المستوى سيستمر سئ جدأ اذا استمر هالاعب !!و اللي يعارضني ما .. - نادي الهلال السعودي - شبكة الزعيم

بحرالعيون · #1 10/06/2007, 06:03 PM

اقولها وبكل صراحة المستوى راح يستمر سئ ويمكن يكون اسوء

اذا استمرت هذة الخانه بهذا الاعب

واللي يبي يعارض كلامي مايبغى مصلحة الزعيم او انه مايشاهد المباريات

وبصراحة استغرب بعض مطالبات جماهير الزعيم واقتراحاتهم

واحد قبل فترة يقول اطالب الادارة بالتعاقد مع ناجي مجرشي ويكون ثنائي مع ياسر ؟؟

والله اقوله انك ماتعرف التشجيع ولا الرياضة

يبغون الاعب يصير نجم وهو في الاحتياط لازم الاعب يأخذ فرصة

سامي نواف الشلهوب ياسر ميسي ايتو رونالدينو

كلهم أخذوا الفرصة كاملة واصبحوا نجوم

ولو كان الاحتراف موجود زمن سامي ماشاهدتوا هذا النجم ولا حقق الزعيم البطولات بفضل الله ثم هالاعب

تحطيم لنجوم في الهجوم والله لو وزعتهم على الاندية لكانوا نجومها

ارجع لموضوعي

الزعيم منذ سنوات وهو يلعب من العمق بوجود الشلهوب الموهوب

ولاتوجد مفاتيح اخرى لصناعه الاهداف

خاصة اننا نلعب منذ سنوات بشلل تام في الظهير الايسر بوجود

(((لاعب الوسط ))) الخثران

لاعب لا يجيد العرضيات ولا التسديد ولا سرعه الاختراق ولا الدفاع

كل مهارات الظهير لاتوجد فيه

ومع ذلك تمر السنين والسنوات ونحرق النجوم في الاحتياط

وأرجع لمباراة النهائي مع الاتحاد وشاهد الاهداف تؤكد كلامي

واحد يرد علي يقول شف هدف الخثران على النصر

ههههههههه شر البلية مايضحك بصراحه جمهورنا يبغى له ثقافه قبل مايتكلم

اصلا عكسية الخثران قبل ماتصدم بالمدافع غبية وغريبة المهاجم وين والكورة وين

بس غباء المدافع والصدفه جابت قول

واستغرب هجوم الجماهير على المفرج

لعلمكم في النهائي المفرج ابطل هدف محقق في بداية المباراة بطريقة رايعة وفدائية

انا لا أقول ان المفرج فتى زمانه وانه نجم النجوم لكن لايستحق كل هذا الهجوم

خاصة وان هناك لاعبين لاتقدم اي شئ في المباراة ولاتشاهد احد يحاسبهم

ومع وجود لاعبين شباب مميزين ومن ابرزهم سعد الذياب الذي اثبت بالافعال لا بالاقوال

انه نجم يحتاج للصبر وشاهدنا عكسياته الخيالية وتسديداته القوية

اما الظهير الايمن العنقري على الاقل افضل وارحم كثــــــــــــــــــــــــير من الخثران

العنقري تشوف منه عكسيات اختراقات تسديدات اما الخثران والله حرام اللي نشوفه

الافضل · #2 10/06/2007, 06:10 PM

قصدك اللاعب الخثران من هالكلام كله؟؟؟

الخثران نجم لاتنسى انه في الاصل وسط ورجع يغطي خانه وللحين ماجاء اللي يمسك الظهير ويكون افضل من الخثران

بحرالعيون · #3 10/06/2007, 06:17 PM

رجع يخغطي الخانه ؟؟؟

أنا متابع للزعيم زين

الخثران ظهير ايسر من عام 99

وجاء في وقته لاعبين كثر منهم الممتاز والسئ

وكلهم افضل منه

والابرز في الوقت الحالي سعد الذياب

وارجع وشاهد اهداف الهجوم الهلالي في بطولة فيصل بن فهد

من ضمنها هدف الجمعان الرائع مرسوم رسم من قدم سعد الذياب على رأس الجمعان

وايضا هدف قوارو على التحاد التعادل ايضا من منتصف الملعب من خلف المدافعين

من قدم الذياب

لكن انتم خلاص الخثران ظهير يسار مايتغير

وجربنا كامل الموسى وتغير لعب الهلال

ب

هـــــــلالي · #4 10/06/2007, 06:20 PM

لخثران لاعب مهاري وممتاز سابقاَ اما حاليا سيء جدا واعتق العمر له دور 35 سنة واتمنى منه الاعتزال

بكل صراحة فريقنا يحتاج غربلة وتسريح لاشباه اللاعبين وبعض المنتهين

اولهم الحارس حسن العتيبي مع احترامي لشخصه لكن اول مره اشوف حارس بنزعة هجومية

المفرج كثر خيرك ماقصرت لاعبين الشباب والاولمبي ينتظرون الفرصة

العنقري , الشي الي يقهر ويرفع الضغط كيف هذا لاعب تجيبه من نادي ثاني وتدفع فيه مبالغ ؟؟

اتمنى جلب اظهره مميزين مثل حسن معاذ وشهيل والدوخي سابقاَ صدقوني بتلقون كثير في الحواري او اندية الدرجة الاولى اهم شي ظهير مميز شااب يعطي لسنوات قادمة

الياس نفس الكلام امكانيات محدوده صحيح هو حماسي لكن فاقد الشي حقاَ لايعطيه

الهليل صدق او لا تصدق تم جلبه من نادي آخر ( على ايش بالله احد يفهمني ) !!!

يعني بالله عليكم ياعالم ياناس تجي لاعب عمره 29 30 وضعيف امكانيات وتقول اصبر عليه ليش ليش ليييييييش !!!

والله العظيم شي يقهر ويحرق القلـــــــب خافوا الله فينا

هذا هلااااالنا تكفون

ليش الشباب والاهلي وباقي الاندية يجلبون لاعبين شباب مميزين ويعطونك سنين قادمة

الهلال مفروض يكون الأول في كل شي لكن عناصرياَ نجي بعد الاتحاد والشباب والاهلي والوحدة!!!!!!

اتمنى من كل قلبي تصعيد اي لاعب مميز من درجة الشباب او الاولمبي

اتمنى يكون عندنا اظهره شباب مميزين يخدمون الهلال والكرة السعودية

ڪـيــف الـζــآل ؟ · #5 10/06/2007, 06:21 PM

الخثران افضل لاعب في الخانة اليسرى من تبي تحط بداله..؟؟

بحرالعيون · #6 10/06/2007, 06:39 PM

شكرا هلالي على الكلام الحلو ولو انك قاسي على العنقري شوي

اما the best ؟ استغرب منك وش فيه الخثران فائدة في المباراة

في النهائي اضاع كورة مقشرة جهزة له ياسر لو تجيب لاعب تقول

سدد الكورة فوق العارضه يقول صعبه لان الهدف قدامي صعبه ارفعها عالية

لكن براعه الخثران سددها بطريقه الحواري ((( شت الكورة والارض مع بعض ))

وموجود الاعب سعد الذياب

ابسالك هل شاهدت الاعب قبل ماتحكم عليه

اجزم انك تتكلم ولاعمرك تابعت الاعب او شاهدت الاهداف اللي صنعها

فيورنتينا · #7 10/06/2007, 07:06 PM

اخوي انا اعترض على شي واحد بس ..

اللي هو انك تبغى سعد الذياب ظهير ايسر !!!

الذياب لاعب فنان وموهوب وصاحب لمسات جميلة للغاية

وهو لاعب يجب ان يأخذ فرصته لكن ليس في مركز الظهير

الأيسر لأن امكانيات الظهير غير متوفرة فيه ولكنه مبدع

في مركزه الأصلي وهو الوسط الأيسر فقط أما في الظهير

فلا ..

شـــذى · #8 10/06/2007, 07:07 PM

اختلاف الراي لايفسد للود قضية

بصراحة عبدالعزيز الخثران سوا

اللي علية وماقصر

وبعدين العيب مهو من الخثران

العيب من المدربين اللي حطوه

في خانه ماهي خانته

وما قصر سوا اللي يقدر علية

اما فهد المفرج والتهجم اللي عليه

أنا من اشد المعجبين بالاعب هذا

لعب و أخلاق

مشكــــور......

بحرالعيون · #9 10/06/2007, 07:46 PM

شكرا على الردود المتفهمة

وأعلم ان الاختلاف في الرأي لايفسد في الود قضية

لكن هذا الشئ لايحتمل الرأي لاننا بصراحه كجمهور متابع للزعيم

ملينا من سلبية الظهير الايسر وتحميل صانع الشلهوب وغيره الحمل بالكامل

كل الفرق متعددة الهجمات وصناعه اللعب متعددة وتجدها اذا فازت تفوز بنتائج كبيرة

رغم امكانيتهم البسيطة مقارنه بنجوم الزعيم

يعني نشوف الزعيم اذا فاز بهدف لا اكثر حتى مع الفرق الصغيرة يالله يالله نفوز بهدف

لان الفريق مقفل العمق والزعيم ماعنده حل آخر من الاطراف

AL ASMRI · #10 10/06/2007, 08:33 PM

عزيزي كلامك صحيح
خاصه العام والسنه هذي مستوى الخثران جدا سيئ
ولم تعطى الفرصه لأي لاعب آخر للبروز

والحقيقه ان العنقري والياس اسوأ من الخثران فلا يمتلكون المرونه ولا يجيدون الهجوم والرفعات ولاحتى الدفاع البحت

صدقني ان اكبر مشاكل الهلال الاظهره بعد ان كان قوة الهلال في اللعب على الاطراف اصبح الطريق لهزيمة الهلال والنهائي آخر الادله

شكرا لك واتمنى من ادارة محمد بن فيصل البحث عن اظهره بعيدا عن الظجه الاعلاميه فسيجدهم بأقل الاسعار

تحياتي

hotball · #11 10/06/2007, 08:35 PM

نحترم رأيك عموماً

hilal la-juve · #12 10/06/2007, 08:40 PM

انا مقتنع في الخثرا كظهير ايسر وهذا اجتهاد منه واجتهاد كبير يشكر عليه
بس المشكلة عندا الظهير الايمن عندا العنقري دفاعي بزياده وعندنا عبالسلام هجوومي بزياده انا ابي احطهم واخليهم لاعب واحد يطلع لنا افضل ظهير

وبعدين انا اشووف البعض يطالب ب عبدالرحمن القحطاني وانا اقوول لا اولا ما نحتاج لبديل المليون

وعندنا ذياب بديل رائع

وتتكلم عن الفرج المفرج يقدم ولكن يخطئ تلقاه طوول المبارات رائع ولكن يخئ خطأ
خطين ونرووح فيها والله هو كذى

قمــر اسيــا · #13 10/06/2007, 08:51 PM

مشكووووووووووورين

بحرالعيون · #14 10/06/2007, 08:55 PM

هلالي الجوف ؟؟؟

غريب كلامك انت عكست الدنيا

العنقري يمتاز بالهجوم وبالعكس دفاعيا يعتبر اقل وشفنا المدربين اعجبوا فيه بالوسط الايمن

والعبدالسلام مقبول نوعا ما

لكن سعد الذياب فاتوقع افضلهم لاعب مهاري وفنياته عالية

وعنده موهبة التسديد

لكن الخثران اللي ماعنده من مميزات الظهير نهائيا

ولتعرف اننا في ازمة تجد الهلال كل الفرق تراقب صانع اللعب في العمق يتعقد الهلال

بعكس الفرق الثانية ماعندها نجوم ولا مهارات لكن الفريق عنده عده مفاتيح للعب

وشفنا الاتحاد بمستوئ سئ فاز على الوحده بحكم تعدد صناعه اللعب

وايضا امام الهلال فك عقدة المباراة ظهير ايمن هم المولد

المستر الهلالي · #15 10/06/2007, 08:57 PM

والله أنا أعيد وأكرر الهلال مع احترامي الشديد للخثران والعنقري وحتى الياس محتاج أظهرة على مستوى عالي جدا وما تكفي اجتهادات الموجودين