ابي مساعدتكم يا اهل شرق الرياض الي يدرسون بمدرسه اهليه - نادي الهلال السعودي - شبكة الزعيم

حكر المنحكر · #1 27/05/2007, 12:33 AM

السلام عليكم ورحمة الله وبركاته

ياشباب السنه الجايه ابسجل في اهليه وابيكم تدلوني على اهليه بشرق الرياض وياليت من الي يعطون الدرجات

ابي معدل وياليت كم سعر السنه ووشرايكم بالوسط الي بحي السلام وشكرا لكم..........

نـــــــ15ــــــمر · #2 27/05/2007, 01:09 AM

التربيه النموذجيه كويسه وفيها دف وهي في شرق الرياض وحول 10000 تقريبا

تشـــــــــــاو

فزاع الاجيال · #3 27/05/2007, 01:16 AM

نصيحه مجرب ..

انا الحين في ثالث ثانوي .. وساكن شرق الرياض ..

والله ما ينفعونك كثر ما تنفعك المدرسه الحكوميه ..

والله دف ما تتصور .. تخيل الكمياء كلهم 20 والفيزياء كذالك والاحياء و الرياضيات !

والانجليزي المشاركة كامله .. ويدبل درجه الاختبار !

والله ولا مدرسه اهليه .. فنصيحه مجرب اخوي ..

الحكوميه افضل

.. والاهليه دجه وقلق وطلاب يجيبون الهم !

وانا كنت بسجل في اهليه بس درت الشرق كله !

قسم بالله مزبله مو مدارس !

لا مدرسين ولا طلاب مع احترامي !

فنصيحه مجرب خلك في الحكوميه افضل لك

..

حكر المنحكر · #4 27/05/2007, 01:18 AM

شاكر لك مرورك

حكر المنحكر · #5 27/05/2007, 01:18 AM

شاكر لك مرورك ونحن بنتضار الجزء الثاني من روياتك

LBa your heart · #6 27/05/2007, 01:55 AM

عندكـ مدارس الامجااد الاهليه اللي بحي الحمراء بجانب حي الروضهـ

تبي تنجح وتبي درجات ونسبه حلووهـ سجل فيها

انا مادرست فيها بس أخواني كلهم فيها وماشاء الله درجاتهم حلوهـ وأنا أخبرهم داجين طالعين علي

انت لو تقول لنا وين بالضبط بشرق الرياض أحسن

بررب

هامور البورصه · #7 27/05/2007, 02:11 AM

اخوي اذا تبي اي خدمه بالشفاء انا حااضرين

<== داخل عرض

فهد عاشق البرسا · #8 27/05/2007, 02:20 AM

لا حول ولاقوة الا بالله
يااخي فكر في شهادتك اذا نجحت من الثانويه هل هي حلال ولا حرام؟؟؟
الله يوفقك

تحياتي...

هلالي@مدريدي · #9 27/05/2007, 03:31 AM

ام القرى تعطي درجات وانت مغمض

راكان الازرق · #10 27/05/2007, 02:03 PM

ثانوية المدائن بالعريجاء انواع الزحف اذا تبي تدج ادرس بها. بس كان فيها نظام ولا كلية عسكرية...حلق شعر ...وطق..وتمارين اذا تاخرت...انا اشهد انها خرجت رجاجيل <<<<< يبي يمدح نفسه
واحسن مافيها قربها من نادي الهلال

Mr.DL5 · #11 27/05/2007, 02:20 PM

التربية النموذجية مع اني ما عمري طبيتها بس والله ناس واجد يمدحونها ..!!

حكر المنحكر · #12 27/05/2007, 02:40 PM

شكرا لكم وشكلي خلاص بروح للوسط

هلاليه و افتخر · #13 27/05/2007, 03:14 PM

الـتـربـيـه الـنـمـوذجـيـه !!

هجمة خطيرة · #14 27/05/2007, 03:22 PM

هلا بك يالمنحكر

شوف طال عمرك السنه الجاية على حسب خبري بتكون الاسئلة من المدرسة فهذا شئ من صالحكم اكيد بس الوكاد والله العالم ان القدرات بيصير له نسبة اكبر في المعدل لمكافئ يعني بدل ماتكون 30% كما هي الان بتصير 50% .. وهذا اكيد موب في صالحكم ..

ادري اني شطحت عن الموضوع الاصلي خخخ بس هذي نصيحة مني لـ إلك ..

رح لمدرسة اهلية وشد حيلك ولا تعتمد عليهم .. يعني ذاكر واستفد من مذكراتهم ولا تقول انا دارس بفلوسي وياخذ الدرجات وانا نايم ... انتبه لا ..

وبالنسبة وش انصحك فيه بالمدارسة الاهلية بشرق الرياض ..

اذا كنت من سكان حي الخليج والنهضة والاندلس والملك فيصل فأنصحك بـ الامجاد لانها قريبه من هذيك المنطقة ..

واذا كنت بالروضة 1 يعني قريب من خريص فأنصحك بالتربيه النموذجية ..

هذا ماعندي والله أعلم ..

حكر المنحكر · #15 27/05/2007, 04:10 PM

شكررا للجميع بس ماحد عطاني خبر لمدرسة الوسط