نادي الهلال السعودي - شبكة الزعيم - الموقع الرسمي - صليب يطيح سقف الحماام والمدير يطردنا طرد ال...... قصة

السلام عليكم ورحمة الله وبركاته

اعضاء المنتدى المنسم واللي صاحي منكم واللي ...................

المهم عندي اليوم لكم قصة مجنونة وهي يوميات طالب

طبعا القصة في احدى مدارس الرياض

كنا طلاب في الصف الثاني شرعي وكان عددنا خمسة بجنب بعض

المهم ابعطيكم الالقاب

صليب واحد خال منسم هو والتنسيم رفاقه
ابو سلمان دب وقصير وحرامي
ابو عسرة اقزم طالب
ميتوووو اغبى ذكي
انا المصري وبقولكم ليش يسموني المصري ( مسوي ابيض )

في يوم الثلاثاء من كل اسبوع نخصص الحصة الربعة بعد الفسحة لضرب واحد من الطلاب الخمسة وبعد الاجتماع تقرر ضرب المدعو صليب

بعد الفسحة مسكنا صليب ووديناه الحمامات (الله يعزكم)
وضربناه وبعدين شلنا صليب ورفعناه فووووق ورميناه على سقف الحماااام

تخيلوا الموقف معي سقف حمااام يصقع فيه صليب ويطيح على البلاط والسقف فوقه

جاء المدير والوكيل ومجموعه من المدرسين
المدير : من طيح السقف
صليب : انا اللي طيحته
المدير ::eek: :eek: ليش طيب
صليب : الشباب رموني فوق وصقعت السقف وطاح على راسي s88s
المدير : طلع الطلاب منهم
صليب : ابو سلمان وابو عسرة وميتووو والمصري
المدير : وينهم يله قوموا
العريف : غايبين المذكورين اعلاه

بعد ماحسينا بالورطة نحشنا وهددنا العريف

المدير : صليب والله لتاخذ ملفك وقبل ماتاخذه بامسح فيك بلاط الحماااام :banned:

صليب هلت دمعته واخذ ملفه وطلع

بينما كنا نحن في السيارة طربانييين نستنى الشباب يطلعون واذا بالمفاجئة

ابو عسرة : عيال شوفوا صليب طالع معه ملفه
نزلنا من السيارة : سلاماااااات وش السالفة عسى ماشر
صليب : اقووول يا ننفصل سوى والا اعترفوا

هنا طقت النخوووة الشباب : والله ندخل ونتعرف ونتكفل باصلاح السقف اهم شي انت يالغالي :hug: ماندرس الا مع بعض

دخلنا الادارة : واذا بالمدير يرفض لقائنا واعطى الوكيل ملفاتنا وقال عطوهم ولاعاد اشوفهم هنا

في هذه اللحظة بتعرفون ليش سموني المصري

انا : طال عمرك احنا شباب ومراهقين وغلطنا ولكن كيف نتعلم من الحياة بدون غلط
احنا فينا نشاط ما ندري وين نفرغه

الوكيل : فرغووه في سقف الحمااااام :laugh: :laugh: :laugh:

انا : انت مثل الوالد واعتبرنا عيالك نغلط وانت توجهنا للطريق المستقيم
الوكيل : خلاص بكلم المدير واشوف

انتظرناااا لين طلع الوكيل وجاائت المفاجئة

الوكيل : خلاص المدير وافق بس توقعون تعهد وتصلحون السقف

انا : ابشر وبكرة يكون السقف راكب والتعهد الحين نبصم لو تبي بعد

رجعنا بعدها للفصل في الحصة السادسة وسوينا اجتمااااع مغلق
وطلع ميتو بفكرة مجنووونة

ميتو : وش رايكم الساعة 6:30 نطلع للمقهى ونجلس للساعة 8:30 وبعدين نجيب عمااال من اقرب محل ونركب السقف والقطية من خمسين ريال

وافقوا العيال عللى الفكرة وطلعنا المقهى بالكتب

فجاءة طبت الهيئة واخذتنا للمركز ومير اشوف معهم مطوع زميل اخوي بالجامعة ومتعاون معهم

واتصل على اخوي بالجوووال حقي : كنت وقتها الطالب الوحيد بالمدرسة اللي معه جوووال من قدي

انا : السلام عليكم
اخوي : خير وش عندك المفروض انك دارس اليوم
انا : بصراحه مسكتنا الهيئة واحنا بالمقهى وتعال طلعنا وترى خويك هو اللي مسكنا
اخوي : اقعد انت وياااه مقعاد جدي ان شاء الله ( كلمة متدوالة عن العايلة)
طووووووووووووووط

انا : الله لايهينك مشكوووور ( قفل وانا باقي اتكلم عشان الشباب ما يشبون علي )

الشباب : هاه وش صااااار
انا : الظاهر بناكل تراااب

انا : بس تدرووون بروح دقيقة واجيء

انا : للمطوع بصراحه حنا اسفين على اللي صار وحنا نجهل مصلحة انفسنا وبعد الكلام اللي قلتوه تأكدت ان اصدقاء السوء هم اللي يسحبون الصديق بصراحه الشباب تابوا واعرفوا انهم غلطانين ويبغووون السموحه من الله ثم منكم

المطوووع : خلاص بنوديكم لسيارتكم وتروحون للمدرسة سيده

انا : ابشر و لا يهمك

طلعنا الساعة 10 الصبح وسيده جبنا عماااال وعلى المدرسة دخلنا للمدير ومعنا العماااال
المدير : بدري الساعة 11 وينكم

انا : بصراحه صليب اتفق من موسسة ويوم رحنا عندهم قالوا نركبه بـ 1000 ريال
وبصراحه المبلغ كبير وجبنا ثلاث عماااال بـ 200 ريال وش رايك

المدير : خلاص خلهم يركبونه واقعدوا معهم ولا تروحون الفصل لين يخلصون

الساعة 2: توهم يخلصون ومافي المدرسة الا المنسمين الخمسة

وفي نهاية هذه القصة اتمنى اني كنت خفيف عليكم ولم اطيل بالقصة

الجزء الثاني ( انا وصليب مسوين حفلة في المسرح مع فرقة غنائية )

ترقبوه قريبا s60s