|
طارق التويجري ..عفوآ(( الدفاع اولآ ومن ثم الهجوم))1 السلام عليكم ورحمة الله وبركاته اتمنى من الجميع المشاركه مثل ماتعرفون الموسم انتهى بخيره وشره ولكن ...! نبي نصحح اخطائنا نبي تجاوز الكبوه وهذا التصحيح يحتاج علاج سريع وفعال في نفس الوقت كانت ولازالت مشكلة الهلال في الدفاع لذلك اول مره نشوف علاج لدفاعنا واتمنى من المهندس : طارق التويجري استقطاب (( حسن معاذ_ اسامه هوساوي_ وجددوا مع تفاريس )) الوسط مانبي زياده :(( رودريقاو)) خلوه يشارك في البطوله العربيه الجايه ونحنا نحتاجه لتخفيف الظغط على اللاعبين الهجوم لاعب واحد عالمي يااستاذ طارق هذا على مستوى التشكيله المطلوبه اما التشكيله الغير مطلوبه فأرجو منك التكرم باالتفكير فيها بكل جديه 1- المفرج 2- الخثران 3- العنقري 4- الدعيع : اعطوا فرصه للاعب الواعد فهد الشمري يااخوان حرام الدعيع يقتل مواهبنا انا اعرف ان الدعيع لاعب كبير لكن نبي لاعبينا يكونون في الموعد على المستوى الأداري استاذ طارق حدثت اخطاء اداريه بعلم الجميع وامام نظرك سواء من الرئيس او من اداري الفريق او من مسئول الاحتراف عبدالله البرقان ومشكلة المكافأت ارجو التعامل معهم بأحترافيه كما يتعامل مع اللاعبين ( المحاسبه ) اول بأول اما المدرب فنصيحتي لك وخذها مني اذا تبي الدوري وماتبي تلف وتدور حول نفسك 0( بسيروا)0 هذا المدرب حينما اقالوه لم يقدموا سبب مقنع في اقالته كل ماقالوه انه ثابت على تشكيل واحد واسماء ثابته طيب مايهمني المهم انه يجيب النقاط ولاحظ الموسم المقبل من سبق لبق مو مثل هذه السنه والله يوفقك مع الهلال ويوفق الجميع اتمنى اشوف ((فاهم جدآآ)) هنا في هذا المتصفح اطيب الاماني |
اتفق معك بكل الي قلته الا بنقطه وحده الي هي محمد الدعيع |
إقتباس:
اهلآ عزيزي / قاسموف اشكر لك هذا التواصل ولاتنسى اخوي ان محمد الدعيع راح تكون اخر سنتين له مع الهلال وفهد الشمري مشترينه بـ5 ملايين ريال ولاعب واعد تخيل هذا الموسم ولامباراه في الدوري مومعقول |
أتفق معك بكل ما قلته ما عدا الدعيع الهجوم عندنا مليان ماشالله ليهم واحد ازين من الثاني ولا يهون خط الوسط اما الدفاع نقطة ضعف بالهلال واتمنى اعطا الفرصة للاعبي الشباب مثل الفريدي الدوسري الكلثم نايف نور حسن خيرات وما نقبرهم بمقبرة النجوم الالمبي |
اتفق معك بكل شي إلا الدعيع فهو افضل حارس بالممكلة حتى هالحظه |
إقتباس:
العزيز / من قدك ياهلال جميل هذا التواجد وانا اتفق معك بخصوص لاعبين الاولمبي واعطائهم الفرصه ولكن اتمنى ان يكون اشراكهم ايجابي بحيث نساعدهم في الظهور |
إقتباس:
سور الهلال العظيم اهلا وسهلا شكرآ لهذا التواجد ولكن دعني اقول وللأمانه وحتى نكون منصفين امام انفسنا وامام الناس فأن افضل ثلاث حراس هذا الموسم هم : 1- عساف القرني 2- محمد الدعيع 3-تيسير النتيف شكرآ لك وعليك |
بالنسبه للحراس اذا مو قادر يثبت بوجوده قدام الدعيع فهو لا يستحق الاساسي ... بس معلومه خاصه عن الدعيع من اكثر الاعبين احترافيه والتزاما بالتدريب ومستواه ما شاء الله عليه ثابت... فياليت فهد الشمري وغير يغيرو شوي من عقليتهم ويحاولوا يتفوقوا عى الدعيع وصدقني الفرصه بتجيهم ... مثال حسن العتيبي شارك في مباراة الشباب وتحس انه ماعنده اساسيات الكوره فشلون ياخذ فرصه وهو كذا ... حبيبي الموهبه والتمرين شي مهم وعقلية اللاعب .. الوسط عندنا يحتاج وسط ايسر بدل الشلهوب ( لاعب لايجيد مهام الوسط بالكامل ونقاط ضعفه كبيره )... نحتاج عبدالرحمن القحطاني وتصعيد عبدالعزيز الدوسري ووجود ظهير ايمن وايسر على مستوى ( اتمنى اجنبي برازيلي ) |
