#1  
قديم 05/06/2007, 02:24 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
ابو فيصل والعلمانية ( دعوه للضحك )

بسم الله الرحمن الرحيم

تحية طيبه لاعضاء منتدى الزعيم الكرام

نصيحه من اخوكم الصغير .. . انسوا البطولة اللى ضاعت . . ولاتضيقون صدوركم . . مقبلين بااذن الله على خير

حبيت اغير هالجو الحزين بقصه واقعيه حصلت لواحد من الشباب اسمه ابو فيصل ...
نبذه عن ابو فيصل

ابو فيصل : مجموعه من الخبال .. ماايدري وش يبي بالظبط من الدنيا
العمر : فوق الثلاثين بواجد .. . شكله فوق الميه والثلاثين بواجد . .. التفكير مرات : فوق الثلاث سنوات بشوي

كل يوم له هوايه .. مره طلعات للبر . . وعلى ذكر البر والطلعات مره واعدنا وكنا في البر وانه يلحقنا بعد مايطلع من دوامه .. وقبل مايجي والا حنا شابين الضو ونتقهوا .. وابريق الشاهي على الضو . . وش هاكا الشاهي الخاثر والسوالف المسكته . . ويجي ابو فيصل . . ويسحب جلنط ( غير مسؤول ) ويحوس الجلسه ويكب عشانا ( يعني جلستنا ) ويغبر فينا ويدخل بالشاهي تراب .. وتطفى النار .. الله يكفينا شر النار .. . يوم نزل من السياره والا الرجال طربان . . ويرقص على انغام .. ( نانسي : مافيني اعيش الا معك ) والا والله معصبين ودنا نفرشه . . قلنا ياولد خله مبسوط يمكن .. . رقص له كم رقصه وشكشك كم شكشكه .. ولو ان الشكشكه مهيب لايقه عليه ابد ..( عطفا على الخشه ) . . خلص من الرقص وجاني
قلت وش يبي ذا ؟؟؟ ومعه زقاره !! قالي : يابو طلال .. منيب اشوفك تصلي ياخوي ؟؟ الا الصلاة وانا اخوك!!!
شفت وجهه والا الرجال قلب وجهه جدي . .. ماكانه هو اللى يرقص من شوي ومعه زقاره . . ضحكت وماتو الربع من الضحك .. قلت ان شالله .. ابشر ... بس طف زقارتك والا طس وابعدها عن وجهي .. قالي سم سم ... ( خبل والله )

المهم .. مالكم بالطويله ( وش عقبه )
انتهت طفت البران .. وطاح بالنت . . وخلاها ..... يوم طاح بالغزل .. وماادراك مالغزل .. عاد متزوج وابو عيال وشين ( ياربي لك الحمد ) والا يبي يصير راعي بنات .. ( كاوبوي ) هههههه
تعرف على واحد مغزلجي من الرياض واتفق هو واياه على انه يجيب له بنت ..( ناوين يفلونها الليله ) وكان الموعد في بيت ابو فيصل بعد مايودي عياله لاهلهم ... جاء اليوم وراح يودي عياله لاهلهم ورجع للبيت والا الرجال ومعه البنيه عند بيته ... دخلهم .. وراح يغير ملابسه .. يبي يكشخ الولد . .. ( طق الترنق الاخضر الضيق مره .. ابو خط .. وعليه علامه وزاره المعارف ) لبسه وتتطيب بعلبه ( سفن اب انما ايه ) على قوله عادل امام
سبحان الله ويدخل بالمجلس ويقعد عند الرجال والبنت ..ناوين يسهرون ويمرحون ويسرحون . .. شوي وبعدها بساعه والا زوجته رجعت للبيت .. ناسيه شي تاخذه معها ظروري . . يوم دخلت للبيت والا زوجها طاق البدله .. ويرقص بالمجلس وعنده رجال وحرمه لابسه ( هشك بشك ) ...
طبعا هو ماعلمني وش صار بالظبط . بس اعرف زوجته شديده والموقف صعب .. فااكيد انه شطب من السالفه ( الكف ) اللى جاه ههههههههه
طبعا طلعت وراحت بيت اهلها .. وحلفت ماترجع والا تبي ورقه الطلاق .. جاني ذيك الليله وسولف علي . . وانا بداخلي والله اضحك وبنفس الوقت راحمه .. .. خلوني اعلمكم ليه راحمه .. لانه انكشف قدام عيال وبيته راح ينهدم والشي الثاني انه اول مره يخون زوجته . . حتى مابعد خانها المسكين ......
الشي اللى اضحك عليه فيه ... هو اللى خلاني اكتب لكم هالقصه ..
سلمكم الله بعد ماكشفته المره . وقالي هو السالفه .. قلت طيب وش قلت لها ؟؟ قال : قلت لها ان هذا خويي ومعه مرته وهي علمانيه !!!!!!!!!!! والعلمانيات عادي عندهم كذا وهو عادي ماتتغطى مرته .. هو قالها والا ماقالها وانا اطيح واتسدح من الضحك . . بصراحه فكره ّ! شلون جابها ابو فيصل . . اصلا ماعنده غير هالعذر .. . قلت له وصدقت المره .؟؟ .. يقول ان شالله تصدق !!! بصراحه ياجماعه ماتحسون ان ابو فيصل رغم دلاخته السابقه الا انه بكلمة ( علمانيه ) اثبت انه سريع البديهه وفطن .. الملعون .. .. والا وش جاب له هالكلمه وهالتعبير وهو في هالحاله !!!

