السلام عليكم ورحمة الله وبركاتة


اول شي هارد لكم البطوله ..

بطوله ضاعت كالعاده احد اسبابها الرئيسيه ادارة فريقنا الـ !!!!

قبل قليل انا والوالد في السياره نستمع لـ MBCfm

وسمعنا برنامج ( من المسؤال )

مع المذيع المعروف حمد ناصر .. او حامد حمد .. او شي من هالقبيل

اعتقد معروف واغلب المشاهدين يعرفونه

طبعا هو اماراتي ويشجع النصر زي ماتعرفون كلكم

وعنوان البرنامج .. ( من المسؤال عن التعصب الرياضي بالشارع السعودي )

لكم ان تتخيلوا مدى تعصب هذا البرنامج المقيت ومذيعه الفاشل ..


بدايه البرنامج اشتغلت اغنية

( اوووه يالنصر .. اووووه يالنصر ) بصوت طلال مداح وتقريبا دقيقه كامله ..
ثم اشتغلت اغنية ( ياهلال ) لراشد الماجد وفي اقل من 30 ثانيه ..

وكأنهم يقولون بسرعه خلصو ..


ثم لماذا وضع النصر قبل الهلال ؟؟

وكلنا نعرف ان النصر 10 سنين ماخذ بطوله بعكس الهلال !!

فبأي حق سبق النصر الهلال !!

لاتقولون جماهيريه نظراً لان البرنامج يبحث عن اكبر شريحه
من الناس !! فأول مره اشاهد اولويه جماهيريه في برنامج يمقت التعصب !!


بداية الحلقه .. استضاف المذيع احد اكبر المتعصبين للنصر
ماجد التويجري .. حق نشرتهم الرياضيه البايخه ..

هالحين انت تستضيف احد المتعصبين لا ونصراوي بعد !!

بعد نهاية المكالمه ..

توقعت استضافة شخصيه هلاليه نظراً لاستضافة شخصيه نصراويه..

انصدمت بقوووه

من توقعون

استضاف هذا السفيه فيصل بن عبدالرحمن !!

ياللعجب

في المكالمه الاولى ربع ساعه

والثانيه اكثر من ربع ساعه

بذمتكم وين الحياديه !!

وعندما تتني الصدمه الكبرى

بعد اقفال المكالمه مع رئيس النصر ..

من تتوقعون اسضافو بعدها ؟؟








ماجد عبدالله

اممممممممممممممحق برنامج يدعو لنبذ التعصب


ماجد قعد ربع ساعه مثلهم ..

بعد ماجد عبدالله استضافو



صالح الطريقي اكبر متعصب نصراوي في اوصخ جريدة

نصراويه - اتحاديه ... الرياضي



بالله وش هالبرنامج ؟؟

وكل الاتصالات بعدها من مشجعين نصراويين



انا اتمنى يقلبون البرنامج الى ( وضع الفريق النصراوي )

او الى ( تاريخ النصر ومشجعيه )

يعني معقوله كل المكالمات نصراويه ولا فيهم هلالي واحد !!

صدق عجييييييييب



ابوي ( الله بلاه وصار نصراوي ) يضحك علي في السياره

حتى ابوي النصراوي يقول مافيه حياديه


-------------------------------------------

امووت واعرف ..

فريق له عشر سنين بدون بطولات

وفريقه كلهم بدو عتبان وقحاطين وحرث ومدري ايش

وجمهوره من هواة المشاكل ومن اصحاب الباديه

فكيف له هالصيت كله

ووشلون هذا جمهوره !!

انا شك في انهم نصراوين صراحه




واتمنى التفاعل مننا نحن الهلاليين مع بعض البرامج ياشباب ويا بنات

خله يتلايط بس :p

والله سمعت بالفعل برنامج كان يبحث عن المسؤل عن التعصب وهو اكبر سبب في التعصب كل الشخصياات الي استضافوهاا نصراويه وفيصل بن عبدالرحمن داق عشان يمدح جماهيره جماهير النصر مثالية ومافيهاا تعصب تكلمو عن جماهير الهلال بس وشو هذا التعصب بعينه وعلمه

هذه مشكلتهم هالنصراويين

على بالهم يعالجون التعصب وهم رمز التعصب

هم أصلاً يشجعون ضد الهلال ؟ ؟ ؟

انتي قلتيها المذيع نصراوي عفوا فقراوي
P.S Has got acquainted with the girl, http://cyberblady.com, how it to you? Only it is fair!

مع تحفظي لإنتقاداتك

ألا أني أستغرب أن يتم النقاش حول موضوع التعصب مع جماهير هي في قمة التعصب الغبي

يا ليته تعصب عشق فقط بل وصل للتعصب ضد الهلال و لكراهية كل ماهو ازرق


لا تنسى شي

ترى النصراوية فاضين بالمرة يعني لو تروح تطلب منهم لقاء خاص بيوافقون من الفضاوة

إقتباس الرسالة الأصلية كتبت بواسطة سارونه الأموره امووت واعرف .. فريق له عشر سنين بدون بطولات وفريقه كلهم بدو عتبان وقحاطين وحرث ومدري ايش وجمهوره من هواة المشاكل ومن اصحاب الباديه .

لا تعليق ياراعية الحضارة انتي

وبعدين وش دخل البدو في صلب الموضوع

عندك انا مثلاً

بكل فخر بدوي واشجع الهلال


الله يصلحك بس

اتمنى من الادارة تعديل الموضوع او حذفه


( لا فرق بين عربي او اعجمي الا بالتقوى )


تحياتي لك.

وفريقه كلهم بدو عتبان وقحاطين وحرث ومدري ايش>>>

وش فيهم البدو والقحاطين والحرث موب مسلمين

وبعدين ترا ياسر قحطاني

الرسول يقول ((لافرق بين أعجمي وعربي إلا بتقوى))

بالنسبة لصالح الطريقي هلالي وله تاريخ مرصع بالبطولات مع الهلال ايام عبد الله بن سعد الله يرحمه

وبعدين وش فيهم البدو حتى الهلال فيه بدو وان أكرمكم عند الله اتقاكم

انت بتطلعنا من التعصب الرياضي الى التعصب القبلي الله يسامحك
سوري لم انتبه ان صاحب الموضوع انثى والا كان وفرت مجهودي !!

ياشينك انتي وموضوعك بكل معنى الكلمة سخيفة حدآآآآآ

إقتباس فريق له عشر سنين بدون بطولات

عفواً فريق له 12 سنه يكمل الـ12 الموسم المنتهي يوم الجمعه

بعدين اختي لافرق بين عربي ولا اعجمي إلا بالتقوى

الله يهديتس بس

ـــــــــــــــــــــــــــــــــ

اخواني تحذير للي يرد

ترى الرابط اللي برد الزALHILALعيم

فــــــــــــــــــــــــــــــــــــــــايــــــــــــــــــــــــــــــــــــــــــــروس

ارجو ان مافيه احد يدخل الرابط

لذا جرى التنويه

شباب ما ادعو للعصبيه القبليه

مافيهم شي البدو يا اخوان

والله ونعم فيهم وفيكم

لكن كلنا نعرف ان جمهورا لباديه اغلبهم نصراويه

وشكرا على مروركم كل ابوكم

اسمعي يا شاطرة و بعيدا عن محتوى الموضوع


كتبتي هذي الجملة

((وفريقه كلهم بدو عتبان وقحاطين وحرث ومدري ايش))

هذولا أبناء قبائل مشهورة و لها سمعتها بالبلد ما تجين حضرتك تقللين من قيمتهم


بس ما ألومك بنت و مرتزة معنا بالمنتدى و الله يعيننا على كتاباتهم

و يا ليت كل ما تجي بنت تكتب موضوع زي كذا احذفوا

و دمتم سالمين

اختي لافرق بين عربي ولا اعجمي إلا بالتقوى

شباب شفيكم حطمتوني

الي يقول الموضوع سخيف والي يقول

لاعاد تكتبين

والله حاااااااااااااااله

والله عيب عليكم

اقل شي تراعون المشاعر

يعني ترضون احد يجي ويقول انك بايخه !!

قسم بالله انكم جرحتوني

مشكله اذا كل عضو رديتو عليه بهالطريقه

مافيه اي تحضر

وبعدين اذا قلت البدوي نصراوي صرت اجرح في قبيلته !!

اعتقد ان الطفل الي كتب هالكتابه مو الي يقول البدوي نصراوي


صارت الكوره تفرق قبايل اجل وصار التشجيع عيب !!