#1  
قديم 12/06/2007, 05:10 AM
زعيــم متواصــل
تاريخ التسجيل: 02/11/2006
مشاركات: 61
رسالة صريحة بدون مجاملات من القلب الى القلب الى قناة الزعيم .. !!!!

السلام عليكم ورحمه الله وبركاته ،،


هي رسالة واضحة وصريحة من مشجع هلالي بسيط الى قناة تحمل اسم الهلال ...

احبابي المشرفين على قناة الزعيم ياليت تقفلون القناة وترى محد يتابعها
الهلال في غنى عن هالقناة اللي شوهت اسم الهلال بين العرب كلهم ،،
شات ساقط وموسيقي ومدري ايش واحنا يرمز لنا باننا الزعيم في بلاد الحرمين
البعض يقول بان القناة تطلع 5 مليون سنويا ،، يا شيخ قل 10 مليون ،،

بس خسرنا من وراكم الكثير ،،

اسم الهلال ينحط على القناة بالبنط العريض وهي تعارف وانا زعلان عليك يا كوكو وخذ من هالنقاشات الهامة

يا ناس والله شوهتوا اسم الهلال قدام العرب كلهم ،،

بالله وش يقولون برا السعودية عن القناة لا حطوها ،، يقولون شوفوا هاذي قناة الهلال وهذا هو جمهوره ،،

وبعدين وش سنع الموسيقي في القناة والا تقليد وبس ،،

ما نحتاج موسيقي ابد ،، ومو محتاجين ان ارباح النادي تكون مشبوهة علشان هالموسيقي اللي ما لها اي داعي ،،

يا ناس بدال هالشات اللي فضحنا قدام العالم حطوا مباريات كاملة وفي زاوية الشاشة حطوا اعلان عن اي شركة وحطوها مزايدة بين الشركات اللي يدفع اكثر ينحط اعلانه

اول شيء ما راح يجي احد فحطوا الاعلان بملبغ رمزي ومع الوقت راح تزيد قيمة الاعلان وبعد سنة راح يكون يشكل ارباح حقيقة للقناة << كيف الفكر التجاري

وترى المباريات ما تكلف الا تروحون لوزارة الاعلام وتحصلون كلش والا من وين النصر يجيب هالمباريات القديمة ،،

ولا انتم ملزومين بمباريات الهلال بس حطوا مباريات اوربية والا عالمية وخلوا الارتي تعلن بشكل مستمر في القناة مقابل ان عدد معين من المباريات كل شهر والا التلفزيون السعودي جاهز وخذوا اللي تبون وترى نائب الوزير امير وهلالي يعني دقوا الموانة ولا يهمكم احد

يعني مثلا مبارايات كاس العالم 98 حقوقها عند التلفزيون السعودي وكل كؤؤس العالم اللي قبلها

حطوا مباريات السعودية في كؤوس اسيا اللي قبل 84 ,, 88 ,, 92 ,, 96 ترى كثير من الجماهير ما شافت هالمباريات ويمكن شافتها ونستها ، انا قد شفت اسيا 96 بس ما اذكر اي مباراة فيه فكيف ب 92 والا 88 والا غيرها

حطوا مباريات نهائيات كاس العالم للناشئين اللي فاز فيها المنتخب والا مباراة السعودية والبرازيل للشباب اللي انتهت 0-0 ولعب الغشيان في حسبة البرازيليين

كل هالاشياء انا متأكد ما راح تكلفكم ولا شيء وراح تجيب ارباح ضخمة للنادي بعد سنة او سنتين مع كثرة الاعلانات لان الجمهور وقتها بيصير يشوف القناة ويتابع جدول القناة بشغف وممكن حتى تحطون تصويتات على المباراة اللي تنعرض من خلال موقع من يكلف حتى 1000 ريال يلله قل عشر الاف ريال بس يكون فيه واجهة روعة وجدول المباريات المعروضة

وتصويت على المباريات الاكثر شعبية وتصويت على المباراة المعروضة في الوقت من كذا الى كذا وترى عندكم في شبكات الهلال اروع المصميين اللي ممكن يصممون لكم الموقع من الى وباروع الواجهات والجداول وانا اجزم انهم ما يطالبون بالكثير اذا ما حلفوا عليكم انهم ما ياخذون شي

يعني كل ساعتين تكون فيه مباراة على الاقل وتكون القناة 24/24
وهذا ما يكلف شيء مجرد انك تضبط جودة الشاشة باروع ما تقدر عليه وشريط تشيله وشريط تحطه ولا تحتاجون حتى لمكتبة والا ارشيف احفظوها في سيديات وترى كل الاعضاء عندنا ما راح يقصرون معاكم واجزم ان عندهم من الخبرات ما لا تتوقعونه وما لا تقدرون تجيبونه باعلى الرواتب

وبين الشوطين وبين اي شيء ماله داعي فاصل اغاني ممكن تحطون معلومات عن لاعب معين في النادي مع ملخص لسيرته واهدافه مع الفريق وما قاله عنه اكابر النجوم والنقاد

وممكن يكون هناك نشرة يومية باخبار الهلال وصور من التمارين في توقيت معين مثلا 9.00 او 10.00 او افضل يكون فيه تصويت في الموقع << قررت

واذا الكلام على الربح من الشات ممكن تحطون تصويت مع كل مباراة لافضل لاعب وتكون الجائزة على مستوى مع استضافة بسيطة في القناة فبكذا بيكون اللاعبين متحمسين للابداع والجمهور راح يصوت وفي النهاية المستفيد هو الزعيم لا من ناحية حماس اللاعبين ولا من ناحية الدراهم << اللي فشلتونا علشانها

ولا احد يرد ويقول التصريح من الرئاسة والا مدري ايش هاذي قناة النصر مسوين اللي يبون فحطوا ولا عليكم واذا اعترض احد عطوه تردد قناة النصر

يعني اشياء في قمة السهولة وهذا هو النصر يصرحون بانهم بينقلون مباريات الهلال الموسم الجاي ،، يعني اذا النصر بينقلون مباريات الهلال <<<مباشرة>>> وهم ما فتحوا الا من كم شهر اجل انتم وش تسوون خلال هالسنة كلها اللي ما شفنا فيها الا لقاء مع بندر بن محمد ومقدم اول مرة يسوي مقابلة وشغل مهوب اللي تبي

ما نبي برامج ما نبي موسيقي ما نبي شات نبي نشوف الهلال وبس
مباريات الهلال ،، نجوم الهلال ،، تاريخ الهلال ،، لقائات مع الهلاليين ،، اخبار الهلال ،، وبس ما نبي نشوف كوكو ولا فوفو

انا اقول هالكلام لاني متفشل من القناة اللي عندها كلش سهل وراتب شهر للاعبين في النادي يخلي متابعي القناة فوق المليون يوميا وانا اجزم بالشيء وترى المليون شوي على اسم الهلال اللي له متابعين بقوة في كل الخليج وحتى اسيا والعرب واذا شافوا هالتاريخ العظيم للهلال راح يتعاطفون مع كل مباراة يشوفونها للنادي وراح تزيد الشعبية بين غير السعوديين بقوة

يعني تخيلوا عندي مباراة الهلال وجابليو في نهائي اسيا 97 واروح ادور في الشوارع ما عندي شيء يا ناس ساعدوا المرور والشرطة وقللوا الحوادث والزحمة في الشوارع

والله ان اسم الهلال كبير وكبير وكبير ولكن القناة مثلت الهلال اسوأ تمثيل ولا عجب اذا كان من يديرها ويعمل فيها وكلش 3 اشخاص

يااااااااااااه جمهور من الخليج الى المحيط ويتابعون قناة ما يشتغل فيها الا ثلاثة اشخاص

فاخيرا يا نبي نشوف الهلال وكفاية ذنوب ومعاصي

وياليت تعذروني وبقوة بس تراني والله مقهور من اللي يصير في القناة فلا احد يحس اني مستقصده فانا ما اعرف ولا واحد في القناة وهذا هو اللي في قلبي وحطيته كله عندك فاختاروا اللي يناسب واسف على اي اسائه لاي احد


ســــلام ... هلاااااااااالي
اضافة رد مع اقتباس
  #2  
قديم 12/06/2007, 05:13 AM
شاعر هلالي
تاريخ التسجيل: 03/05/2005
مشاركات: 838
المباريات التي تعرض باقناه غير واضحه وغير صافيه

اتمنى لايتم عرض الا المباريات ذات الجودة العاليه

كبرتوا لنا القناه وخليتوا الصفاوه دمار

يعني ياشاشه صغيره صافيه او شاشه كبيره مشوشه ؟؟؟
اضافة رد مع اقتباس
  #3  
قديم 12/06/2007, 05:20 AM
زعيــم نشيــط
تاريخ التسجيل: 28/05/2007
المكان: وين ماكان الزعيم
مشاركات: 511
اخوي ثامر صادق والله

وكل الكلام اللي قلته صحيح

المشكله بصراحه بادارة القناه

وتبي الصراحه من شاف فيصل السابر

مدير الاستثمارات غسل يده
اضافة رد مع اقتباس
  #4  
قديم 12/06/2007, 05:21 AM
زعيــم نشيــط
تاريخ التسجيل: 21/10/2005
مشاركات: 631
فيه مباراة الهلال والحزم ماملت عيونكم .؟؟!!!

بصراحه :

اخوي كلامك صحيح واهنيك على طرحك الاخ ( كوكو) هذا فاقع مرارتي قسم بالله ..

الصلاة تقام في الحرمين الشريفين وقناة (كوكو) موسيقى ويرحب بـ15 بنت

كل وحده ماعندها سالفه الا انها تقول ( انا مرررااا خايفه من الامتحان) ...

لكن عسى الوضع يتغير ويعطيك العافيه كفيت ووفيت وانا اخوك ..