ابشركم الرجال الحين في بيته ورجعوا له عياله بعد سالفه العلمانيه . . وتدخل الاقرباء ورجاحه وتسامح زوجته
لكن ماانصح اي متزوج بهالعذر .. ماكل وحده بيمشي عليها كلمه ( علمانيه ) غير مثلا قل لبراليه ... اشتراكييه .. يعني بدل .... .... اتمنى اني ماطولت عليكم واني داري بطوالت هرجي ..بس ان شالله تكون السالفه اعجبتكم وافادة الاعضاء ;)
على الاقل تطلعهم من حاله الحزن بعد البطوله .. وان شالله البطولات قادمه ... نسيت اعلمكم ان ابو فيصل هلالي
واللى يبي يوقع له ابو فيصل على اوتوغراف يعلمني او يرسلي

تحياتي للجميع
اضافة رد مع اقتباس
  #2  
قديم 05/06/2007, 02:47 AM
زعيــم مميــز
تاريخ التسجيل: 05/03/2006
المكان: الرياض
مشاركات: 3,623
هههههههههههههههههههههههههههههههههههههه
شكل خويك ذا منسم
اضافة رد مع اقتباس
  #3  
قديم 05/06/2007, 04:11 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,234
الله يقطع ابليسك علمانيه



ههههههههههههههههههههههههههههه ويشكشك قدامها


وعلمانيه عادي الواحد يرقص عندها
اضافة رد مع اقتباس
  #4  
قديم 05/06/2007, 05:59 AM
زعيــم متواصــل
تاريخ التسجيل: 18/05/2005
مشاركات: 127
الله يسلمك أخوي أبو طلال أنت وابو فيصل

بصراحة أبو فيصل ذا من سوالفك رهييييييييييب

أحلى شي يوم غبر عليكم وعلى الشاي وعلى العشاء في البر

شكله نكته الله يسعده
اضافة رد مع اقتباس
  #5  
قديم 05/06/2007, 07:38 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
هلا ابو طلال ..

خويكم هذا احس انه منتهي إلا شوي ..
وهذي النوعيه دايم تحب المغامره والتجارب .. ولو كانت اثارها سلبيه ..

ولكن بقول لك .. تقول ماخانها .. اصلا بمجرد مكالمه مع فتاة تعتبر خيانه !!
لكن الحمد لله ان زوجته ماصارت فطينه ورجعت به ..

واتوقع ماراح يكررها ثانيه ..

بالتوفيق ,, دمت بخير
اضافة رد مع اقتباس
  #6  
قديم 05/06/2007, 09:32 AM
الصورة الرمزية الخاصة بـ Hilali88
زعيــم مميــز
تاريخ التسجيل: 28/02/2007
مشاركات: 5,535
والله الموضوع حلو و هالنوعية من الناس دايم عندهم طلعات غريبة مثلاً
يدخن وينصح بالصلاة

يسب وينصح بالحياء >> حصلت معاي

ياكل رز مع بيبسي دايت


إقتباس
الرسالة الأصلية كتبت بواسطة ابو طـــــلال
ماكل وحده بيمشي عليها كلمه ( علمانيه ) غير مثلا قل لبراليه ... اشتراكييه .. يعني بدل .... ....

وإذا خلصوا قل صهيونية
اضافة رد مع اقتباس
  #7  
قديم 05/06/2007, 09:47 AM
الصورة الرمزية الخاصة بـ هامور البورصه
عضو سابق في اللجنه الإعلامية
تاريخ التسجيل: 13/08/2005
المكان: الرياض
مشاركات: 7,426


من جد الانساان هذا احس انه ذوووق

اجل لابس ترنقه خضراء وسترتش

وعليها خطين بيض من النحيادي ومن النحيادي

ولا تلاقيه دب ولحم متهدل ياعيني يا عيني

بس يااخي اعوذ بالله متزوج ويفكر في هالامور وش خلالنا حنا يالعزووبيه

يااخي ماتخيل نفسي بعد كم سنه اذا تزوجة بكون مطيح ع النت ان شاءالله رااح اخفف

دخلاتي عليه لاني صرااحه صاارت مدمن

على العموم الله يستر علينا ولا يحطنا بهالموااقف وتبي الصرااحه والله يامرته كافشته

انه كذااب بس ممشيتها عليه
اضافة رد مع اقتباس
  #8  
قديم 06/06/2007, 12:20 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
هلاااااااااا والله بالجميع ... فردا .. فردا .. عضوا ..عضوا .. شخصا .. شخصا ...

اتمنى عجبتكم القصه .. بطوله ابو فيصل ( الدغه )

هلالي _الوادي
إقتباس
هههههههههههههههههههههههههههههههههههههه
شكل خويك ذا منسم

شويه عليه منسم .. الا قاضي !! <<<<< ( بأي محكمة )؟!

تسلم على المرورو والحضور .. وربي يسعدك


زعيم قحطاني
إقتباس
الله يقطع ابليسك علمانيه



ههههههههههههههههههههههههههههه ويشكشك قدامها


وعلمانيه عادي الواحد يرقص عندها


هههههههههههه العلمانيه يعني فاصخه الحيا .. هذا مفهومه ياحبنيله . .. مثل بعض الربع .. ترى فيه ناس مهوب بعيدين عنه
شكرا لمرورك اخوي وخلنا نشوفك لاتقطع


هلال برشلونة
إقتباس
الله يسلمك أخوي أبو طلال أنت وابو فيصل

بصراحة أبو فيصل ذا من سوالفك رهييييييييييب

أحلى شي يوم غبر عليكم وعلى الشاي وعلى العشاء في البر

شكله نكته الله يسعده

ويسلمك اخوي وربي يسعدك على مرورك وحضورك .... واما سوالفه رهيبه فهي رهيبه جدا .. خصوصا اذا انعميت من الغبار ههههههههههههاااي


الكــلاسيكي
إقتباس
هلا ابو طلال ..

خويكم هذا احس انه منتهي إلا شوي ..
وهذي النوعيه دايم تحب المغامره والتجارب .. ولو كانت اثارها سلبيه ..

ولكن بقول لك .. تقول ماخانها .. اصلا بمجرد مكالمه مع فتاة تعتبر خيانه !!
لكن الحمد لله ان زوجته ماصارت فطينه ورجعت به ..

واتوقع ماراح يكررها ثانيه ..

بالتوفيق ,, دمت بخير

هلابك اخوي كلاسيكي .. ..
صحيح ان النظرة تعتبر خيانة ,... بس في قاموسنا الخيانة في حالة ال ( شرم برم ) ... (دبر عمرك وافهمها)
يقولون مره حرمه دخلت على زوجها وعنده حرمه ثانيه .. وقامت تصارخ وتصيح وتبكي .. يوم قالها انها زوجته بالحلال .. قالت ( هذي العن ) ههههههههههه يعني مفهوم الخيانه متفاوت من زوجه واخرى .. حسب التفكير والتربيه والعادات .. وا و ...
شكرا لك اخوي ولمرورك ولاتحرمنا من تعليقاتك


Hilali88

إقتباس
يسب وينصح بالحياء >> حصلت معاي

ياكل رز مع بيبسي دايت

كنك تشوف ابو فيصل .. هذي حركاته هههههههههههههههاااي ..اثرها الحاله متفشيه ؟؟؟ حسبتها بس معه

يطولي عمرك اخوي على التعليق والحضور وتسلم ...


هامور البورصه
إقتباس
ولا تلاقيه دب ولحم متهدل ياعيني يا عيني

هههههههههههههههههههههههه لا وين .. معصقل ماتشوف الا ظروسه ,, عموما مالقيت له وحده من هالرسمات تشبه له بس اقرب ماله هالوجه ( ) بس من غير نظاره ههههههههههه

يسلموووو هامور على الحضور ولاتحرمنا من شوفاتك يالغالي

وللحديث بقيه ..... مااحد طلب توقيع ابو فيصل ؟؟ ههههههههههههه
اضافة رد مع اقتباس
  #9  
قديم 10/06/2007, 10:12 AM
زعيــم نشيــط
تاريخ التسجيل: 16/09/2004
المكان: الرياض
مشاركات: 723
مرحبا أبو طلال ..

صراحة أبو فيصل تحفة .. ( بس من طين ) .. ههههههههههه

وأنا أبيه يوقع لي .. وألا يبصم لي بشعار الوزراة ألي على الفنيلة .. هههههههههههه

تحياتي
اضافة رد مع اقتباس
  #10  
قديم 11/06/2007, 09:17 AM
زعيــم متواصــل
تاريخ التسجيل: 02/02/2006
المكان: جده -&- الظهران
مشاركات: 66
من كثر الصور عجزت اقرا الموضوع
اضافة رد مع اقتباس
  #11  
قديم 11/06/2007, 11:34 AM
زعيــم مميــز
تاريخ التسجيل: 23/12/2006
المكان: في (((قلب))) كل هلالي
مشاركات: 3,917
هههههههههههههههههههههه مشكوور والله ذا مهب صاحي
اضافة رد مع اقتباس
  #12  
قديم 12/06/2007, 02:20 PM
زعيــم مميــز
تاريخ التسجيل: 05/10/2006
المكان: فـــي عيــــن أبــــــــوي :)
مشاركات: 1,673
إقتباس
الرسالة الأصلية كتبت بواسطة هلالي _الوادي
هههههههههههههههههههههههههههههههههههههه
شكل خويك ذا منسم

إي والله هههههههههههههههههههههه
اضافة رد مع اقتباس
  #13  
قديم 12/06/2007, 03:43 PM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
بقايا عطا
إقتباس
مرحبا أبو طلال ..

صراحة أبو فيصل تحفة .. ( بس من طين ) .. ههههههههههه

وأنا أبيه يوقع لي .. وألا يبصم لي بشعار الوزراة ألي على الفنيلة .. هههههههههههه

تحياتي

مرحبا الف .. اخوي .. وهلابك والله ... ( تحفه من طين ... وكمخه من عجين ) هههههههه

طلب التوقيع قيد التنفيذ انتظر اتصال من الشركة الراعيه لابو فيصل وابشر بالتوقيع

شرفنا حضورك ومرورك ولاتحرمنا من شوفتك


عبدالله التـويجري
إقتباس
من كثر الصور عجزت اقرا الموضوع

ودي والله اساعدك بس مدري شلون ؟!! بس اعتبر انك قريتها ومشكور على الرد والتفاعل الرائع ( ومن هالكلام )


حـفـيـد مؤسس الهلال
إقتباس
هههههههههههههههههههههه مشكوور والله ذا مهب صاحي

ترى له ولد اسمه فيصل كبرك .. وش رايك اعرفك عليه .. واصير انا مع الابو وانت مع الولد .. وانواع تنزيل مواضيع عنهم ؟؟ههههههه ( تقولي وش يدريك عن عمري .. اقولك شفت موضوع مستوى الاعضاء الدراسي ) وانصدمت من مؤهلات بعض الاعضاء .. ياانكم بزارين .. او اني شايب .. وحده من الثنتين هههههههههه
لااحد يعصب على كلمة بزر .. ياليتني بزر .. واحد يسلفني مبزرته تكفون واسلفه شيخوختي
اضافة رد مع اقتباس
  #14  
قديم 12/06/2007, 04:35 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
هلا وغلا اخوي ابو طلال

وصدقني سلفة خويك ماهي طبيعية

اجل علمانية خخخخخخخخخخخخ

الله يرج ابليسك انت واياه ...

بس عساه يتوب عقب ها الدرس وما يماشي علمانيات ولا علمانين

مشكور ياغلي على القصة ..

والله يعطيك العافية ,,,
اضافة رد مع اقتباس
  #15  
قديم 12/06/2007, 05:42 PM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة ماجد مقبل
هلا وغلا اخوي ابو طلال

وصدقني سلفة خويك ماهي طبيعية

اجل علمانية خخخخخخخخخخخخ

الله يرج ابليسك انت واياه ...

بس عساه يتوب عقب ها الدرس وما يماشي علمانيات ولا علمانين

مشكور ياغلي على القصة ..

والله يعطيك العافية ,,,


هلابك والله اخوي ماجد ... نورت الموضوع بوجودك .. وصاحب الموضوع ( ابو فيصل مهوب انا )
وكاتب الموضوع ( انا ) ولاتزعل

بس بصراحه اخوي ماجد ؟؟ ماتحس انه فطين !! يعنى يطلع منه على هالتصرف !! هههههههههه

حياك اخوي ومشكور على حضورك ومرورك ولاتحرمنا من شوفتك
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:46 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube