|
مقابلتي لباكيتا كشفت امر بسم الله الرحمن الرحيم السلام عليكم و رحمة الله و بركاته يوم الأربعاء المغرب بالمطار قابلت باكيتا هناك كنت رايح استقبل خويي جاي من تكساس سلمت عليه و كان مبسوط بصراحه سألت المدرب و قلت لخويي يترجم المهم سألت المدرب قلت له وش المعنى مابديت بالمعسكر إلا قبل النهائي بأسبوع كان امامك 3 اسابيع قال بصراحه انا ماطلبت معسكر خارجي اللي طلب المعسكر هو الكابتن عبداللطيف الحسيني و انا اول ماجيت النادي و قابلت عبداللطيف الحسيني كلمت الإدارة انه تبعد المدرب عبداللطيف عن النادي إلى مابعد النهائي سألت انا وش السبب رد باكيتا : قال المدرب عبداللطيف ماتهمه إلا مصلحة نادي الشباب و اتوقع ان خبر إقالة الحسيني من نادي الشباب هي فبركة صحفية علشان يرسلون المدرب لأي نادي يتجسس عليهم انا بعد هذي ضحكت بصراحه وهو بان على وجهه انه زعل المهم سألته و قلت : وش سبب الإرهاق اللي صار بالمباراة قال : سببه هو محمد بن فيصل و منصور الأحمد قلت ليه قال : هم يتدخلون بعملي في اكثر الأوقات و بصراحه سبب الإرهاق هم لأن محمد بن فيصل و منصور الأحمد طلبو مني نأدي حصة تدريبيه خفيفة قبل مانسافر للرياض أنا رفضت و قلت هذا فيه إرهاق للاعبين قالوا عادي مو مشكلة انا قاطعته و قلت له ان الأمير محمد بن فيصل ببرنامج على التلفزيون قال ان سبب الإرهاق من باكيتا و تدريباته الشاقه قال وش الدليل طلعت له مقابلة محمد بن فيصل ببرنامج كل الرياضه و خليت المدرب يشوفها طبعاً حاطها بالجوال عندي و طلب مني اني اوقف المقطع وقفت المقطع و سألته سؤال قبل مايمشي و قلت له الآن انت داري ان الهلال مو مجدد لك و لاعب النهائي و مستلم قيمة عقد شهرين من الهلال و مقدم عقد 600 ألف دولار من نادي الغرافه يعني انت مايهمك يفوز فريقك او يخسر الفلوس و بجيبك وضح عليه انه زعل و قال : الأمير محمد بن فيصل يتدخل بكل شي لهذا السبب عملت اشياء المدرب الناجح مايسويها و اكبر دليل فيرجسون مدرب مان يونايتد مايسوي الأشياء هذي من تدريبات شاقه و سالته عن الفان قال : الفان مستحيل اتخلى عنه و ابنصح إدارة نادي الغرافه بالتعاقد معاه و بتشوفون الفان بيكون هداف الدوري القطري سألته عن كماتشو قال : انا اللي نقل كماتشو للدوري القطري المهم خويي بغى يصطرني كف توه جاي مسكين و انا مسكته يترجم لنا بعد مامشيت لقيت واحد من جريدة الجزيرة بالمطار عند الأمن يتكلم معاه مدري وش يبي انا سلمت عليه و قلت حي الله الهلالي الرجال زعل و عصب و مشى << ماتشوف انك قطيت وجهك عليه ؟ هذا كل ماصار بإختصار معلومه : باكيتا عزمنا على شاي و سألته وين رايح قال بروح لدبي مسوي كريم الأخ عطيته هديه شال الهلال اللي بالسياره معي اعذرونا على الإطاله |
طس ياباكيتا روحه بلا رجعه وقم باكيتا يتكلم عن اميرنا المحبوب والاداريين مااالت عليه وانتبه الشاهي يمكن فيه شي ولا شي |
طيب ليش ماصورت اللقاء |
طيب ليش ماصورة الكلام |
حبايب انا والهلال |
اقول هذا الكلام بجريده الجزيره ..وانت خليته فلم هندي خخخخخخخخخخخخخخخخخخخخ |
روحه بلا رجعه بيبرر موقفه وبيحطها على الامير محمد ومنصور الاحمد |
إقتباس:
|
إقتباس:
هذا اللي صار معي |
شوفوا المعتوه صار يتكلم على الهلال ورجاله |
إقتباس:
|
إقتباس:
|
هههههههههههه شر البلية مايضحك:D من جد الا اختشو ماتو :D والله شين وقوي عين هالباكيتا :mad: اجل قال الحسيني جاسوس من الشباب :laugh: والله لو الحسيني المدرب في النهائي كان ابرك من هالثور الي ضيع بطولتين علينا بتشوف اذا الغرافة بيطردونه في نص الموسم عشان مايهبطون :D مشكوووور اخوي الخبراوي على الموضوع :) |
باكيتا تغير 180 درجه واللي ياكد ذلك فشله مع المنتخب وبصراحه الهلال يصنع المدربين مثل ما صنع بلاتشي سابقا واللحين بلاتشي يعتبر مدرب عادي جدا باكيتا مثله بالضبط كان مدرب جيد بمجهودات اللاعبين لكن حاليا اثبت فشله الذريع |
والله عقب النهائي ما اكتشفت الا ان باكيتا = جاكيتا :d |
| الوقت المعتمد في المنتدى بتوقيت جرينتش +3.
الوقت الان » 03:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd