|
وظائف صيفيه السلام عليكم ورحمة الله وبركاته بعد السلام يحلا الكلام اااه(((___________------____ وش عنده الطربان المهم انا اليوم جاي اسأل هل فيه وظائف صيفيه لطلاب الثاني ثانوي طبيعي واذا فيه ياليت تساعدوني لاني محتاج خبره فالصيفيه الله لا يهينكم واي واحد عنده اضافة ياليت يفيدنا ويفيد الشباب الاخريين مع اني سامع بالبنوك والمطار بس احب اعرف اكثر عن ذي الاشياء ..... تقبلوا خالص تحياتي ((زيـــــــــــكو لــــــــــيكو )) |
ان شاء الله بيساعدونك الاعضاء وما بيقصرون لأني أنا ما اعرف شي بحكم اني إماراتية ما اعرف شي عن السعودية الله يساعدك ان شاء الله تقبل مروري |
شكرا وما قصرتي دلع الامارات |
والله يقولون ان فيه وظائف استقبال حجاج >>>> يسمع بالوظائف الصيفية بس ياخي سهلة خذ لك تعريف من المدرسة وروح لمكتب العمل والعمال وهم يدورون لك على وظيفة ويحولونك عليها ان شاء الله اني افدتك |
رح لمكتب العمل هم يحولونك لاي دائرة حكومية |
هلا بك اخوي انا عندي تجربه مع وظايف الصيف اللي سويته انا خذيت تعريف من المدرسه رحت للمكتب العمل اللي في طريق الملك فهد قبل تقاطعه مع شارع الوشم و انت متجه شمال تعطيهم اوراقك و تقولهم ابغى اقدم على وظيفه في الصيف لمدة شهرين مثلا طبعا تقولهم وين تبي تتوظف انا مثلا توظفت في احد البنووك عاد انت تذكر اسم البنك هم يعطونك ورقه ما اذكر وش فيها بس اللي اذكره اسم البنك تروح بعدها للمركز او ادارة الموظفين حقت البنك و تقولهم ابغى اتوظف عندكم في الصيف بس لمدة شهرين بعدها يعطونك اوراق تعبيها و توقع عليها و تعطيهم صور لك اذا طلبوا و ترجع الاوراق لهم بعدها يدقون عليك و عشان تراجعهم طبعا تروح لنفس المكان اللي سلمت فيها اوراقك يعطونك ورقه زي ما تقول بيان توظيفك في الفرع الفلاني نسيت اقولك عندك 3 خيارات انت تختار الفرع اللي تبيه تحط 3 فرووع من فروع البنك اللي ودك تتوظف فيها بعد ما تستلم البيان حق توظيفك يكون فيه الفرع اللي توظفت فيه و الراتب اللي تستلمه و المده اللي بتكون فيها موظف و مسمى الوظيفه اللي هي كاتب يعني مساعد لموظفي خدمات العملاء في الفرع اليوم الاول لك في البنك تصبح عليهم اول واحد يعني اول واحد يدخل البنك لازم يكون انت ترووح للمدير او نائب المدير و تعطيهم البيان حقك بعدها يبدا يومك الوظيفي الاول عاد نائب المدير بياخذ لك جوله في الفرع يعرفك على الموظفين و الاقسام و الاوراق حقت البنك و المهم اللي تستلمها بعدها يعلمك من وين تدخل يعني تدخل زيك زي الوظفيين العاديين حتى انهم بيحطون لك كرت دخول و خرووج هذا كل شي عندي عن سؤالك اتمنى اني افدتك في اجابتي سلامـ |
سلام عليك يانادر تشكر وبإذن الله تؤجر نسيت اللي عنده إضافه يضيفها |
إن شاء الله لو أفتكر أرسلك على بريدك مجموعه كبييره جداً من الشركات اللي ترغب في توظيف الشباب .. الشيء الثاني انا ما أعرف إنت في اي مدينه ساكن ولكن إن شاء الله لو طرالي الوقت إني أرسلها لك .. والله يعينك ويوفقك تحياتي |
مشكوريين وماقصرتوا بس اطمع للمزيد عمري 17 ساكن بالرياض ومشكور عالمساعده ياeyas اتمنى انك تسوي اللي عليك وترسلي عالخاص المطلوب |
ما عليك يا عاشق انا يوم اتوظف في البنك كنت في عمرك و ناجح من ثاني ثانوي لثالث ثانوي |
| الوقت المعتمد في المنتدى بتوقيت جرينتش +3.
الوقت الان » 11:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd