نادي الهلال السعودي - شبكة الزعيم - الموقع الرسمي

تخبطات الادارة..

اولا.. لا ننسى أن الهلال لعب النهائي الموسم الماضي.. اكلناها ثلاثية مخزية ومخجلة وضاع اللقب والسبب الادارة وتخبطاتها..والدرب وفلسفته الغير منطقية..
تخيل ثلاثة أهداف في النهائي وفي مين في الزعيم..

اضعنا كمان اللقب هالموسم امام الاتحاد..كمان معليش راح نحقق اللقب ( طبعا الدوري اللي هو اهم البطولات ) راح نحققه بس ما ادري متى كل موسم نقول الموسم اللي بيجي..
والى متى..الله اعلم..نضيع اهم البطولات واروعها واكثرها جهدا وتعبا واطولها نفسا وبعدين نقول بسيطة ( الموسم الجاي نعوض )..

المشكلة يا جماعة الكل يقول هذا حال الهلال وجمهور الهلال لا يرضى الا بالبطولات..
هذا طبعا كلام غير منطقي في ظل امكانيات نادي الهلال المادية والدعمية والجماهيرية اعتقد من وجهة نظري اذا ما حقق بطولة الدوري اذن وش يبي يحقق..

وفي ظل ضخامة هالكيان.. يجب احترام ماضيه وحاضره ومستقبله.. فهو احد معالم وطننا الغالي الكبيرة.. والهلال صورة نقية جلية زاهية رائعة الجمال لهوية بلدنا الحبيب.. يا جماعة يجب ان يتضح الامر لمسئولي النادي..

كمان من وجهة نظري .. ان جماهيرية الزعيم وصلت الى حدود جماهيرية اكبر اندية العالم وهالجماهير لها حق الاحترام ايضا.. في ارائها في مشاعرها وفي وقفاتها المشرفة..

يجب ان يكون انتقاء لعيبة الزعيم على قدر من الاهتمام والمسئولية..
ومدربيه وادارييه..

ادارة الهلال تخبطت هذا الموسم بشكل كبير..

-تغيير المدربين.. اربعة مدربين ( فضيحة كبيرة )
-تعاقدات فاشلة جدا ( الفان + رودريقو )
-تهميش قوة الاندية الاخرى وهو ما ادى الى تخدير لعيبة الهلال واحساسهم بانهم فوق النقد وفوق الكل والدليل تلاعب الغامدي بالدارة خلال التجديد له..وغيره كثير
-التصفيق والتطبيل لاخطاء المدرب والجهاز الفني..
-تغيير التشكيلة وخطة اللعب من مباراة لاخرى..
-الاعتماد على انصاف لاعبين واسماء لا يصح ان تكون ممثلة للزعيم..قد يكونون لعيبة كبار ولكن ليس في الهلال..
-معسكر العين وما ادراك ما معسكر العين والله يا جماعة هذا اللي ضيع النهائي من ايدينا.. رجعنا للرياض كأننا فريق راح يلعب خارج ارضه يعني رجعنا اغراب.. كمان المعسكر اعطى لاعبي الهلال نوع من الغرور والاستهانة بالخصم.. عطفا على الارهاق والتعب..ومشاكل الرحلة..
كان المفروض البقاء بالرياض بين جمهورنا لكي نسمع هتافاته .. فتتعالى هممنا وتكبر مسئوليتنا..
بس عشان الشباب العام الماضي عسكر بالعين وعطانا ثلاثة فكرنا ان العين سحرية وانا راح نعطي الاتحاد ثلاثة اذا رحنا العين ..

وش هالتفكير السلبي يا ادارة الهلال..حراااااااام والله حراااااام...

اخيرا .. على هالمستوى الميداني.. وتحت هالمستوى من التفكير الاداري.. اعتقد ان الاسيوية حلم .. لن يتحقق........

اما الحقيقة التي لا نستطيع اغلاق اعيينا دونها فهي ( انهم مساكين من لم يكتووا بنار عشق الزعيم نار في حبه ونار في اتصاراته ونار في كبواته )

فاصلتي.. اليك فاتنتي..

ايها الساهر تغفو.. تذكر العهد وتصحو..
واذا ما التأم جرحو.. جد بالتذكار جرحو..
فتعلم كيف تنسى.. وتعلم كيف تمحو..