لن تتحقق اسياء الى واذا لم تتحقق وداعا للزع.. - نادي الهلال السعودي - شبكة الزعيم

زعيـــ بلاحدود ـــم · #1 09/06/2007, 03:19 AM

من يوم ما انتهت المباراه وانا مغبون ومقهور بس الحين اشوى هديت شوي
وحاولت اكتب موضوع في الايام الي راحت بس زين اني ما قدرت ادخل المنتدى
يوم تحصله :
سنعود بعد قليل (سبي ستون)
ويوم صيانه
ويوم عذرا
المهم ان حدة التوتر الان خفت شوي
والي راح راح والحين ما نبي الى اسياء ومتى ما تحققت (ان شاء الله)سننسى جميع الاخفاقات السابقه والهلال قادر على تحقيقها
ولاكن لن تتحق البطوله الى بدعم الفريق بلاعبين محليين واجانب على مستوى عال
اما اذا لعبنا بالاعبين :
-العنبر
-العنقري
-الياس
فأنسوا البطوله من الان
والله حرام يلعبون في الزعيم ما ادري هالأداريين والمدربيين ماعندهم نظره عميان هم
ولا في واسطات!!!
ومع احترامي لمحمد بن فيصل والصراحه ما قصر ومشكور على كل المجهودات التي بذلها في خدمة الهلال
ولاكن التعاقدات مع الاعبين المحليين لن تكن موفقه بأستثناء القحطاني
وين تعاقدات بندر بن محمد وغيره من الرئسا السابقين اتوا بـ الشريده والدعيع والخثران وخليل ووووو

نريد لاعبين ينفعون الفريق موب ينكبون الفريق
وهذي وجهة نظر مع احترامي لجميع الاعبين
واذا خسر الزعيم اسياء لاقدر الله سأقول وداااااعا للتشجيع

ودمتم

هاوي سراب · #2 09/06/2007, 03:29 AM

اخوي زعيم بلا حدود

يجب أن يكون لدينا بعد نظر وطولة بال

يجب أن تضع لإختيارك محدوديات معينة للإختيار ، بحيث

هل أنا أريد لاعب لموسم أو موسمين أو لاعب يخدم معي سنوات طوال

إن أنت أردت لاعب الموسم أو الموسمين

فهذا يعني أنك تريد نتائج سريعة مع تكلفة عالية بدون الرجوع للفائدة المرجوة للفريق

إن أنت أردت لاعب يخدمك سنوات طوال

فهذا يعني أنك تريد أن تجعل من فريقك ينافس لسنوات طوال بنفس المستوى بدون إرهاق للميزانية

هذي لمحة سريعة لموضوعك

صحيح إننا نبي آسيا باللهي به

بس مو مسألة إني أخليها آخر مايربطني بالزعيم

أنا ما أقبل منك هالكلام بتاتاً البته

وش خليت لنصراويين الي يترقعون بشكل شبه يومي وهم مازالوا متمسكون بقردهم

خلك أعقل من كذا وأنا أخوك

وخلك ريلاكس

ترا هذا الزعيم الي فرحنا لسنوات

مو معقول نتنازل عنه بأي ثمن

تفاريس..وطني · #3 09/06/2007, 03:30 AM

إقتباس


	سننسى جميع الاخفاقات السابقه والهلال قادر على تحقيقها

هه الي يبي ينجح لازم ماينسئ خطاءه

وبعدين انت تناسيت الاخطاء

وبديت تفش غلك بناس ماالهم ذنب

لو كل واحد ينحط في الموقع المناسب له

ويتدرب تمارين تنفعه .....على اساس مكانه في الملعب

بتقول خل ندفع فيهم ثروت الارض

اجسام ولياقه عاليه واخلاق فوق كل شي

ولعب مش بسيطط

واخر شي تقول ذا الحكي

الله يهديك بس والله مب كلام هذا

الي تقوله ....

لو فيه من يفهم ويحطهم با المواقع الي تناسبهم ويبعد الروتين شوي

كان يطلعون تحفه

سلام

يياعميس · #4 09/06/2007, 03:37 AM

الله يستر حالتك صعبه يخوي بس انا اخالفك اخوي انا هلالي لو مايحقق الهلال 10 سنوات اي بطوله

Canada's gallant · #5 09/06/2007, 03:42 AM

إقتباس

الرسالة الأصلية كتبت بواسطة زعيـــ بلاحدود ـــم


	اما اذا لعبنا بالاعبين : -العنبر -العنقري -الياس فأنسوا البطوله من الان

اولا شكرا على الموضوع ...
بس عندي بسيط ابيك تجاوبه .. لا تطنش

.. طيب؟
كيف كان وضع الوسط يوم يدخل العنبر؟
اجابتي .. كان ضايع تماما.. ما فيه صناعة لعب ابدا ولا حتى توصيل الكره لنص الملعب!!
من سوء حظه انه نزل وقت دخول الهدف و الفريق منهار..
طيب وش دخل الياس اللي ما لعب الا مباراتين موسم كامل..
و البنسيه للعنقري كنا طايرين فيه بس طبعا الفريق خسر و هو السبب!!
تحياتي!!