ياغالي انا اتفق معك في كل شي الا في ابو عبدالعزيز |
يفترض الدعيع لا يشارك إلا في مسابقة الدوري وولي العهد ومسابقة الدوري المباريات الضعيفة يشرك الحارس الثاني |
اتفق معك اخوي بكل كلامك حتى عن الدعيع بس اقول حنا مقبلين على البطوله الاسيويه ومانبي اجتهادات شباب يعني عندك (الدعيع) اكثر واحد خبره بعد سامي بالبطولات الآسيويه عشان كذا العب على المضمون ولعب(الدعيع) اساسي احسن من تلعب واحد منقطع عن المباريات من اكثر من موسم وتلعبه على طول بالبطوله الآسيويه يعني بالعربي >>>(الدعيع) رجل المرحله المقبله من الحراسه الهلاليه رايي وقلته تحياتي alrssam 472 |
والله ياخوي بسام انا اختلف معك إذا سمحت لي أول شي أنا أشوف أن الدعيع يبقى في التشكيلة لأته يستاهل أما بقية اللي ذكرتهم فأنا أتفق معاك أما بالنسبة للدفاع ضيف عليهم كامل الموسى أما المدربين فأنا أشوف أن الهلال يحتاج لمدرب كشاف يعني زي نيبوشا أو بوكير ...وشكرا... |
إقتباس:
عزيزي / باتفايندر كلامك جميل بس تصدق كيف ينافس الشمري الدعيع وهو ماياخذ فرصه للتمثيل علمآ أن الشمري مواضب في كل التمارين ومنضبط مثل الدعيع المشكله ماهي في الأنضباط المشكله في المدربين يااستاذي النصراويين كانوا متضايقين من الجنوبي بسبب انه اساسي عارف ليه ؟ لأنه اول واحد يحظر واخر واحد يخرج تصدق المفروض اللاعب قبل مايوقع مع النادي يشرط عليهم انه في عدد من المباريات لازم يلعبها كل اللاعبين المحترفين العالميين يعملون كذا والله المشكله برضه في عقود الاحتراف وفي عقلية الحتراف عندنا بس وقع واتمرن على اي حال الف شكر لك وعليك |
إقتباس:
الغالي / ابو تج 60 الف شكر مرورك جميل واختلافنا بالنسبه لأبوعبدالعزيز يقودنا للأتفاق عليه على اي حال كن بخير ولاتحرمنا هاالطله |
إقتباس:
العزيز/ هلالي جنيف حل مرضي واقتراح اتمنى العمل به الف شكر على مرورك المثري جدآ اخوك |
إقتباس:
الغالي / الرسام كلامك منطقي اخوي الرسام لكن مااقصده هو في منافسات الدوري العام المقبل على اي حال الله يعيننا في البطوله الأسيويه ومشكور على هذا التواجد الجميل أخوك ومحبك |
اتفق معك حتى فى الدعيع ياشباب يازعماء افترضنا حدوث مكروه لبو عبد العزيز لقدر الله_بعيد الشر عنه_وماقدر يلعب هل بنروح نجهز حارس وش المانع انا مانجهز من الحين بحيث يكون اشراك فهد فى مباريات غير مهمه كاساسي لكي ياخذ على جو المباريات وشيئا فشئا حتى مانتفجا بكره بعدم وجود حامي للعرين الهلالي وتقبلوا مروري |
ماازيد على اللي قالوه الاخوان |
أنا أتفق معك بكل شئ حتى في ابو عزوز يعني الحين حنا ما عندنا غير صف أول بدون صف ثاني .. بس لو أعطينا لاعبينا فرصة يمكن هالشئ يخليهم يقدمون أحسن .. و يتحمسون أكثر عشان يستمرون بالأساسي .. و بالتوفيق للهلال دائماً ،، |
بسم الله إقتباس:
يعطيك العافية اخوي بسام على هذا الطرح في نقطة حاب اعقب عليها وهي المدرب انا اعتقد ان كلام الإدارة السابقة في بيسيرو كان كافي ووافي ومايصير اننا اذا عاجبنا مدرب نحاول نوجد له العذر (( المهم انه يجيب النقاط))!! فهذا كلام غير منطقي مع احترامي ماكنا نقول باكيتا جبان وماينفع الفريق وبالأخير يقولوا الأخوان يكفي انه يفوز وكانوا يبحثوا له عن اعذار كثيرة كلفت النادي بطولة لا الهلال مايهمه كلمة يكفي واعتقد لابد من وجود مدرب يملك طموح وفكر وليس مدرب تقليدي تعرف تشكيلتة قبل مايبدأ يخطط للمباراة . وآسف على الإطالة والسلام عليكم |
إقتباس:
اهلآ عزيزي كامل الأوصاف ارحب بأختلافك معي ووجهة نظرك اكن لها كل تقدير وبالنسبه لكامل كلنا نتمنى ولكن يااخوان ترى كامل ماراح ينتقل نه العام موقع مع الوحده 4 سنين اما بخصوص المدرب فأنا اقول نيبوشا لايصلح للهلال نيبوشا ضعيف شخصيه والمقربين للنادي الاهلاوي يجدون ذلك الضعف في تعامله مع حسين عبد الغني على اي حال الف شكر لك مرورك جميل |
إقتباس:
أهلآ عزيزي هلالي ولا احلى اتفاقك معي باعث للسرور واتفق معك فيما طرحت الف شكر لك ولفكرك النير |
إقتباس:
العزيز / ليو ميسي حظورك يزيد الصفحه نور الف شكر لك |
إقتباس:
اهلآ اختي / امووله مرورك جميل وتعقيبك اجمل طبعآ الفرصه حينما تعطى للاعب تمنح الثقه وتصنع النجم هناك انصاف لاعبين منحو الثقه ظهروا العمليه متكامله لاتجزء..! |
إقتباس:
اهلا باالغالي / تصميم ردك جميل ولكن ..! أخي الا تعتقد اني حينما التمس له العذر فأنا التمس العذر لناجح بينما من يلتمس العذر لباكيتا في هذه الفتره ومع المنتخب الفتره السابقه فهو يلتمس العذر لفاشل ياأخي مافي اي وجهه للمقارنه انا مع المصلحه للنادي ومن كان ينادي بباكيتا فهو يعلم مدى فشله او ربما يجهل لأنه لايفهم ولا اخفيك الأداره تتحمل نصيب الأسد ولكن الحمدلله على العموم اخي تصميم الف شكر لك وعليك مرورك اضفى للجمال بعد اخر اخوك |
والله اني معك في كل شي ومن ناحية الدعيع طيب لازم نعطي الشمري فرصه لانه هو الي كان شايل الهلال العام في الاسيويه ولازم يمسك الحراسه بس بالتدرج يعني مو لازم الدعيع يلعب كل المباريات ونشوف الاعبين جميعهم ياخذو فرصه ومشكورين على الطرح الرائع وشكرا |
والله ياخوي انا نقول من زمان هجومنا ووسطنا ممتاز بس الطامة في الدفاع المفروض يتغير خط الدفاع بكامله ماعدا تفاريس بالنسبة لحسن معاذ فانا اشوف ان الهزازي حق الاهلي احسن منه ممتاز دفاعيا جيد جدا هجوميا رفعات ممتازة اما الهوساوي والله صراحة مادري لاني ما تابعته |
إقتباس:
العزيز / لامبارد الف شكر لك مرورك وتعقبك راقي اعذرني على التاخير إقتباس:
اهلآ العزيز/ الفجر الأزرق الدفاع طامه بقوه لكن الله المستعان بخصوص هوساوي ياخي هذا افضل مدافع في السعوديه والله اتمناه في الهلال سامحني على التاخير اخوكs13s |
مجنون انت الدعيع؟؟؟؟؟؟؟؟؟؟؟ |
انا اتفق معاك بكل شي خصوصا بموضوع بوسيروا واتفق معاك بشده على الدعيع والله اول مره اشوف واحد من جمهور الهلال يطالب باستبعاد الدعيع وانت نفسك صنفته على انه ثاني افضل حراس الموسم،،، على العموم اخوي نختلف ولاكن نتفق على حب الهلال ،،، وشكراُ |
عفواً خطأ مطبعي اقصد اختلف معاك بشده على الدعيع |
إقتباس:
ايوه الدعيع :yes: تخيل :cry: اول مره اكتشف اني مجنون :eek: شكرآ على مرورك يافرانكو |
إقتباس:
اهلآ بالهلال السهم القيادي مرورك جميل وصدقني وانا اخوك ماصنفته الثاني الا من رداة الموجودين ولا لو مبروك بخير كان ابوعبدالعزيز مو بااللسته على اي حال شاكر لك أخوك |
تسلم على هذا الموضوع اخوي والمفروض انه في المبارياة المهمة يدخلها الدعيع والغير المهمة الشمري |
أتفق معكـ في كل النقاط ما عدا الدعيع .. حارس القرن لازال يقدم عطاءات جيدة !!@ |
إقتباس:
أهلآ عزيزي / القبطان الله يسلم حالك والله ياخوي ياريت يكون لصوتنا صدى عند الاداره ماقصرت |
إقتباس:
أهلا عزيزي / مجنون راؤول الأختلاف لايفسد للمحبه قضيه مرورك على عيني وراسي |
اانا معك لازم نأمن الدفاع قبل الهجوم واتمنى شراء عقد قلب دفاع اما العمري او هوساوي وظهيرايمن ويليت حسن معاذ او اي لاعب اخر... اما بالنسبه للدعيع معليش انا اخالفك الراي. |
إقتباس:
اهلآ عزيزي / الكبيتانو الف شكر لك مرورك جميل وردك اجمل الورد للورد اخوك |
| الوقت المعتمد في المنتدى بتوقيت جرينتش +3.
الوقت الان » 05:53 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd