#1  
قديم 05/06/2007, 01:58 PM
الصورة الرمزية الخاصة بـ ابو قمر
زعيــم متواصــل
تاريخ التسجيل: 11/04/2007
المكان: الرياض
مشاركات: 88
هذا ماحصل في المنصة الملكية

هذي قصتي مع النهائي العجيب الغريب ......

كنت متفائل ...
مادخلت في نقاشات مالها داعي مع أي صديق لي من مشجعي الفرق الأخرى كانت اجايتي لهم ...
يوم الجمعة موعدنا !!!!
يوم الخميس قبل النهائي بيوم كنت جالس في استراحة مع الشباب ..
واحد من الشباب كان معه دعوة خاصة لحضور المباراة يعني في المنصة الملكية لما شفتها انجنيت قلت وش تبي فيها وانت ماتشجع الهلال قال جتني الدعوة وقلت استفيد منها وابيعها قلت لها وبدون تردد انا شاريها قال كم تدفع قلت كم تبي انت فيها قال الفين ريال ( 2000) .
قلت له راتبي كلها ثلاث الاف ريال وانت صديقي يعني تقدر ضروفي قال .... صاجنا كل ليله بالزعيم والزعيم ... اذا تشجع الزعيم وتبي تكون قريب من اعضاء الشرف واللاعبين وتبارك لهم من قريب ادفع ياخي ....!!!!
بصراحة كان صديقي خبيث ويعرف من اين تأكل الكتف .
قلت له طيب بعطيك الف ريال الحين والف مع الراتب الشهر الجاي
قال موافق وفعلا اعطاني الدعوة وطمرت لأقرب صرافه وسحبت له الي بالصرافه كله الف ريال وعطايته المبلغ وهو من زود الحرص شهد علي الشباب الي موجودين كلهم قال ترى باقي لي في ذمته الف ريال .
مشيت من الاستراحة وكنت اتخيل شكلي وانا ابارك للامير بندر بن محمد والامير عبدالله بن مساعد واسلم عليهم واتخيل الزحمة على الممر الي يمر معه الفريق وهو طالع للمنصه وهم رايحين يجيبون الكاس ويدي تتخطف بشت الأمير محمد بن فيصل وسامي ونواف وياسر والله اني كنت طاير من الفرحة ومافكرت بالخسارة نهائيا .
وصلت للبيت وكانت بنتي قمر عمرها سنه واقف ولابس كاب كنت مجهزه عشان المباراة . وطرت علي فكرة جهنميه ....!!!!
قلت يمكن من الزحمه ماراح اقدر اسلم وابارك لاعضاء الشرف كلهم احسن شي اني اسوي بروشور بالكمبيوتر واطبعه 100 نسخه واول ماتنتهي المباراة بوزعه او اطيره فوق المنصه واكيد انه بيوصل لهم
وفعلا صممت وتعبت وانا اصمم فيه حطيته فيه باسم بنتي قمر لاني سميتها قمر على اسم الهلال ...
تبغون باقي القصة او خلاص الى هنا وانتم تعرفون الباقي .
لا
لا
بكمل القصة الدراميكيه جاء موعد الحسم ورحت وكشخت ولبست وانا طاير من الفرحة لاني بكون قريب من كل حبايبي وفرحتي اكيد بتكون فرحتين بالفوز وشوفت رجال الهلال من قريب .
لكن ولكن ولكن جاء النتيجة المرة وطلعت من الملعب اسف طلعت من منصة التتويج الي وصلها الزعيم كثير وانا ماوصلتها الا هذي المره ولاظنيت اني بوصلها مره ثانيه .
رجعت للبيت لقيت البنت تصيح وامها تقول ترى حليبها خلص ومن اليوم اتصل عليك عشان اقولك تجيب معك حليب وانت راجع لكن مافيه تغطيه عندك كالعادة لما تكون في الملعب .
تدرون وش صار .
فتحت المحفظة ولقيت فيها 50ريال بس قلت الحمد لله اني ماشريت فيها شي وطمرت لصيدلية واخذت حليب لبنتي قمر وعلبة بندول .

النهاية
  #2  
قديم 05/06/2007, 02:06 PM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,822
الله يعوض عليك الالف ريال
ونصيحه إسحب على خويك
والله يعوض علينا البطوله إن شاء الله
  #3  
قديم 05/06/2007, 02:07 PM
زعيــم متواصــل
تاريخ التسجيل: 08/02/2005
المكان: الرياض
مشاركات: 94
الله يخليلك بنتك وامها يارب

وحسك عينك تدفع مبلغ مثل كذا

حليب بنتك اهم
  #4  
قديم 05/06/2007, 02:12 PM
زعيــم مميــز
تاريخ التسجيل: 28/03/2007
مشاركات: 2,205
الله يحفظلك قمر
واضح ان خويك ابتزازي وشرير
  #5  
قديم 05/06/2007, 02:15 PM
زعيــم نشيــط
تاريخ التسجيل: 11/03/2006
المكان: ][ .*. الهــــلالـــ .*. ][
مشاركات: 883
هالحـين انت راتبـك 3000 آلاف

ورايح تشتري تذكــره مباراة بـ 2000 ريـال !!

صاحي انت ولا مجنـــون ؟؟؟



وبعدين عندك طـفله ومتـزوج يعني أهــلك احوج بالألـفين من المبـاراه يا أخــي



ترى هذا ما يدل على حبك للزعيــم

اسمح لي هذا غباء منــك

والظاهـر الخـساره جت لأجــل تتعـلم كيف تصرف دراهـمك

للاشيـاء الأهــم في الحـياة
  #6  
قديم 05/06/2007, 02:23 PM
الصورة الرمزية الخاصة بـ ابو قمر
زعيــم متواصــل
تاريخ التسجيل: 11/04/2007
المكان: الرياض
مشاركات: 88
شكرا .. اخوي over واذا تبروح ثاني مرة للملعب مرني وخذني على حسابك
  #7  
قديم 05/06/2007, 02:26 PM
زعيــم مميــز
تاريخ التسجيل: 02/10/2006
مشاركات: 2,068
لاتعليق
  #8  
قديم 05/06/2007, 02:29 PM
زعيــم مميــز
تاريخ التسجيل: 11/09/2005
المكان: الريـــاض
مشاركات: 5,201
الله يهديك بس ...
  #9  
قديم 05/06/2007, 02:31 PM
زعيــم نشيــط
تاريخ التسجيل: 22/01/2007
المكان: طرابلس ليبيا
مشاركات: 609
الحمد لله أني في ليبيا وإلا كنت أتوقع آكل مقلب أكبر .
  #10  
قديم 05/06/2007, 02:35 PM
زعيــم نشيــط
تاريخ التسجيل: 13/10/2002
المكان: مكة
مشاركات: 650
الله يعوض عليك

بس ماكان لازم تسوي كذا
  #11  
قديم 05/06/2007, 02:42 PM
زعيــم فعــال
تاريخ التسجيل: 25/08/2006
مشاركات: 496
هذا وانت كبير وتفهم
  #12  
قديم 05/06/2007, 02:42 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,652
الله يعوظك عنها اكثر..
  #13  
قديم 05/06/2007, 02:45 PM
زعيــم متواصــل
تاريخ التسجيل: 25/06/2005
المكان: في قلبها
مشاركات: 118
ابو قمر

الله يخليك القمورة الأمورة

بس على فكرة سعر المنصة الأصلي مايوصل 2000


تحياتي
  #14  
قديم 05/06/2007, 03:05 PM
زعيــم فعــال
تاريخ التسجيل: 08/05/2007
المكان: ..الـريـاض..
مشاركات: 232
ادفع مافي الجيب يأتيك مافي الغيب خخخخخخخخخخخخ
  #15  
قديم 05/06/2007, 03:27 PM
الصورة الرمزية الخاصة بـ التويجري4445
زعيــم مميــز
تاريخ التسجيل: 25/11/2006
المكان: سلام يا نجد العذية
مشاركات: 2,624
وان أقول وش الشؤم اللي نزل على الهلال أثاريك حاظر بالمنصة...
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:10 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube