فجرها عبدالله بن مساعد في شرفيين النادي - نادي الهلال السعودي - شبكة الزعيم

بوجاسم الهلالي · #1 09/06/2007, 01:27 AM

صباح الخير او مساء الخير يا الهلاليين
بس الاكيد انكم وجيه خير ان شاء الله

فيه حقيقة مرة قالها الامير عبد الله بن مساعد على الاخبارية قبل شؤي

الا وهي

ان اعضاء الشرف يدعمون للاسم مو للنادي ؟؟؟؟؟
وهل صحيح ان الامير عبد العزيز بن فهد كان الداعم خلف الامير سعود بن تركي ؟؟
واذا هي صحيحة فماهي صلة القرابة بينهم ؟؟ لان اللى الجميع يعرفونه ان الامير
عبد العزيز بن فهد يشجع النصر ؟؟؟

هلالي الطايــف · #2 09/06/2007, 01:28 AM

مادري والله

بس على فكره ترى عبد العزيز بن فهد بن عبد العزيز ال سعود هلالي صميم

Canada's gallant · #3 09/06/2007, 01:32 AM

عبد الله بن مساعد دائم يقول اشياء خطيره
ما يعرف يصرح !!
و يا خي كل اعضاء الشرف اللي ما دعموا في فترة عبد الله بن مساعد .. دعوا الأمير محمد على سبيل المثال هذلول بن عبد العزيز ليش؟
المشكله معروفه

mn900 · #4 09/06/2007, 01:32 AM

إقتباس

الرسالة الأصلية كتبت بواسطة هلالي الطايــف


	مادري والله بس على فكره ترى عبد العزيز بن فهد بن عبد العزيز ال سعود هلالي صميم

نصراوي صميم ياأخوي العزيز ولو تناظر اسماء اعضاء الشرف الجدد والداعمين

تلقى اولهم

الفجر الأزرق · #5 09/06/2007, 01:35 AM

متى يجي اليوم اللي نفتك فيه من اعضاء الشرف
متى يجي اليوم اللي نختار رئيسنا بايدينا

المــراوغ · #6 09/06/2007, 01:42 AM

الحقيقه مرره في بعض الأحيان

لكن المقصد الوحيد هو إخفاء بريق الوليد بن طلال وابنه خالد ..

وفعلا هذا إللي حصل لما مسك الرئاسه سعود بن تركي

مع إننا حققنا في عهده خمس بطولات

بس شهدنا مشاكل كبيره جدااا جدااا

بين اللاعبين الثنيان والتيماوي والتمياط والجمعان وفيصل ابو ثنين والإداري فهد المصيبيح

والنتائج إعتزال ابو ثنين والتيماوي في عز عطائهم الرياضي ..

يعني رئيس نادي ما يدخل النادي الا كل ست شهور :p

واشارك اخوي الفجر الأزرق الرأي متى يجي اليوم إللي نفتك فيه من منننة أعضاء الشرف ..

ما راح يجي هاليوم الا بـ الإستثمارات القويه ودعمنا كـ جماهير عن طريق الجوال والقناة وملتقى الزعيم في المستقبل

يعطيك العافيه

يالله يالله وداعة الله ’’

آخـــــــــــــــــــــــــــوكم مـــــــــــــــــــــــراوغ

زعيم_الفكر · #7 09/06/2007, 01:46 AM

فجرها لا عادي الامير عبدالله الظاهر عليه ما استفاد من فترة رئاسته الاولى ابدا
واعتقد انه هو اللي يخلي الامير محمد كل شوي ينط على اعضاء الشرف بطريق غير مباشر لكن والله الحين بعد اللي شفته في هاللقاء اقووووووووووووول تكفى يابو سلطان لاتروح
ولا تتشاور مع احد
وتكفى لاعاد تطري اعضاء الشرف في تصاريحك وحنا معاك والله حنا معاك انت بس امرنا وجرب

hi20 · #8 09/06/2007, 02:09 AM

اول كان الهلال اذا حقق بطولة على طول يزورون الوليد بن طلال لكن

بعد ما صار سعود بن تركي كانوا يزورون عبدالعزيز بن فهد

وطبعا من ايامها والوليد ما عاد يدفع للنادي

وراح سعود بن تركي ووقف عبدالعزيز بن فهد عن الدفع والوليد صار يدفع بالقطاره مليون كل اربع شهوي

ويا قلبي لاتحزن

LEmOn · #9 09/06/2007, 02:10 AM

ما جاب جديد وهو صادق

بندر بن محمد كان هو واخوه سعود بن محمد

و سعود بن تركي كان داعمه عبد العزيز بن فهد مدري هو ولد خالته ولا لا بس الأكيد انه خويه

محمد بن فيصل الداعم له ابوه

حبووووب · #10 09/06/2007, 02:21 AM

الأمير عبدالله بن مساعد ما قصر مع الهلال

لا أول ولا تالي ويكفي عقد الشلهوب ، الرجال صريح وهذا طبعة ما نقدر نقول شي

الله يخلي لنا رجالات الهلال

بوجاسم الهلالي · #11 09/06/2007, 02:22 AM

مشكورين و على العموم الدعم اولا و اخيرا للاسم فقط
والنادي بعدين

Hictar · #12 09/06/2007, 02:28 AM

إقتباس

الرسالة الأصلية كتبت بواسطة هلالي الطايــف


	مادري والله بس على فكره ترى عبد العزيز بن فهد بن عبد العزيز ال سعود هلالي صميم

كلامك صحيح ولا راح اذكر الأسباب لأني ما راح أسلم من التعليقات وإتهامي بأمور غريبه

سالون · #13 09/06/2007, 02:37 AM

مشكورين

محايد وبقوة · #14 09/06/2007, 02:40 AM

والله هذه الشخصية اقدرها تقدير خياالي

محترم جدا فكره راقي وواقعي بشكل

أنا انقهر من البعض يا كثر ما يتكلم ولا يدفع ريال <<ايش عنده الداعم

mo7ammad15 · #15 09/06/2007, 02:43 AM

يكفي مشاكل داخل البيت الهلالي الله يستر بس