20 ياسر الجابر 9 · #6 09/06/2007, 03:44 AM

إذا خسر الهلال الآسيويه راح تترك تشجيع الهلال ؟؟

أنت تشجع الهلال من متى ؟

هلالي_انتراوي · #7 09/06/2007, 04:00 AM

العنبر لاعب شاب اتمنى ان ياخذ فرصته
وراح اكيد يثبت انه لاعب مب عادي
اما العنقري اعتقد حرام يلعب في الهلال
واتمنى ايضاً من المدرب القادمين للهلال اعطاء
مايكل اوين >أحمد الصويلح< الفرصة الكاملة والله انه لاعب موهوب وخرافي بس حظه ضعيف المسكين

♥ N E V E S ♥ · #8 09/06/2007, 09:25 AM

أولا::أنا ودي اعرف وشفيكم على العنبر؟؟!!يعني يوم مالعب زين قدام الاتحاد قلتو انه لاعب فاشل!!نسيتو من حسم لنا::مرتين نهلئي الأمير فيصل__نهائي كاس ولي العهد__وغيرها....
ياشباب العنبر توه راجع من اصابه..........واصبرو عليه شوي الين يرجع لمستواه..
ثانيا::الياس مظلوووووووووووم...ماادري ليه المدربين مايلعبونه؟؟!!

ALZa3eEm 3AmaHoM · #9 09/06/2007, 10:31 AM

لابد من جلب لاعبين يستطيعون مقارعة الكبار

M3anah · #10 09/06/2007, 11:56 AM

والله صدقت
نريد آسيا

زعيـــ بلاحدود ـــم · #11 09/06/2007, 04:58 PM

اولامشكورين جميعا على المرور ونبدا بـ
1-هاوي سراب كلامك جميل ولاكن ان اردنا مثل ما ذكرت لاعبين ينفعون لسنوات طوال لماذا طنشوا عبدالسلام مع انه افضل من العنقري بكثير وقدم مستويات ممتازه وراح يفيد سنوات وسنوات
اما بخصوص تركي للتشجيع الزعيم فلا تلوموني والله من كثر حبي للزعيم وما ودي
اشوفه مهزوم ولايلامس الذهب قلبي يتقطع والضغط يرتفع
2-Canada's gallant vbmenu_register("postmenu_5433518", true); ما عاش من يطنشك اما بخصوص العنبر صحيح انه تقريبا حسم نهائيين بس بعدها صار عاله في الهجوم لاتمرير لا رأس لا تسحيب ولايعرف ابجديات الكره والله مكانه موب الهلال واما بخصوص العنقري العبدالسلام اطلق بكثير
والياس لاحدث ولاحرج لو نلعب بدون ظهير احسن
والظاهر لما تضيع اسياء بتذكرون كلامي ونبي التعديلات قبل ما يطيح الفاس في الراس
3-ياسر الجابر ولاسامي القحطاني ههههههههه اشجع الهلال من قبل تقريبا 13 سنه واضف شهرين واسبوعين ويومين وساعتين ودقيقتين وثانيتين و2 جزء من الثانيه
بغيت شى
وسلامتكــــــــــــــــــــــــــــــــــــــــــــــــــــــــــــــــــــــــــــــــــم

عايض س القحطاني · #12 09/06/2007, 07:24 PM

لايوجد اخفاقات ولا تزعل ولا تعصب الاخفاق في النظام السابق للمسابقه فلقد تصدرنا الدوري بجهد وعمل من بداية الدوري وفي اقل من دقيقه ذهب الكاس واقول لك مبروك عليك التصدر سواء هذه السنه والتي قبلها وعقبال الاسيويه انشالله والدوري السنه القادمه انشالله بعد ما تم تعديله ليكون الدوري مثل دوري العالم كله وليس كما في المربع الاسود سابقا

هـــــــلالي · #13 09/06/2007, 07:37 PM

المفرج

الهليل

الياس

العنقري

الخثران

خليل

الله يعين

نواف الحربي · #14 09/06/2007, 08:06 PM

وأنا معك اخوي صاحب الموضوع
حقيقة نادينا يلعب باسمة فقط
صراحة انا من شهرين وانا اشوف فريقي فريق عادي جدا مع احترامي للجميع
باستثناء الدعيع والشلهوب وياسر اما بقية اللاعبين فمستواهم كافراد عادييين واللي مو عاجبة كلامي يشرب من ماء البحر

دل بييرو الهلال 10 · #15 09/06/2007, 08:11 PM

والله انك صادق...

بس نسيت واحد والله ياهو ذابحني وقاهرني بعد!!

المفرج...الله يصبرني عليه!!!