تحياتي ..
اضافة رد مع اقتباس
  #5  
قديم 12/06/2007, 08:22 AM
الصورة الرمزية الخاصة بـ إبراهيم عقدي
زعيــم مميــز
تاريخ التسجيل: 15/02/2007
المكان: أبوعريش
مشاركات: 3,769
إقتباس
الرسالة الأصلية كتبت بواسطة العز هلالي
المباريات التي تعرض باقناه غير واضحه وغير صافيه

اتمنى لايتم عرض الا المباريات ذات الجودة العاليه

كبرتوا لنا القناه وخليتوا الصفاوه دمار

يعني ياشاشه صغيره صافيه او شاشه كبيره مشوشه ؟؟؟

اضافة رد مع اقتباس
  #6  
قديم 12/06/2007, 09:38 AM
الصورة الرمزية الخاصة بـ مستشار الزعيم
زعيــم نشيــط
تاريخ التسجيل: 12/05/2003
المكان: الرياض
مشاركات: 860
ثامر وبكل منطقية

الأخ ثامر وينك من أول ...
والظاهر عندك (واسطة) لأني شايف الجماعة حاطين موضوعك في الصفحة الأولى ...؟!
وبيني وبينك طال عمرك غثتنا هذه القناة (قناة الأهداف) كل عرضهم أهداف في أهداف ، وتكلمنا مرارا وتكرارا ولكن ...؟
اضافة رد مع اقتباس
  #7  
قديم 12/06/2007, 09:40 AM
زعيــم مميــز
تاريخ التسجيل: 07/03/2005
المكان: NaJd
مشاركات: 1,733
كلامك صحيح100%
اضافة رد مع اقتباس
  #8  
قديم 12/06/2007, 09:53 AM
زعيــم فعــال
تاريخ التسجيل: 28/05/2006
المكان: الريـاض
مشاركات: 443
القناه ممتازه بس يبيلها شغل اكثر
في نموذجيه ورقي في الطرح
واتمنى الشات هذا يلتغي
يعطيك العافيه ثامر


دام عزك يازعيم
اضافة رد مع اقتباس
  #10  
قديم 12/06/2007, 10:02 AM
زعيــم متألــق
تاريخ التسجيل: 30/03/2007
مشاركات: 1,222
والله القناة ممتازة بس يبيلها دعم واشكرهم لانهم ما قصروا
اضافة رد مع اقتباس
  #11  
قديم 12/06/2007, 10:32 AM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,557
حجز بسيط ..


_______________________

رجعنا ..


إقتباس
ترى المباريات ما تكلف الا تروحون لوزارة الاعلام وتحصلون كلش والا من وين النصر يجيب هالمباريات القديمة ،،

طيب انت اسأل المسؤلين بالقناة .. واسأل الاخ الغالي الــهــ محمد ـــلالي لانه اشتغل بالقناة وطلبوا من وزراة الاعلام اشرطة المباريات لكن قوبل طلبنا بالرفض ..

بعكس قناة النصر الي موفرين لهم كل شي من اشرطة مباريات وكل الي يبونه ..

واعتقد ان الــهــ محمد ـــلالي ترك القناة لان مافيه اي دعم من وزارة الاعلام بعكس ما يقدمونه لحبيب قلبهم النصر ..



إقتباس
وترى نائب الوزير امير وهلالي يعني دقوا الموانة ولا يهمكم احد

طيب وينه هــ الامير الهلالي ونائب الوزير يوم طلبنا اشرطة المباريات ؟؟

وينه يوم طلب النصر اشرطة المباريات وخلال ساعات تم قبول طلبه ..

وحنا علقونا كم اسبوع ثم ارسلوا لنا خطب رفض الطلب ..

ويمكن تتاكد من كلامي من خلال الاعضاء او المشرفين الي عندهم علم بالسالفة ..
اضافة رد مع اقتباس
  #12  
قديم 12/06/2007, 10:57 AM
زعيــم جديــد
تاريخ التسجيل: 31/05/2007
المكان: في قلب الحبيب
مشاركات: 20
كلام والله في الصميم وفي محلة يعني من جد قناة تحمل اسم الهلال واسم النادي الكبير والشعبية الاكثر محليا وعربيا وهالجمهور الكبير الذي يضحي من اجل الزعيم وتحطون قناة مبارتين معادة طوال الاسبوع والشاشة تقول تلفزيون زمان يافن وشات يحسفاة والله لو يو كلون واحد عليها متبرع من جمهور الزعيم راح تظبط الامور لاكن يقولون حنا واتركونا انتو.. ومادري عن مستويات التعليمية عند المشرفين على القناة ... السلبيات كثيرة كما ذكر ثامر تسلم يمينة والله الوضع مزري ياخوان قناة الزعيم الشعبية الكبرى على المستوى العربي وهذي قناتنا ؟؟؟
اضافة رد مع اقتباس
  #13  
قديم 12/06/2007, 03:54 PM
زعيــم متواصــل
تاريخ التسجيل: 02/11/2006
مشاركات: 61
تشرفت بمروركم يالغالين

ولي عودة مع الاخ العزيز MR.DL5
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:19 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube