــة,,,,

مرورك الأروع يا غلاهم..

تقبل تحياتي..!!

-----------------------------------

أبوماضي

يا هلا ويا غلا بأبوماضي... شرفت ونورت يا بعدهم..!!

يشرفني مرورك ومتابعتك لمواضيعي المتواضعة.. شكراً لك يالغالي..!!

لا عدمناك..

تقبل تحياتي..!!

-----------------------------------

بنت عز ماتنهز

هلا مرحبا ببنت العز اللي ما تنهز

ردودك جميلة ومرحة ومميزة..!! لا عدمت هالتواصل المشرف..!!

وجعل هالضحكة دوووم أختي بنت عز..!!

تقبلي تحياتي..!!

-----------------------------------

ايمن اليامي

هلا وغلا بـ شاعر يام

جعل هالضحكة دوووم مهوب يوووم يا رب..!!

أول ما شفت بعض ردودك.. قلت بنفسي.. هذا مصرقع مو معقولة يصير شاعر..!!

هذا حرام يكون عنده مشاعر وأحاسيس

بس لما قريت قصايدك اكتشفت أني غلطان


تقبل كل تحياتي..!!

---------------------------------------

متلثمة بشال الهلال

حيا الله المتلثمة بالشال

هلا وغلا.. شرفتي ونورتي أنتي وشالك ..!!

شكلك منحوسة أنتي وهالردود اللي تنحذف :p

بس ما قصرتي يومنك كتبتي الرد مرة ثانية..

أشكرك أشكرك أشكرك ثم أشكرك ;)

تقبلي تحياتي..!

--------------------------------


مطيع الهميمي

هلا وغلا بـ الخبراوي مطيع

تو ما نور الموضوع ..!!

تسلم يا بعدهم على إجابة الدعوة

إقتباس بالنسبة للموضع الذي طرحتة لا أخفيك باني أثق في هذا المنتدى بشكل عام وفي المجلس بشكل خاص وفي اعضاءة لذا حتى وان كان فيه بعض من ما ذكرت الا اني اراها شواذ هنا والشواذ لا يعمم على الاطلاق

أخوي مطيع أنا ما كتبت كل اللي صار من فراغ.. منتدانا مثل بقية المنتديات.. وأعضاءه مثل بقية الأعضاء..!!

كل ما كتبت حصل وأنا متأكد منه..!! ولكن من قلة من الأعضاء حتى لا نظلم البقية..!!

ثقتك بالأعضاء جميلة جداً .. وإن شاء الله نكون أهلاً لهذه الثقة.. وأنا ما كتبت الموضوع إلا من أجل أن نلتفت لسلبياتنا

ونتلافاها..

إقتباس فيه نوع من المحافظة والاتزام بقيم فقد اغلبها في اغلب المنتديات الاخرى ربما هذا السبب الذي جعل كل من عرف هذا المجلس يتمسك به بقدر المستطاع

صدقت

ولكن هناك تصرفات سلبية في بعض الأشخاص .. خصوصاً عند التقائهم بأصحابهم خارج المجلس العام

إقتباس أن تأتي متأخرا خير من ألا تأتي ومطيع الهميمي لا يعرف للزعل على اي انسان مهما كان سبيلا

هذا العشم فيك يا غلاهم... أشكرك على تسامحك .. وقلبك الطيب.. هكذا عهدنا أهل المنطقة الشرقية.. مو مثل

أهل الرياض

تقبل تحياتي..!!

------------------------------------

جرح يشكي

أولاً: عافى الله والدك .. وكساه لباس الصحة والعافية.. وما يشوف شر..!!

ثانياً: أحبك الله الذي أحببتني فيه..

والله أن كلامك لا أستحق نصفه... -ليس تواضعاً- بل لأني أعرف الناس بنفسي..!!

أشكرك على كلامك الجميل .. ولا عدمتك يالغالي..

أما بالنسبة لردك الأول .. فأنا مستغرب صراحة من اعتذارك..!! فأنا لا أزعل ولا أغضب أبداً من المزاح وخصوصاً الغالين.!!

تقبل تحياتي.. واعذرني لا أستطيع تلبية طلبك.. لأني (مجبر أخاك لا بطل ).!!

---------------------------------

MR.DL5

هلا والله بأبو الدلاخة كلها

ما ذكرت أسمك لأن مالك دور في السيناريو.. ما قدرت أركب دور واحد دلخ :p

فديت كل الدلوووخ وهـ بس

تقبل تحياتي يا حبي..!!

----------------------------------

إقتباس الرسالة الأصلية كتبت بواسطة kaka-22 ما اقول الا يا حبنيلك على هالموضوع كل ابو دايم مبدع

الله يحفظك ويطول عمرك..!

أتشرف بإعجابك بالموضوع.. لا عدمتك..!!

تحياتي لك..!!

-----------------------------------

الكــلاسيكي

هلا وغلا بالكلاسيكي باشه

وش رايك بالدور اللي حطيتك فيه؟ :p

مدري ليه دايم تجي متأخر يالزول؟

ودي مرة أشوفك ترد بالصفحة الأولى

تدري؟ وجودك مثل عدمك

أمزح يا بعدي أمزح ههههههه :p

تقبل تحياتي..!!

---------------------------------------

إقتباس الرسالة الأصلية كتبت بواسطة ايمن اليامي اقول بسسي هيه مرندا فلاش كمبيوتر عطونا وجه كم باقي على ردي عطنا رقم شيء ههههههههههههههههههههههههههههههههه والله العضيم ماسكين سرى من قبل تولد جدتي وهذا معطينا اشكل طيب دبل

لا يكثر يالمرجوج :p

ترى والله استعجلت بالرد على شانك.. والله انهد حيلي

----------------------------------------

إقتباس الرسالة الأصلية كتبت بواسطة R.O.M.A _10 موضوع رائع يعطيك العافية ,,

الله يعافيك..

تقبل تحياتي يا أبو قحط

----------------------------------------

إقتباس الرسالة الأصلية كتبت بواسطة العنـا وحنا ياغافل لك الله دخلوني معكم ماسنجر والله اصير مؤدب

هلا وغلا بالعنا... هلا براعي فضايح أبوريمان

أقول هات الماسنجر حقك خلنا نشوف فضايح أبو ريمان بس :p

والله مهوب مطلع الشيب من راسه إلا أنت

تقبل تحياتي يا بعدهم

-----------------------------------------

alhawey

هلا بغلاهم كلهم... هلا بالهاوي

إقتباس هالظاهره موجوده بأغلب المنتديات.. وتبي الصدز وانا اخوك ما به دخان بلا نار .. الحال ما يسر والعالم كل ماله وتشوف الموضوع طبيعي!! ما نقول الا الله يصلح الحال ويهدينا ويشملنا بعفوه..

الله يصلح الحال بس.. بس ترى الاشاعات أكثر من الحقائق وأنا أخوك

إقتباس يازين نشر الغسيل عشان يعرف الردي انه ردي ، بس لو ان مافيه زوّرا بالعشرة آلاف;)

والله الظاهر أن عندك أسرار.. أقول عطني إيميلك خلنا نفصفص الفضايح

إقتباس مشكور يابعدي موضوع جريئ وهادف.. واعتذر عن الجيه مـتأخر بس الشكوى الله أحيانا ودي أدفع فلوس عشان أشري وقت وأحياناً ودي ابيعه بقرش فماااان الكريم،،

الشكر لك يالغلا.. وحضورك يسوا المساوي يا غلاهم.. تسلم تسلم تسلم على الحضور والمرور الذي أفرحني..!!

تقبل تحياتي..!!

الف مبرووووك على الإجااازة يالمشاغب

لنا عوودة بحول الله وقوته , وإن لم نعد أدعوا لنا بالرحمة والمغفرة ,

مبــــــــــــــــــــــــــــــــــدع
مبــــــــــــــــــــــــــــــــــدع
مبــــــــــــــــــــــــــــــــــدع

كعادتك يا مشاغب

الله لا يحرمنا من مواضيعك

مبرووووك الاجازه اخوي (المشاغب) والجميع ،،

موضوع جدا رائع وتنسيق اروع ..

تسلم يالغالي على هيك الموضوع ولاتحرمنا من ابداعك ;) ..

وبعدين يا( leo missi) تراك ظلمتن ..

ياخي مسنجري مافيه الا عشر بنات بس >> ماانشقت بس تخر !!
وخمس شباب ودابلين تسبدي بعد وابعطيهم حظر وكلهم من المنتدى ..


سي يو ..

تسلم اناملك الذهبيه المرصعه بالالماس وعن جد موضوع رائع وماقصرت